春天燕来（二）
Xingl nguedx inv map liamx jenc jih， | 春天燕来盘山岭， |
Seip nuv juh jiul | 细看情人 |
bix duc jiuv guiuc nyanl nyih | 做那二月阳雀 |
xonv map buih xingl wangc. | 常来催春耕。 |
Naih yaoc nyinc xongl bail pangp | 今我年岁已高 |
nyac xah baov jiuv wap langc laox， | 你会说我年纪老， |
Naih yaoc weex ongl yaop laox dav jemh | 今我做棵深冲枫树 |
yaot eengv wap dah dangc. | 只怕花过时。 |
Naih yaoc heit yuv jaeml nyac | 今我约你 |
lidx dangc fuh siip | 拆散表亲 |
baenv maoh daengh eep | 放他离弃 |
yaot nyac juh siip meec map | 又怕你姣不来 |
xingc ags douv yaoc naemx dal dogl， | 各自丢我眼泪流， |
Naih yaoc xogp juh jaenv jaenv | 今我长久思恋 |
jiul seik muc nyenc liangc. | 无人跟我来商量。 |
Naih yaoc lis sungp xaop nyangc dos longs | 今有你的话在心 |
maenl yaoc xangh liingx jenc | 我白天上山 |
pangp sags ongl | 去干活 |
dah oc semp xongl wuic xangk | 内心细想 |
ags map daengv sais bens， | 各自折磨自己， |
Songc dens weex eis biingx xangk | 当初想不周全 |
ags map pak sais langc. | 才来伤郎心。 |
Sungp lemc lix mih | 花言巧语 |
xik nyac juh nyaoh jaenx， | 你遂在身边， |
Naih yaoc kent juh aol sungp | 今我逼姣要话 |
xik nyac juh nyaoh yangp. | 你却居他乡。 |
Naih yaoc heit yuv | 今我还要 |
jaeml xaop maix banx | 别人情伴 |
weex duc bal bigx jungh dangc | 做鱼共塘 |
xah yaot xaop nyangc | 又恐怕你 |
siip bail lic daengh buih， | 游往别处去， |
Naih yaoc nuv nyac | 现我看你 |
xeenp liemc mogc xuh | 山林树木 |
nyaoh aox jenc pangp | 长在高山上 |
yah meec wenp longl | 不见成林 |
daol buh nanc map | 我俩难得 |
aol nyil jinc jungh yangl. | 要那秧共田。 |
Naih yaoc nyimp xaop maix banx | 今我跟你情伴 |
weex il daemh nyanl | 快乐开心 |
aol weex wanp daemh buh， | 一段时间， |
Nyimp xaop maix banx | 跟你别人妻子 |
weex il daeml buh | 同玩一段时间 |
ait jiul saemh nyenc liangp. | 害我一生恋。 |
Naih yaoc jiml dinl baov lic | 今我移脚想离 |
went xup siip xangk | 突然间想 |
yaoc buh naengl map aenh nyac | 我也还来恋你 |
nyenc gueenv aov， | 旧情侣， |
Denv touk bags naih | 想到这话 |
yaoc yah gaiv nyac waih sinp jaengl. | 我为你伤悲。 |
Denv touk bags naih | 想到这话 |
jiul xingc meenh xangk gungc， | 我无限思量， |
Naih nyac memx xiv ags longl | 如今你虎各一山 |
xingc agc douv yaoc | 各自丢我 |
weex duc liongc ags nyal. | 做条龙各河。 |
Xenl xangk yac daol | 本想我俩 |
weex duc seit meix liongc wangc | 做对雄雌龙王 |
jungh jiuc angl hac | 同条河 |
xongv oc jeenh bial nyaoh， | 共个龙王殿， |
Naih nyac weex daoh meec wenp | 今你做不了主 |
donh xih xangk xap | 想不周全 |
jiul seik dos meix al naih yangl. | 我才把这首歌来唱。 |
