上山干活
（1）
Jodx maenl bail jenc | 上山干活 |
jiul yah jodx maenl xangk， | 我思量， |
Juh jiul | 情人啊 |
mangc eis wangk fuh | 何不丢弃丈夫 |
xonv map daengh yaoc liangc. | 转来跟我谈。 |
Yac daol banl miegs | 我俩男女 |
weex banx angs lail， | 做伴讲好， |
Weex duc aiv xik jungh wuc | 做对鸡来共笼 |
weex duc nyuc xongv jonh， | 做那牛共圈， |
Jinc dangc dih donh | 田塘土地 |
map miac xongv xebt yanl. | 咱俩共栽秧。 |
Naih yaoc ebs naemx touk mieengl | 今我拦水进沟 |
eis xangk laox juh aox yanc | 没想你家老人 |
siip map beengv luih guis， | 又来放水进溪， |
Douv yaoc hedp nyamv suic suih | 丢我早晚苦闷 |
lis nyil dux yeml yangc. | 有颗心阴阳。 |
Maenl yaoc deml nyil biingc banx geel kuenp | 路边遇友 |
biingc banx haemk yaoc | 朋友问我 |
naih mangc nuv nyac miinh mogx dengv duml | 见你愁容满面 |
lis nyil sungc ags yangh， | 貌不如常， |
Kuenp mangc lis xangk | 心有何想 |
xongs nyil wac deil bangl. | 像那禾死秆。 |
Yaoc xonv daov baov biingc banx | 我转告朋友 |
fut mux sangx langc | 父母生我 |
nyangc jeml meec liingl | “娘金”不爱 |
xingc ags douv yaoc danl lenx saemh， | 各自丢我孤一生， |
Mingh bens dogl taemk | 命运低下 |
yah jav manx saemh langc. | 一辈空亏郎。 |
Biingc banx senp baov | 朋友劝告 |
fut mux sangx daol | 父母生咱 |
dogl laos siih yeep | 不逢时辰 |
xah wox yeep menl daengh， | 只会遇阴天， |
Nedc douc laengh nyanl | 日头逃月 |
maoh buh nanc xonv guangl. | 它也难转明。 |
Xangk touk sungp naih | 想到这话 |
yaoc yah pak sais ags， | 我心多伤悲， |
Jodx naih bail lenc | 从今往后 |
nyac nuv gal daemh miegs nuc geel nup | 剩下哪个姑娘 |
weex duc yiuh yenl ongp eev | 做只鹰鹞无架 |
jiul deenh nyimp maoh | 我就跟他 |
aol nyil mal jungh yanp. | 要茶共园栽。 |
（2）
Jodx maenl bail jenc | 上山干活 |
jiul yah jodx maenl nyenh， | 我就半天记， |
Jiuh jiul | 情人啊 |
Nyac mangc eis map | 为何不来 |
weex duc meeuc xih dogl taemk | 做只金鸡低飞 |
naengl jiul langc naih | 剩下我郎 |
suh map weex duc wangc lac yenl. | 就来做只老鹰擒。 |
Naih yaoc weex nyil lemc namc nyanl xenp | 今我做那春天南风 |
xenl xih gas nyac mas menl qak， | 正在你云朵来， |
Songc menl saox nyac aox yanc | 任你家中情哥 |
Weex duc liongc laox weenp wat | 做条老龙发威 |
eev oc gaos nyal qit laoh | 从那大河涨水 |
yaoc buh eis map | 我也不来 |
qeek maoh beeuc luih menc. | 怕他抛下河。 |
Maenl yaoc bail jenc | 白天上坡 |
bail oc dinl das senh， | 到那山脚站， |
Aol laic baengh guenv | 背靠树蔸 |
gas nyac juh xebc wenp. | 等待你情人。 |
Nuv nyac naemv sais nyenc yanc | 若你心恋情人 |
digs bix loux yaoc xongl sais gas， | 切莫哄我安心等， |
nuv nyac piat nas daengh duih | 若你翻脸跟他 |
jangs map lebc yaoc lioix denl lenc. | 快来告诉我退后。 |
Naih yaoc ank ngeenx benh xup | 今我眼看自身 |
xah wox meec daiv juh， | 难带你， |
Il bix naov tenk bial duc | 好比竹鼠拱岩 |
lis nyil dux daoc benl. | 有颗心伤悲。 |
Miodx lieeux nyanl xenp | 过了正月 |
lianx meec gal daemh miegs nuc geel nup | 不知还有哪个姑娘 |
nyimp yaoc jil nyil aenl nyanl nyih， | 跟我吃那二月芹， |
Saemp wox il naih xut oc mangv yeml | 早知这样愿守阴间 |
donh eis nyimp xaop maix banx daengl deml | 也不跟你情伴见面 |
xangh jux wanp lonh yenc. | 那还少忧愁。 |
Mus nyac ags mungx ags kuenp | 往后各走一路 |
xah wox menc nyil sungp singc aov， | 深知丢掉旧情语， |
Jods naih bail lenc | 从今往后 |
Nyac nuv gal daemh miegs nuc geel nup | 你看剩哪个姑娘 |
weex nyil amp daov denh saoc | 像那酸汤脚水 |
jiul deenh nyimp maoh taot saemh xenp. | 我就跟她结终身。 |
（3）
Jodx maenl bail jenc | 白天去坡 |
jiul yah jodx maenl sav， | 我就半天歇， |
Seik nuv juh jiul | 细看情人 |
weex nyil wac laengh douv yav | 做那秧离田块 |
xingc ags baenv jiul langc dah wap. | 各自丢我郎过时。 |
Xenl xangk yac daol | 本想我俩 |
Il bix nyanl nyimp wangc xeeuc | 好比群星伴月 |
weex duc meeuc jungh jih， | 做对雉共山， |
Nyih jus jids siip | 二九结亲 |
weex nyil ngaih wul bial. | 像那岩上艾。 |
Naih nyac nyangc ags bail jenl | 今你嫁他人 |
xingc ags douv yaoc wenp nyenc sigt， | 丢我郎孤单， |
Angl us sigt jiuv | 朝夕孤苦 |
dogl naemx dal. | 泪涟涟。 |
Nyinc jaengl nguedx yais | 年长月久 |
daengv jiuc sais langc lonh， | 使我心肠乱， |
ongp nyenc daengh sonk | 无人帮算 |
xonv map gonh peep sac， | 又来转炉旁， |
Qamt dah banc lanl | 走过对岸 |
gobs map ank mogc xuh， | 只来望榕树， |
Semh juh eis deml | 找姣不遇 |
gobs map qingk nyil lemc dah kap. | 只来听那风过耳。 |
Lemc xuip jenc jal | 风吹草坡 |
bav kaemk luih， | 叶下垂， |
Naengl jiul langc naih | 剩下我郎 |
lianx nuc banc buih | 无人做伴 |
xongs nyil buil yemv mac. | 像那火焰熄。 |
Seik nuv juh jiul | 细看情人 |
bix duc diul uih yuih biac | 好比眉恋树 |
nyac ags nyimp nyil saox nyac | 你跟别人 |
weex duc bal yuih sanh， | 做对鱼戏滩， |
Naih nyac bix duc nganh ngac semh nul | 今你做只树尖天鹅 |
xingx ags wangk jiul juh singc xap. | 各自丢我郎孤单。 |
