请你姣帮想
（1）
Wanp wanp xongl kap | 静静地听 |
yaoc dos meix al | 我唱首歌 |
xais xaop nyangc daengh xangk， | 请你姣帮想， |
Dos nyil sungp wap biedc biangh | 说些苦情的话 |
map oc geel juh yangl. | 来你身边叹。 |
Xiut yenv xebc denx aox yanc daih mangl | 只因我家产少薄 |
douv jiul langc dah liungh， | 弃我郎过边， |
Jinc xongl eis sungh | 田地不多 |
douv langc danl. | 丢我成独汉。 |
Naih yaoc aol meec lis nyac | 今我娶不得你 |
heit yuv sugx uc jil xail | 真想吊颈吃药 |
xonv map ait laox lonh， | 又怕老人忧， |
Naih yaoc nyih xic xonv xangk | 后来我又细想 |
xangk touk fut mux aox yanc | 想到家中父母 |
lis nyil nyinc pangp jangc jonh | 年老力衰 |
donh eis ams deil | 又不敢死 |
yah jav deic soh langc. | 那才把命留。 |
Miinh singc eis guangl | 面无喜色 |
ags map yangl dos mingh， | 常来怪命运， |
Juh lis baenl bieengh | 你有翠竹 |
xaop xingc aov xunk nangc， | 各自早生笋， |
Naih yaoc bix ongl yint laox ongp naenl | 如今我像株麻栗无果 |
xah wox maenl yangc av， | 只会枯枝干， |
Xuip nyimp juh wah | 既然来跟你讲 |
mangc eis weex nyil munc eiv angl. | 为何不做雾盖。 |
Dah lieeux saemh sop | 过了老辈 |
taot saemh siik， | 换晚班， |
Heit eis jids nyih | 再不结亲 |
lis nyil nyinc bail pangp. | 年纪已长老。 |
Deenh nyimp juh liangc | 试跟你讲 |
aol weex lieeux meix xangk， | 使我了心思， |
Dabc yeep eis wangh | 网撒不开 |
xonv map ebc bial wangc. | 任它挂岩头。 |
Banx nyenc mingh lail | 别人好命 |
maenl maoh samp eengl sabp aiv map daenl | 一天三次捉鸡来卜 |
maoh xingc lis nyac nyangc jeml | 他才得你“娘金” |
sags nyil ongl jungh dih， | 共地劳动， |
Naengl jiul langc naih | 剩下我郎 |
meec maenl samp eengl sabp aiv map liih | 有天三次捉鸡来卜 |
lieenc map lis lagx xiih kaemk dangc. | 立马倒在“些”鬼堂。 |
Xedt manc weex xenl | 瞒真作假 |
wenp duc nyenc sagp luh， | 做人拦路人， |
Il nup lis juh | 怎样得你 |
map miac weex nyil wac jungh sangp. | 我俩做那禾共根。 |
Xebc beds eis daml | 十八已过 |
bail oc samp xebc mieeh， | 只好到三十才细想， |
Nyac nuv gal daengh miegs nuc geel nup | 你看剩下哪个姑娘 |
weex duc yiuh weengc ongp eev | 做只纹鹞无架 |
jangs map lebc jiul langc. | 快来告知郎。 |
Naih yaoc eis lis wangc namc | 如今我没“明磺”片 |
jiul seik yah songc begs， | 就用“松明”照， |
Deenh lis doh sebt bav donc | 如得圆叶豇豆 |
songc begs bav siik | 针叶松树 |
yah jav deic map ligt buil xangp. | 只好拿它当灯亮。 |
（2）
Wanp wnap xongl kap | 静静地听 |
yaoc dos meix al | 我唱首歌 |
xais xaop nyangc daengh xangk， | 请你姣帮想， |
Naih yaoc donh duc xogp juh | 今我诚心爱你 |
xik nyac buh meec liangp， | 而你却不爱， |
Sungp dungl yac daol | 我俩的话 |
Nyaoh oc jus nyinc jus | 在那年十八 |
naih nyac juh xangp eis luh | 今你情人不跟 |
jiuc xingc duh dongl yangl. | 我就长叹息。 |
Yangl touk hedp lenc | 等到明晨 |
yemc yangh guangl menl， | 天刚蒙亮， |
Banx jav ugs oc dav bianv sags ongl | 别人前往田坝劳动 |
jiul xingc ongp duc nyenc daengh sonk | 我却无人来帮算 |
dogc langc ags lonh | 独我沉闷 |
xonv map gonh dinl langc. | 又来转檐廊。 |
Maenl yaoc meec xup meec xangk | 我不思不想 |
xangx jux lic naih nyaoh， | 那还强勉坐， |
meec maenl yaoc wudc xup wuic xangk | 有天我想来思去 |
xangk touk nyac nyenc singc juh xangp | 想到你的情的人 |
xaop guanl maix maoh | 名他人妻 |
douv yaoc ags nyaoh ags sonk | 丢我独居自算 |
yaoc anl gaiv juh lonh taemk pangp. | 我因为你愁高低。 |
Maenl yaoc bail jenc | 白天上坡 |
xangk touk nyac nyenc singc juh xangp | 想到你有情的 |
lianc meec sungp mangc baov map | 从没句话说来 |
nyimp jiul langc angs jiuv， | 跟我讲私语， |
Jodx naih bail lenc | 从今往后 |
nyac ags jiml dinl bail maoh | 你各自举足嫁他 |
xingc ags douv jiul langc nyaoh danl. | 只有剩我郎单身。 |
（3）
Wanp wanp xongl kap | 静静地听 |
yaoc dos meix al | 我唱首歌 |
xais xaop nyangc daengh xangk， | 你请姣帮想， |
Naih yaoc langc deic sais jangh | 如今我心肠拿定 |
baov nyac digs bix | 劝你切莫 |
dos nyil miinh sinc mangl. | 说那谈情话。 |
Banx jav lis daengc begs denx dos miac | 他人有百担在手 |
maoh xingc lis nyac nyenc singc nyih， | 他才有你情人跟， |
Naengl jiul langc naih | 剩下我郎 |
lis lagx jinc dangc yav mieengl | 有那沟边小田 |
jinc dangc yav liamt | 阴山田丘 |
bens lianx touk kangp | 少见阳光 |
wox dah geel nup | 知从何处 |
aol nyil yangl weex daih， | 育那秧长大， |
Xangk touk sungp dungl bags naih | 想到这等话语 |
yaoc yah gaiv nyac waih sinp jangl， | 我才为你伤心肠， |
Maenl yaoc xangh liingx jenc pangp sags ongl | 有天登上高山干活 |
xangk touk nyac nyangc | 想到你姣 |
wox weex li nup | 晓得怎样 |
touk oc geel bal juh senh | 到你膝边站 |
nyenh lix xaop nyangc， | 亿你的话， |
Naih yaoc aol meec lis juh | 今我娶不得伴 |
jiul xingc duh dongl yangl. | 我只好长年叹。 |
Banx nyenc mingh lail | 别人好命 |
xonc map banx meec lonh， | 那他从不忧， |
Douv yaoc ags sonk | 丢我独自细算 |
jiul xingc yangl duh dongl. | 我才四季愁。 |
