嘟不嘟峙岛 [1]
Dub Bwb Dub Shit Daol
Nik ghad shit bof ndaot hnwd ndaot qak niex， | 是谁看见制弩的桑树， |
Zeuf Nggab Yib Git Zait zak ndlangl ndlangl？ | 生长在安仪格寨 [2] 悬岩上？ |
Nik ghad shit ndros maol bof？ | 是谁齐去见？ |
Dub Chib Dub Ndlwl nik ab lwb nub vaod ndros maol bof. | 是那嘟蚩嘟娄 [3] 俩郎舅齐去见。 |
Dub Chib Dub Ndlwl nik ab lwb nub vaod jik maol hxod， | 嘟蚩嘟娄俩郎舅便去磨， |
Hxod nik ghab driel jox maol ndod， | 磨那利刀拿去砍， |
Ndod nik ghab got lol dret hnwd. | 砍那树根来制弩。 |
Dub Beb Dub Shit Daol jik mas jox， | 嘟不嘟峙岛 [4] 便拿起， |
Jox ghab driel shib ngaik hnied， | 拿那锋利的砍刀， |
Ndod ndaot gib nieb raot ghab jis. | 砍那岩桑好树枝。 |
Dub Chib Dub Ndlwl nik ab lwb nub vaod at， | 嘟蚩嘟娄俩郎舅拿来造， |
At daot hnwd bit khot hnwd hxak caik. | 造得强弩坚又硬。 |
Dub Beb Dub Shit Daol at， | 嘟不嘟峙岛， |
At daot hnwd bit khot hnwd nzhiet zhal. | 做得硬弩坚又强。 |
Dub Chib Dub Ndlwl nik ab lwb nub vaod ntried jid dlangb， | 嘟蚩嘟娄俩郎舅寻神路， |
Dub Chib Dub Ndlwl nik ab lwb nub vaod zox nghaix ghwb. | 嘟蚩嘟娄俩郎舅追随猎物后。 |
Lib ghat laol dox nghaix gangb， | 老人们追寻猎物道， |
Dub Beb Dub Shit Daol dox ndraif jid， | 嘟不嘟峙岛走正路， |
Dub Beb Dub Shit Daol cok ncib cok nzaol ndraif jid. | 嘟不嘟峙岛路上设猎套。 |
Zos ghat dangd nik naox chaik， | 到了中午那时刻， |
Naob ghat dil ndaox lol njaol， | 受惊的野物窜来到， |
Dub Beb Dub Shit Daol jik mas bod， | 嘟不嘟峙岛抬弩射， |
Bod naob ghat dik jiet did ndus jid， | 射那野物倒路中， |
Dleuk bib hkob kaob sib lak mas ved， | 解下蓑衣来盖住， |
Ved naob ghat dik jiet did ndus raod. | 隐藏放在林子边。 |
Dub Chib Dub Ndlwl nik ab lwb nub vaod ndros， | 嘟蚩嘟娄俩郎舅， |
Ndros lib ghat laol lol njaol， | 与那老人们齐来到， |
Dub Chib Dub Ndlwl nik ab lwb nub vaod nus： | 嘟蚩嘟娄俩郎舅开口问： |
Diek bof naob ghat dik deuf lol nid？ | 是否看见猎物窜来到？ |
Dub Beb Dub Shit Daol shit hik shaid： | 嘟不嘟峙岛讲假话： |
Naob ghat dik qaot leuf dangk. | 窜出的猎物过去了。 |
Dub Beb Dub Shit Daol dleuk baob khob kaob sib lak mas ved， | 嘟不嘟峙岛解那蓑衣来盖住， |
Ved naob ghat dik jiet did ndus jid. | 隐藏猎物在路边。 |
Dub Beb Dub Shit Daol gos Dub Chib Dub Ndlwl keuk naob ghat dik drik， | 嘟不嘟峙岛让嘟蚩嘟娄俩郎舅拿那猎物背， |
Drik maol haok jeud. | 背去吃酒。 |
Mas maol haok jeud dlat nik ghad dyul ix？ | 背到谁家去吃酒？ |
Haok dlat Ghat Sangb Yab Zit Laol， | 到敢尚呀主老 [5] 家去吃酒。 |
Ghat Sangb Yab Zit Laol ndis， | 敢尚呀主老， |
Ndis jeud mib sieb traot， | 装那清凉美酒来递给， |
Traot Dub Chib Dub Ndlwl nik ab lwb nub vaod haok jik. | 递给嘟蚩嘟娄俩郎舅。 |
Dub Chib Dub Ndlwl nik ab lwb nub vaod bod shit draob， | 嘟蚩嘟娄俩郎舅没射中， |
Nik ab lwb nub vaod haok shit daol. | 他俩郎舅不敢接。 |
Ghat Sangb Yab Zit Laol nus Dub Chib Dub Ndlwl Mis ghad shit dros bod draos？ | 敢尚呀主老问嘟蚩嘟娄俩郎舅谁射中？ |
Dub Chib Dub Ndlwl mas hik jik， | 嘟蚩嘟娄两人说， |
Mas yos Dub Beb Dub Shit Daol ndros bod draos jik. | 是嘟不嘟峙岛射中的。 |
Ghat Sangb Yab Zit Laol shit chat nzhws， | 敢尚呀主老不太信， |
Ghat Sangb Yab Zit Laol mas mab， | 敢尚呀主老便拿， |
Mab kaob dieb lib nggwb traot Dub Beb Dub Shit Daol bod， | 拿烂裙给嘟不嘟峙岛射， |
Dub Beb Dub Shit Daol bod ndros bod draob. | 嘟不嘟峙岛抬手便射中。 |
Ghat Sangb Yab Zit Laol shit chat nzhws， | 敢尚呀主老仍不信， |
Ghat Sangb Yab Zit Laol jik mas deuf， | 敢尚呀主老便拿出， |
Deuf niex nciek liel mal， | 拿出白花花的银子买， |
Mal Shab Ndraos Jox Dib Vaos niux aob ghat dyul， | 买沙蹈爵氐敖的壮水牛， |
Dub Beb Dub Shit Daol bod， | 嘟不嘟峙岛抬弩射， |
Bod niux aob ghat dyul draot bit dit id， | 射向那对面的水牛， |
Nik niux aob ghat dyul ghaof shit id， | 水牛倒的一瞬间， |
Nik did nggak ghaof shit ndlos bib lob dlat ndus dlix yas. | 旁边牛犊随声滚到河边。 |
Ghat Sangb Yab Zit Laol ndis jeud mib sieb traot， | 敢尚呀主老装清凉美酒， |
Traot Dub Beb Dub Shit Daol haok， | 给嘟不嘟峙岛喝， |
Dub Beb Dub Shit Daol mas hniaot haok. | 嘟不嘟峙岛不愿喝。 |
Ghat Sangb Yab Zit Laol nus Dub Beb Dub Shit Daol lad yad ghad shit？ | 敢尚呀主老问嘟不嘟峙岛想要啥？ |
Dub Beb Dub Shit Daol lad yad Dub Beb Dub Shit Daol mis ib yil nwx. | 嘟不嘟峙岛想成家。 |
Ghat Sangb Yab Zit Laol zhot Dub Beb Dub Shit Daol dlit， | 敢尚呀主老让嘟不嘟峙岛去摘， |
Dlit zid shib ghaob naox njis ndus jid. | 摘那红刺果路边吃。 |
Shit max nik ghad shit ndros yad naox？ | 有谁会来想要吃？ |
Ghat Sangb Yab Zit Laol ncaik Ngaox Nos lit maol mas yad naox. | 敢尚呀主老的女儿诰诺 [6] 上前去要吃。 |
Gaob nad Dub Beb Dub Shit Daol daot， | 这下嘟不嘟峙岛， |
Daot Ghat Sangb Yab Zit Laol ncaik Ngaox Nos hxek leuf dies dangk. | 得敢尚呀主老女儿诰诺带去成一家。 |
Max hnub Ghat Sangb Yab Zit Laol ncaik Ngaox Nos zhab mob lit zhal raot， | 有一天敢尚呀主老的女儿生病治不好， |
Ghat Sangb Yab Zit Laol ncaik Ngaox Nos zhab das leuf jik， | 敢尚呀主老女儿去世了， |
Dub Beb Dub Shit Daol shit baob dlangb jik， | 嘟不嘟峙岛不懂祭 [7] ， |
Beb Dub Shit Daol draik drod sib drod maol nus， | 嘟不嘟峙岛回去问， |
Nus Ghat Sangb Yab Zit Laol. | 问敢尚呀主老。 |
Ghat Sangb Yab Zit Laol jik mas mab， | 敢尚呀主老便牵出， |
Mab Nwt zhaob nwt lit chaod traot， | 牵出一匹灰色马， |
Traot Dub Beb Dub Shit Daol jwx lol zhut， | 给嘟不嘟峙岛骑来训， |
Zhut jik Gib Chib mis gib dlangb， | 训成了格蚩家的祭， |
Zhut yif Gib Chib mis gib dlangb yas. | 练成了格蚩家的习俗。 |
[1] 《嘟不嘟峙岛》：一首反映苗彝联姻的故事歌。演唱歌师：无名氏；采录者：王明基、张绍乔（英）、张继乔（英）；翻译者：王维阳。
[2] 安仪格寨：苗语译音，地名。
[3] 嘟蚩嘟娄：苗语译音，张姓杨姓（两人），郎舅关系。
[4] 嘟不嘟峙岛：苗语译音，人名，杨姓。
[5] 敢尚呀主老：苗语译音，人名，彝族领主称谓。
[6] 诰诺：苗语译音，人名，彝族领主的女儿。
[7] 不懂祭：指不懂彝族的葬俗。
