寻伴问侣- 贵州数字出版云村寨平台

Jax jul Jax dieed nriangb Jax jul Jax dad niangb	《贾》完《贾》又续，
lat jous lat soux jit hlat jus hlat sux jit	月终月复始。
jit Jax jit gongx seid jit Jax jit gongx hseid	续《贾》阐道理，
jit lil jit daot diangs jit lil jit det diangs	续理断纠纷。
Jax jit diot yeeb neel Jax jit diot yangb nangl	《贾》续于水淹，
lil jit diot gos daot lil jit diot gos det	理续于树没。
yeeb neel juf xongs lat yangb nangl juf xongs hlat	洪灾十七月，
kib bil juf xongs nriut kib bil juf xongs hniut	火灾十七年，
dangx jul seeb naix jub dangx jul hsangb naix jub	千人皆淹殁，
liouf jul beet ghab bul liuf jul bat ghab bul	百伴已沉完，
dangx jul dail nax vongx^[1] dangx jul dail nax vongx	淹光了水稻，
liouf jul dail nax beel^[2] liuf jul dail nax bil	沉尽了旱谷，
dangx jul dail daot meex dangx jul dail det mangx	淹光了枫树，
liouf jul dail daot dod liuf jul dail det dod	沉尽了朵树，
dangx jul dail jeeb^[3]loul dangx jul dail jeeb lul	淹光了巨杉，
liouf jul dail gheid zeet liuf jul dail gheid zat	沉尽了古松。
yangf jous daib Boux Jongx yangf jus daib Bex Jongx	仅存孩宝炯，
yangf jous jid Nios Zeef yangf jus jid Nios Zeef	仅存娃略则，
yangf gangx daib ghab kheeb yangf gangx daib ghab khangb	存双葫芦仔，
yangf gangx jid ghab xuf yangf gangx jid ghab xef	存对葫芦孩。
nib nriangb diot ghab kheeb nenx niangb diot ghab khangb	他躲葫芦中，
nib bus diot ghab xuf nenx bus diot ghab xef	她藏葫芦内，
laib kheeb dliol dliof neel laib khangb dliol dliof nangl	茫茫向南漂，
laib xuf dliol dliof jus laib xef dliol dliof jus	茫茫往北浮。
khab lot gheeb neel yeed khab lot ghangb nangl yangd	待洪水泄完，
bouk lot fend jus nriangb buk lot hfud jus niangb	待洪水消尽，
kheeb ghob ngal weix dab khangb ghongb ngal wix dab	葫芦落了地，
xuf ghob khad leit dos xef ghongb khad leit dos	葫芦搁了陆，
lol jas feeb seil naix lol jas fangb seil naix	世上已绝人，
lol jas khongd seil bul lol jas khongd seil bul	世间已无伴。
jous hveib diot pab bil jus hvib diot pab bil	拍手无法子，
jous nrid diot pab lob jus hnid diot pab lob	顿脚无计策，
jid ad vul vuf neel jid ad vul vuf nangl	兄妹茫茫走，
jid ad vul vuf jus jid ad vul vuf jes	兄妹漫漫游，
mil qab naix qid naix mongl qab naix qend naix	寻人做夫妻，
mil vangs bul dangt bul mongl vangs bul dangt bul	觅伴做配偶，
qid naix lol it niub qend naix lol ait hniub	为侣好繁衍，
dangt bul lol it xongd dangt bul lol ait xongd	做伴续人烟。
ob lax vangb vangb neel ob lax vangb vangb nangl	两个茫茫走，
ob dail vangb vangb jus ob dail vangb vangb jes	俩人漫漫行，
qab ghoud ab jas naix qab ghed ax jas naix	不见人踪影，
vangs ghoud ab jas bul vangs ghed ax jas bul	不见伴踪迹。
mil jas dail bul tid mongl jas dail bul tid	遇一株白刺，
mil jas dail bul vas mongl jas dail bul vas	遇一兜野刺，
jouf nais dail bul tid jef nais dail bul tid	就问那白刺，
jouf nais dail bul vas jef nais dail bul vas	就问那野刺：
mob nriangb diot ghab vud mongx niangb diot ghab vud	“你住在原野，
mob xud diot but^[4] gongl mongx hxet diot but gongl	你居在路边，
benf naix fud neel dot bongf naix hfed nangl dot	见人南来否，
jas bul fat jus dot jas bul fat jes dot	遇伴北往否？
bib vut qid naix jub^[5] bib vut qend naix jub	咱好与成婚，
bib vut xit ghab bul^[6] bib vut xit ghab bul	咱好与结合。”
bul tid jouf lol jus bel tid jef lol jus	白刺才回答，
bul vas jouf lol xees bel vas jef lol xangs	野刺才告诉：
yeeb neel jul naix jub yangb nangl jul naix jub	“水淹绝人类，
gos daot jul ghab bul gos det jul ghab bul	树没绝伴侣，
yangf jous daib Boux Jongx yangf jus daib Bex Jongx	只剩女宝炯，
yangf jous jid Nios Zeef yangf jus jid Nios Zeef	只存男略则，
yangf jous meeb ob laix yangf jus mangb ob laix	只剩你们两个，
yangf jous meeb ob dail yangf jus mangb ob dail	只存你们两人，
ob laix ghoud dios dangl ob laix ghed dios dangl	你俩也合巧，
ob dail ghoud dios peit ob dail ghed dios pit	你俩也合适，
jib not mil xid aod jib nongf mongl xit ed	应自去成婚，
jib not mil xid ghouk jib nongf mongl xit ghuk	应自去结合，
xid aod it hveib vongx^[7] xit ed ait hvib vongx	成婚做伴侣，
xid ghouk it seet yangs^[8] xit ghuk ait sat yangs	结合做夫妻。”
Boux Jongx jouf laid xeed Bex Jongx jef laid hxangd	宝炯就恼怒，
Nios Zeef jouf fak qit Nios Zeef jef fak qit	略则就生气：
ob diongb sax xeed nriul ob diongb seix hxangd niel	“咱同血孕育，
ob gux sax was dloub ob gux seix was dlub	咱同奶喂养，
langx aob jous laib geef langx eb jus laib gangf	同盆洗羊水，
leik douk^[9] jous dieeb diouk hleik duk jus diangb diuk	同刀割脐带，
ob laix jous dail nab ob laix jus dail naib	我俩同个妈，
ob laix jous dail mens ob laix jus dail mais	我俩共个娘。
mob dieed jus hvub xad nangd mongx dad jus hveb xad hnangd	你怎讲话丑听，
mob dieed jus seid xad ment mongx dad jus hseid xad hmut	你怎出言难闻！”
diud bul tid ghab khob diud bel tid ghab khob	拉白刺之头，
dliof bul vas ghab fend dliof bel vas ghab hfud	扯野刺之梢，
dieed mil lof ghab dab dad mongl lof ghab dab	拿去插土里，
dieed mil tieik ghab niuf dad mongl tik ghab niuf	拿去埋泥中。
bul tid ghob ghongl dlad bel tid ghongb ghongl dlad	白刺就弯腰，
bul vas ghob ghongl diub bel vas ghongb ghongl diub	野刺就驼背，
ob dangl ghob nenx dab ob dangl ghongb nongx dab	头脚都啃泥，
ob dangl ghob haok seet ob dangl ghongb hek hsat	根稍都吃沙。^[10]
dieed aob xend lol pongb dad eb hxud lol pongb	又以柴灰壅，
dieed aob xend lol put dad eb hxud lol put	又以草灰淋，
nib jouf dloub dlol dlox nenx jef dlub dlol dlox	它就白沉沉，
nib jouf pub dlongl dlongd nenx jef pub dlongl dlongd	它就灰扑扑。^[11]
bul dloub jouf lol jus bel dlub jef lol jus	白刺就说道：
wil jub mob qid naix wil job mongx qend naix	“我教你成婚，
wil xees mob dangt bul wil xangs mongx dangt bul	我劝你结合，
dieed it wil pangb pub dad ait wil pangb pongb	却整我肤灰，
dieed it wil ghongl diub dad ait wil ghongl diub	却整我背驼，
dieed bol wil vangx xangb dad bal wil vangx hxangb	毁我的相貌，
dieed bol wil jol yif dad bal wil jol yif	坏我的容颜！
naib gheeb hangd jeex naix hnaib ghangb hangd jangx naix	日后若成婚，
diees gheeb hangd jas bul dias ghangb hangd jas bul	今后若结合，
lieix liub aod wil zod lix hlieb ed wil zod	大田需我镇，
diux liub aod wil tieet diux hlieb ed wil tiangt	大门需我撑，
lol xab mob diangs naix lol xab mongx diangs naix	来掩你人怨，
lol diul mob diangs dlieeb lol dil mongx diangs dliangb	来盖你鬼仇，
lol nenx mob zad gheib lol nongx mongx zaid gheib	来吃你的鸡，
lol haok mob zad dlad lol hek mongx zaid dlad	来呑你的狗！”^[12]
ghoud jeex ib bil Jax ghed jangx ib bil Jax	也成一段《贾》，
ghoud jas ib god xuf ghed jas ib ged xuf	也成一个理。
nriangb gangx daib ghab kheeb niangb gangx daib ghab khangb	一对葫芦仔，
nriangb gangx jid ghab xuf niangb gangx jid ghab xef	一双葫芦娃，
jouf qab vul vuf neel jef qab vul vuf nangl	茫茫往南找，
jouf qab vul vuf jus jef qab vul vuf jes	漫漫向北寻，
mil jas xenb nrinx^[13]meik mongl jas xenb ninx mik	遇到狮子草，
mil jas xeet lieef^[14] dius mongl jas hxangt lif dius	见到四棱草，
jouf nais xenb nrinx meik jef nais xenb ninx mik	就问狮子草，
jouf nais xeet lieef dius jef nais hxangt lif dius	就问四棱草，
mob nriangb diot ghab veex mongx niangb diot ghab vangx	“你住在山岭，
mob xud diot ghab dlongs mongx hxet diot ghab dlongs	你居在山坳，
benf laix heeb neel dot bongf laix hangb nangl dot	见人南来否，
benf dail diees jus dot bongf dail dias jes dot	遇伴北往否？
bib vut qid naix jub bib vut qend naix jub	咱好与成婚，
bib vut xit ghab bul bib vut xit ghab bul	咱好与结合。”
xenb nrinx meik jouf jus xenb ninx mik jef jus	狮子草才讲，
xeet lieef dius jouf jus hxangt lif dius jef jus	四棱草才说：
yeeb neel jul naix jub yangb nangl jul naix jub	“水淹绝人类，
gos daot jul ghab bul gos det jul ghab bul	树没绝伴侣，
yangf jous meeb ib gangx yangf jus mangb ib gangx	只剩你们一对，
yangf jous meeb ib nriouf yangf jus mangb ib niuf	只存你们一双，
ob laix jib dios dangl ob laix jib dios dangl	你俩正合巧，
ob dail jib dios peit ob dail jib dios pit	你俩正合适，
ob laix mil xid aod ob laix mongl xit ed	两个去成婚，
ob dail mil xid ghouk ob dail mongl xit ghuk	俩人去结合，
xid aod it hveib vongx xit ed ait hvib vongx	成婚做伴侣，
xid ghouk it seet yangs xit ghuk ait sat yangs	结合做夫妻，
naib dous vut qub liub hnaib deis vut qub hlieb	日后好生男，
deik dous vut xeef mongl deik deis vut xangf mongl	以后好添女，
daib jid vut bid feeb daib jid vut baid fangb	儿女遍地方，
vangt nios vut bid vangl vangt nios vut baid vangl	子孙满村寨，
jouf ab jeex mongb ghod jil jef ax jangx hmongb ghod jil	才不成缠树的藤，
jouf ab jeex daot ghol gouf jef ax jangx det ghol guf	才不成断梢的树。”
daib Boux Jongx laid xeed daib Bex Jongx laid hxangd	宝炯就恼怒，
jid Nios Zeef faf qit jid Nios Zeef faf qit	略则就生气：
ob diongb sax xeed nriul ob diongb seix hxangd niel	“咱同血孕育，
ob gux sax was dloub ob gux seix was dlub	咱同奶喂养，
langx aob sax laib geef langx eb seix laib gangf	同盆洗羊水，
leik douk sax dieeb diouk hleik duk seix diangb diuk	同刀割脐带，
ob nab jous dail nab ob naib jus dail naib	我俩同个妈，
ob mens jous dail mens ob mais jus dail mais	我俩共个娘。
dieed jus hvub xad nangd dad jus hveb xad hnangd	你怎讲话丑听，
dieed jus seid xad ment dad jus hseid xad hmut	你怎出言难闻！”
diot xenb nrinx bab daif diot xenb ninx bib denf	三踩狮子草，
xenb nrinx gal menl nrinf xenb ninx gal menl ninf	草就扁沓沓；
diot xeet lieef bab laf diot hxangt lif bib laf	三踏四棱草，
xeet lieef gos beil deif hxangt lif gos beil deif	草就趴地下。
xenb nrinx meik jouf jus xenb ninx mik jef jus	狮子草就讲，
xeet lieef dius jouf jus hxangt lif dius jef jus	四棱草就说：
wil jub meeb qid naix wil job mangb qend naix	“我教你们成婚，
wil xees meeb dangt bul wil xangs mangb dangt bul	我劝你们结合，
dieed laf wil lod songd diub dad laf wil lod hsongd diub	却踩我断背，
dieed laf wil lod songd dlad dad laf wil lod hsongd dlad	却踏我折腰！
meeb hveib nongd ab lieel mangb hvib nongd ax lal	你们心不善，
meeb nrid nongd ab vut mangb hnid nongd ax vut	你们意不良。
naib gheeb meeb jeex naix hnaib ghangb mangb jangx naix	日后你们成婚，
diees gheeb meeb jas bul dias ghangb mangb jas bul	今后你们结合，
meeb dax fud nriux bil mangb dax hfed niux bil	你们走过山冈，
meeb dax fat lot dlongs mangb dax fat lot dlongs	你们行过山坳，
nriangb dab diot nriux bil niangb dab diot niux bil	在山冈坐下，
qut vus diot lot dlongs qet ves diot lot dlongs	在山坳歇憩，
gid xid mob beeb dloub gid hxid mongx bab dlub	再窥你白腿，
gid nrieet mob was angt gid ngit mongx was angt	再瞧你峰乳，
gid xid mob khangd qud gid hxid mongx khangd qud	再窥你阴门，
gid nrieet mob khangd dangt gid ngit mongx khangd dangt	再瞧你下窍！”^[15]
ghoud jeex ib bil Jax ghed jangx ib bil Jax	也成一段《贾》，
ghoud jas ib god xuf ghed jas ib ged xuf	也成一个理。
nriangb gangx daib ghab kheeb niangb gangx daib ghab khangb	一对葫芦仔，
nriangb gangx jid ghab xuf niangb gangx jid ghab xef	一双葫芦娃，
jouf qab veel veef neel jef qab veel veef nangl	茫茫往北找，
jouf vangs veel veef jus jef vangs veel veef jes	漫漫向南寻，
mil jas vos zaid daob mongl jas vos zend deb	遇一串葫芦，
mil jas vos zaid xuf mongl jas vos zend xef	遇一串葫瓜，
jouf nais vos zaid daob jef nais vos zend deb	就去问葫芦，
jouf nais vos zaid xuf jef nais vos zend xef	就去问葫瓜：
mob nriangb diot diongb weex mongx niangb diot diub wangx	“你住在园里，
mob xud diot diongb las mongx hxet diot diub las	你居在地头，
benf laix heeb neel dot bongf laix hangb nangl dot	见人南来否，
benf dail diees jus dot bongf dail dias jes dot	遇伴北往否？
bib vut qid naix jub bib vut qend naix jub	咱好与成婚，
bib vut xit ghab bul bib vut xit ghab bul	咱好与结合。”
zaid daob jouf lol jus zend deb jef lol jus	葫芦就说道，
zaid xuf jouf lol jus zend xef jef lol jus	葫瓜就说道：
yeeb neel jul ghab bul yangb nangl jul ghab bul	“水淹绝伴侣，
gos daot jul naix jub gos det jul naix jub	树没绝人类，
yangf jous meeb ib gangx yangf jus mangb ib gangx	独剩你们一对，
yangf jous meeb ib nriouf yangf jus mangb ib niuf	独存你俩一双，
ob laix jib dios dangl ob laix jib dios dangl	你俩正合巧，
ob dail jib dios peit ob dail jib dios pit	你俩正合适，
jid ad lol xid aod jid ad lol xit ed	兄妹来成婚，
jid ad lol xid ghouk jid ad lol xit ghuk	兄妹来结合，
xid aod it hveib vongx xit ed ait hvib vongx	成婚做伴侣，
xid ghouk it seet yangs xit ghuk ait sat yangs	结合做夫妻，
xob daib vut dieed neel xob daib vut dad nangl	有崽好传宗，
dot vangt vut gangs jus dot vangt vut gangs jus	有孩好接代，
diot ab jeex mongb ghod jil diot ax jangx hmongb ghod jil	才不成缠树的藤，
diot ab jeex daot ghol gouf diot ax jangx det ghol guf	才不成断梢的树。”
daib Boux Jongx jouf jus daib Bex Jongx jef jus	宝炯就说道，
jid Nios Zeef jouf jus jid Nios Zeef jef jus	略则就说道：
ob diongb sax xeed nriul ob diongb seix hxangd niel	“咱同血孕育，
ob gux sax was dloub ob gux seix was dlub	咱同奶喂养，
langx aob jous laib geef langx eb jus laib gangf	同盆洗羊水，
leik douk jous dieeb diouk hleik duk jus diangb diuk	同刀割脐带，
ob nab jous dail nab ob naib jus dail naib	咱同一个妈，
ob mens jous dail mens ob mais jus dail mais	咱共一个娘。
mob jus hvub xad nangd mongx jus hveb xad hnangd	你说话丑听，
mob jus seid xad ment mongx jus hseid xad hmut	你出言难闻。”
mil mab dail zaid daob mongl mab dail zend deb	去捏那葫瓜，
mil dliof dail zaid xuf mongl dliof dail zend xef	去扯那葫芦，
zaid daob jouf gheik jud zend deb jef gheik jed	葫瓜就细颈，
zaid xuf jouf yongs ghous zend xef jef yongs ghus	葫芦就长脖。^[16]
zaid daob jouf lol jus zend deb jef lol jus	葫瓜就说道，
zaid xuf jouf lol jus zend xef jef lol jus	葫芦就说道：
jub meeb mil qid naix job mangb mongl qend naix	“教你们去成婚，
xees meeb mil dangt bul xangs mangb mongl dangt bul	劝你们去结合，
meeb hveib dieed ab lieel mangb hvib dad ax lal	你俩心不善，
meeb nrid dieed ab vut mangb hnid dad ax vut	你俩意不良，
mab wil beef ghab jud mab wil bangf ghab jed	捏我的脖子，
dliof wil beef ghab ghous dliof wil bangf ghab ghus	扯我的颈子，
wil ghab jud jouf gheik wil ghab jed jef gheik	我脖被勒细，
wil ghab ghous jouf yougs wil ghab ghus jef yougs	我颈被扯长，
jouf bol wil vangx xangb jef bal wil vangx hxangb	毁了我相貌，
jouf bol wil jol yif jef bal wil jol yif	坏了我容颜。
naib gheeb meeb jeex naix hnaib ghangb mangb jangx naix	日后你们成婚，
diees gheeb meeb jas bul dias ghangb mangb jas bul	今后你们结合，
wil gid lol sangx diongb wil gid lol sangx diongb	我将来家里，
wil gid lol laif niangs wil gid lol lenf niangs	我会到屋中，
dib joud diot meeb nenx dib jud diot mangb nongx	打酒劝你们饮，
neif bas diot meeb haok neif bais diot mangb hek	盛醪灌你们喝，
qut meeb nenx xangd xangd qet mangb nongx xangd xangd	劝你们饮饱饱，
neif meeb haok gos gos neif mangb hek gos gos	灌你们喝醉醉，
niox meeb gos bal dal niox mangb gos bal dal	让你们醉醺醺，
mees meeb od eef eef mangs mangb od eef eef	让你们呕哗哗。”
ghoud jeex ib bil Jax ghed jangx ib bil Jax	也成一段《贾》，
ghoud jas ib god xuf ghed jas ib ged xuf	也成一个理。
nriangb gangx daib ghab kheeb niangb gangx daib ghab khangb	一对葫芦仔，
nriangb gangx jid ghab xuf niangb gangx jid ghab xef	一双葫芦娃，
mil qab vul vuf neel mongl qab vul vuf nangl	茫茫往南找，
mil vangs vul vuf jus mongl vangs vul vuf jes	漫漫向北寻，
jouf jas bees dongb ghab jef jas bangs dongb ghab	遇一蔸南瓜，
jouf jas bees zaid pad^[17] jef jas bangs zend pad	遇一蔸脯瓜，
dongb ghab nriangb guf nrongl dongb ghab niangb guf nongl	南瓜爬仓顶，^[18]
zaid pad nriangb ghab dab zend pad niangb ghab dab	脯瓜趴地上。
jouf mil nais dongb ghab jef mongl nais dongb ghab	就去问南瓜，
jouf mil nais zaid pad jef mongl nais zend pad	就去问脯瓜：
mob nriangb diot guf nrongl mongx niangb diot guf nongl	“你住在仓顶，
mob xud diot ghab dab mongx hxet diot ghab dab	你居在地上，
benf naix fud neel dot bongf naix hfed nangl dot	见人南来否，
jas bul fat jus dot jas bul fat jes dot	遇伴北往否？
bib vut qid naix jub bib vut qend naix jub	咱好与成婚，
bib vut xit ghab bul bib vut xit ghab bul	咱好与结合。”
dongb ghab jouf lol jus dongb ghab jef lol jus	南瓜就说道，
zaid pad jouf lol jus zend pad jef lol jus	脯瓜就说道：
yeeb neel jul ghab bul yangb nangl jul ghab bul	“水淹绝伴侣，
gos daot jul naix jub gos det jul naix jub	树没绝人类，
yangf jous meeb gangx Jongx yangf jus mangb gangx Jongx	独剩阿炯你俩一对，
yangf jous meeb nriouf Zeef yangf jus mangb niuf Zeef	独存阿则你俩一双。
jid ad ghoud dios dangl jid ad ghed dios dangl	兄妹也合巧，
jid ad ghoud diot peit jid ad ghed diot pit	兄妹亦合适，
jid ad mil xid aod jid ad mongl xit ed	你俩去成婚，
jid ad mil xid ghuk jid ad mongl xit ghuk	你俩去结合，
xid aod it hveib vongx xit ed ait hvib vongx	成婚做伴侣，
xid ghouk it seet yangs xit ghuk ait sat yangs	结合做夫妻，
naib gheeb vut qub liub hnaib ghangb vut qub hlieb	日后好生男，
deik gheeb vut xeef mongl deik ghangb vut xangf mongl	今后好育女，
naix vut lol bid feeb naix vut lol baid fangb	人好住满地方，
daot vut lol bid vud det vut lol baid vud	树好长满坡上。
hab^[19]sab pab jul dongd hab hsab pab jul dongd	别迟疑过季，
hab yux yongs jul naib hab yux yongs jul hnaib	别犹豫误时，
dieet qab ghaob ab xeed dat qab gheb ax hxangd	过季则失收，
jeex mil gid ab dios jangx mongl gid ax dios	误时则无获，
dieet jeex mongb ghod jil dat jangx hmongb ghod jil	会成缠树的藤，
dieet jeex daot ghol gouf dat jangx det ghol guf	会成断梢的树。”
daib Boux Jongx jouf jus daib Bex Jongx jef jus	宝炯才说道，
jid Nios Zeef jouf jus jid Nios Zeef jef jus	略则才说道：
ob diongb sax xeed nriul ob diongb seix hxangd niel	“咱同血孕育，
ob gux sax was dloub ob gux seix was dlub	咱同奶喂养，
langx aob jous laib geef langx eb jus laib gangf	同盆洗羊水，
leik douk jous dieeb diouk hleik duk jus diangb diuk	同刀割脐带，
ob nab jous dail nab ob naib jus dail naib	咱妈同个妈，
ob mens jous dail mens ob mais jus dail mais	咱娘共个娘。
mob jus hvub xad nangd mongx jus hveb xad hnangd	你说话丑听，
mob jus seid xad ment mongx jus hseid xad hmut	你出言难闻！”
sok dongb ghab bab sok sof dongb ghab bib sof	摔南瓜三摔，
dongb ghab meik yangl yangl dongb ghab mik yangl yangl	南瓜扁沓沓，
dongb ghab jeex niul deil dongb ghab jangx niel deil	好像只铜鼓，
dongb ghab jeex geef zeef dongb ghab jangx gangf zeef	好像个圆盆；
aob xend put zaid pad eb hxud put zend pad	撒灰淋脯瓜，
zaid pad dloub dlol dlox zend pad dlub dlol dlox	脯瓜灰扑扑。^[20]
dongb ghab jouf lol jus dongb ghab jef lol jus	南瓜就说道，
zaid pad jouf lol jus zend pad jef lol jus	脯瓜就说道：
jub meeb mil qid naix job mangb mongl qend naix	“教你们成婚，
xees meeb mil xit bul xangs mangb mongl xit bul	劝你们结合，
meeb hveib dieed ab lieel mangb hvib dad ax lal	你们却心不善，
meeb nrid dieed ab vut mangb hnid dad ax vut	你们却意不良，
dieed sok wil bab sok dad sof wil bib sof	反摔我三摔，
dieed put wil aob xend dad put wil eb hxud	反淋我白灰，
wil meik jeex niul deil wil mik jangx niel deil	摔我扁如鼓，
wil jid dloub dlol dlox wil jid dlub dlol dlox	淋我灰扑扑，
dieed bol wil vangx xangb dad bal wil vangx hxangb	毁了我相貌，
dieed bol wil jol yif dad bal wil jol yif	坏了我容颜。
ab qid jib ghob niox ax qend jib ghongb niox	不成婚则罢，
ab xit jib ghob niox ax xit jib ghongb niox	不结合则休，
hangd naib meeb xid aod hangd hnaib mangb xit ed	若你俩成婚，
hangd mangt meeb xid ghouk hangd hmangt mangb xit ghuk	若你们结合，
meeb ghob nriul daib ghaod laod mangb ghongb niel daib ghed led	你们就生崽圆鲁鲁，
meeb ghob nriul jid ghaol laos mangb ghongb niel jid ghel les	你们就生孩团罗罗，
ghaod laod dat dongb ghab ghed led dangf dongb ghab	圆如我南瓜，
ghaol laos dat zaid pad ghel les dangf zend pad	团如我脯瓜，
ghab nriux ab nriangb ghab nriux ghab niux ax niangb ghab niux	嘴巴没嘴巴，
ghab nras ab nriangb ghab nras ghab nais ax niangb ghab nais	鼻子没鼻子，
ghab nrax ab nriangb ghab nrax ghab naix ax niangb ghab naix	耳朵没耳朵，
ghab mis ab nriangb ghab mis ghab mais ax niangb ghab mais	眼睛没眼睛。”
ghoud jeex ib bil Jax ghed jangx ib bil Jax	也成一段《贾》，
ghoud jas ib god xuf ghed jas ib ged xuf	也成一个理。
nriangb gangx daib ghab kheeb niangb gangx daib ghab khangb	一对葫芦仔，
nriangb gangx jid ghab xuf niangb gangx jid ghab xef	一双葫芦娃，
jous hveib diot pab bil jus hvib diot pab bil	拍手无法子，
jous nrid diot pab lob jus hnid diot pab lob	顿脚无计策，
jouf mil nais Wangx Naib^[21] jef mongl nais Wangx Hnaib	才去问往奈，
jouf mil nais Dlas Lat^[22] jef mongl nais Dlas Hlat	才去问夏腊：
liub jouf mob Wangx Naib hlieb jef mongx Wangx Hnaib	“大数你往奈，
liub jouf mob Dlas Lat hlieb jef mongx Dlas Hlat	大数你夏腊。
jub bib mil qab naix job bib mongl qab naix	指点我们去寻人，
xees bib mil vangs bul xangs bib mongl vangs bul	告诉我们去找伴。”
Wangx Naib jouf lol jus Wangx Hnaib jef lol jus	往奈就说道，
Dlas Lat jouf lol jus Dlas Hlat jef lol jus	夏腊就说道：
dieed not liub Wangx Xab^[23] dad nongf hlieb Wangx Xab	“要大数往暇，
dieed not liub Dlas Diul^[24] dad nongf hlieb Dlas Dil	要大数夏杜，
nib xab wil jul dlieeb nenx xab wil jul ghongd	他遮住我颈，
nib diul wil jul fend nenx dil wil jul hfud	他罩住我头。”
diangd lol nais Wangx Xab diangd lol nais Wangx Xab	转来问往暇，
tok lol nais Dlas Diul tak lol nais Dlas Dil	返回问夏杜，
Wangx Xab jouf lol jus Wangx Xab jef lol jus	往暇就说道，
Dlas Diul jouf lol jus Dlas Dil jef lol jus	夏杜就说道：
dieed not liub Wangx Ceib^[25] dad nongf hlieb Wangx Ceib	“要大数往崔，
dieed not liub Dlas Nraif^[26] dad nongf hlieb Dlas Nenf	要大数夏然，
nib ceib wil mil neel nenx ceib wil mongl nangl	他吹我跑南，
nib nraif wil mil jus nenx nenf wil mongl jes	他扇我跑北。”
diangd lol nais Wangx Ceib diangd lol nais Wangx Ceib	转来问往崔，
tok lol nais Dlas Nraif tak lol nais Dlas Nenf	返回问夏然，
Wangx Ceib jouf lol jus Wangx Ceib jef lol jus	往崔就说道，
Dlas Nraif jouf lol jus Dlas Nenf jef lol jus	夏然就说道：
dieed not liub veex liub dad nongf hlieb vangx hlieb	“要大数大岭，
dieed not liub bil dad dad nongf hlieb bil dad	要长数长坡，
wil ceib nib ab youx wil ceib nenx ax yex	我吹它不摇，
wil nraif nib ab dat wil nenf nenx ax dat	我扇它不动。
meeb not mil nais veex liub mangb nongf mongl nais vangx hlieb	你去问大岭，
meeb not mil nais bil dad mangb nongf mongl nais bil dad	你去问长坡。”
jous hveib diot pab bil jus hvib diot pab bil	拍手无法子，
jous nrid diot pab lob jus hnid diot pab lob	顿脚无计策，
jouf mil nais veex liub jef mongl nais vangx hlieb	才去问大岭，
jouf mil nais bil dad jef mongl nais bil dad	才去问长坡：
liub jouf mob veex liub hlieb jef mongx vangx hlieb	“大数你大岭，
dad jouf mob bil dad dad jef mongx bil dad	长数你长坡，
mob benf laix heeb neel dot mongx bongf laix hangb nangl dot	你见人南来否，
mob benf dail diees jus dot mongx bongf dail dias jes dot	你遇伴北往否？
xees bib vut mil qab xangs bib vut mongl qab	告诉咱去找，
xees bib vut mil vangs xangs bib vut mongl vangs	指点咱去寻。”
veex liub jouf lol jus vangx hlieb jef lol jus	大岭就说道，
bil dad jouf lol jus bil dad jef lol jus	长坡就说道：
beed liub wil jus deix bangd hlieb wil jus deix	“大我确实大，
beed dad wil jus deix bangd dad wil jus deix	长我确实长。
wil ab benf laix heeb neel wil ax bongf laix hangb nangl	我未见人南来，
ab benf dail diees jus ax bongf dail dias jes	我未遇伴北往，
diot benf dail Wangx Gab^[27] diot bongf dail Wangx Gab	只见个往甘，
diot benf dail Wangs Gus^[28] diot bongf dail Wangs Gus	只见个旺固，
diongb naib gab^[29]wil ngeix diub hnaib gab wil ngix	白日抓我肉，
diongb mangt geik wil songd diub hmangt gik wil hsongd	夜里咬我骨，
gab wil ngeix nenx xeed gab wil ngix nongx hxangd	抓我肉吮血，
geik wil songd haok ghaof gik wil hsongd hek ghef	咬我骨吸髓。
ghaot xud nriangb veex vib ghet xed niangb vangx vib	虎公公在石岭岗，
wouk xud nriangb vis zeet wuk xed niangb vis zat	虎奶奶在石崖脚，
mob mil nais ghaot xud mongx mongl nais ghet xed	你去问虎公，
mob mil nais wouk xud mongx mongl nais wuk xed	你去问虎奶。”
qab mil weix veex vib qab mongl wix vangx vib	找到石岭岗，
vangs mil leit vis zeet vangs mongl leit vis zat	寻到石崖脚，
mil jas dail ghaot xud mongl jas dail ghet xed	遇到虎公公，
mil jas dail wouk xud mongl jas dail wuk xed	遇到虎奶奶，
jouf nais dail ghaot xud jef nais dail ghet xed	便问虎公公，
jouf nais dail wouk xud jef nais dail wuk xed	便问虎奶奶。
ghaot xud jouf lol jus ghet xed jef lol jus	虎公公就讲，
wouk xud jouf lol xees wuk xed jef lol xangs	虎奶奶就说：
yeeb neel jul naix jub yangb nangl jul naix jub	“水淹绝人类，
gos daot jul ghab bul gos det jul ghab bul	树没绝伴侣，
jouf yangf meeb gangx Jongx jef yangf mangb gangx Jongx	只剩阿炯你俩一对，
jouf yangf meeb nriouf Zeef jef yangf mangb niuf Zeef	只存阿则你俩一双。
jid ad ghoud dios dangl jid ad ghed dios dangl	兄妹也合巧，
jid ad ghoud dios peit jid ad ghed dios pit	兄妹也合适，
jid ad mil xid aod jid ad mongl xit ed	兄妹去成婚，
jik ad mil xid ghouk jid ad mongl xit ghuk	兄妹去结合，
xid aod it hveib vongx xit ed ait hvib vongx	成婚做伴侣，
xid ghouk it seet yangs xit ghuk ait sat yangs	结合做夫妻，
naib gheeb vut qub liub hnaib ghangb vut qub hlieb	日后好生男，
deik gheeb vut xeef mongl deik ghangb vut xangf mongl	今后好育女，
qub liub vut bid feeb qub hlieb vut baid fangb	生男满地方，
xeef mongl vut bid vangl xangf mongl vut baid vangl	育女遍村寨。
hab sab pab jul dongd hab hsab pab jul dongd	别迟疑过季，
hab yux yongs jul naib hab yux yongs jul hnaib	别犹豫误时，
jeex qab ghaob ab xeed jangx qab gheb ax hxangd	过季就失收，
jas dangt ghongd ab gos jas dangt ghongd ax gos	误时就无获，
ghob jeex mongb ghod jil ghongb jangx hmongb ghod jil	就成缠树的藤，
ghob jas daot ghol gouf ghongb jas det ghol guf	就成断梢的树。”
daib Boux Jongx jouf jus daib Bex Jongx jef jus	宝炯就说道，
jid Nios Zeef jouf jus jid Nios Zeef jef jus	略则才说道：
ob nab jous dail nab ob naib jus dail naib	“咱妈同个妈，
ob mens jous dail mens ob mais jus dail mais	咱娘共个娘，
ob diongb sax xeed nriul ob diongb seix hxangd niel	咱同血孕育，
ob guf sax was dloub ob guf seix was dlub	咱同奶喂养，
langx aob jous laib geef langx eb jus laib gangf	同盆洗羊水，
leik douk jous dieeb diouk hleik duk jus diangb diuk	同刀割脐带。
laib nid ab vut nangd laib nend ax vut hnangd	那样做难听，
gongl nid ab vut ment gongl nend ax vut hmut	那样做丑闻。”
wouk xud jouf lol jus wuk xed jef lol jus	虎奶奶就说：
wil ghoud nriangb dongl wongl ghab qenb wil ghed niangb dongl wongl ghab qub	“我也腰粗有孕啦，
wil ghoud nriangb dal was ghab dis wil ghed niangb dal was ghab dis	我也肚大怀胎啦，
neel oud ab bees nol nangl ud ax bangs nol	衣遮不住身，
neel deib ab bees guf nangl deib ax bangs guf	裙掩不住体。
hangd nriul jid daib jees hangd niel jid daib jangs	若是生男崽，
wil xongx it hveib vongx wil xongx ait hvib vongx	就留作伴侣，
wil ghot it seet yangs wil ghot ait sat yangs	就结为夫妻，
wil ghoud nriangb qub liub wil ghed niangb qub hlieb	我又可生崽，
wil ghoud nriangb xeef mongl wil ghed niangb xangf mongl	我又能育娃；
hangd dios jid bal nial hangd dios jid bal nial	若是生女儿，
xongx daib lol it hveib^[30] xongx daib lol ait hvib	留与儿成婚，
ghot vangt lol it seet^[31] ghot vangt lol ait sat	让和子结合。
ob laix xid dous ab xid aod ob laix xit deis ax xit ed	你俩怎不可成婚？
ob dail xid dous ab xid ghot ob dail xit deis ax xit ghot	你们怎不能结合？”

_{[1]
nax vongx、nax beel：水稻（歌谣用语），口语称为nax。nax beel亦是一种摘糯稻的名称。}_{[2]
nax vongx、nax beel：水稻（歌谣用语），口语称为nax。nax beel亦是一种摘糯稻的名称。}_{[3]
jeeb：沉没在水中千年不朽的杉树。本地汉语称为“阴沉木”。}_{[4]
but：ghab but（旁边）的省称。}_{[5]
qid naix jub、xit ghab bul：简称qid naix（直译“创造人”）、xit bul（或dangt bul，直译“创造伴”），合起来是个成语，意即“结为夫妻续人烟”，原专指洪水滔天过后兄妹结婚的事件，后亦引申为“结婚成家”、“成家立业”。}_{[6]
qid naix jub、xit ghab bul：简称qid naix（直译“创造人”）、xit bul（或dangt bul，直译“创造伴”），合起来是个成语，意即“结为夫妻续人烟”，原专指洪水滔天过后兄妹结婚的事件，后亦引申为“结婚成家”、“成家立业”。}_{[7]
hveib vongx、seet yangs：均是“伴侣”、“配偶”的意思，系歌谣专用语。}_{[8]
hveib vongx、seet yangs：均是“伴侣”、“配偶”的意思，系歌谣专用语。}_{[9]
douk：ghab douk（肚脐）的省称。}_{[10]
白刺这种植物有个特点：其枝或梢若被土埋压住，不久即在被埋枝节处长出新根和新芽，形成新的与母体相连的植株。}_{[11]
白刺嫩枝芽表皮为深红或紫红色，光滑，而老枝表皮则生出一层灰白色的粉末，用手抹之可去。}_{[12]
白刺说的这段话，反映了苗族的原始宗教信仰和一种叫做 diot bul ghab diux（直译意“撑门”，汉语称“保家”）的巫术：将白剌等几种植物经过祈祷仪式后捆作一束，挂在大门门楣上方，据说可以驱除“口舌鬼”、“活路鬼”等鬼邪，以及阻止改嫁了的女人再次进入该家（据说该妇女如果敢再进，将遭到瞎眼、跛脚等恶报），这种巫术需用鸡、鸭、狗、鱼等作牺牲。}_{[13]
xenb nrinx：草本植物名，当地汉语称狮子草，藤状茎蔓葡伏地下漫长，且密被扁状绿色柔毛，喜长在湿润荫凉的土坡上，生长密集处，人坐在上面，感到松软舒适。}_{[14]
xeet lieef：草本植物名，茎蔓伏地生长，叶光滑细绿，喜长在湿润土坡上，其茎有棱，根可入药。}_{[15]
窥白腿、瞧峰乳、窥阴门、瞧下窍：过去苗族人上山打柴割草、采蕨、讨猪菜等都喜坐在狮子草的上面休息，青年男女在坡上游方谈恋爱，也爱坐在草上交谈，故此处以草的口气如此说。}_{[16]
细颈、长脖：以拟人手法，形容葫芦独特的形状。}_{[17]
zaid pad（脯瓜）：此瓜各地汉语称谓不一，如有的称“冬瓜”。}_{[18]
南瓜爬仓顶：住房较稀疏的苗族农家，喜在房前屋后栽几株南瓜，牵蔓爬上房顶，结的南瓜便不被动物啃咬或踩踏。有的房顶盖的是杉木皮，茂盛的瓜叶还可以遮阴挡雨，延长杉木皮的使用寿命，一举两得。}_{[19]
hab：hab laib（勿、别）的省称。口语中不能省称。}_{[20]
脯瓜灰扑扑：熟透的脯瓜表面长有一层灰白色的粉末（脯瓜霜），抹之可去。}_{[21]
Wangx Naib（往奈）、Dlas Lat（夏腊）：太阳、月亮的拟人名。参见《创世篇·铸日造月》注9、10。}_{[22]
Wangx Naib（往奈）、Dlas Lat（夏腊）：太阳、月亮的拟人名。参见《创世篇·铸日造月》注9、10。}_{[23]
Wangx Xab（往暇）、Dlas Diul（夏杜）：云、雾的拟人名。}_{[24]
Wangx Xab（往暇）、Dlas Diul（夏杜）：云、雾的拟人名。}_{[25]
Wangx Ceib（往崔）、Dlas Nraif（夏然）：均为风的拟人名。}_{[26]
Wangx Ceib（往崔）、Dlas Nraif（夏然）：均为风的拟人名。}_{[27]
Wangx Gab（往甘）、Wangs Gus（旺固）：穿山甲的拟人名。一释为山鼠的拟人名。}_{[28]
Wangx Gab（往甘）、Wangs Gus（旺固）：穿山甲的拟人名。一释为山鼠的拟人名。}_{[29]
gab：即gat（抓）的变调读音。}_{[30]
hveib：hveib vongx（伴侣）的省称。}_{[31]
seet：seet yangs（伴侣）的省称。}

苗族贾理（第二版）（上）

目录

创世篇 [收起]

洪水篇（上） [收起]

洪水篇（下） [收起]

迁徙篇（上） [收起]

迁徙篇（下） [收起]