铸日造月- 贵州数字出版云村寨平台

dot feeb dieed lol liees dot fangb dad lol las	有了地方居，
dot vangl dieed lol sos dot vangl dad lol sos	有了村寨住，
laib naib ab beel nriul laib hnaib ax bal niel	尚未生太阳，
laib lat ab beel nas laib hlat ax bal nas	尚未诞月亮，
dlaib wix dab gil xis dlaib waix dab gil xis	天地黑漆漆，
zaok jeex diongb mil nriongs zek jangx diub mongl niongs	像半夜三更。
jouf nriangb yaf saif wix jef niangb yaf saif waix	有八个天神，
jouf nriangb yaf saif dab jef niangb yaf saif dab	有八个地神，
xid xees lol yux naib xit xangs lol yux hnaib	来商量铸日，
xid xees lol dangt lat xit xangs lol dangt hlat	来商量造月，
yux naib vut feex feeb yux hnaib vut fangx fangb	铸日照地方，
dangt lat vut feex vangl dangt hlat vut fangx vangl	造月亮村寨。
gheeb veex bil it jit ghangb vangx bil ait jent	山谷当风箱，
vib vongx diongl it tait vib vongx diongl ait tait	岩石当炭火，
nriux tongd nrongl hvul hvut niux tongd nongl hvul hvut	风箱呼呼鼓，
aob sab lal gil yit eb hsab lal gil yit	矿液哗哗流。
yux jul zab wangs vib yux jul zab wangs vib	炼完五沟矿，
yux jul zab wangs seet yux jul zab wangs hsat	冶完五沟石，
jouf dot ib wangs jenb jef dot ib wangs jenb	得一沟金液，
jouf dot ib wangs laot jef dot ib wangs hlet	得一沟铁水。
aob jenb linb weel vib eb jenb liub wangl vib	金液注岩洼，
linb jeex laib mangl naib liub jangx laib mangl hnaib	铸成了太阳；
aob laot linb weel zeet eb hlet liub wangl zat	铁水注石凼，
linb jeex laib mangl lat liub jangx laib mangl hlat	铸成了月亮。
linb jeex xongs nriouf lat liub jangx xongs niuf hlat	铸成七双月，^[1]
jux gangx naib bil aot jex gangx hnaib bil ent	造成日九双。^[2]
mil aod aob nriangk zeet mongl ed eb hniangk zat	去找来岩露，
aob nriux vib lol cot eb niux vib lol cot	去要来山泉，
seed naib laib mangl liangt sad hnaib laib mangl liangt	洗日亮晃晃，
sab lat dloub hvol hvot hsab hlat dlub hvol hvot	刷月白生生。
dliangd bod jeex daob seeb dliangd bod jangx tub hsenb	飞液成星宿，
gud geid jeex saib ghaib gud geid jangx daib ghaib	溅滓成星辰，
jeex ib wees yaf seeb laib jangx ib wangs yaf hsangb laib	一万八千颗，
dieik mil wix bongb diongb dik mongl waix bongb diongb	跳去半空中，
xid nangx hvab not hvab hxid nangx hvab nongf hvab	有的地方稀，
xid nangx deeb not deeb hxid nangx dab nongf dab	有的地方密。
ghob yux ghob jeex naib ghongb yux ghongb jangx hnaib	铸成了太阳，
ghob dangt ghob jas lat ghongb dangt ghongb jas hlat	造成了月亮。
yux jeex juf ob laib naib yux jangx juf ob laib hnaib	太阳十二个，
dangt jeex juf ob laib lat dangt jangx juf ob laib hlat	月亮十二颗，
linb jeex juf ob laib niul liub jangx juf ob laib niel	似十二个鼓，
dangt jeex juf ob laib geef dangt jangx juf ob laib gangf	像十二个盆。
jouf nriangb bak Dins Lax jef niangb bad Dins Lax	有定拉爸爸，^[3]
jouf nriangb mens Dins Send jef niangb mais Dins Send	有定圣妈妈，^[4]
jouf nriangb yaf saif wix jef niangb yaf saif waix	有八个天神，
jouf nriangb yaf saif dab jef niangb yaf saif dab	有八个地神，
xid xees lol xongt naib xit xangs lol xongt hnaib	来商量撑日，
xid xees lol xongt lat xit xangs lol xongt hlat	来商议撑月，
xongt naib mil wix niul xongt hnaib mongl waix niel	撑日去天宇，
xongt lat mil daot aot xongt hlat mongl dent ent	撑月去云霄。
dieed bangd dieed mil beeb dad bangd dad mongl bangb	拿大锤去捶，
dieed sab dieed mil xeit dad hsab dad mongl xent	拿巨钉去钉，
beeb dangx ghab juf dinb bangb dangx ghab juf dinb	钉进几十钉，
ghob dix ghab juf naib ghongb dix ghab juf hnaib	撑住几十天，
beeb dangx ghab juf xeit bangb dangx ghab juf xent	钉进几十楔，
ghob dix ghab juf lat ghongb dix ghab juf hlat	撑住几十月。
xongt naib leit wix niul xongt hnaib leit waix niel	撑日上了天，
xongt lat leit daot aot xongt hlat leit dent ent	撑月入了云。
juf ob naib gid bil juf ob hnaib gid bil	十二日照山，
juf ob lat gid aob juf ob hlat gid eb	十二月照水，
veeb ghob jus deix veeb vangb ghongb jus deix vangb	晒得不得了，
kib ghob jus deix kib kib ghongb jus deix kib	热得了不得。
diongb bil dat pad tait diub bil dangf pid tait	山热如炭燃，
bil kib zail xeed laot bil kib zail hxangd hlet	山烫似红铁，
diongb aob dat pad doul diub eb dangf pid dul	水热似火燎，
aob bent jeex gheeb weil eb but jangx ghangb wil	水沸胜开锅。
it ab jeex ghaob ngangl ait ax jangx gheb ngangl	种不成庄稼，
nent ab jeex mub nieel hnent ax jangx hmub nangl	缝不成衣穿，
it ghaob mil diongb mil ait gheb mongl diub mongl	做活靠半夜，
mil gid mil sod mangt mongl gid mongl sod hmangt	劳作靠深更。
kib yeex Lol Yangx daib kib yangx Lol Yangx daib	热熔洛养子，
kib yeex Lol Yangf^[5] vangt kib yangx Lol Yangf vangt	热化洛扬孩，
yeex daib mil dak zeet yangx daib mongl dak zat	熔子巴岩上，
bad veex vongl ghangl liangt bad vangx vongl ghangl liangt	贴岩煳焦焦。
Lol Yangx jouf menb hveib Lol Yangx jef mongb hvib	洛养才痛心，
Lol Yangf jouf angt xent Lol Yangf jef angt hxut	洛扬才气坏，
qud naid lol bangd naib qud hnaid lol bangd hnaib	制弓来射日，
xongb sab lol dangt lat hxongb hsab lol dangt hlat	造箭来射月。
vangb khangb daot vax bil vangb khangb det vax bil	野梨木做弓，
fab xeeb lieet xongx jil hfab hxangb hlat xongx jenl	家麻线做弦，
xongb sab dot jeex zal hxongb hsab dot jangx zal	又制一捆箭，
jit daot mil wix niul jit det mongl waix niel	攀树上云天。
jit mil guf daot yul jit mongl guf det yul	爬水冬瓜梢，
mil bangd jux gangx naib mongl bangd jex gangx hnaib	去射九双日，
jit mil guf daot ak jit mongl guf det ak	登马桑树顶，
mil bangd xongs nriouf lat mongl bangd xongs niuf hlat	去射七双月。^[6]
naib dangx diot weel vongx hnaib dangx diot wangl vongx	日落进龙潭，
lat liouf diot weel eek hlat liuf diot wangl eek	月沉在蛟滩。
jouf yangf ib gangx naib jef yangf ib gangx hnaib	剩一双日月，
jouf yangf ib nriouf lat jef yangf ib niuf hlat	余月日一双，
mil yend diot gheeb bil mongl yend diot ghangb bil	去躲进山脚，
mil xuk diot gheeb zeet mongl xuk diot ghangb zat	去藏入岩穴。
wix dab dlaib gil xis waix dab dlaib gil xis	天地黑漆漆，
zaok jeex diongb mil nriongs zek jangx diub mongl niongs	漆黑像子夜，
daib jees xid sad diux daib jangs xit hsad diux	男人进错门，
bal nial xid sad qut bal nial xit hsad qut	女人上错铺，
dail mens ab xangk daib dail mais ax xangk daib	妈妈不识子，
dail bak ab xangk vangt dail bad ax xangk vangt	爸爸不识儿。^[7]
geeb nongb jouf dieed doul gangb hnongb jef dad dul	唯有萤火虫，
gangf zot feex diongb mul gangf zot fangx diub mongl	持火照黑夜，
it ab jeex ghaob ngangl ait ax jangx gheb ngangl	种不成庄稼，
nent ab jeex mub neel hnent ax jangx hmub nangl	缝不成衣穿。
jouf nriangb yaf saif wix jef niangb yaf saif waix	才有八天神，
jouf nriangb yaf saif dab jef niangb yaf saif dab	才有八地神，
jouf nriangb bak Dins Lax jef niangb bad Dins Lax	有定拉爸爸，
jouf nriangb mens Dins Send jef niangb mais Dins Send	有定圣妈妈，
xid xees lol daox naib xit xangs lol dex hnaib	来商量拉日，
xid xees lol dliof lat xit xangs lol dliof hlat	来商议牵月：
daox jous ib gangx naib dex jus ib gangx hnaib	日只拉一双，
dliof jous ib nriouf lat dliof jus ib niuf hlat	月只牵一对，^[8]
daox naib lol wix niul dex hnaib lol waix niel	拉日回天宇，
dliof lat lol daot aot dliof hlat lol dent ent	牵月返云霄，
feex feeb vut lol nriangb fangx fangb vut lol niangb	照亮地方好生活，
feex vangl vut lol liees fangx vangl vut lol las	照亮村寨好起居。
dliof ghoud dait xeeb xongx dliof ghed dait hxangb xongx	拉断了麻绳，
mouf ghoud weet ceib gix muf ghed wangt ceib gix	打折了竹鞭，
laib naib ghoud ab lail laib hnaib ghed ax lal	太阳也不动，
laib lat ghoud ab diux laib hlat ghed ax diex	月亮也不走。
sob nrix mil daox naib sob ninx mongl dex hnaib	叫水牛拉日，
nrix jus not ghenx keeb ninx jus nongf ghenx kab	牛说只拉犁，
sob liod mil dliof lat sob liod mongl dliof hlat	叫黄牛牵月，
liod jus not gheet kak liod jus nongf ghangt kak	牛说只牵耙。
sob lius mil daox naib sob lius mongl dex hnaib	叫鸡去拉日，
sob gheib mil dliof lat sob gheib mongl dliof hlat	叫鸡去牵月，
lius jus ab nriangb oud neel lius jus ax niangb ud nangl	鸡说无衣饰，
gheib jus ab dot xangt mangs gheib jus ax dot hxangt mangs	鸡说无裳穿。
jouf nriangb bak Dins Lax jef niangb bad Dins Lax	那定拉爸爸，
jouf nriangb mens Dius Send jef niangb mais Dius Send	那定圣妈妈，
aod naox dongb it oud ed nex dongb ait ud	要芭茅做衣，
aod zaid lioul tout xangt ed zend liul tut hxangt	拿草莓染服，
dieed beex liox diot bees dad bangx liox diot bangs	杜鹃花饰脸，
dieed zaid wab diot mis dad zend wab diot mais	樱桃果点睛，
bul xongb lol diot lot bel hxob lol diot lot	紫木刺作喙，
bul xangt lol diot gent bel xangt lol diot gent	花椒刺作爪，
doud neeb lol diot dlot dud nangb lol diot dlot	蛇皮饰脚纹。
gheib ghob dot oud neel gheib ghongb dot ud nangl	鸡有了衣穿，
lius ghob dot xangt mangs lius ghongb dot hxangt mangs	鸡有了服饰，
ghob nangl ghob tob jid ghongb nangl ghongb tob jid	身上光鲜鲜，
ghob mangs ghob xok dis ghongb mangs ghongb xok dis	胸前红艳艳，
dib lal nib vangx xangb dib lal nenx vangx hxangb	扮俊它相貌，
diot mees nib jol yif diot mangs nenx jol yif	靓丽它容颜。
nriangb dail Dins Lax jid niangb dail Dins Lax jid	定拉的儿子，
jit dail daot vax vud jit dail det vax vud	爬上野梨树，
jeik vees jeik kangb keid jik vas jik kangb keid	锯木做梳子，
tieik diot ghab dlieex fend tik diot ghab dlangx hfud	梳插在头顶，
diot jof nib dax ghangd diot jof nenx dax ghangd	得冠方来喊。
gheib ghat ghoub ghoux ghoub gheib ghat gheb ghoux gheb	公鸡叫咯咯，
naib dangt ghab nriux vib hnaib dangt ghab niux vib	日露脸岩旁，
ghab wul wangs feex dliub ghab wul wangs fangx dliub	山湾明亮亮；
gheib ghat ghab diux diul gheib ghat ghab diex diel	公鸡叫喔喔，
naib dangt ghab nriux bil hnaib dangt ghab niux bil	日现身坳上，
ghab wul wangs feex jul ghab wul wangs fangx jul	山湾亮光光。
Jox Naib^[9] jouf lol ghoud Jux Hnaib jef lol ghed	觉奈又说道，
Dlas Lat^[10] jouf lol jus Dlas Hlat jef lol jus	夏腊又说道：
wil ab dot hveib xongx wil ax dot hvib xongx	“我还没有妻，
wil ab dot seet ghot wil ax dot sat ghot	我尚无伴侣。
xob hveib xongx jouf lol xob hvib xongx jef lol	得妻才游天，
dot seet ghot jouf lol dot sat ghot jef lol	得伴才巡宇。”
mil aod Boux Dit Nil^[11] mongl ed Bex Dit Nil	去要宝嫡妮，
mil aod Boul Dit Saif^[12] mongl ed Bel Dit Saif	去要包嫡莎，
it Jox Naib hveib xongx ait Jux Hnaib hvib xongx	做觉奈妻子，
it Dlas Lat seet yangs ait Dlas Hlat sat yangs	做夏腊伴侣。
xob hveib nib ghob hangd xob hvib nenx ghongb hangd	有妻它才肯，
dot seet nib ghob hos dot sat nenx ghongb hos	得偶它才愿，
gheib ghat nib ghob diux gheib ghat nenx ghongb diex	鸡鸣它起身，
lius ghangd nib ghob lol lius ghangd nenx ghongb lol	鸡叫它出行，
gheib ghat zab diut zas gheib ghat zab diut zas	鸡啼五六遍，
nib dangt ghab lot dlongs nenx dangt ghab lot dlongs	它爬到坳上，
feex feeb vut lol xud fangx fangb vut lol hxed	照亮了大地，
feex vangl vut lol nriangb fangx vangl vut lol niangb	照亮了村庄。

_{[1]
铸成七双月/造成日九双：此二句是一句话分拆为二的特殊句式，意为铸成七（九）双日月。“七”、“九”亦是虚说，下文的六双才是实指。前后虽然明显矛盾，但贾师在诵唱到此时坚持七双月、九双日的说法，说是不能更改《贾》中的原话。《贾》中还出现同一个人其名字前后不同的矛盾，贾师也宁愿解释而不更改世代传承下来的原话。本书译文也遵循此风格。}_{[2]
铸成七双月/造成日九双：此二句是一句话分拆为二的特殊句式，意为铸成七（九）双日月。“七”、“九”亦是虚说，下文的六双才是实指。前后虽然明显矛盾，但贾师在诵唱到此时坚持七双月、九双日的说法，说是不能更改《贾》中的原话。《贾》中还出现同一个人其名字前后不同的矛盾，贾师也宁愿解释而不更改世代传承下来的原话。本书译文也遵循此风格。}_{[3]
定拉爸爸、定圣妈妈：此处的“爸爸”、“妈妈”并非实指，也不表示实际性别，只是一种尊称，有如汉语“父母官”中的“父母”之意。《贾》中类似称谓见于许多处。}_{[4]
定拉爸爸、定圣妈妈：此处的“爸爸”、“妈妈”并非实指，也不表示实际性别，只是一种尊称，有如汉语“父母官”中的“父母”之意。《贾》中类似称谓见于许多处。}_{[5]
Lol Yangf（洛扬）：即Lol Yangx（洛养），系一人双名。}_{[6]
传说水冬瓜树和马桑树原来长得高入云天，被洛养踩在树梢射日月后，才成了今天矮小的模样。这两种树含水能力特强，伐后暴晒一年半载也干不透，故彼时才剩它们未被烈日晒死。“九双日”“七双月”属于修辞手法，形容前文的六双日月。}_{[7]
以上四句暗指过着群婚生活。}_{[8]
日只拉一双/月只牵一对：这是《贾》对偶句式的特殊表述方式，表示“只拉一双日月（一个太阳一个月亮）”的意思，而非“只拉日月各一双”的意思。}_{[9]
Jox Naib（觉奈）：太阳的拟人名。Jox 意为“桥”，苗族取名常用之；Naib 意为“太阳”。}_{[10]
Dlas Lat（夏腊）：月亮的拟人名。Dlas 意为“富”，苗族取名常用之；Lat意为“月亮”。此处的“夏腊”只是作为对仗用语而已，实仍指上句之“觉奈”一人。}_{[11]
Boux Dit Nil（宝嫡妮）、Boul Dit Saif（包嫡莎）：太阳妻子名，系一人双名。}_{[12]
Boux Dit Nil（宝嫡妮）、Boul Dit Saif（包嫡莎）：太阳妻子名，系一人双名。}

苗族贾理（第二版）（上）

目录

创世篇 [收起]

洪水篇（上） [收起]

洪水篇（下） [收起]

迁徙篇（上） [收起]

迁徙篇（下） [收起]