四 短文
1.Raanz daanz saangl，raangl hauxbox
Raanz daanzsaangl，
高寨家，
Raangl hauxbox，
炒米花，
Lox duezngeaz，
哄老蛇，
Ez duezgveec.
背青蛙。
Leez hanznaz，
跑田埂，
Daz rianglhaux，
拖谷穗，
Xaauh rianglmul.
拽猪尾。
Os hoongh bail raiz mul，
出院去唤猪，
Os dul bail raiz gais.
出门去唤鸡，
Bail raanzsais bos nauz，
去官家吹箫，
Bail raanzyeeuz bos bal.
去苗家吹号。
Bal yingl dine yingl raiz，
长音又短音，
Ndilmaiz wenz jicnoih.
人人乐逍遥。
生词认读：
rianglhaux 谷穗
rianglmul 猪尾巴
bos nauz 吹箫
bos bal 吹号
2.Roonghndianl hee roonghndaaul
Roonghndianl hee roonghndaaul，
月亮啊星星，
Roongh haec saaul dazwaais，
为姑娘纺纱照明，
Dazwaais ius lac eeux，
在屋檐下纺纱，
Dazwaais ius lac lauz，
在楼下纺纱，
saaul genl xauz ius lac gaamc，
在山洞下吃晚饭，
Daail lac gaamc gazngeah，
白白死在洞下，
Gaangl beah xux legraz，
撑衣服接芝麻，
Gaangl faz xux yahjims，
做法术接女巫，
Jibt rimh xos baangx fiz，
捡木渣放火旁，
Soongl bux diz ndanl ndongx，
两人排簸箕，
Soongl bux monx ndanlnyanz，
两人击铜鼓，
Ndanlnyanz dogt bail xoongh，
铜鼓掉到洞里，
Yah dal ndoongs bail ral，
眼光发亮的女人去找，
Ral dangz gogt xaz faaiz，
找到楠竹林下，
Ranl meehwaaiz riangl gans，
看见断尾巴水牛，
Ranl duezgugt xumzxuax，
看见晃悠悠的虎，
Ranl duezmax raaiz sel，
看见写字的马，
Ranl duezmul gud rih，
看见拱土的猪，
Ranl duezbid dez soic，
看见戴耳环的蝉，
Ranl duezroix dez gonh，
看见戴手镯的动物，
Dagtjaabt dez liangc ndingl，
青色蚱蜢打红伞，
Dagtyingl hoongz gumzgvees.
姜黄色的蚱蜢叫得欢。
生词认读：
roonghndianl 月亮
ndaaulndis 星星
dazwaais 纺纱
ndanlndongx 簸箕
ndanlnyanz 铜鼓
faixfaaiz 楠竹
duezwaaiz 水牛
duezmax 马
duezmul 猪
duezbib 蝉
soic 耳环
gonh 手镯
duezdagt 蚱蜢
liangc 伞
3.dungxxuex
Hams：Hocsul deg wenz jiezlaez？
问：你们是哪里人？
Haanl：Hocdul deg wenz wangzmox.
答：我们是望谟人。
Hams：Xoh mengz yeeuh gueh geacmaz？
问：你叫什么名字？
Haanl：Xoh gul yeeuh gueh Dezjinl.
答：我叫德金。
Hams：Mengz bil geacmaz？
问：你属什么？
Haanl：Gul bil rux，bilnix xibsaaml bai.
答：我属鸡，今年十三岁了。
Ham：Mengz xoh geacmaz ni？
问：你叫什么名字呢？
Haanl：Xoh gul gueh Dezguis.
答：我叫德贵。
Hams：Mengz bil geacmaz ni？
问：你属什么呢？
Haanl：gul yieh bil rux.
答：我也属鸡。
Hams：ya！soonglrauz bilndianl dungxxamh，deengl dongz lee！
Aangsxux mengz maldangz mbaanx gul！
问：呀！我俩同年，是老庚嘞。欢迎你到我寨来！
Haanl：Jolmbaais！
答：谢谢！
Hams：Rauz bailroh ral boz weisjis gul guehxamz bail ba？
问：咱出去找我的伙伴玩儿去吧？
Haanl：Banz！
答：好的！
