第十部告状歌- 贵州数字出版云村寨平台

Dogtbas gueh maz miz banz maz， tɔk³⁵pa³⁵ kuə³³ ma¹¹ mi¹¹ pan¹¹ ma¹¹ 干脆　做　啥　不　成　啥	咱们啥事都不做，
Mal rauz fog haz gueh masbingc， ma²⁴ zau¹¹ fɔk³³ ha¹¹ kuə³³ ma³⁵piŋ⁵³ 来　咱　舂　茅草　做　酒药	我们干脆配酒药，
Deeuh hingc riangz bix bail ndael xul， teu³³ hiŋ⁵³ ziəŋ¹¹ pi³¹ pai²⁴ ʔdaɯ²⁴ ɕu²⁴ 丢　裙　和　哥　去　里　城	阿妹约阿哥进城去，
Bail mianxguz gaausxangh. pai²⁴ miən³¹ku¹¹ ka：u³⁵ɕwa：ŋ³³ 去　珉谷　告状	我们到珉谷告状。
Beeh miz bail daausneex， pe³³ mi¹¹ pai²⁴ ta：u³⁵ne³¹ 虽　不　去　这次	这次虽然去不了，
Yiehxix lix faanlmos， jiə³³ɕi³¹ li³¹ fa：n²⁴mo³⁵ 也许　有　下次	下次定要去，
Xohneex has jaangl sengc jaangl fuj osxaail， ɕo³³ne³¹ ha³⁵ tɕa：ŋ²⁴ sɯŋ⁵³ tɕa：ŋ²⁴ fu⁴² ʔo³⁵ɕa：i²⁴ 今后　汉人　中　省　中　府　出差	今后省州派官差，
Aul nganz laail nganz daaih， ʔau²⁴ ŋan¹¹ la：i²⁴ ŋan¹¹ ta：i³³ 要　银　多　银　大	告状银子开更多，
Waaih bixnuangx bausaaul， wa：i³³ pi³¹nuəŋ³¹ pau³⁵ʔa：u²⁴ 坏　亲戚　叔伯	三亲六戚要遭灾，
Ngonzdeel saaul ndaix qyas， ŋɔn¹¹de²⁴ sa：u²⁴ ʔdai³¹ ʔja³⁵ 那天　情妹　得　凶	到时阿妹被指责，
Has xeeuhndux miz ndil， ha³⁵ ɕeu³³ʔdu³¹ mi¹¹ ʔdi²⁴ 汉人　从前　不　好	以前官府心不正，
Mailsil gueh foh maauh， mai²⁴si²⁴ kuə³³ fo³³ ma：u³³ 花线　做　须　帽	头上官帽吓唬人，
Xaauh xeenznganz feax luanl， ɕa：u³³ xen¹¹ŋan¹¹ fɯə³¹ luən²⁴ 拉　银钱　人家　灭	为银钱倾家荡产，
Feax xix nanl dangz bix， fɯə³¹ ɕi³¹ nan²⁴ taŋ¹¹ pi³¹ 人　家　怨恨　到　哥	人家怨你就恨我，
Feax nanl nuangx dangz gul， fɯə³¹ nan²⁴ nuəŋ³¹ taŋ¹¹ ku²⁴ 人家　怨　妹　到　我	指阿妈就说阿哥，
Has xeeuhndux dungxqyas， ha³⁵ ɕeu³³ʔdu³¹ tuŋ³¹ʔja³⁵ 汉人　从前　心狠	以前官府心狠毒，
Nganzdingl aul basngih， ŋan¹¹tiŋ²⁴ ʔau²⁴ pa³⁵ŋi³³ 银锭　要　百二	告状要一百二十两银，
Bix xix gaaus leeux rih， pi³¹ ɕi³¹ ka：u³⁵ leu³¹ zi³³ 哥　就　告　完　地	阿哥卖田地来告状，
Bix xix gaaus leeux naz， pi³¹ ɕi³¹ ka：u³⁵ leu³¹ na¹¹ 哥　就　告　完　田	为告状卖尽田地产，
Raz xix gaaus leeux jahdaangs， za¹¹ ɕi³¹ ka：u³⁵ leu³¹ tɕa³³ta：ŋ³⁵ 唯　就　告　完　家产	为告状我倾家荡产，
Waaih dangz baangh bausaaul， wa：i³³ taŋ¹¹ pa：ŋ³³ pau³⁵ʔa：u²⁴ 坏　整　一伙　叔伯	牵连到整个家族，
Ngonzdeel saaul ndaixqyas， ŋɔn¹¹te²⁴ sa：u²⁴ ʔdai³¹ʔja³⁵ 那天　情妹　得凶	那时阿妹结冤仇，
Bix banz raanz riangz baus riangz aaul， pi³¹ pan¹¹ za：n¹¹ ziəŋ¹¹ pau³⁵ ziəŋ¹¹ ʔa：u²⁴ 哥　成　家　和　父辈　和　叔父	阿哥是依靠父辈扶持，
Saaul xix xuex riangz boh riangz meeh， sa：u²⁴ ɕi³¹ ɕuə³¹ ziəŋ¹¹ po³³ ziəŋ¹¹ me³³ 情妹　就　讲　和　父亲　和　母亲	阿妹给父母说缘由，
Mbees dieclongx aul bangz， ʔbe³⁵ tiə⁵³lɔŋ³¹ ʔau²⁴ paŋ¹¹ 开　箱底　要　布	阿妹开箱取出布，
Dangz jaangl ronl hax yungh， taŋ¹¹ tɕa：ŋ²⁴ zɔn²⁴ ha³¹ juŋ³³ 到　中　路　想　用	路上变卖作盘缠，
Beah bigt saaul mal soonx， pɯə³³ pik³⁵ sa：u²⁴ ma²⁴ son³¹ 衣　蓝色　情妹　来　穿	阿妹送衣穿在身，
Beah foonx nuangx mal mbail， pɯə³³ fon³¹ nuəŋ³¹ ma²⁴ ʔbai²⁴ 衣　黑色　妹　来　披	深青色衣阿妹送，
Mal rauz bail dangs meeh. ma²⁴ zau¹¹ pai²⁴ taŋ³⁵ me³³ 来　我们　去　告别　母亲	我们与阿妈话别。
Meeh hee meeh， me³³ he³³ me³³ 母亲　啊　母亲	阿妈啊阿妈，
Wois ndaix ngihsis hac bilwenz， woi³⁵ ʔdai³¹ ŋi³³si³⁵ ha⁵³ pi²⁴wɯn¹¹ 鄙人　得　二十四　五　岁	女儿已是二十四五的人，
Ndunl jiezlaez yieh ruangh， ʔduŋ²⁴ tɕiə¹¹laɯ¹¹ jiə³³ zuəŋ³³ 站　哪里　也　忧愁	在哪站都不如人，
Ndaix ngihsis ngihhac deeuzbil， ʔdai³¹ ŋi³³si³⁵ ŋi³³haɯ⁵³ teu¹¹pi²⁴ 得　二十四　二十五　岁	已是二十四五年龄，
Rauz mizil lo meeh， zau¹¹ mi¹¹ʔi²⁴ lo⁰ me³³ 我　不依　（语）　母亲	阿妈啊我的事不依从，
Beah bigt saaul mal soonx， pɯə³³ pik³⁵ sa：u²⁴ ma²⁴ son³¹ 衣　蓝色　情妹　来　穿	阿妹送衣穿在身，
Beah foonx nuangx mal mbail， pɯə³³ fon³¹ nuəŋ³¹ ma²⁴ ʔbai²⁴ 衣服　黑色　妹　来　披	深青色衣阿妹送，
Mal rauz bail dangs boh. ma²⁴ zau¹¹ pai²⁴ taŋ³⁵ po³³ 让　我们　去　告别　父亲	我们去与阿爸话别。
Boh hee boh， po³³ he⁰ po³³ 父亲　啊　父亲	阿爸啊阿爸，
Hamh xoh hax osdul， ham³³ ɕo³³ ha³¹ ʔo³⁵tu²⁴ 晚　明　将　出门	明晚我们将离别，
Dogt jaangl xul weangzmux hamhxoh. tɔk³⁵ tɕa：ŋ²⁴ ɕu²⁴ wɯəŋ¹¹mu³¹ ham³³ɕo³³ 落　中　城　王母　晚明	我们明晚歇王母。
Os jiezneex bail saangl， ʔo³⁵ tɕiə¹¹ne³¹ pai²⁴ sa：ŋ²⁴ 出　这里　去　高	从这里往上走，
Dangz jaangl ngaamz basleeh， taŋ¹¹ tɕa：ŋ²⁴ ŋa：m¹¹ pa³⁵le³³ 到　中　垭　宽处	就到了山垭口，
Buxxeeh waanz buxxeeh， pu³¹ɕe³³ wa：n¹¹ pu³¹ɕe³³ 人　还　人	上还是上人，
Leeh dangz lac mauxrinl， le³³ taŋ¹¹ la⁵³ mau³¹zin²⁴ 选　到　下　峁石	直接上到老去，
Ximl lumc beangz buxhas， ɕim²⁴ lum⁵³ pɯəŋ¹¹ pu³¹ha³⁵ 看　似　地方　汉人	一看好似大地方，
Dah xib goz guc goz mal daux， ta³³ ɕip³³ ko¹¹ ku⁵³ ko¹¹ ma²⁴ tau³¹ 河　十　湾　九　湾　来　撑	河水十拐九湾家门过，
Bol xib maux guc maux nyeeul luangz， po²⁴ ɕip³³ mau³¹ ku⁵³ mau³¹ luəŋ¹¹ 坡　十　峁　九　峁　颈　龙	十坡九岗像龙头，
Siswis daadtbyal roonx mal xoomz， si³⁵wi³⁵ ta：t³⁵pja²⁴ zon³¹ ma²⁴ ɕom¹¹ 四周　悬崖　剔　来　扰	悬崖绝壁似城墙，
Banz bol hoomz dongh gvaangs， pan¹¹ po²⁴ hom¹¹ tɔŋ³³ kwa：ŋ³⁵ 成　坡　集中　坝　宽	大坝四周峰连峰，
Boh saaml gvaangs sis aanx， po²⁴ sa：m²⁴ kwa：ŋ³⁵ si³⁵ ʔa：n³¹ 坡　三　宽　四　仰	峰峰相连延四方，
Mbaanx saaml gvaangs sis gaail， ʔba：n³¹ sa：m²⁴ kwa：ŋ³⁵ si³⁵ ka：i²⁴ 寨　三　宽　四　街	是三街连四路之地，
Haail jeex mauc jaucdiams， ha：i²⁴ tɕe³¹ mau⁵³ tɕau⁵³tiəm³⁵ 开　场　卯　小街	卯日赶小街集市，
Isnauz jeex gaail sel， ʔi³⁵nau¹¹ tɕe³¹ ka：i²⁴ sɯ²⁴ 要是　集上　卖　书	集上要是有笔墨，
Isnauz jeex gaail sal， ʔi³⁵nau¹¹ tɕe³¹ ka：i²⁴ sa²⁴ 要是　集上　卖　纸	集上如有纸张卖，
Rauz bail ral yiezngih， zau¹¹ pai²⁴ za²⁴ jiə¹¹ŋi³³ 咱　去　找　二老爷	我们去找二少爷家，
Yiezsis hee yiezsaaml， jiə¹¹si³⁵ he⁰ jiə¹¹sa：m²⁴ 老爷四　啊　老爷三	三少爷啊四少爷，
Baangl soongl xoix raaiz xaangh. pa：ŋ²⁴ soŋ²⁴ ɕoi³¹ za：i¹¹ ɕwa：ŋ³³ 帮　两　小　写　状文	请给小的写状文。
Raaiz banz mbael ndeeul ndux， za：i¹¹ pan¹¹ ʔbaɯ²⁴ ʔdeu²⁴ ʔdu³¹ 写　成　张　一　先	写好第一张状文，
Soongl fengz xux mal gaml， soŋ²⁴ fɯŋ¹¹ ɕu³¹ ma²⁴ kam²⁴ 两　手　接　来　拿	伸出双手接状文，
Raaiz mbael langl deel mos， za：i¹¹ ʔbaɯ²⁴ laŋ²⁴ te²⁴ mo³⁵ 写　张　后　那　新	又接着写第二张，
Raaiz mbael sos dangz fengz， za：i¹¹ ʔbaɯ²⁴ so³⁵ taŋ¹¹ fɯŋ¹¹ 写　张　状文　到　手	状文写好握在手，
Bix xix henc yazmenh bail gaaus， pi³¹ ɕi³¹ hɯn⁵³ ja¹¹mɯn³³ pai²⁴ ka：u³⁵ 哥　就　上　衙门　去　告	阿哥走上衙门告，
Xos mbael xaangh dazidt， ɕo³⁵ ʔbaɯ²⁴ ɕwa：ŋ³³ ta¹¹ʔit³⁵ 放　张　状文　第一	呈上第一张诉讼状，
Mbaelneex xos ibtqyax baaihgenz， ʔbaɯ²⁴ne³¹ ɕo³⁵ ʔip³⁵ʔja³¹ pa：i³³kɯn¹¹ 这张　放　雅里　上边	这张呈给雅里亭，
Lungz gueh lungz yieh sax， luŋ¹¹ kuə³³ luŋ¹¹ jiə³³ swa³¹ 舅父　做　舅父　也　作揖	舅父们拍手称快，
Nax gueh nax yieh aangs， na³¹ kuə³³ na³¹ jiə³³ ʔa：ŋ³⁵ 舅舅　做　舅舅　也　喜欢	人人得知都高兴，
Baaih bixnuangx bozdul， pa：i³³ pi³¹nuəŋ³¹ po¹¹tu²⁴ 边　亲戚　我们	我家叔伯弟兄们，
Bux lix mul baangl mul， pu³¹ li³¹ mu²⁴ pa：ŋ²⁴ mu²⁴ 个　有　猪　帮　猪	人人都来扶持我，
Haec gul rongz lauc noh， haɯ⁵³ ku²⁴ zɔŋ¹¹ lau⁵³ no³³ 给　我　下　酒　肉	我要操办一桌席，
Gueh haec goh haec bix feax genl， kuə³³ haɯ⁵³ po³³ haɯ⁵³ pi³¹ fɯə³¹ kɯn²⁴ 做　给　父　给　兄　他　吃	请她家父兄和亲戚，
Ngonzlaez yux ndaix os？ ŋɔn¹¹laɯ¹¹ ju³¹ ʔdai³¹ ʔo³⁵ 哪天　情妹　得　出	阿妹状告何时清？
Ngonzlaez nuangx ndaix os？ ŋɔn¹¹laɯ¹¹ nuəŋ³¹ ʔdai³¹ ʔo³⁵ 哪天　妹　得　出	哪时阿妹告得清？
Gueh yianghlaez miz sael？ kuə³³ jiəŋ³³laɯ¹¹ mi¹¹ saɯ²⁴ 做　哪样　不　清	为何状告不清楚？
Rauz rongz mbael ndeeul mos， zau¹¹ zɔŋ¹¹ ʔbaɯ²⁴ ʔdeu²⁴ mo³⁵ 我　下　张　一　新	我们又呈讼状，
Xos mbael xaangh dazngih， ɕo³⁵ ʔbaɯ²⁴ ɕwa：ŋ³³ ta¹¹ŋi³³ 放　张　状文　第二	呈上第二张诉讼状，
Mbaelneex xos baussuc xeehrinl， ʔbaɯ²⁴ne³¹ ɕo³⁵ pau³⁵su⁵³ ɕe³³zin²⁴ 张这　放　主人　石	这张呈石土目家，
Jimlnganz bohmeeh rauz lix， tɕim²⁴ŋan¹¹ po³³me³³ zau¹¹ li³¹ 金银　父母　我　有	银资家中父母有，
Bixnuangx rauz yieh laail， pi³¹ nuəŋ³¹ zau¹¹ jiə³³ la：i²⁴ 弟兄　我　也　多	我们叔伯弟兄多，
Haail nganz haaul mal xangh， ha：i²⁴ ŋan¹¹ ha：u²⁴ ma²⁴ ɕaŋ³³ 开　银　白　来　称	打开白银来过秤，
Xangh nganz xos diec longx， ɕaŋ³³ ŋan¹¹ ɕo³⁵ tiə⁵³ lɔŋ³¹ 称　银　放　底　笼	称好银子装箱笼，
Xangh nganz xos diec siangl， ɕaŋ³³ ŋan¹¹ ɕo³⁵ tiə⁵³ siəŋ²⁴ 称　银　放　底　箱	银子称好装箱里，
Dez bail riangz gaausxangh， tɯ¹¹ pai²⁴ ziəŋ¹¹ ka：u³⁵ɕwaŋ³³ 带　去　跟　告状	带上银子去告状，
Gueh yianghlaez miz sael？ kuə³³ jiəŋ³³laɯ¹¹ mi¹¹ saɯ²⁴ 做　哪样　不　清	为何状告不清楚？
Rauz rongz mbael ndeeul mos， zau¹¹ zɔŋ¹¹ ʔbaɯ²⁴ ʔdeu²⁴ mo³⁵ 我　下　张　一　新	我们又呈诉讼状，
Xos mbael xaangh dazsaaml， ɕo³⁵ ʔbaɯ²⁴ ɕwa：ŋ³³ ta¹¹sa：m²⁴ 放　张　状文　第三	呈上第三张诉讼状，
Mbaelneex xos jaanglmbaanx xicyiangl， ʔbaɯ²⁴ne³¹ ɕo³⁵ tɕa：ŋ²⁴ʔba：n³¹ ɕi⁵³jiəŋ²⁴ 这张　放　中寨　者香	此状呈给者香亭，
Xos saaml diangz oixmoih， ɕo³⁵ sa：m²⁴ tiəŋ¹¹ ʔoi³¹moi³³ 放　三　亭　蔗甜	呈给三亭主事人，
Bux lix noih baangl noih， pu³¹ li³¹ noi³³ pa：ŋ²⁴ noi³³ 个　有　少　帮　少	人们有多少也资助，
Bux lix laail baangl laail， pu³¹ li³¹ la：i²⁴ pa：ŋ²⁴ la：i²⁴ 个　有　多　帮　多	大家多资助更好，
Buxgvaail xix baangl bas， pu³¹kwa：i²⁴ ɕi³¹ pa：ŋ²⁴ pa³⁵ 聪明人　就　帮　嘴	能说会道给帮腔，
Ndiabt jings rox baangl xonz， ʔbiəp³⁵ tɕiŋ³⁵ zo³¹ pa：ŋ²⁴ ɕɔn¹¹ 思　和　知　帮　句	深思熟虑就献策，
Haec rauz rongz lauc noh， haɯ⁵³ zau¹¹ zɔŋ¹¹ lau⁵³ no³³ 给　我　下　酒　肉	我要操办一桌席，
Gueh haec boh jings bix feax genl， kuə³³ haɯ⁵³ po³³ tɕiŋ³⁵ pi³¹ fɯə³¹ kɯn²⁴ 做　给　你　和　兄　他　吃	请她家父兄和亲戚，
Wanz aul yux mizduanh， wan¹¹ ʔau²⁴ ju³¹ mi¹¹tuən³³ 想　要　妹　不可	我是离不开阿妹，
Aul dueznuangx dalmenl mizduanh. ʔau²⁴ tuə¹¹nuəŋ³¹ ta²⁴mɯn²⁴ mi¹¹tuən³³ 要　情妹　凤眼　不可	我与阿妹不分离。
Gueh yianghlaez miz sael？ kuə³³ jiəŋ³³laɯ¹¹ mi¹¹ saɯ²⁴ 做　哪样　不　清	为何状告不清楚？
Rauz rongz mbael ndeeul mos， zau¹¹ zɔŋ¹¹ ʔbaɯ²⁴ ʔdeu²⁴ mo³⁵ 我　下　张　一　新	我们又呈诉讼状，
Xos mbael xaangh dazsis， ɕo³⁵ ʔbaɯ²⁴ ɕwa：ŋ³³ ta¹¹si³⁵ 放　张　状文　第四	呈上第四张诉讼状，
Mbaelneex xos jaanglgaail lacyaamx， ʔbaɯ²⁴ne³¹ ɕo³⁵ tɕa：ŋ²⁴ka：i²⁴ la⁵³ja：m³¹ 张这　放　中街　乐元	此状贴放乐元街中，
Sams weihjis ndael mbaanx， sam³⁵ wɯi³³tɕi³⁵ ʔdaɯ²⁴ ʔba：n³¹ 那　朋友　里　寨	寨上朋友们，
Xamh dungxbaanx reegtraanz， ɕam³³ tuŋ³¹pa：n³¹ zek³⁵za：n¹¹ 一起　陪伴　屋檐	曾相识和不相识，
Bux lix xeenz baangl xeenz， pu³¹ li³¹ ɕen¹¹ pa：ŋ²⁴ ɕen¹¹ 个　有　钱　帮　钱	你们要资助我，
Bux lix xaangz baangl xaangz， pu³¹ li³¹ ɕa：ŋ¹¹ pa：ŋ²⁴ ɕa：ŋ¹¹ 个　有　两　帮　两	有多有少都要帮，
Haail xeenzhaux raanzdianh， ha：i²⁴ ɕen¹¹hau³¹ za：n¹¹tiən³³ 开　钱饭　店家	帮我开店家伙食，
Haanl xeenzramx raanzdianh， ha：n²⁴ ɕen¹¹zam³¹ za：n¹¹tiən³³ 开　水钱　店家	店家水费也要给，
Bux lix fanl baangl fanl， pu³¹ li³¹ fan²⁴ pa：ŋ²⁴ fan²⁴ 个　有　分　帮　分	请解囊救助，
Xos xeenz dangl jachamh， ɕo³⁵ ɕen¹¹ taŋ²⁴ tɕa⁵³ham³³ 放　钱　灯　晚上	住宿灯油也要付，
Xos danglyuz jachamh. ɕo³⁵ taŋ²⁴ju¹¹ tɕa⁵³ham³³ 放　灯油　晚上	夜间灯油费要开。
Gueh yianghlaez miz sael？ kuə³³ jiəŋ³³laɯ¹¹ mi¹¹ saɯ²⁴ 做　哪样　不　清	为何状告还不清？
Rauz rongz mbael ndeeul mos， zau¹¹ zɔŋ¹¹ ʔbaɯ²⁴ ʔdeu²⁴ mo³⁵ 我　下　张　一　新	我们又呈诉讼状，
Xos mbael xaangh dazhac， ɕo³⁵ ʔbaɯ²⁴ ɕwa：ŋ³³ ta¹¹ha⁵³ 放　张　状文　第五	呈上第五张诉讼状，
Mbael neex xos jaanglgaail weangzmux， ʔbaɯ²⁴ ne³¹ ɕo³⁵ tɕ：ŋ²⁴ka：i²⁴ wɯəŋ¹¹mu³¹ 张　这　放　街上　王母	此状贴望谟街上，
Gaaus aul yux wois mal， ka：u³⁵ ʔau²⁴ ju³¹ woi³⁵ ma²⁴ 告　要　妹　我　来	此状诉要我阿妹，
Gaaus aul baz wois daaus， ka：u³⁵ ʔau²⁴ pa¹¹ woi³⁵ ta：u³⁵ 告　要　妻　我　回	诉讼要回我之妻，
Lixnis bix xix mbugt bail gaangc， li³¹ni³⁵ pi³¹ ɕi³¹ ʔbuk³⁵ pai²⁴ ka：ŋ⁵³ 从小　哥　就　襁褓　去　说亲	阿哥少时定终身，
Lixnis bix xix naangx bail ingl， li³¹ni³⁵ pi³¹ ɕi³¹ na：ŋ³¹ pai²⁴ ʔiŋ²⁴ 有小　哥　就　酒　去　靠	你与阿哥许相配，
Gus deel yux dinlndingl lixniangh， ku³⁵ te²⁴ ju³¹ tin²⁴ʔdiŋ²⁴ li³¹niəŋ³³ 时　那　妹　赤脚　有小	那时阿妹年少不说，
Saaul deenh daic lixniangh. sa：u²⁴ ten³³ tai⁵³ li³¹niəŋ³³ 妹　床　哭　有小	阿妹故作不知道。
Gueh yianghlaez miz sael？ kuə³³ jiəŋ³³laɯ¹¹ mi¹¹ saɯ²⁴ 做　哪样　不　清	为何状告还不清？
Rauz rongz mbael ndeeul mos， zau¹¹ zɔŋ¹¹ ʔbaɯ²⁴ ʔdeu²⁴ mo³⁵ 我　下　张　一　新	我们又呈诉讼状，
Neex mbael xos bausxongc byasndoil， ne³¹ ʔbaɯ²⁴ ɕo³⁵ pau³⁵ɕoŋ⁵³ pja³⁵ʔdoi²⁴ 这　张　放　保统　坪上	此状呈坪上保统，
Xos mbael xaangh dazrogt， ɕo³⁵ ʔbaɯ²⁴ ɕwa：ŋ³³ ta¹¹zɔk³⁵ 放　张　状文　第六	呈上第六张诉讼状，
Doil dangz Hof Daqguany， toi²⁴ taŋ¹¹ ho¹¹ ta²⁴kuən³³ 推　到　何　大观	何大观接状在手，
Hof Daqguany doc ndil， ho¹¹ ta²⁴kuən³³ to⁵³ ʔdi²⁴ 何　大观　都　好	何大观人缘好，
Boh yiqpinf doc soh， po³³ ji²⁴phin³¹ to⁵³ so³³ 父　玉平　都　直	玉平家老人话好说，
Hof Daqguany doc haanl， ho¹¹ ta²⁴kuən³³ to⁵³ ha：n²⁴ 何　大观　都　应	何大观他答应接头，
Sucraanz daanz doc xux， su⁵³za：n¹¹ taŋ¹¹ to⁵³ ɕu³¹ 主家　谭　都　接	谭家土司案在手，
Dez haec sais weangzmux baaic daangz， tɯ¹¹ haɯ⁵³ sai³⁵ wɯəŋ¹¹mu³¹ pa：i⁵³ ta：ŋ¹¹ 带　给　官府　王母　摆　堂	走到王母升堂断，
Naangz dungxaul nac sais， na：ŋ¹¹ tuŋ³¹ʔau²⁴ na⁵³ sai³⁵ 小姐　结合　面前　官府	阿妹堂前要说清，
Aul dungxndaix nac sais. ʔau²⁴ tuŋ³¹ʔdai³¹ na⁵³ sai³⁵ 要　结合　面前　官府	老爷面前说清楚。
Dungxqyas mizgvas baus basxongc baangxdamz， tuŋ³¹ʔja³⁵ mi¹¹kwa³⁵ pau³⁵ pa³⁵ɕoŋ⁵³ pa：ŋ³¹tam¹¹ 心不良　不过　老者　统口　塘边	保统传事人心狠，
Dungxqyas mizgvas baus baangxnaz， tuŋ³¹ʔja³⁵ mi¹¹kwa³⁵ pau³⁵ pa：ŋ³¹na¹¹ 心不良　不过　老者　田边	恨传事人心狠毒，
Ax bas hax genl xeenz， ʔa³¹ pa³⁵ ha³¹ kɯn²⁴ ɕen¹¹ 张　嘴　想　吃　钱	他开口就要钱，
Ax bas hax genl xaangz， ʔa³¹ pa³⁵ ha³¹ kɯn²⁴ ɕa：ŋ¹¹ 张　嘴　想　吃　两	闭口也想要银两，
Mazheenz saaul lixniangh. ma¹¹hen¹¹ sa：u²⁴ li³¹niəŋ³³ 贪便宜　妹　有小	阿妹无知他敲诈。
Gueh yianghlaez mizsael？ kuə³³ jiəŋ³³laɯ¹¹ mi¹¹saɯ²⁴ 做　哪样　不清	为何状告还不清？
Rauz rongz mbael ndeeul mos， zau¹¹ zɔŋ¹¹ ʔbaɯ²⁴ ʔdeu²⁴ mo³⁵ 我　下　张　一　新	我们又呈诉讼状，
Xos mbael xaangh dazxadt， ɕo³⁵ ʔbaɯ²⁴ ɕwa：ŋ³³ ta¹¹ɕat³⁵ 放　张　状文　第七	呈上第七张诉讼状，
Mbaelneex xos baussuc mauxrinl， ʔbaɯ²⁴ne³¹ ɕo³⁵ pau³⁵su⁵³ mau³¹zin²⁴ 张这　放　主人　老	此状呈老土司，
Xos jimlyiez genzxeeh， ɕo³⁵ tɕim²⁴jiə¹¹ kɯn¹¹ɕe³³ 放　金爷　上	呈给上的老爷，
Soonglrauz henc dulliz， soŋ²⁴zau¹¹ hɯn⁵³ tu²⁴li¹¹ 我俩　上　朝门	我们要从朝门进，
Ndilriz henc dulganh， ʔdi²⁴zi¹¹ hɯn⁵³ tu²⁴kan³³ 真是　上　陡门	顺着石梯上，
Henc ganh miz bail saangl， hɯn⁵³ kan³³ mi¹¹ pai²⁴ sa：ŋ²⁴ 爬　半途　不　去　高	不再往高处走，
Rauz waangl raanz suc gaangc saih， zau¹¹ wa：ŋ²⁴ za：n¹¹su⁵³ ka：ŋ⁵³ sai³³ 我们　走　主家　讲　状	咱们土司家告状，
Xaanghis henc bail saangl lo nuangx， ɕa：ŋ³³hi³⁵ hɯn⁵³ pai²⁴ sa：ŋ²⁴ lo⁰ nuəŋ³¹ 决心　上　去　高　（语）妹	阿妹你千万别怕，
Suc qyus genz xix aangs dangz byac， su⁵³ ʔju³⁵ kɯn¹¹ ɕi³¹ ʔa：ŋ³⁵ taŋ¹¹ pja⁵³ 主人　在　上　就　高兴　到　雷	堂上土司极高兴，
Gaabt^[1] qyus lac xix aangs dangz ngeah， ka：p³⁵ ʔju³⁵ la⁵³ ɕi³¹ a：ŋ³⁵ taŋ¹¹ ŋɯə³³ 甲人　在　下　就　高兴　到　蛟龙	代诉人也喜上眉梢。
Gueh jizjus lacdaangs， kuə³³ tɕi¹¹tɕu³⁵ la⁵³ta：ŋ³⁵ 做　商量　下院坝	咱们事先要讲好，
Haec mengz xuex qyusyiangh， haɯ⁵³ mɯŋ¹¹ ɕuə³¹ ʔju³⁵jiəŋ³³ 给　你　讲　怎样	你要讲告状原因，
Gueh jizjus laclauz， kuə³³ tɕi¹¹tɕu³⁵ la⁵³lau¹¹ 做　商量　下楼	我们要好好商量，
Qyusndil rauz bail gvih， ʔju³⁵ʔdi²⁴ zau¹¹ pai²⁴ kwi³³ 如何　咱　去　跪	咱们怎样跪求好，
Buxsuc hams xix haanl nuangx no， pu³¹su⁵³ ham³⁵ ɕi³¹ ha：n²⁴ nuəŋ³¹ no⁰ 土官　问　就　回答　妹　（语）	土司问你好生答，
Mengz dingl gvaanl xix os， mɯŋ¹¹ tiŋ²⁴ kwa：n²⁴ ɕi³¹ ʔo³⁵ 你　离婚　丈夫　就　出	你的婚姻能断清，
Nuangx maanx jaauc xix os. nuəŋ³¹ ma：n³¹ tɕa：u⁵³ ɕi³¹ ʔo³⁵ 妹　诉辩　丈夫　就　出	阿妹婚姻事就能离。
Buxsuc damxdeengc haanl， pu³¹su⁵³ tam³¹teŋ⁵³ ha：n²⁴ 主人　突然　回答	土司突然吼声说，
Miz sas eeuxraanz sul soongl xoix， mi¹¹ swa³⁵ ʔeu³¹za：n¹¹ su²⁴ soŋ²⁴ ɕoi³¹ 不　拆　家庭　你　两　个	不拆散你夫妻俩，
Rauz xix xiez yux daaus mal eeux， zau¹¹ ɕi³¹ ɕiə¹¹ ju³¹ ta：u³⁵ ma²⁴ ʔeu³¹ 我　就　约　妹　转　来　粮仓	我只能喊阿妹回来，
Rauz xix xiez yux daaus mal raanz， zau¹¹ ɕi³¹ ɕiə¹¹ ju³¹ ta：u³⁵ ma²⁴ za：n¹¹ 我　就　约　妹　转　来　家	我与阿妹回店家，
Haail xeenzhaux raanzdianh， ha：i²⁴ ɕen¹¹hau³¹ za：n¹¹ tiən³³ 开　饭钱　店家	付给店家伙食费，
Haail xeenzramx raanzdianh， ha：i²⁴ ɕen¹¹ zam³¹ za：n¹¹ tiən³³ 开　水钱　店家	水费不能少，
Miz gvas leeux soonglbas saamlbas xeenz haangl， mi¹¹ kwa³⁵ leu³¹ soŋ²⁴pa³⁵ sa：m²⁴pa³⁵ ɕen¹¹ ha：ŋ²⁴ 不　过　完　两百　三百　钱　钢	花两三百银元没啥，
Xex hauxxug genl ngaaih， ɕɯ³¹ hau³¹ɕuk³³ kɯn²⁴ ŋa：i³³ 买　熟饭　吃　方便	啥时吃饭都容易，
Miz gvas leeux soonglbas saamlbas xeenz luangz， mi¹¹ kwa³⁵ leu³¹ soŋ²⁴pa³⁵ sa：m²⁴pa³⁵ ɕen¹¹ luəŋ¹¹ 不　过　完　两百　三百　钱　铜	铜钱已花去不少，
Gamz feangz sez mog xah， kam¹¹ fɯəŋ¹¹ sɯ¹¹ mɔk³³ ɕa³³ 一把　谷草　如　被子　垫	稻草当做棉垫睡，
Xah miz ndaix ninz ndil， ɕa³³ mi¹¹ ʔdai³¹ nin¹¹ ʔdi²⁴ 垫　不　得　睡　好	没有床垫能睡着，
Jiz mizndaix nyagnyaus， tɕi¹¹ mi¹¹ʔdai³¹ 值　不得　气愤	越想越气愤，
Isnauz banz raanzgaus， ʔi³⁵nau¹¹ pan¹¹ za：n¹¹kau³⁵ 如说　成　自家	这不是自己的家，
Isnauz banz raanz gul， ʔi³⁵nau¹¹ pan¹¹ za：n¹¹ ku²⁴ 如说　成　家　我	不是自己家里，
Baais bux qyus gonghmul rongsgais， pa：i³⁵ pu³¹ ʔju³⁵ kɔŋ³³mu²⁴ zɔŋ³⁵kai³⁵ 像　个　在　猪圈　鸡笼	拥挤不堪像鸡窝，
Baais gaais sais weangzmux saisgunl， pa：i³⁵ ka：i³⁵ sai³⁵ wɯəŋ¹¹mu³¹ sai³⁵kun²⁴ 像　个　官　王母　官兵	像似王母官府兵，
Suc mauxrinl suc qyas， su⁵³ mau³¹zin²⁴ su⁵³ ʔja³⁵ 主人　老垄　主人　凶	老垄土司凶像样，
Deel mizliangh haec nuangx dingl gvaanl， te²⁴ mi¹¹liəŋ³³ haɯ⁵³ nuaŋ³¹ tiŋ²⁴ kwa：n²⁴ 他　不会　给　妹　离　丈夫	阿妹离婚他不办，
Rauz bail jaangl mianxguz gaausxaangh， zau¹¹ pai²⁴ tɕa：ŋ²⁴ miən³¹ku¹¹ ka：u³⁵ɕwa：ŋ³³ 我们　去　中　珉谷　告状	我们上珉谷告状，
Rauz bail xul beangzlaaux gaausxaangh， zau¹¹ pai²⁴ ɕu²⁴ pɯəŋ¹¹la：u³¹ ka：u³⁵ɕwa：ŋ³³ 我们　去　城　地方大　告状	到县城告状，
Gueh yianghlaez miz sael？ kuə³³ jiəŋ³³laɯ¹¹ mi¹¹ saɯ²⁴ 做　哪样　不　清	为何状告还不清？
Rauz rongz mbael ndeeul mos， zau¹¹ zɔŋ¹¹ ʔbaɯ²⁴ ʔdeu²⁴ mo³⁵ 我　下　张　一　新	我们又呈诉状，
Xos mbael xaangh dazbeedt， ɕo³⁵ ʔbaɯ²⁴ ɕwa：ŋ³³ ta¹¹pet³⁵ 放　张　状文　第八	呈上第八张诉讼状，
Mbael neex xos baussais lachos， ʔbaɯ²⁴ ne³¹ ɕo³⁵ pau³⁵sai³⁵ la⁵³ho³⁵ 张　这　放　老爷　罗甸	此状呈罗甸老爷，
Xos bihlungx soongllungx xah faz， ɕo³⁵ pi³³luŋ³¹ soŋ²⁴luŋ³¹ ɕa³³ fa¹¹ 放　一套　两套　绳　铁	面前摆着铁链子，
Daz mal haaul lunc waais， ta¹¹ ma²⁴ ha：u²⁴ lum⁵³ wa：i³⁵ 抽　来　白　像　棉花	抽出亮晃晃大刀，
Dogtnaais miz mo nuangx？ tɔk³⁵na：i³⁵ mi¹¹ mo⁰ nuəŋ³¹ 泄气　不　嘛　小姐	阿妹你胆怯没有？
Dogtnaais miz mo naangz？ tɔk³⁵na：i³⁵ mi¹¹ mo⁰ na：ŋ¹¹ 泄气　不　嘛　小姐	你气馁没有阿妹？
Miz gvas nois xix dangz jaanglgaail， mi¹¹ kwa³⁵ noi³⁵ ɕi³¹ taŋ¹¹ tɕa：ŋ²⁴ka：i²⁴ 不　过　少　就　到　街上	这不是街上玩的事，
Laail xix dangz lachos， la：i²⁴ ɕi³¹ taŋ¹¹ la⁵³ho³⁵ 多　就　到　罗甸	事关重大到罗甸，
Lachos bix miz gungz， la⁵³ho³⁵ pi³¹ mi¹¹ kuŋ¹¹ 罗甸　哥　不　怕	罗甸阿哥不怕没出路，
Yafmenf gul miz his， ja³¹mɯn³¹ ku²⁴ mi¹¹ hi³⁵ 衙门　我　不　担	找衙门我不担心，
Ganhhis haanh bix dogt gixgangz， kan³³hi³⁵ ha：n³³ pi³¹ tɔk³⁵ ki³¹kaŋ¹¹ 担心　汗　哥　落　不断	阿哥只怕汗水流，
Aul ganl mengz uadthaanh. ʔau²⁴ kan²⁴ mɯŋ¹¹ ʔuət³⁵ha：n³³ 要　帕子　你　抹汗	你帮我擦汗水。
Bix deengl wenz legsaail xix gvih baaihnac， pi³¹ teŋ²⁴ wɯn¹¹ lɯk³³sa：i²⁴ ɕi³¹ kwi³³ pa：i³³na⁵³ 哥　是　人　男儿　就　跪　前面	阿哥是男跪在前，
Nuangx deengl wenz legmbegt xix gvih baaihlangl， nuəŋ³¹ teŋ²⁴ wɯn¹¹ lɯk³³ʔbɯk³⁵ ɕi³¹ kwi³³ pa：i³³laŋ²⁴ 妹　是　人　女孩　就　跪　后面	阿妹是女在后跪，
Xonz miz dangz mengz saad， ɕɔn¹¹ mi¹¹ taŋ¹¹ mɯŋ¹¹ sa：t³³ 句　不　到　你　补充	你听后要作补充，
Xonz bix gaadt mengz dimz， ɕɔn¹¹ pi³¹ ka：t³⁵ mɯŋ¹¹ tim¹¹ 句　哥　断　你　添	阿哥讲了你接着说，
Miz haec xeenz rauz baaih. mi¹¹ haɯ⁵³ xen¹¹ zau¹¹ pa：i³³ 不　给　钱　我　赔	不让我们钱损失。
Baaih xix baaih xeenz qyaix， pa：i³³ ɕi³¹ pa：i³³ ɕen¹¹ ʔjai³¹ 赔　就　赔　钱　布依	被赔偿是他家钱，
Baaih xix baaih xeenz qyaangl， pa：i³³ ɕi³¹ pa：i³³ ɕen¹¹ ʔja：ŋ²⁴ 赔　就　赔　钱　央家人	要他家钱来赔偿，
Xeenz gvaangl miz haec baaih， ɕen¹¹ kwa：ŋ²⁴ mi¹¹ haɯ⁵³ pa：i³³ 钱　少爷　不　给　赔	我的钱别作赔偿，
Gueh yianghlaez miz sael？ kuə³³ jiəŋ³³laɯ¹¹ mi¹¹ saɯ²⁴ 做　哪样　不　清	为何原因状告不清？
Rauz rongz mbael ndeeul mos， zau¹¹ zɔŋ¹¹ ʔbaɯ²⁴ ʔdeu²⁴ mo³⁵ 我　下　张　一　新	我们又呈诉讼状，
Xos mbael xaangh dazguc， ɕo³⁵ ʔbaɯ²⁴ ɕwa：ŋ³³ ta¹¹ku⁵³ 放　张　状文　第九	呈上第九张诉讼状，
Mbaelneex xos baussuc lacbah， ʔbaɯ²⁴ne³¹ ɕo³⁵ pau³⁵su⁵³ la⁵³pa³³ 这张　放　主人　乐坝	此状呈乐坝土司，
Suc lacbah genl ngaaiz， su⁵³ la⁵³pa³³ kɯn²⁴ ŋa：i¹¹ 主人　乐坝　吃　午饭	恰好土司在吃饭，
Baaiz xib bidt guc gais， pa：i¹¹ ɕip³³ pit³⁵ ku⁵³ kai³⁵ 摆　十　鸭　九　鸡	桌上摆满鸡鸭肉，
Sais weangzmux genl ringz， sai³⁵ wɯəŋ¹¹mu³¹ kɯn²⁴ ziəŋ¹¹ 老爷　王母　吃　午饭	王母老爷也在坐，
Maauh ndingl baaic soonglfah， ma：u³³ ʔdiŋ²⁴ pa：i⁵³ soŋ²⁴fa³³ 帽　红　排　两边	乌纱帽摆成行，
Xizyah qvax maaic qvax， ɕi¹¹ja³³ ʔva³¹ ma：i⁵³ ʔva³¹ 女子　傻　就　傻	女孩就是不知礼，
Miz roxnac buxhas， mi¹¹ zo³¹na⁵³ pu³¹ha³⁵ 不　认识　汉人	认不得官府人，
Axbas wangfbafdanq， ʔa³¹pa³⁵ waŋ³¹pa¹¹tan²⁴ 张嘴　王八蛋	开口就乱骂人，
Maix dingl gvaanl miz os， mai³¹ tiŋ²⁴ kwa：n²⁴ mi¹¹ ʔo³⁵ 姑娘　离　丈夫　不　出	你想离婚离不了，
Saaul dingl jaauc miz os. sa：u²⁴ tiŋ²⁴ tɕa：u⁵³ mi¹¹ ʔo³⁵ 妹　离　丈夫　不　出	阿妹难办离婚事。
Hax yag lings hax xux， ha³¹ jak³³ liŋ³⁵ ha³¹ ɕu³¹ 想　捞　非　想　接	心是很想娶阿妹，
Haec bix xux laez xuangs？ haɯ⁵³ pi³¹ ɕu³¹ laɯ¹¹ ɕuəŋ³⁵ 给　哥　接　或　放	让我娶还是放弃？
Hax xuangs yieh yux rauz， ha³¹ ɕuəŋ³⁵ jiə³³ ju³¹ zau¹¹ 想　放　也　情妹　我	想离开阿妹难舍，
Hax aul yieh baz feax， ha³¹ ʔau²⁴ jiə³³ pa¹¹ fɯə³¹ 想　要　也　妻　他	我很想你已嫁人，
Yueh gul ndoil mazrauh？ juə³³ ku²⁴ ʔdoi²⁴ ma¹¹zau³³ 哄　我　空　啥样	你为何要欺骗我？
Nyoiz gul daic mazrauh？ ku²⁴ tai⁵³ ma¹¹zau³³ 戏弄　我　哭　啥样	为什么要戏弄我？
Gueh yianghlaez miz sael？ kuə³³ jiəŋ³³laɯ¹¹ mi¹¹ saɯ²⁴ 做　哪样　不　清	为何原因状告不清？
Rauz hax bail jiez mos， zau¹¹ ha³¹ pai²⁴ tɕiə¹¹ mo³⁵ 我　想　去　处　新	我到别处去告状，
Xez nyanz runs rungl haux， ɕɯ¹¹ zun³⁵ zuŋ²⁴ hau³¹ 时候　寅　起　煮　饭	我们寅时就煮饭，
Xez mauc hax os dul， ɕɯ¹¹ mau⁵³ ha³¹ ʔo³⁵ tu²⁴ 卯　时　将　出　门	卯时一到咱上路，
Bux lix max raangc max， pu³¹ li³¹ ma³¹ za：ŋ⁵³ ma³¹ 个　有　马　备　马	有马就骑马，
Bux lix luez raangc luez， pu³¹ li³¹ luə¹¹ za：ŋ⁵³ luə¹¹ 个　有　骡　备　骡	有骡就骑骡，
Raangc max ndil bail goons， za：ŋ⁵³ ma³¹ ʔdi²⁴ pai²⁴ kon³⁵ 备　好　马　去　先	壮马走在前，
Jiz max laaux bail goons. tɕi¹¹ ma³¹ la：u³¹ pai²⁴ kon³⁵ 鞍　马　大　去　先	骑马走得快。
Bix hax qyoons qyus langl， pi³¹ ha³¹ ʔjon³⁵ ʔju³⁵ laŋ²⁴ 哥　想　缩脚　在　后	阿哥想稍后再走，
Bix hax qyoons qyus byaail， pi³¹ ha³¹ ʔjon³⁵ ʔju³⁵ pja：i²⁴ 哥　想　缩脚　在　梢	阿哥想稍后上路，
Naail raanzdoz eedtliangh. na：i²⁴ za：n¹¹to¹¹ ʔet³⁵liəŋ³³ 招呼　店家　一会儿	给店家招呼再走。
Xaauc laez bail lo meeh， ɕa：u⁵³ laɯ¹¹ pai²⁴ lo⁰ me³³ 打扰　那　去　了　母亲	打扰你了主人家，
Meeh nauz miz xaauc maz lo leg， me³³ nau¹¹ mi¹¹ ɕa：u⁵³ ma¹¹ lo⁰ lɯk³³ 母亲　说　没　打扰　啥　罗　儿	店家妇主说没啥，
Miz xaauc maz mo meeh， mi¹¹ ɕa：u⁵³ ma¹¹ mo⁰ me³³ 不　打扰　啥　（语）　母亲	你说没什么打扰，
Xaauc beehmbees soonglmbees ramx genl， ɕa：u⁵³ pe³³ʔbe³⁵ soŋ²⁴ʔbe³⁵ zam³¹ kɯn²⁴ 打扰　一瓢　二瓢　水　吃	我们用你家的水，
Xaauc fenz leeul buxjees， ɕa：u⁵³ fɯn¹¹ leu³¹ pu³¹tɕe³⁵ 打扰　柴　草　老人	老人柴草我们烧，
Byagt ndael sianl genl leeux， pjak³⁵ ʔdaɯ²⁴ siən²⁴ kɯn²⁴ leu³¹ 菜　里　园　吃　完	我们吃了你的菜，
Haux ndael eeux yieh runh， hau³¹ ʔdaɯ²⁴ ʔeu³¹ jiə³³ zun³³ 谷　里　仓　也　尽	饭是煮你家的米，
Xohneex boh wois jees， ɕo³³ne³¹ po³³ woi³⁵ tɕe³⁵ 日后　我　父　老	以后俩老不在世，
Xohneex meeh wois jaail， ɕo³³ne³¹ me³³ woi³⁵ tɕa：i²⁴ 日后　我　母　老	日后俩老离世间，
Mal gvih nac lingzbaaiz， ma²⁴ kwi³³ na⁵³ liŋ¹¹pa：i¹¹ 来　跪　前　灵牌	每天灵牌前跪，
Mal naail nac lingzweih， ma²⁴ na：i²⁴ na⁵³ liŋ¹¹wɯi³³ 来　拜　前　灵位	在灵位前来跪拜，
Gvih widt nac bail genz， kwi³³ wit³⁵ na⁵³ pai²⁴ kɯn¹¹ 跪　仰　脸　去　上	拜跪又磕头，
Lunz xaauxraanz lungc xeeh. lun¹¹ ɕa：u³¹za：n¹¹ luŋ⁵³ ɕe³³ 幺　造家　才　吉利	我这嫁后没忧。
Gvih widt nac bail saangl， kwi³³ wit³⁵ na⁵³ pai²⁴ sa：ŋ²⁴ 跪　仰　脸　去　高	拜跪又磕头，
Gvaangl xaauxraanz lungc xeeh. kwa：ŋ²⁴ ɕa：u³¹za：n¹¹ luŋ⁵³ ɕe³³ 少爷　造家　才　吉利	我今后百事无忧。
Xeznyanz runs rungl haux， zun³⁵ zuŋ²⁴ hau³¹ 寅时　越　煮　饭	我们半夜就煮饭，
Xezmauc hax osdul， ɕɯ¹¹mau⁵³ ha³¹ ʔo³⁵tu²⁴ 卯时　将　出门	天未明亮咱上路，
Xezxiz henc ndoilguc， ɕɯ¹¹ɕi¹¹ hɯn⁵³ ʔdoi²⁴ku⁵³ 辰时　上　九里坡	天亮上了九里坡，
Sams sosronl bailrih， sam³⁵ so³⁵zɔn²⁴ pai²⁴zi³³ 那些　道路　去地	阿哥什么路都走，
Sams sosronl bail naz， sam³⁵ so³⁵zɔn²⁴ pai²⁴ na¹¹ 那些　道路　去　田	什么山道都爬过，
Raz miz laaul ndoilguc， za¹¹ mi¹¹ la：u²⁴ ʔdoi²⁴ku⁵³ 我　不　怕　九里坡	我不怕那九里坡，
Gaais neex gaaus aul yux， ka：i³⁵ ne³¹ ka：u³⁵ ʔau²⁴ ju³¹ 个　这　告　要　妹	阿哥告状为阿妹，
Gaais neex gaaus aul baz， ka：i³⁵ ne³¹ ka：u³⁵ ʔau²⁴ pa¹¹ 个　这　告　要　妻	状告娶阿妹为妻,
Rauz mizlaaul ndoilgus， zau¹¹ mi¹¹la：u²⁴ ʔdoi²⁴ku⁵³ 我　不怕　九里坡	爬九里坡我不累，
Gueh sagtbus soonglbus xamzreeul， kuə³³ sak³⁵pu³⁵ soŋ²⁴pu³⁵ ɕam³¹zeu²⁴ 做　一部　两部　玩笑	会讲一两段笑话，
Reeul saaml xonz gvas naangh， zeu²⁴ sa：m²⁴ ɕɔn¹¹ kwa³⁵ na：ŋ³³ 笑　三　句　过　岗	说说笑笑过山岗，
Baaih sosringx genl ringz， pa：i³³ so³⁵ziŋ³¹ kɯn²⁴ ziŋ¹¹ 方向　松林寒　吃　午饭	当到松林正午时，
Dangz dinlndoil max yaanh， taŋ¹¹ tin²⁴ʔdoi²⁴ ma³¹ ja：n³³ 到　坡脚　马　滑	这时已到马滑坡，
Jeenhjeenh dogt gaauc jiel， tɕen³³tɕen³³ tɔk³⁵ kwa：u⁵³ tɕiə²⁴ 渐渐　落　岗　松林	没多久到松林岗，
Liez lacyaamx saaml longh， liə¹¹ la⁵³ja：m³¹ sa：m²⁴ lɔŋ³³ 离　乐元　三　华里	离乐元有几里路，
Ndilqyus miz gvas beangz lacyaamx， ʔdi²⁴ʔju³⁵ mi¹¹ kwa³⁵ pɯəŋ¹¹ la⁵³ja：m³¹ 好在　不　过　地方　乐元	乐元真是好地方，
Bol saamlgvaangs sisaanx， po²⁴ sa：m²⁴kwa：ŋ³⁵ si³⁵ʔa：n³¹ 坡　三宽　四仰	青青山水映山寨，
Mbaanx saamlgvaangs sisgaail， ʔba：n³¹ sa：m²⁴kwa：ŋ³⁵ si³⁵ka：i²⁴ 寨　三宽　四街	三街四路贯其中，
Haail jeexsadt lacdiams， ha：i²⁴ tɕe³¹sat³⁵ la⁵³tiəm³⁵ 开　场狗　老街	戊日是老街赶集，
Dais jiezneex bail genz， tai³⁵ tɕiə¹¹ne³¹ pai²⁴ kɯn¹¹ 从　这里　去　上	从老街往前走，
Dangz xeehdungl haamcdoh， taŋ¹¹ ɕe³³tuŋ²⁴ ha：m⁵³to³³ 到　者洞　摆渡	到了者洞要渡船，
Bux baslueh qyus saangl， pu³¹ pa³⁵luə³³ ʔju³⁵ sa：ŋ²⁴ 了　坝乐　在　高	坝乐住在半山中，
Bux ndonglyaangz qyus maux， pu³¹ ʔdɔŋ²⁴ja：ŋ¹¹ ʔju³⁵ mau³¹ 个　弄阳　在　峁	弄阳居在山岗上，
Fenz rungl haux mboxmiz， fɯn¹¹ zuŋ²⁴ hau³¹ ʔbo³¹mi¹¹ 柴　煮　饭　没有	煮饭没有柴火烧，
Xeenzfiz aul laail daaih. ɕen¹¹fi¹¹ ʔau²⁴ la：i²⁴ ta：i³³ 火钱　要　得　多	柴火费昂贵。
Fex haux beedt xaangz xeenz， fɯ³¹ hau³¹ pet³³ ɕa：ŋ¹¹ ɕen¹¹ 顿　饭　八　两　钱	煮餐饭要八两银，
Mazheenz saaul gvas loh， ma¹¹hen¹¹ sa：u²⁴ kwa³⁵ lo³³ 贪便宜　妹　过　路	敲诈阿妹过路人，
Dais jiezneex bail saangl， tai³⁵ tɕiə¹¹ne³¹ pai²⁴ sa：ŋ²⁴ 从　这里　去　高	从这继续往前走，
Xizlaanl daic dungxies， ɕi¹¹la：n²⁴ tai⁵³ tuŋ³¹ʔiə³⁵ 小孩　哭　饿肚	小孩声声哭叫饿，
Sagt hoh oix guanc jianz， sak³⁵ ho³³ ʔoi³¹ kuən⁵³ tɕiən¹¹ 把　节　蔗　尽　送	送节甘蔗给他吃，
Sagt ndanl diangl guanc yiangh， sak³⁵ ʔdan²⁴ diəŋ²⁴ kuən⁵³ jiəŋ³³ 把　个　瓜　尽　递	送个瓜给他们尝，
Xoix ndeeul ndaix yiangh ndeeul， ɕoi³¹ ʔdeu²⁴ ʔdai³¹ jiəŋ³³ ʔdeu²⁴ 个　一　得　样　一	他们各拿各东西吃，
Reeul banz jic gaais yiangh， zeu²⁴ pan¹¹ tɕi⁵³ ka：i³⁵ jiəŋ³³ 笑　成　几　个　样	哭声停了笑声起，
Jeenh dangz meanh xezringz， tɕen³³ taŋ¹¹ mɯən³³ ɕɯ¹¹ziəŋ¹¹ 渐　到　时候　晌午	已到正午时，
Ranl dulxingz buxsais， zan²⁴ tu²⁴ɕiŋ¹¹ pu³¹sai³⁵ 见　城门　官府	这时已看到城门，
Xizyah qvax maaic qvax， ɕi¹¹ja³³ ʔwa³¹ ma：i⁵³ ʔwa³¹ 女子　傻　爱　傻	女孩家真是傻，
Miz roxnac xiangz xingz， mi¹¹ zo³¹na⁵³ ɕiəŋ¹¹ ɕiŋ¹¹ 不　认得　墙　城	不知城墙是个啥，
Jaanlmangz rinl dab das， tɕa：n²⁴maŋ¹¹ zin²⁴ tap³³ ta³⁵ 以为　石　砌　坎	以为是个石坎子，
Buxhas buxnux qyus jaanglgaail， pu³¹ha³⁵ pu³¹nu³¹ ʔju³⁵ tɕa：ŋ²⁴ka：i²⁴ 汉人　乞丐　在　街中	街上各色各样的人，
Nyiecmangx feax gac xiez waaiz genl， fɯə³¹ ka⁵³ ɕiə¹¹ wa：i¹¹ kɯn²⁴ 认为　他　杀　黄牛　水牛　吃	误以为人们杀牛过节，
Lamxleedt hauc dulxingz， lam³¹let³⁵ hau⁵³ tu²⁴ɕiŋ¹¹ 一晃　进　城门	我们直接进城门，
Bail xunz raanz hof naiy， pai²⁴ ɕun¹¹ za：n¹¹ ho¹¹ nai³³ 去　玩　家　何　奶	先到何奶家休息，
qyadtnaais leeux genl xaz， ʔjat³⁵na：i³⁵ leu³¹ kɯn²⁴ ɕa¹¹ 歇息　完　喝　茶	坐下休息咱喝茶，
Rauz bail ral laauxyiez， zau¹¹ pai²⁴ za²⁴ la：u³¹jiə¹¹ 我　去　找　老爷	茶后去找老爷家，
Bail dangz raanz yiezngih， pai²⁴ taŋ¹¹ za：n¹¹ jiə¹¹ŋi³³ 去　到　家　爷二	走进二爷家，
Yiezngih hee yiezsaaml， jiə¹¹ŋi³³ he⁰ jiə¹¹sa：m²⁴ 爷二　呀　爷三	二爷呀三爷，
Baangl soongl xoix raaiz xaangh， pa：ŋ²⁴ soŋ²⁴ ɕoi³¹ za：i¹¹ ɕwa：ŋ³³ 帮　俩　小　写　状文	请你帮写诉讼状，
Mag xic dauc raaiz mingz， mak³³ ɕi⁵³ tau⁵³ za：i¹¹ miŋ¹¹ 墨　紫　来　写　名	状名要紫色墨写，
Mag ndingl dauc raaiz xaangh， mak³³ ʔdiŋ²⁴ tau⁵³ za：i¹¹ ɕwa：ŋ³³ 墨　红　来　写　状文	红色墨来写状文，
Yux xix qyus dul daangs jeenx ximl， ju³¹ ɕi³¹ ʔju³⁵ tu²⁴ ta：ŋ³⁵ tɕen³¹ ɕim²⁴ 妹　就　在　门　栏　那边　看	阿妹在大门外等，
Mag ndingl reeux mag noonh， mak³³ ʔdiŋ²⁴ zeu³¹ mak³³ non³³ 墨　红　混　墨　淡红	淡红状文写得明，
Yux xix qyus duldaangs jeenx ngoonz， ju³¹ ɕi³¹ ʔju³⁵ tu²⁴ta：ŋ³⁵ tɕen³¹ ŋon¹¹ 妹　就　在　门栏　那边　瞧	阿妹在门外恭候，
Bix xix henc yafmenf baail gaaus. pi³¹ ɕi³¹ hɯn⁵³ ja³¹mɯn³¹ pai²⁴ ka：u³⁵ 哥　就　上　衙门　去　告	阿哥上衙门告状。
Henc yafmenf dazidt， hɯn⁵³ ja³¹mɯn³¹ ta¹¹ʔit³⁵ 上　衙门　第一	进第一道衙门，
Benl bidt benl gais saangl daux is， pɯn²⁴ pi³⁵ pɯn²⁴ kai³⁵ sa：ŋ²⁴ tau³¹ ʔi³⁵ 毛　鸭　毛　鸡　高　撑　腋	鸡毛鸭毛堆如山，
Mbaanxdeel rih miz naz， ʔba：n³¹te²⁴ zi³³ mi¹¹ na¹¹ 那寨　地　不　田	这地方不是农夫耕，
Xahfaz dauc haaih mbas， ɕa³³fa¹¹ tau⁵³ ha：i³³ ʔba³⁵ 铁索　来　搭　肩	根根铁索等着你，
Has beangzlaaux ans gvaail， ha³⁵ pɯəŋ¹¹la：u³¹ ʔan³⁵ kwa：i²⁴ 汉人　大地方　原　乖	这里的人会谋算，
Ngaaiz daangl xaail buxsais， ŋa：i¹¹ ta：ŋ²⁴ ɕa：i²⁴ pu³¹sai³⁵ 早饭　当　差　官府	饭后盘算当差夫，
Haux laez gvaih yafmenf， hau³¹ laɯ¹¹ kwai³³ ja³¹mɯn³¹ 饭　后　串　衙门	衙门等候当差夫，
Ndunl dul lauz xingc saih， ʔdun²⁴ tu²⁴ lau¹¹ ɕiŋ⁵³ sai³³ 站　门　楼　请　案	门前传呼告状人，
Henc yafmenf dazngih， hɯn⁵³ ja¹¹mɯn³¹ ta¹¹ŋi³³ 上　衙门　第二	进第二道衙门，
Sisxih riml xoongzsel， si³⁵ɕwi³³ zim²⁴ ɕoŋ¹¹sɯ²⁴ 四角　满　书桌	书桌处处有，
Sisxih riml xoongzsal， si³⁵ɕwi³³ zim²⁴ ɕoŋ¹¹sa²⁴ 四角　满　书桌	处处摆书桌，
Lauzwal daux nacbyas， lau¹¹wa²⁴ tau³¹ na⁵³pja³⁵ 花楼　撑　眉头	头顶就是闺秀楼，
Has beangz laaux ans gvaail， ha³⁵ pɯəŋ¹¹ la：u³¹ ʔan³⁵ kwa：i²⁴ 汉人　地主　大　原　乖	这里人是会谋算，
Ngaaiz daangl xaail buxsais， ŋa：i¹¹ ta：ŋ²⁴ ɕa：i²⁴ pu³¹sai³⁵ 早饭　当　差　官府	饭后盘算当差夫，
Haux laez gvaih yafmenf， hau³¹ laɯ¹¹ kwai³³ ja³¹mɯn³¹ 饭　后　串　衙门	衙门等候当差夫，
Ndunl dullauz xingc saih， ʔdun²⁴ tu²⁴lau¹¹ ɕiŋ⁵³ sai³³ 站　楼门　请　案	门前传呼告状人，
Henc yafmenf dazsaaml， hɯn⁵³ ja³¹mɯn³¹ ta¹¹sa：m²⁴ 上　衙门　第三	进第三道衙门，
Yafmenf saaml soml dac， ja³¹mɯn³¹ sa：m²⁴ sɔm²⁴ ta⁵³ 衙门　三　庹　宽	衙门大又宽，
Yafmenf hacl soml gvaangs， ja³¹mɯn³¹ ha⁵³ sɔm²⁴ kwa：ŋ³⁵ 衙门　五　庹　宽	衙门宽又大，
Lacdaangs riml bianghdeengl， la⁵³ta：ŋ⁵³ rim²⁴ piəŋ³³teŋ²⁴ 栏下　满　院坝	楼下院坝都是人，
Riml gaais wenz gaausxaangh， zim²⁴ ka：i³⁵ wɯn¹¹ ka：u³⁵ɕwa：ŋ³³ 满　个　人　告状	满院都是告状人，
Gaabt riangz gaabt gueh bongc， ka：p³⁵ ziəŋ¹¹ ka：p³⁵ kuə³³ pɔŋ⁵³ 甲人　和　甲人　做　堆	代诉人一起交谈，
Xongc riangz xongc gueh bongc， ɕɔŋ⁵³ ziəŋ¹¹ ɕɔŋ⁵³ kuə³³ pɔŋ⁵³ 保统　和　保统　做　堆	统领们相互磋商，
Beah foonx reeux beah ndingl， pɯə³³ fon³¹ zeu³¹ pɯə³³ ʔdiŋ²⁴ 衣　黑　混　衣　红	服饰颜色样样有，
Xongcbingl naail xongcbingl nangh dangs， ɕɔŋ⁵³piŋ²⁴ na：i²⁴ ɕɔŋ⁵³piŋ²⁴ naŋ³³ taŋ³⁵ 统兵　招呼　统兵　坐　凳	统兵们互打招呼，
Bux gamh bux genl xaz， pu³¹ kam³³ pu³¹ kɯn²⁴ ɕa¹¹ 个　劝　个　吃　茶	边喝茶边聊天，
Soonglrauz ndunl soongl is， son²⁴zau¹¹ ʔdun²⁴ soŋ²⁴ ʔi³⁵ 我俩　站　两　腋	我们各站在一旁，
Bix xix soongl hos gvih buxxaail， pi³¹ ɕi³¹ soŋ²⁴ ho³⁵ kwi³³ pu³¹ ɕa：i²⁴ 哥　就　两　膝　跪　当差的	阿哥先向差夫跪，
Soongl fengz haail mbael xaangh， soŋ²⁴ fɯŋ¹¹ ha：i²⁴ ʔbaɯ²⁴ ɕwa：ŋ³³ 两　手　开　张　状文	跪着呈上诉讼状，
Sais qyus genz hams byax， sai³⁵ ʔju³⁵ kɯn²⁴ ham³⁵ pja³¹ 官府　在　上　问　稀	堂上官府问得细，
Xaail qyus lac hams dih， ɕa：i²⁴ ʔju³⁵ la⁵³ ham³⁵ ti³³ 差夫　在　下　问　密	堂下差夫逼更紧，
Rox mengz banz saih rih， zo³¹ mɯŋ¹¹ pan¹¹ sai³³ zi³³ 知　你　成　案　土地	你告状为争土地，
Rox mengz banz saih naz， zo³¹ mɯŋ¹¹ pan¹¹ sai³³ na¹¹ 知　你　成　案　田	为田产纠纷而告，
Banz gaaismaz banz saih， pan¹¹ ka：i³⁵ma¹¹ pan¹¹ sai³³ 成　哪样　成　案	为何原因来告状，
Roxlaez saih rag xiez， zo³¹laɯ¹¹ sai³³ zak³³ ɕiə¹¹ 或是　案　偷　黄牛	你状告耕牛被偷，
Roxlaez saih rag waaiz， zo³¹laɯ¹¹ sai³³ zak³³ wa：i¹¹ 或是　案　偷　水牛	你告状家畜被盗，
Rox gueh ndaail banz saih， zo³¹ kuə³³ ʔda：i²⁴ pan¹¹ sai³³ 会　做　私生　成　案	为私生事来告状，
Rox bidt gais mengz xoml， zo³¹ pit³⁵ kai³⁵ mɯŋ¹¹ ɕɔm²⁴ 知　鸭　鸡　你　丢	你家丢失了鸡鸭，
Longl gaaismaz banz saih， lɔŋ²⁴ ka：i³⁵ma¹¹ pan¹¹ sai³³ 错　哪样　成　案	你犯啥错来告状，
Buxsais gaangc fih leeux myaangz haanl， pu³¹sai³⁵ ka：ŋ⁵³ fi³³ leu³¹ mja：ŋ¹¹ ha：n²⁴ 官府　讲　未　完　急　答	官府没问完就回答，
Wois miz gueh saih rih， woi³⁵ mi¹¹ kuə³³ sai³³ zi³³ 鄙人　不　做　案　地	我告状不为争地，
Wois miz gueh saih naz， woi³⁵ mi¹¹ kuə³³ sai³³ na¹¹ 鄙人　不　做　案　田	我状告不为争田，
Gaaus aul baz laauxlih， ka：u³⁵ ʔau²⁴ pa¹¹ la：u³¹li³³ 告　要　妻　私房	告状要回本人妻，
Miz deg saih rag xiez， mi¹¹ tɯk³³ sai³³ zak³³ ɕiə¹¹ 不　是　案　偷　黄牛	不是告状耕牛被盗，
Miz deg saih rag waaiz， mi¹¹ tɯk³³ sai³³ zak³³ wa：i¹¹ 不　是　案　偷　水牛	不是状告家畜被盗，
Miz deg saih banz ndaail， mi¹¹ tɯk³³ sai³³ pan¹¹ ʔda：i²⁴ 不　是　案　成　私生	不为私事来告，
Bidt gais wois miz xoml， pit³⁵ kai³⁵ woi³⁵ mi¹¹ ɕɔm²⁴ 鸭　鸡　鄙人　不　丢	家里没丢失鸡鸭，
Longl gaaismaz miz noih. lɔŋ²⁴ ka：i³⁵ma¹¹ mi¹¹ noi³³ 错　什么　不　少	我没犯啥子错。
Xos mbael xaangh dazxib， ɕo³⁵ ʔbaɯ²⁴ ɕwa：ŋ¹¹ ta¹¹ɕip³³ 放　张　状文　第十	呈上第十张诉讼状，
Bohnuangx hoc duezbidt genl jais， po³³nuəŋ³¹ ho⁵³ tuə¹¹pit³⁵ kɯn²⁴ tɕai³⁵ 妹父　穷　鸭子　吃　蛋	因阿妹家贫穷，
Hoc duezgais genl naaiz， ho³⁵ tuə¹¹kai³⁵ kɯn²⁴ na：i¹¹ 穷　只鸡　吃　痰	鸡鸭没有一只，
Hoc duezwaaiz raisnaamh， ho⁵³ tuə¹¹wa：i¹¹ zai³⁵na：m³³ 穷　只牛　耕土	更没有耕牛劳作，
Gaail yuxjiml lix niangh， ka：i²⁴ ju³¹tɕim²⁴ li³¹ niəŋ³³ 卖　妹子　有　小	阿妹是包办婚姻，
Gaail lix nis lix niangh， ka：i²⁴ li³¹ ni³⁵ li³¹ niəŋ³³ 卖　自　幼　有　小	阿妹婚姻是包办，
Nuangx mal dingl nac sais， nuəŋ³¹ ma²⁴ tiŋ²⁴ na⁵³ sai³⁵ 妹　来　离　前　官府	阿妹到官府求离婚，
Raanz bix lix xingc sel， za：n¹¹ pi³¹ li³¹ ɕiŋ⁵³ sɯ²⁴ 家　哥　有　请　字	阿哥是请人算八字，
Dul gvas nganz xeenz xex， tu²⁴ kwa³⁵ ŋan¹¹ ɕen¹¹ ɕɯ³¹ 我　过　银　钱　买	家里银两做嫁妆，
Gvas fengz bux jingcjaangl， kwa³⁵ fɯŋ¹¹ pu³¹ tɕiŋ⁵³tɕa：ŋ²⁴ 过　手　个　中间	经过媒人亲手交，
Gvas buxses buxmoiz， kwa³⁵ pu³sɯ³⁵ pu³¹moi¹¹ 过　媒人　媒人	是经媒人亲手送，
Miz deengl baz ndaix ndoil ndaix laangs， mi¹¹ teŋ²⁴ pa¹¹ ʔdai³¹ ʔdoi²⁴ ʔdai³¹ la：ŋ³⁵ 不　是　妻　得　空　得　白	是明媒正娶之妻，
Isnauz baz ndaix ndoil， ʔi³⁵nau¹¹ pa¹¹ ʔdai³¹ ʔdoi²⁴ 如说　妻　得　空	不是正当娶之妻，
Xah daaml loiz mal xug， ɕa³³ ta：m²⁴ loi¹¹ ma²⁴ ɕuk³³ 索　把　槌　来　捆	宁愿受惩罚，
Lungc xeedt xiez wois ndiangx， luŋ⁵³ ɕet³⁵ ɕiə¹¹ woi³⁵ ʔdiəŋ³¹ 锁　七　钥匙　鄙人　挂	铁链锁我身，
Xah xeedt weangx wois dez， ɕa³³ ɕet³⁵ wɯəŋ³¹ woi³⁵ tɯ¹¹ 索子　七　圈　鄙人　带	我绝不悔被捆绑，
Yux gul miz haec his， ju³¹ ku²⁴ mi¹¹ haɯ⁵³ hi³⁵ 妹　我　不　给　担心	阿妹别为我惊心，
Yuxjis mizhaec laaul， ju³¹tɕi³⁵ mi¹¹haɯ⁵³ la：u²⁴ 妹子　不给　怕	我的阿妹别害怕，
Saaul miz sans miz seec， sa：u²⁴ mi¹¹ san³⁵ mi¹¹ se⁵³ 情妹　不　颤　不　抖	阿妹别担惊受怕，
Sais hams xix lix bix， sai³⁵ ham³⁵ ɕi³¹ li³¹ pi³¹ 官府　问　就　有　哥	官府询问阿哥答，
Sais hams xix lix gul， sai³⁵ ham³⁵ ɕi³¹ li³¹ ku²⁴ 官府　问　就　有　哥	官府逼问有我挡，
Miz haec sul waangh sinh， mi¹¹ haɯ⁵³ su²⁴ wa：ŋ³³ sin³³ 不　给　你　慌　心	你不要惊慌失措，
Miz haec nuangx waangh sinh. mi¹¹ haɯ⁵³ nuəŋ³¹ wa：ŋ³³ sin³³ 不　给　妹　慌　心	阿妹别失措惊慌，
Gueh yianghlaez miz sael？ kuə³³ jiaŋ³³laɯ¹¹ mi¹¹ saɯ²⁴ 做　哪样　不　清	为何原因状告不清？
Rauz rongz mbael ndeeul mos， zau¹¹ zɔŋ¹¹ ʔbaɯ²⁴ ʔdeu²⁴ mo³⁵ 我　下　张　一　新	我们又呈诉状，
Xos mbael xaangh xibidt， ɕo³⁵ ʔbaɯ²⁴ ɕwa：ŋ³³ ɕip³³it³⁵ 放　张　状文　十一	呈上第十一张诉讼状，
Mbaelneex mbael raanzqyaix， ʔbaɯ²⁴ne³¹ ʔbaɯ²⁴ za：n¹¹ʔjai³¹ 这张　张　布依家	这张是你婆家状，
Mbaelneex mbael raanzqyaangl， ʔbaɯ²⁴ne³¹ ʔbaɯ²⁴ za：n¹¹ʔja：ŋ²⁴ 这张　张　央家人	这张诉讼状是你婆家，
Raanz gvaanl nuangx xos xaangh， za：n¹¹ kwa：n²⁴ nuəŋ³¹ ɕo³⁵ ɕwa：ŋ³³ 家　夫　妹　放　状文	你夫家呈的诉讼状，
Nauznauz mul wois leeux xib duez guc duez， nau¹¹nau¹¹ mu²⁴ woi³⁵ leu³¹ ɕip³³ tuə¹¹ ku⁵³ tuə¹¹ 说是　猪　我　完　十　只　九　只	他们说杀了十头猪，
Xiez wois leeux xib jauc guc jauc， ɕiə¹¹ woi³⁵ leu³¹ ɕip³³ tɕau⁵³ ku⁵³ tɕau⁵³ 黄牛　人　完　十　头　九　头	我家宰了十头牛，
Lauc wois leeux xib gaangl guc gaangl， lau⁵³ woi³⁵ leu³¹ ɕip³³ ka：ŋ²⁴ ku⁵³ ka：ŋ²⁴ 洒　我　完　十　罐　九　罐	我家耗酒八九罐，
Leeux saamlxib manz lauc noh， leu³¹ sa：m²⁴ɕip³³ man¹¹ lau⁵³ no³³ 完　三十　银　酒　肉	耗银三十两办酒席，
Miz gvas wois xeel baz， mi¹¹ kwa³⁵ woi³⁵ ɕe²⁴ pa¹¹ 不　过　鄙人　丢　妻	我是失去了媳妇，
Raz miz xeel nganz gah， za¹¹ mi¹¹ ɕe²⁴ ŋan¹¹ ka³³ 我　不　丢　银　价	但嫁妆银要回，
Nganz gah ans aul daaus， ŋan¹¹ ka³³ ʔan³⁵ ʔau²⁴ ta：u³⁵ 银　价　定　要　回	要回我家嫁妆银，
Raz xeel baz xixies， za¹¹ ɕe²⁴ pa¹¹ ɕi³¹ʔiə³⁵ 我　丢　妻　也算	我家休媳妇就行，
Raz xeel maix xixies. za¹¹ ɕe²⁴ mai³¹ ɕi³¹ʔiə³⁵ 我　丢　媳妇　也算	媳妇我家休了算。
Mul mengz leeux xib duez guc duez， mu²⁴ mɯŋ¹¹ leu³¹ ɕip³³ tuə¹¹ ku⁵³ tuə¹¹ 猪　你　完　十　只　九　只	你家杀了十头猪，
Xiez mengz leeux xib jauc guc jauc， ɕiə¹¹ mɯŋ¹¹ leu³¹ ɕip³³ tɕau⁵³ ku⁵³ tɕau⁵³ 黄牛　你　完　十　头　九　头	你家宰了十头牛，
Lauc mengz leeux xib gaangl guc gaangl， lau⁵³ mɯŋ¹¹ leu³¹ ɕip³³ ka：ŋ²⁴ ku⁵³ ka：ŋ²⁴ 酒　你　完　十　罐　九　罐	你家耗酒八九罐，
Saamlxib nganz lauc noh， sa：m²⁴ɕip³³ ŋan¹¹ lau⁵³ no³³ 三十　银　酒　肉	耗银三十两办酒席，
Nganz gah yieh haec leeux， ŋan¹¹ ka³³ jiə³³ haɯ⁵³ leu³¹ 银　价　也　给　完	嫁妆银两已退清，
Nganz gah yieh haec xaiz， ŋan¹¹ ka³³ jiə³³ haɯ⁵³ ɕai¹¹ 银　价　也　给　清	不差嫁妆的银两，
Lail deengl bux qyaabt yah， lai²⁴ teŋ²⁴ pu³¹ ʔja：p³⁵ ja³³ 枉　是　个　抢　妻	乱说是个抢人妻，
Lail qyaabt yah mboxmix， lai²⁴ ʔja：p³⁵ ja³³ ʔbɔ³¹mi³¹ 枉　抢　妻　没有	抢他人妻子是没有，
Jiz miz ndaix lungc gaaus， tɕi¹¹ mi¹¹ ʔdai³¹ luŋ⁵³ ka：u³⁵ 值　不　得　才　告	想起被冤枉就告，
Xaauc ndael saml ndael dungx saisdah， ɕa：u⁵³ ʔdaɯ²⁴ sam²⁴ ʔdaɯ²⁴ tuŋ³¹ sai³⁵ta³³ 扰　里　心　里　肚　大官	让官府大人费心思，
Gueh yianghlaez miz sael？ kuə³³ jiəŋ³³laɯ¹¹ mi¹¹ saɯ²⁴ 做　哪样　不　清	为何原因状告不清？
Rauz rongz mbael ndeeul mos， zau¹¹ zɔŋ¹¹ ʔbaɯ²⁴ ʔdeu²⁴ mo³⁵ 我　下　张　一　新	我们又呈诉讼状，
Xos mbael xaangh xibngih， ɕo³⁵ ʔbaɯ²⁴ ɕwa：ŋ³³ ɕip³³ŋi³³ 放　张　状文　十二	呈上第十二张诉讼状，
Bix xih soongl hos gvih buxxaail， pi³¹ ɕi³³ soŋ²⁴ ho³⁵ kwi³³ pu³¹ɕa：i²⁴ 哥　就　两　膝　跪　差夫	阿哥跑求差夫开恩，
Haail xahfaz wois os， ha：i²⁴ ɕa³³fa¹¹ woi³⁵ ʔo³⁵ 开　铁索　鄙人　出	求他们给我开铁链，
Daz xahndaaix wois os， ta¹¹ ɕa³³ʔdai³¹ woi³⁵ ʔo³⁵ 抽　麻索　鄙人　出	求他们给我解绳索，
Boh qyus langl yieh aans， po³³ ʔju³⁵ laŋ²⁴ jiə³³ ʔa：n³⁵ 父　在　后　也　高兴	阿爸看见他高兴。
Daangs bail jic dongh damz， ta：ŋ³⁵ pai²⁴ tɕi³⁵ tɔŋ³³ tam¹¹ 当　去　几　坝　塘	当尽了多少田，
Daangs bail jic dongh naz， ta：ŋ³⁵ pai²⁴ tɕi⁵³ toŋ³³ na¹¹ 当　去　几　坝　田	几坝田全都当尽，
Wois yieh dez xahfaz hoz maanh， woi³⁵ jiə³³ tɯ¹¹ ɕa³³fa¹¹ ho¹¹ ma：n³³ 鄙人　也　带　铁索　脖　痛	我身上留下铁索印，
Dogtnaanh ndaix xib jic deeuz ngonz， tɔk³⁵na：n³³ ʔdai³¹ ɕip³³ tɕi⁵³ teu¹¹ ŋɔn¹¹ 落难　得　十　多　条　天	我是受难十几天，
Rongzbail xib jic mbael xaangh， zɔŋ¹¹pai²⁴ ɕip³³ tɕi⁵³ ʔbaɯ²⁴ ɕwa：ŋ³³ 下去　十　多　张　状文	诉讼状写了十几张，
Xaglaais baangh bixnuangx rauz laail， ɕak³³la：i³⁵ pa：ŋ³³ pi³¹nuəŋ³¹ zau¹¹ la：i²⁴ 幸好　伙　亲戚　我　多	幸好三亲六戚多，
Mizraaix daail nac beenc buxsais， mi¹¹za：i³¹ ta：i²⁴ na⁵³ pen⁵³ pu³¹sai³⁵ 也许　死　前　板　官府	我没死在官府棍棒下，
Daausneex ndaix nuangx basmais xaaux raanz， ta：u³⁵ne³¹ ʔdai³¹ nuəŋ³¹ pa³⁵mai³⁵ ɕa：u³¹ za：n¹¹ 这次　得　妹　嘴红　造　家	实现你我之间的夙愿，
Rauz mizunl degt meeh， zau¹¹ mi¹¹ʔun²⁴ tɯk³⁵ me³³ 我　没怨　唠叨　母亲	阿妈面前没怨言，
Bix miz daic degt meeh. pi³¹ mi¹¹ tai⁵³ tɯk³⁵ me³³ 哥　没　哭　唠叨　母亲	阿哥一生没后悔。