目录
二十、勤劳 懒散
Ngonz ndeeul gueh xib ngonz genl. | 一天工，十天粮。 |
Mbenl xeengx daail miz dangz bux damcros， | 天寒冷不着纺织女， |
Mbenl reengx ies miz dangz bux guehmeeuz. | 地旱饿不死庄稼汉。 |
Xeenz ndaix ndoil miz lih， | 横财不会富， |
Xeenz gueh rih lungc songz. | 富贵靠自己。 |
Ganx xih lix， | 勤则富， |
Jigt xih hoc. | 懒则穷。 |
Fengz ganx miz rox hoc， | 手勤不穷， |
Nangh genl bol rox leeux. | 坐吃山空。 |
Jiangs miz uadt xih ngvaaix， | 镜子不擦不明， |
Wenz miz ganx xih waaih. | 人懒惰变坏。 |
Fenz gahaul， | 柴禾自己要， |
Gaul gah loh. | 树藤自己扯。 |
Logt laez bans logtlaez ndaix ramx， | 勤转的水车多得水， |
Bux laez ganx bux laez ndaix hoongl. | 勤快的人儿多致富。 |
Bux runs roongh faadtxaiz， | 早起能致富， |
Bux ninz gvaaiz banz hoc. | 贪睡会变穷。 |
Ndaix ndoil miz xangz lix， | 横财富不长， |
Gueh rih lungc banz genl. | 勤劳富长久。 |
Bux ganx lix genl lix danc， | 勤者有吃有穿， |
Buxjigtgenl danc mbox miz. | 懒人吃穿全无。 |
Wenz ganx naamh os nganz， | 人勤地生银， |
Wenz jigt ndaangl banz nanz. | 懒惰虱上身。 |
Raanz lix xib duez waaiz doonl， | 家有十头牛， |
Miz guehhoongl yeeh hoc. | 不干活也穷。 |
Ganx deg hanh， | 勤快受称赞， |
Jigtdeg hamz. | 懒惰遭指责。 |
Bux ganx mizxaz naais， | 勤快人不怕劳累， |
Bux jigt maaic genl mbaais. | 懒惰汉贪婪吃睡。 |
Noh qyus nyal， | 肉在深山， |
Byal qyus dah， | 鱼在深潭， |
Miz naanh miz ndaix. | 不苦不来。 |
Xeenz qyus saaml soml lag， | 银元在深潭， |
Bux rox wag lungc ndaix. | 不识水性拿不来。 |
Xeenznganz qyus byaailbyal， | 钱在悬岩， |
Miz naanh deel miz mal. | 不苦不来。 |
Ganx guehrih guehnaz， | 勤劳耕作， |
Ndaix genl byal genl noh. | 鱼肉常有。 |
Bux ganx gvaadt bol banz naz. | 勤劳山地变良田。 |
Buxqvax laucfiz rox laaix. | 懒人借故多。 |
Buxjigt miz jaiz byaaic， | 懒人怕动， |
Nauz xih gaaiclaix gaaiclaih. | 只会耍滑，推三卸四。 |
Bux ganx banz genl lix danc， | 勤快有吃有穿， |
Bux jigtgenl danc mbox miz. | 懒惰挨冻受饿。 |
Buxganx gueh ngonzndaadt， | 勤快人晴天抓得紧， |
Buxjigt gueh ngonzwenz. | 懒惰汉雨天瞎奔波。 |
