第十一部逃婚歌- 贵州数字出版云村寨平台

Byagtgaadt dauc rih reenh， pjak³⁵ka：t³⁵ tau⁵³ zi³³ zen³³ 青菜　生　地　苦楝	青菜长在苦楝地，
Byagtdeengz dauc rih laus， pjak³⁵teŋ¹¹ tau⁵³ zi³³ lau³⁵ 苦菜　生　地　丢荒	荒地长苦菜，
Gvaanl gaus gvaanl ndux nuangx hax aul， kwa：n²⁴ kau³⁵ kwa：n²⁴ ʔdu³¹ nuəŋ³¹ ha³¹ ʔau²⁴ 丈夫　原　丈夫　前　妹　想　要	阿妹还在想前夫，
Haec rauz deeuz laez daail ndil geh？ haɯ⁵³ zau¹¹ teu¹¹ laɯ¹¹ ta：i²⁴ ʔdi²⁴ kɯ³³ 给　我　逃　或　死　好　些	这样要我如何好？
Daail laez daic ndil geh？ ta：i²⁴ laɯ¹¹ tai⁵³ ʔdi²⁴ kɯ³³ 死　或　哭　好　些	使我进退为难？
Gaulgaadt daz gaulnyuangl， kau²⁴ka：t³⁵ ta¹¹ 葛藤　牵　麻油藤	犹如葛藤缠麻油，
Deengl luangz daz deengl ries， teŋ²⁴ luəŋ¹¹ ta¹¹ teŋ²⁴ ziə³⁵ 钉　铜　牵　钉　锡	好比铜钉引锡钉，
Dax mengz ies gaais jobt miz saanl， ta³¹ mɯŋ¹¹ ʔiə³⁵ ka：i³⁵ tɕɔp³⁵ mi¹¹ sa：n²⁴ 赌　你　舍　那　斗笠　不　编	你要舍弃那旧情，
Dax mengz ies gaais raanz miz xaaux， ta³¹ mɯŋ¹¹ ʔiə³⁵ ka：i³⁵ za：n¹¹ mi¹¹ ɕa：u³¹ 赌　你　舍　那　家　不　造	只要你抛弃旧恋，
Ies gaais jaauc miz ul， ʔiə³⁵ ka：i³⁵ tɕa：u⁵³ mi¹¹ ʔu²⁴ 舍　那　丈夫　不　生	只要舍旧情不爱，
Mul lac xogt miz gaans， mu²⁴ la⁵³ ɕɔk³⁵ mi¹¹ ka：n³⁵ 猪　下　圈　不　干涉	丢下家务事不管，
Dax mengz labthamh suans ndanl deeuz riangz bix， ta³¹ mɯŋ¹¹ lap³⁵ham³³ suən³⁵ ʔdan²⁴ teu¹¹ ziəŋ¹¹ pi³¹ 赌　你　黑夜　算　事　逃　和　哥	只要你打算和阿哥出逃，
Dax mengz labthamh suans ndanl deeuz riangz gul， ta³¹ mɯŋ¹¹ lap³⁵ham³³ suən³⁵ ʔdan²⁴ teu¹¹ ziəŋ¹¹ ku²⁴ 赌　你　黑夜　算　事　逃　和　我	你有心和阿哥外出，
Isnauz saaul dingl xux， ʔi³⁵nau¹¹ sa：u²⁴ tiŋ²⁴ ɕu³¹ 如说　妹　离　接	阿妹如是想抗婚，
Isnauz yux dingl deeuz， ʔi³⁵nau¹¹ ju³¹ tiŋ²⁴ teu¹¹ 如说　妹　离　逃	阿妹为抗婚而逃，
Mal rauz gac gais genl liad ndibt， ma²⁴ zau¹¹ ka⁵³ kai³⁵ kɯn²⁴ liət³³ ʔdip³⁵ 来　我　杀　鸡　吃　血　生	我们杀鸡喝生血，
Gac bidt genl hozxamh， ka⁵³ pit³⁵ kɯn²⁴ ho¹¹ɕam³³ 杀　鸭　吃　合同	鸭血表心态，
Gac haans genl hozxiz， ka⁵³ ha：n³⁵ kɯn²⁴ ho¹¹ɕi¹¹ 杀　鹅　吃　合席	杀鹅表盟誓，
Daailsiz gaangc hozsinh. ta：i²⁴si¹¹ ka：ŋ⁵³ ho¹¹sin³³ 大家　讲　合心	我俩要一心同然。
Bux rimz bins rimz bins， pɯ³¹ zim¹¹ pin³⁵ zim¹¹ bin³⁵ 个　收拾　木屑　收拾　木屑	该找木屑找木屑，
Bux rimz bail rimz bail， pu³¹ zim¹¹ pai²⁴ zim¹¹ pai²⁴ 个　收拾　去　收拾　去	该打行装打行装，
Dalmbail rimz soic gonh， ta²⁴ʔbai²⁴ zim¹¹ soi⁵³ kɔn³³ 目秀　收拾　耳环　手镯	阿妹在清点首饰，
Gonh xos jeenl banz roix， kɔn³³ ɕo³⁵ tɕen²⁴ pan¹¹ zoi³¹ 手镯　放　臂　成　窜	戴上手镯亮晃晃，
Soic xos riez banz duangs， soi⁵³ ɕo³⁵ ziə¹¹ pan¹¹ tuəŋ³⁵ 耳环　放　耳朵　成　挂	戴上耳环成一串，
Dangs bux luangs bux mbaanx rauz xaiz， taŋ³⁵ pu³¹ luəŋ³⁵ pu³¹ ʔba：n³¹ zau¹¹ ɕai¹¹ 告别　人　院子　人　寨子　我　全	向父老乡亲告别，
Jic meeh qyaix jic dangs， tɕi⁵³ me³³ ʔjai³¹ tɕi⁵³ taŋ³⁵ 连　母亲　布依　连　告别	告别那年迈老母，
Xohneex labt dal miz ndaix dungx nangh， ɕo³³ne³¹ lap³⁵ ta²⁴ mi¹¹ ʔdai³¹ tuŋ³¹ naŋ³³ 今后　闭　眼　不　得　一起　坐	再没有机会见面，
Labthamh miz ndaix dungx ranl， lap³⁵ham³³ mi¹¹ ʔdai³¹ tuŋ³¹zan²⁴ 黑夜　不　得　相见	早晚没见在一起，
Mal rauz dangs xonz langl haec meeh， ma²⁴ zau¹¹ taŋ³⁵ ɕɔn¹¹ laŋ²⁴ haɯ⁵³ me³³ 来　我们　告别　句　后　给　母亲	我们要向阿妈告别，
Nauz xonz leeux haec meeh， nau¹¹ ɕɔn¹¹ leu³¹ haɯ⁵³ me³³ 说　句　了　给　母亲	有什么话全告诉她，
Jicsiz meeh xianl udt faanhumx， tɕi⁵³si¹¹ me³³ ɕiən²⁴ ʔut³⁵ fa：n³³ʔum³¹ 只惜　母亲　千　包　万抱	只惜阿妈的哺乳，
Meeh faanh umx xianl el， me³³ fa：n³³ ʔum³¹ ɕiən²⁴ ʔɯ²⁴ 母亲　万　抱　千　背	恩谢阿妈抚养大，
Dez leeux yinc leeux beah， tɯ¹¹ leu³¹ jin⁵³ leu³¹ pɯə³³ 带　完　裙　完　衣服	为我们穿烂多少衣，
Beas leeux mbugt leeux ndal， pɯə³⁵ leu³¹ ʔbuk³⁵ leu³¹ ʔda²⁴ 湿　完　襁褓　完　背带	襁褓背带尿捂烂，
Meanhneex wois yieh laaux xamxxal， mɯən³³ne³¹ woi³⁵ jiə³³ la：u³¹ ɕam³¹ɕwa²⁴ 这时　鄙人　也　大　突然	我已经长大成人，
Wois yieh labt dal deeuz xeel meeh. woi³⁵ jiə³³ lap³⁵ ta²⁴ teu¹¹ ɕe²⁴ me³³ 鄙人　也　闲　眼　逃　丢　母亲	狠心离阿妈而去。
Isnauz saaul dingl xux， ʔi³⁵nau¹¹ sa：u²⁴ tiŋ²⁴ ɕu³¹ 如说　妹　离　接	阿妹如是想抗婚，
Isnauz yux dingl deeuz， ʔi³⁵nau¹¹ ju³¹ tiŋ²⁴ teu¹¹ 如说　妹　离　逃	阿妹为抗婚而出逃，
Mal rauz jachamh xaadt xahqyaangx， ma²⁴ zau¹¹ tɕa⁵³ham³³ ɕa：t³⁵ ɕa³³ʔja：ŋ³¹ 来　我　夜晚　搓　大绳	我们夜间先准备，
Jachamh raangc ndal raabt， tɕa⁵³ham³³ za：ŋ⁵³ ʔda²⁴ za：p³⁵ 夜晚　备　搭　担子	捆好东西准备走，
Deems basgais rungl ngaaiz， tem³⁵ pa³⁵kai³⁵ zuŋ²⁴ ŋa：i¹¹ 待　嘴鸡　煮　早饭	待到鸡叫煮饭吃，
Anx rauz os dul gvaaiz byaaic bauh， ʔan³¹ zau¹¹ ʔo³⁵ tu²⁴ kwa：i¹¹ pja：i⁵³ pau³³ 以免　我们　出　门　晚　走　快	我们早走不赶路，
Byaaic ronl bauh lizlaanz， pja：i⁵³ zɔn²⁴ pau³³ li¹¹la：n¹¹ 走　路　急　匆匆	路上不着急，
Raanzmaanz qyaabt aul daaus， za：n¹¹ma：n¹¹ ʔja：p³⁵ ʔau²⁴ ta：u³⁵ 曼家　抢　要　回	以防他家半路拦，
Raanzqyaangl doonc aul daaus. ra：n¹¹ʔja：ŋ²⁴ ton⁵³ ʔau²⁴ ta：u³⁵ 央家人　堵　要　回	路上他家拦回去。
Nauz banz haaus ndaixbyeeul， nau¹¹ pan¹¹ ha：u³⁵ ʔdai³¹pjeu²⁴ 说　成　话　得罪	不是大话来赌气，
Leeul laez deemc miz roongh， leu²⁴ laɯ¹¹ tem⁵³ mi¹¹ zoŋ³³ 亮蒿　哪　点　不　亮	哪有亮蒿点不亮，
Deemc miz roongh dazdies， tem⁵³ mi¹¹ zoŋ³³ ta¹¹tiə³⁵ 点　不　亮　搁下	不亮的亮蒿不要，
Lungc liel qyaix aul daaus， luŋ⁵³ liə²⁴ ʔjai³¹ ʔau²⁴ ta：u³⁵ 才　剩　布依家　要　回	他家捡剩的回去，
Isnauz deemc xix roongh lumc xugt， ʔi³⁵nau¹¹ tem⁵³ ɕi³¹ zoŋ³³ lum⁵³ ɕuk³⁵ 如说　点　就　亮　像　烛	像蜡烛样全照亮，
Isnauz deemc xix roongh lumc dangl， ʔi³⁵nau¹¹ tem⁵³ ɕi³¹ zoŋ³³ lum⁵³ taŋ²⁴ 如说　点　就　亮　像　灯	照亮像灯那样明，
Qyaix naanz ranl aul daaus， ʔjai³¹ na：n¹¹ zan²⁴ ʔau²⁴ ta：u³⁵ 布依家　难　见　要　回	他家想要也难得，
Qyaangl naanz ranl aul daaus， ʔja：ŋ²⁴ na：n¹¹ zan²⁴ ʔau²⁴ ta：u³⁵ 央家　难　见　要　回	他家难以要回去，
Isnauz saaul dingl xux， ʔi³⁵nau¹¹ sa：u²⁴ tiŋ²⁴ ɕu³¹ 如说　妹　离　接	阿妹如是想抗婚，
Isnauz yux dingldeeuz， ʔi³⁵nau¹¹ ju³¹ tiŋ²⁴teu¹¹ 如说　妹　离逃	阿妹为抗婚而逃，
Mal rauz bail ndonglyeeul degt gais， ma²⁴ zau¹¹ pai²⁴ tɯk³⁵ kai³⁵ 让　我们　去　后龙山　打　鸡卦	咱后龙山打鸡卦，
Ndos gais ndaix gaais maz？ ʔdo³⁵ kai³⁵ ʔdai³¹ ka：i³⁵ ma¹¹ 骨　鸡　得　个　啥	看卜得什么卦？
Ndos gais ndaix gais faanx， ʔdo³⁵ kai³⁵ ʔdai³¹ ka：i³⁵ fa：n³¹ 骨　鸡　得　鸡　异	如是异卦走他乡，
Ndaix sismaanc gaisrungz， ʔdai³¹ si³⁵ma：n⁵³ kai³⁵zuŋ¹¹ 得　四孔　鸡保	四孔就是保障卦，
Jaanglfengz ndaix gais guangh， tɕa：ŋ²⁴fɯŋ¹¹ ʔdai³¹ kai³⁵ kuəŋ³³ 手中　得　卦鸡　灾凶	手中握住灾凶卦，
Gais seeul^[1] dez os mbaanx， kai³⁵ seu²⁴ tɯ¹¹ ʔo³⁵ ʔba：n³¹ 鸡　遭遣　带　出　寨	遭遣卦要离开家，
Gais saamc dez os luangs， kai³⁵ sa：m⁵³ tɯ¹¹ ʔo³⁵ luəŋ³⁵ 鸡　荤　带　出　院	要是荤卦不吉利，
Gais guangh dezbail jail， kai³⁵ kuəŋ³³ tɯ¹¹pai²⁴ tɕai²⁴ 鸡　灾凶　带去　远	卜得凶卦逃远方，
Haec rauz bail hadtxoh， haɯ⁵³ zau¹¹ pai²⁴ hat³⁵ɕo³³ 给　我　去　明早	我们明早就出发，
Ramx dumh gos lixlinz， zam³¹ tum³³ ko³⁵ li³¹lin¹¹ 水　漫　石墩　（状）	河中石墩水漫过，
Bail jaanglhenz byah meeh， pai²⁴ tɕa：ŋ²⁴hɯn¹¹ pja³³ me³³ 去　夜间　别　母亲	离别阿妈连夜走，
Jaanglhenz bail byah meeh， tɕa：ŋ²⁴hɯn¹¹ pai²⁴ pja³³ me³³ 夜间　去　别　母亲	夜深人静离别去，
Deemc dangl xugt gvas ndongl， tem⁵³ taŋ²⁴ ɕuk³⁵ kwa³⁵ ʔdɔŋ²⁴ 点　灯　烛　过　林里	打起灯笼穿山林，
Deemc dangl xugt gvas rungh， tem⁵³ taŋ²⁴ ɕuk³⁵ kwa³⁵ zuŋ³³ 点　灯　烛　过　山谷	灯笼照亮过峡谷，
Bumhbax henc ndoil eel， pum³³pa³¹ hɯn⁵³ ʔdoi²⁴ ʔe²⁴ 摸黑　上　坡　纳夜	摸黑走上夜郎坡，
Deeuz xeel bix riangz boh， teu¹¹ ɕe²⁴ pi³¹ ziəŋ¹¹ po³³ 逃　去　哥　和　父亲	留下父兄顾不了，
Isnauz saaul dingl xux， ʔi³⁵nau¹¹ sa：u²⁴ tiŋ²⁴ ɕu³¹ 如说　妹　离　接	阿妹如是想抗婚，
Isnauz yux dingl deeuz， ʔi³⁵nau¹¹ ju³¹ tiŋ²⁴ teu¹¹ 如说　妹　离　逃	阿妹为抗婚而逃，
Mal rauz gac gais seeul aul ndos， ma²⁴ zau¹¹ ka⁵³ kai³⁵ seu²⁴ ʔau²⁴ ʔdo³⁵ 来　我们　杀　鸡　祭　要　骨	咱们杀鸡敬祭看骨卦，
Ndos gais ndaix faanx saamc jings faanxseeul， ʔdo³⁵ kai³⁵ ʔdai³¹ fa：n³¹ sa：m⁵³ tɕiŋ³⁵ fa：n³¹seu²⁴ 骨　鸡　得　卦　遭遣　和　荤卦	卜得遭遣和荤卦，
Haec rauz deeuz hamhxoh， haɯ⁵³ zau¹¹ teu¹¹ ham³³ɕo³³ 给　我　逃　明晚	我们明晚就离开，
Dungxdoih henc ndoil bauz， tuŋ³¹toi³³ hɯn⁵³ ʔdoi²⁴ pau¹¹ 一起　上　坡　苦竹	两人穿过苦竹林，
Dungxdoih henc ndoil faaiz， tuŋ³¹toi³³ hɯn⁵³ ʔdoi²⁴ fa：i¹¹ 一起　上　坡　斑竹	咱们爬上斑竹坡，
Nuangx maz jeenh bail byaail dungxmbaus， nuəŋ³¹ ma¹¹ tɕen³³ pai²⁴ pja：i²⁴ tuŋ³¹ʔbau³⁵ 妹　啥　渐　去　梢　心事	阿妹越走越有心事，
dungxmbaus gueh maz nuangx？ tuŋ³¹ʔbau³⁵ kuə³³ ma¹¹ nuəŋ³¹ 心事　做　啥　妹	阿妹为何忧心忡忡？
dungxmbaus gueh maz naangz？ tuŋ³¹ʔbau³⁵ kuə³³ ma¹¹ na：ŋ¹¹ 心事　做　啥　小姐	你为何心事重重？
Laaul mengz ndiabt dangz gvaanl xix daaus， la：u²⁴ mɯŋ¹¹ ʔdiəp³⁵ taŋ¹¹ kwa：n²⁴ ɕi³¹ ta：u³⁵ 怕　你　想　到　丈夫　就　回	如怀旧不强迫你，
Ndiabt dangz mbaaus xix mal dazraaix， ʔdiəp³⁵ taŋ¹¹ ʔba：u³⁵ ɕi³¹ ma²⁴ ta¹¹za：i³¹ 想　到　情郎　就　来　快些	心里有阿哥快跟上，
Byaaic dazraaix riangz bix， pja：i⁵³ ta¹¹za：i³¹ ziəŋ¹¹ pi³¹ 走　认真　和　哥	真心实意跟阿哥走，
Ngeahlix gul haucjeex， ŋɯə³³li³¹ ku²⁴ hau⁵³tɕe³¹ 还有　我　赶场	赶集我能做生意，
Ngeahlix bix hauchel， ŋɯə³³li³¹ pi³¹ hau⁵³hɯ²⁴ 还有　哥　赶场	集市我能做买卖，
Ngeahlix dul hauc has， ŋɯə³³li³¹ tu²⁴ hau⁵³ ha³⁵ 还有　我　赶　汉人	汉人集市我能走，
Gvas saamlfuj sisxianq， kwa³⁵ sa：m²⁴fu⁴² si³⁵ɕiən²⁴ 过　三府　四县	走过了三府四县，
Byaaic ndaaulndis roonghndianl， pja：i⁵³ ʔda：u²⁴ʔdi³⁵ zoŋ³³ʔdiən²⁴ 走　星星　月亮	披星戴月咱赶路，
Jic beangz dul jic gvas， tɕi⁵³ pɯəŋ¹¹ tu²⁴ tɕi⁵³ kwa³⁵ 多少　地方　我　多少　过	我不知路过多少地方，
Jic dah dul jic haamc， tɕi⁵³ ta³³ tu²⁴ tɕi⁵³ ha：m⁵³ 多少　河　我　多少　跨	也不知蹚了多少条河，
Haamc bail buxnanl buxqyaus， ha：m⁵³ pai²⁴ pu³¹nan²⁴ pu³¹ʔjau³⁵ 跨　去　百安　幼坪	渡河到百安幼坪，
Buxnanl deel beangz gaus， pu³¹nan²⁴ te²⁴ pɯəŋ¹¹ kau³⁵ 百安　他　地方　旧	百安是祖籍，
Buxqyaus deel beangz rauz， pu³¹ʔjau³⁵ te²⁴ pɯəŋ¹¹ zau¹¹ 幼坪　他　地方　我	幼坪是家乡，
Xauzbangz gaail deeuhngih， ɕau¹¹pɯəŋ¹¹ ka：i²⁴ teu³³ŋi³³ 半匹布　卖　吊二	半匹布能卖一吊二，
Gaail deeuhsis deeuhhac xeenzluangz， ka：i²⁴ teu³³si³⁵ teu³³ha⁵³ ɕen¹¹luəŋ¹¹ 卖　吊四　吊五　铜钱	卖得吊四五价钱，
Beangz banz gaail riangz diams， pɯəŋ¹¹ pan¹¹ ka：i²⁴ ziəŋ¹¹ tiəm³⁵ 地方　成　街　和　街	这地方大街连小巷，
Beangz banz diams riangz gaail， pɯəŋ¹¹ pan¹¹ tiəm³⁵ ziəŋ¹¹ ka：i²⁴ 地方　成　街　和　街	小巷通大街的地方，
Jic geac bux hax daail hax daaus， tɕi⁵³ kɯə⁵³ pu³¹ ha³¹ ta：i²⁴ ha³¹ ta：u³⁵ 多少　个　人　将　死　将　回	那是起死回生之地，
Gaangc geac mbaaus saaul deeuz， ka：ŋ⁵³ kɯə⁵³ ʔba：u³⁵ sa：u²⁴ teu¹¹ 讲　个　情男　情女　逃	要说男女逃婚事，
Reeuz xicyiangl bail goons， zeu¹¹ ɕi⁵³jiəŋ²⁴ pai²⁴ kon³⁵ 听说　者香　去　先	者香寨上有先例，
Reeuz weangzmux bail goons， zeu¹¹ wɯəŋ¹¹mu³¹ pai²⁴ kon³⁵ 听说　王母　去　先	王母街上有人去，
Xicyiangl bail jic bux， ɕi⁵³jiəŋ²⁴ pai²⁴ tɕi⁵³ pu³¹ 者香　去　几　个	者香去了不少人，
Weangzmux bail jiclaail， wɯəŋ¹¹mu³¹ pai²⁴ tɕi⁵³la：i²⁴ 王母　去　许多	王母去的人更多，
Xeel geac gaail lacdiams miz hauc， ɕe²⁴ kɯə⁵³ ka：i²⁴ la⁵³tiəm³⁵ mi¹¹ hau⁵³ 丢　那　街　老街　不　赶	他们离别了老街集市，
Xeel jic xianl jic faanh damz naz， ɕe²⁴ tɕi⁵³ ɕiən²⁴ tɕi⁵³ fa：n³³ tam¹¹ na¹¹ 丢　多少　千　多少　万　塘　田	荒芜了多少良田，
Xeel duez banz lasleel， ɕe²⁴ tuə¹¹ pan¹¹ la³⁵le²⁴ 丢　禽畜　成　乱窜	家禽家畜没人管，
Xeel boh riangz meeh jauc haaul， ɕe²⁴ po³³ ziəŋ¹¹ me³³ tɕau⁵³ ha：u²⁴ 丢　你　和　母　头　白	抛弃了白发双亲，
Riangz saaul deeuz miz ruangh. ziəŋ¹¹ sa：u²⁴ teu¹¹ mi¹¹ zuəŋ³³ 和　妹　逃　不　愁	一心与阿妹奔逃。
Bail miz ruangh gaais maz， pai²⁴ mi¹¹ zuəŋ³³ ka：i³⁵ ma¹¹ 去　不　愁　哪　啥	为逃避啥不牵挂，
Laaul ruangh gaais rihlaus， la：u²⁴ zuəŋ³³ ka：i³⁵ zi³³lau³⁵ 怕　愁　那　荒地	怕是牵挂那荒地，
Laus yieh laus rihhaz， lau³⁵ jiə³³ lau³⁵ zi³³ha¹¹ 荒地　也　荒　茅草地	那是丢茺茅草地，
Isnauz bix ruangh eeux， ʔi³⁵nau¹¹ pi³¹ zuəŋ³³ ʔeu³¹ 如说　哥　愁　家	阿哥要是牵挂家乡，
Eeux yieh eeux faixsaanl， ʔeu³¹ jiə³³ ʔeu³¹ fai³¹sa：n²⁴ 房子　也　房子　棕竹树	阿哥家是棕竹房，
Isnauz bix ruangh raanz， ʔi³⁵nau¹¹ pi³¹ zuəŋ³³ za：n¹¹ 如说　哥　愁　家	阿哥要留念家乡，
Raanz yieh raanz faixngaaih， za：n¹¹ jiə³³ za：n¹¹ fai³¹ŋa：i³³ 房子　也　房子　艾蒿树	家是艾蒿搭成房，
Ngonzndeeul waaih jic ndanl， ŋɔn¹¹ʔdeu²⁴ wa：i³³ tɕi⁵³ ʔdan²⁴ 一天　坏　几　个	一天不知盖多少幢，
Deeuz bail nanl miz ruangh， teu¹¹ pai²⁴ nan²⁴ mi¹¹ zuəŋ³³ 逃　去　百安　不　愁	逃到百安啥不想，
Bail nanllac miz ruangh. pai²⁴ nan²⁴la⁵³ mi¹¹ zuəŋ³³ 去　百安下　不　愁	到了百安放宽心。
Juangh sez ramx juangh hongz， tɕuəŋ³³ sɯ¹¹ zam³¹ tɕuəŋ³³ hɔŋ¹¹ 跳　似　水　跳　潭	走急好似水落潭，
Bail songz ndoil gvislah， pai²⁴ sɔŋ¹¹ ʔdoi²⁴ kwi³⁵la³³ 去　宿　坡　皈乐	赶到皈乐就休息，
Bail dogt dah buxgaanl， pai²⁴ tɔk³⁵ ta³³ pu³¹ka：n²⁴ 去　落　河　甘田	到了甘田找处住，
Faanlneex rauz bail naaus， fa：n²⁴ne³¹ zau¹¹ pai²⁴ na：u³⁵ 次这　我们　去　久	我们出来别想家，
Daausneex rauz bail niel， ta：u³⁵ne³¹ zau¹¹ pai²⁴ niə²⁴ 这回　我们　去　安心	此次离乡要安心，
Bail riel nac beangz roh， pai²⁴ ziə²⁴ na⁵³ pɯəŋ¹¹ zo³³ 去　惯　脸　地方　外	在异乡要认亲人，
Daausneex rauz bail lumz， ta：u³⁵ne³¹ zau¹¹ pai²⁴ lum¹¹ 次这　我们　去　忘	这次要忘掉一切，
Bail gueh wenz beangz roh. pai²⁴ kuə³³ wɯn¹¹ pɯəŋ¹¹ zo³³ 去　做　人　地方　外	我们要在异乡安家。
Gvislah waanz gvislah， kwi³⁵la³³ wa：n¹¹ kwi³⁵la³³ 皈乐　还　皈乐	皈乐还是皈乐样，
Gvislah qyus jaangl maux bolsaangl， kwi³⁵la³³ ʔju³⁵ tɕa：ŋ²⁴ mau³¹ po²⁴sa：ŋ²⁴ 皈乐　在　中　峁　高坡	皈乐居住高山中，
Jic beangz qyaangl jic gveengs， tɕi⁵³ pɯəŋ¹¹ ʔja：ŋ²⁴ tɕi⁵³ kweŋ³⁵ 多少　地方　央家　多不　开阔	寨前开阔看得远，
Gveengs lacmbaanx buxnanl， kweŋ³⁵ la⁵³ʔba：n³¹ pu³¹nan²⁴ 开阔　寨下　百安	百安寨子看得清，
Yaanz ranl ramx geeucluh， ja：n¹¹ zan²⁴ zam³¹ kweu⁵³lu³³ 瞟　见　水　漩涡	江中漩涡也看到，
Ramx gveeucluh jizjul， zam³¹ kveu⁵³lu³³ tɕi¹¹tɕu²⁴ 水　漩涡　流急	漩涡水急流，
Sul deg wenz legmbegt ganhhis， su²⁴ tɯk³³ wɯn¹¹ lɯk³³ʔbɯk³⁵ kan³³hi³⁵ 你　是　人　女孩　忧心	女孩家心着急，
Ganhhis maz mea nuangx？ kan³³hi³⁵ ma¹¹ mɯə⁰ nuəŋ³¹ 忧心　啥　（语）　妹	阿妹为何要担忧？
Ganhhis maz mea naangz？ kan³³hi³⁵ ma¹¹ mɯə⁰ na：ŋ¹¹ 忧心　啥　（语）　小姐	阿妹担忧啥？
Lix buxgvaangl gueh manh， li³¹ pu³¹kwa：ŋ²⁴ kuə³³ man³³ 有　少爷　做　稳	有我在你身边，
Labthamh aul soonglbux saamlbux gaaul saz， lap³⁵ham³³ ʔau²⁴ soŋ²⁴pu³¹ sa：m²⁴pu³¹ ka：u²⁴ sa¹¹ 黑夜　要　两个　三个　划　竹筏	晚上摆渡怕漩涡，
Bix bail hams doh genz， pi³¹ pai²⁴ ham³⁵ to³³ kɯn¹¹ 哥　去　问　渡口　上	阿哥到上渡口问，
Doh genz aul xaangz hac， to³³ kɯn¹¹ ʔau²⁴ ɕa：ŋ¹¹ ha⁵³ 渡口　上　要　两　五	他们一两五银子，
Bix bail hams doh lac， pi³¹ pai²⁴ ham³⁵ to³³ la⁵³ 哥　去　问　渡口　下	阿哥去下渡口问，
Doh lac aul xaangzngih， to³³ la⁵³ ʔau²⁴ ɕa：ŋ¹¹ŋi³³ 渡口　下　要　两二	他们要一两二银子，
Dianghdis dogt lacndaangl， tiəŋ³³ti³⁵ tok³⁵ la⁵³ʔda：ŋ²⁴ 正好　落　自身	恰好自己要摆渡，
Ximlxic soonglsaaml xeenz yieh gvas， ɕim²⁴ɕi⁵³ soŋ²⁴sa：m²⁴ ɕen¹¹ jiə³³ kwa³⁵ 看来　两三　钱　也　过	许是两三钱银也渡，
Raiz gueh nyas ramxhanl， zai¹¹ kuə³³ zam³¹han²⁴ 叫　做　季　水急	因是涨水过季节，
Bail buxnanl aul deeuh， pai²⁴ pu³¹nan²⁴ ʔau²⁴ teu³³ 去　百安　要　一吊	到百安得要一吊银，
Bail nanllac aul gucganl， pai²⁴ nan²⁴la⁵³ ʔau²⁴ ku⁵³kan²⁴ 去　下百安　要　九斤	行下百安要九斤（银）。
Ramxhanl dez nyasrauh， zam³¹han²⁴ dɯ¹¹ 水急　带　难受	急流险滩难摆渡，
Dianghdis bux nac gaus lumz rauz， tiəŋ³³ti³⁵ pu³¹ na⁵³ kau³⁵ lum¹¹ zau¹¹ 正好　个　脸　旧　忘　我	故友他认不得我，
Dul rox jauz seeuc noih. tu²⁴ zo³¹ tɕau¹¹ seu⁵³ noi³³ 我　会　求　少　些	我左说右说他少收。
Gvas bail baaih unx nyiel， kwa³⁵ pai²⁴ pa：i³³ ʔun³¹ 过　去　那　对面　江	渡到江对岸，
Yaanz ranl mbaanx buxqyaus， ja：n¹¹ zan²⁴ ʔba：n³¹ pu³¹ʔjau³⁵ 瞟　见　寨　幼坪	一眼看到幼坪寨，
Mal raus roxnyiel hingl， ma²⁴ zau³⁵ hiŋ²⁴ 狗　叫　听见　声	听见寨上狗叫声，
Xunl bail lac ranl dongh. ɕun¹¹ pai²⁴ la⁵³ zan²⁴ tɔŋ³³ 顺　去　下　见　坝子	沿江往下是坝子。
Gvas soongllongh saamllongh ronlbaanz， kwa³⁵ soŋ²⁴lɔŋ³³ sa：m²⁴lɔŋ³³ zɔn²⁴pa：n¹¹ 过　两段　三段　盘路	过了那盘山路，
Sul buxmaanz banz gah， su²⁴ pu³¹ma：n¹¹ pan¹¹ ka³³ 你　布曼　成　价	故人知你了不起，
Gvas basdah hongz yeeul， kwa³⁵ pa³⁵ta³³ hɔŋ¹¹ jeu²⁴ 过　河口　潭　深	蹚过了许多深潭，
Ndanl jeeuz gadt jaucraais， ʔdan²⁴ tɕeu¹¹ kat³⁵ tɕau⁵³za：i³⁵ 座　桥　横　滩头	滩头横跨一座桥，
Raaih jicgongc jeeuzrinl， za：i³³ tɕi⁵³kɔŋ⁵³ tɕeu¹¹zin²⁴ 走　几拱　石桥	行走在石孔桥上，
Yuxjiml daic ndaangl goons， ju³¹tɕim²⁴ tai⁵³ ʔda：ŋ²⁴ kon³⁵ 情妹　哭　身　先	站听阿妹哭身世，
Ramx mogmons sizsinz， zam³¹ mɔk³³mɔn³⁵ si¹¹sin¹¹ 水　飞溅　蒙蒙	桥下水珠四处溅，
Ramx mogmons sizsaz， zam³¹ mɔk³³mɔn³⁵ si¹¹sa¹¹ 水　飞溅　蒙蒙	雾气蒙蒙水珠飞，
Raz gaml jeenl bail raaih， za¹¹ kam²⁴ tɕen²⁴ pai²⁴ za：i³³ 我　握　臂　去　踩	我与阿妹桥上过，
Soongl baaih soongl banz ronl， soŋ²⁴ pa：i³³ soŋ²⁴ pan¹¹ zɔn²⁴ 两　边　两　成　路	桥上两边人行走，
Ngonz ngonz lix bux gvas， ŋɔn¹¹ ŋɔn¹¹ li³¹ pu³¹ kwa³⁵ 天　天　有　人　过	天天有人桥上过，
Yieh lix has xingl max， jiə³³ li³¹ ha³⁴ ɕiŋ²⁴ ma³¹ 也　有　汉人　牵　马	也有贩马人，
Yieh lix gax xingl waaiz， jiə³³ li³¹ ka³¹ ɕiŋ²⁴ wa：i¹¹ 也　有　贩子　牵　牛	也有贩子牵牛过，
Yux maz laaul dalraaiz miz qyaams？ ju³¹ ma¹¹ la：u²⁴ ta²⁴za：i¹¹ mi¹¹ ʔja：m³⁵ 妹　啥　怕　眼花　不　跨	阿妹为啥不敢过？
Laaul raaiz deeus miz qyaams？ la：u²⁴ za：i¹¹ teu³⁵ mi¹¹ ʔja：m³⁵ 怕　眼花　跌倒　不　跨	是怕眼花要跌倒？
Suans gaaismaz bux deeuz， suən³⁵ ka：i³⁵ma¹¹ pu³¹ teu¹¹ 算　什么　个　逃	你算啥子逃难人，
Mengz laaul jeeuz neex qyas， mɯŋ¹¹ la：u²⁴ tɕeu¹¹ ne³¹ ʔja³⁵ 你　怕　桥　这　凶	你怕这桥不吉利，
Doh mbaanx neex banz siangl， to³³ ʔba：n³¹ ne³¹ pan¹¹ siəŋ²⁴ 渡口　寨　这　成　水怪	这寨河口里有灾凶，
Yux samlmeanl ndiabtdih， ju³¹ sam²⁴mɯən²⁴ ʔdiəp³⁵ti³³ 妹　文雅　多虑	阿妹你不要多虑，
Duezluanl leeux ndiabtdih. tuə¹¹luən²⁴ leu³¹ ʔdiəp³⁵ti³³ 妹子　实在　多虑	你这妹子疑心重。
Baais bux binl faixlaaux， pa：i³⁵ pu³¹ pin²⁴ fai³¹la：u³¹ 像　个　爬　大树	好像攀树人那样，
Gaaisneex ngaaux dungxaul， ka：i³⁵ne³¹ ŋa：u³¹ tuŋ³¹ʔau²⁴ 这是　争　结合	这是我俩终身事，
Raanz haxbail yieh bius， za：n¹¹ ha³¹pai²⁴ jiə³³ piu³⁵ 家　想去　也　没	想家你也没法回，
Hax bail raanz yieh bius. ha³¹ pai²⁴ za：n¹¹ jiə³³ piu³⁵ 想　去　家　也　没	回去你也没家。
Isnauz qyams meeh jis， ʔi³⁵nau¹¹ ʔjam³⁵ me³³ tɕi³⁵ 如说　探望　母亲　朋友	这不是朋友家探视，
Isnauz qyams meehqyail^[2]， ʔi³⁵nau¹¹ ʔjam³⁵ me³³ʔjai²⁴ 如说　探望　保妈	不是去探望保妈，
Raanz miz jail sanhneex， za：n¹¹ mi¹¹ tɕai²⁴ san³³ne³¹ 家　不　远　这样	她们家不这么远，
Bix miz riangz nuangxsaaul deeuz mbaanx， pi³¹ mi¹¹ ziəŋ¹¹ nuəŋ³¹sa：u²⁴ teu¹¹ ʔba：n³¹ 哥　不　跟　妹子　逃　寨子	阿哥与阿妹不会私奔，
Reeuznauz nanl ndilqyus， zeu¹¹nau¹¹ nan²⁴ ʔdi²⁴ʔju³⁵ 传说　百安　舒适	人们说百安好地方，
Reeuz nanllac ndilqyus， zeu¹¹ nan²⁴la⁵³ ʔdi²⁴ʔju³⁵ 传　下百安　舒适	下百安山水好去处，
Buxnanl waanz buxnanl， pu³¹nan²⁴ wa：n¹¹ pu³¹nan²⁴ 百安　还　百安	百安那地方，
Buxnanl xomc ganldauh， pu³¹nan²⁴ ɕɔm⁵³ kan²⁴tau³³ 百安　包　灰色帕	人们兴包灰色帕，
Buxqyaus waanz buxqyaus， pu³¹ʔjau³⁵ wa：n¹¹ pu³¹ʔjau³⁵ 幼坪　还　幼坪	幼坪那地方，
Buxqyaus xomc ganlraaiz， pu³¹ʔjau³⁵ ɕɔm⁵³ kan²⁴za：i¹¹ 幼坪　包　花纹帕	那地方包花纹帕，
Gaaisdeel yaaiz lungznax bohmeeh. ka：i³⁵te²⁴ ja：i¹¹ luŋ¹¹na³¹ bo³³me³³ 那是　影子　舅父　父母	那是家乡老模样。
Qyus geazneex xaauxeeux， ʔju³⁵ kɯə¹¹ne³¹ ɕa：u³¹ʔeu³¹ 在　这里　安家	我们在这里安家，
Qyus geazneex xaauxraanz， ʔju³⁵ kɯə¹¹ne³¹ ɕa：u³¹za：n¹¹ 在　这里　安家	咱在这里落个脚，
Lungc bail waanz bohmeeh. luŋ⁵³ pai²⁴ wa：n¹¹ po³³me³³ 才　去　还　父母	日后再去回报父母恩。
Naaih suans naaih banz eeux， na：i³³ suən³⁵ na：i³³ pan¹¹ ʔeu³¹ 慢　算　慢　成　家	我们一心同然安个家，
Naaih suans naaih banz raanz， na：i³³ suən³⁵ na：i³³ pan¹¹ za：n¹¹ 慢　算　慢　成　家	相亲相爱创家业，
Waanz banz genl ngonzliangh， wa：n¹¹ pan¹¹ kɯn²⁴ ŋɔn¹¹liəŋ³³ 还　成　吃　有一天	总有一天我们会幸福，
Gvaangl banzdanc ngonzliangh. kwa：ŋ²⁴ pan¹¹tan⁵³ ŋɔn¹¹liəŋ³³ 少爷　成穿　有一天	幸福生活总会来。