目录
儿歌
HXAK JIB DAIB
Max max bil， | 拍拍手， |
Nongx gad mangl； | 吃麦饭； |
Nongx ax jul， | 吃不完， |
Baib ghab bul. | 送朋友。 |
Dix diad dieb， | 手一拍， |
Nongx gab hnaib； | 吃午饭； |
Nongx ax jul， | 吃不完， |
Baib jib daib. | 送小孩。 |
Dliel lax wil nongf yut， | 过去年纪小， |
Nongx ax jul laib git； | 一个蛋吃不了； |
Xangf nongd wil hlieb dangt， | 现在长大啦， |
Nongx seix jul laib git； | 一个蛋吃不饱； |
Wil hnangd ghangb hvib cat， | 觉得很高兴， |
Lix lol niangb bib det. | 量有三尺高。 |
Laib hlat fangx diab ab， | 月儿出来明又亮， |
Diangb det niox eb vob； | 一根棒棒搅染缸； |
Xuk dangk dax bib niangb， | 拿根板凳我们坐， |
Bes niak dax bib kub. | 抱孩子来我们诓。 |
Bib niex niel bob diob， | 大家一起蹲下来， |
Yangb jax diel ghab hob； | 栽蔸茄子在墙脚； |
Baib mongx vangl laib hlieb， | 大的送给你们寨， |
Bib vangl ed laib niub. | 小的我们寨留着。 |
Niangb dab ax ait xid， | 闲着无事做， |
Niangb dab hfab hlat liod； | 来把牛绳搓； |
Kheib laib vib gheik ghongd， | 捆颗葫芦石， |
Gox mongl ghab but zaid； | 甩到房屋角； |
Dib laib gangb bet tiad， | 把水缸砸破， |
Jib daib xit kot yud； | 娃娃起哄乐； |
Zuk mongl xangs mangs bad， | 赶紧找父母， |
Hot nongf dios wil hsad. | 承认是我错。 |
Qid ninx hangd deis lol？ | 买牛哪里来？ |
Qid ninx fangb bil lol. | 买牛高坡来。 |
Dot dail ninx gheil xid？ | 得头什么牛？ |
Dot dail ninx ghol dad. | 得头秃尾牛。 |
Dad qib dail xid zaid？ | 关在哪个家？ |
Dad qib Ghet Dex zaid. | 关在岛公家。 |
Ghet Dex dib bad dlad， | 岛公杀条狗， |
Dliat bad baif ved zaid. | 留猫来守家。 |
Bad baif ax hangd ved， | 猫咪不愿守， |
Bad baif genx hxud hxud. | 猫咪哭兮兮。 |
Dol was ghab but zaid， | 甩到墙脚边， |
Ghet hfat xit luf yud. | 乞丐争着抢。 |
Xit dib dus tok jud， | 打架破酒坛， |
Baib Wuk Niangx ghaid ghad. | 送仰婆节肠。 |
Wuk Niangx ax hangd ed， | 仰婆不肯要， |
Wuk Niangx genx hxud hxud. | 仰婆哭兮兮。 |
Baib Wuk Qangk hfud nais， | 送强婆肝子， |
Wuk Qangk diek has has. | 婆强笑哈哈。 |
Gangb daid ghangt gangb hmenb， | 虱子背跳蚤， |
Gangb pend ghangt gangb jongb. | 蚂蚁抬蚯蚓。 |
Dlob laix ghangt dlob jil， | 四个抬四肢， |
Dliangb dab ghangt cad wal. | 地神抬水肚。 |
Bod niongs ghangt ghad lul， | 家神抬大肠， |
Ghangt yeb yeb ngal nangl. | 悠悠往下走。 |
Mongl wix ghab dlongs gheik， | 抬到窄坳口， |
Gangb mod genx jik jik. | 水虿叽叽叫。 |
Baib gangb mod ib nenk， | 送水虿一块， |
Gangb mod ax hangd seik. | 水虿不肯接。 |
Gol nenx mais dax seik， | 喊它妈来接， |
Seik dot nail bangl ghaik. | 得个鲫壳鱼。 |
Nenx bad vud dad jent， | 他爸讲拿烧， |
Nenx mais vud dad hot. | 它妈讲拿煮。 |
Jent seix jent ax hxangd， | 烧也烧不熟， |
Hot seix hot ax hxangd. | 煮也煮不熟。 |
Bad teik mais jex dangd， | 爸砍妈九刀， |
Mais teik bad jex dlied. | 妈打爸九铲。 |
Zuk cat bus maix zaid， | 它妈钻别家， |
Dot nongx ib had gad， | 得口饭来吃， |
Nongx jangx niangb ghongd bongd. | 吃完呆呆坐。 |
Cob liangx bab haib haib， | 吹喇叭哇啦， |
Dangx dol ngit bub jub. | 大家睁眼看。 |
Bongf maix bangd nes doings， | 见人打鹌鹑， |
Nes diongs pib leix vil. | 鹌鹑向窝跑。 |
Mongl pib leit fangb bil， | 想到高坡去， |
Fangb bil fangb nios mais， | 高坡人花脸， |
Nios jil naix gus lus. | 耳朵花里啷。 |
Gol Wuk Fangk， | 叫方婆， |
Wuk Fangk naf heib dinl； | 方婆编晒席； |
Gol daib nenl， | 喊舅子， |
Daib nenl yex fangb lol. | 舅子游方来。 |
Zend vob ghob， | 西红柿， |
Dliangd dob lob； | 滚咕噜； |
Fab diel dliangd ghab hob， | 南瓜滚下墙， |
Dliangd mongl bus ghangb vib. | 滚站墙缝角。 |
Laib hlat fangx diab ab， | 月儿亮堂堂， |
Diangb det niox eb vob. | 一根染缸棒。 |
Hsend ud dail xid nangl？ | 染衣给谁穿？ |
Hsend ud wil bed nangl. | 染衣给哥穿。 |
Wil bed mongl fangb bil， | 哥到高坡寨， |
Niangs dot dail niangb lol. | 找得个嫂来。 |
Ghol jil ghad dad bil， | 断一只手指， |
Ax sux paib ud nangl. | 不会缝衣穿。 |
Zuk mongl ghab vud lul， | 跑进深山去， |
Dot ob hxenb gad ghol. | 得两升小米。 |
Dad lol zas ghab diux， | 拿来撒门前， |
Dol gheib dol gas lol qeb nongx. | 鸡鸭都来吃。 |
Nas ob laib git nox， | 下两个绿蛋， |
Nas ob laib git fangx. | 下两个黄蛋。 |
Dad ib laib lol hot， | 拿一个来煮， |
Dliat ib laib dangl khat. | 留一个待客。 |
Dangl jib daib lol leit， | 等娃儿来到， |
Hangt naf eb wal cat. | 全都臭尿臊。 |
Laib hlat fangx diab ab， | 月亮亮堂堂， |
Diangb det niox eb vob. | 一根染缸棒。 |
Dad dangk dax bib niangb， | 拿板凳来坐， |
Dad niak dax bib kub. | 抱娃娃来诓。 |
Diangb dangk neid ghob yob， | 板凳悠悠晃， |
Dol lul mongl dat hvent. | 老人去乘凉。 |
Dol yil mongl jit det， | 孩儿爬树忙， |
Dol yil mongl ghet dlet. | 摇树哗哗响。 |
Baix nix lol not not， | 银子落地上， |
Dail xid daib vas qeb， | 谁捡得最多， |
Dot nix lol dib gheb. | 铸项圈扮装。 |
Dol hlieb mongl khat jul， | 大的嫁他乡， |
Dal jus dol yut lial. | 剩我小姑娘。 |
Mongl nios vob bat lol， | 去割猪菜回， |
Lol sos ghab but vangl. | 来到寨子旁。 |
Dol jib niangb tat wil， | 嫂嫂将我骂， |
Wil mongb hvib bongt bil. | 我实在冤枉。 |
Dib laib gangb bet dongl， | 捶胸咚咚响， |
Baix laib xenb diut liangl. | 掉下胆六两。 |
Maix hlieb maix mongl khat， | 大的出嫁了， |
Dal wil dail yut yut. | 剩下我还小。 |
Wil mongl nios vob bat， | 我把猪菜摘， |
Lol wix ghab but tit. | 回到寨门了。 |
Dliab lob dliangd bil zeit， | 脚滑摔一跤， |
Zaid jil ghab bab cat. | 脚伤腿皮掉。 |
Ed jab gheix xid diot， | 拿啥药来包， |
Ed jab ghad mal diot， | 拿马屎药包， |
Hangt jab ghad mal cat. | 马屎药臭臊。 |
Wil bad sax dib jil gheb， | 爸爸不打银项圈， |
Wil mais sax paib liul qub. | 妈妈不制盛装穿。 |
Wil nongf vut wil wangb， | 我着素装也好看， |
Wil nongf deit wil ghangb. | 走起路来舞翩跹。 |
Zuk gix Ghab Nangl Dliangb， | 甘囊香塘跳芦笙， |
Zuk gix was wul wib， | 随着笙曲围圈转， |
Deit ghangb qib ghail qib. | 舞步轻盈跳得欢。 |
Jad jad jet， | 拍拍手， |
Mal mal jet. | 鼓鼓掌。 |
Nongx ax jul， | 吃不完 |
Las khangd xet. | 包里藏。 |
Bal sod fal， | 明早起， |
Jus haid lot. | 一口香。 |
Cob liangx bab hal hal， | 吹喇叭哈哈， |
Ngal Ghab Yenf ngal nangl. | 从青 |
Dax bib maf diel yal， | 来咱杀恶霸， |
Maf nenx dlub hsongd zail. | 尸骨满地下。 |
Diangs dal dail ghab daib， | 还有个小孩， |
Niangb dliel Nangl Gangb Wab. | 住在囊岗瓦。 |
Tiet nenx lol bib dib， | 拉来我们打， |
Lax lal ghad pib hleib. | 打得烂稀巴。 |
Zenf diot hfud bongx eb， | 拿到浪头撒， |
Gangb diob gheik nail niol. | 螃蟹夹花鱼。 |
Gos Xongx Bul， | 喊雄波， |
Xongx Bul mongb. | 雄波痛。 |
Gos Ngax Hmongb， | 喊也蒙， |
Ngax Hmongb fal. | 也蒙起。 |
Gos Bad Mal， | 拉骏马， |
Bad Mal deit. | 骏马踢。 |
Gos Ghongk Gheit， | 喊巩贵， |
Ghongk Gheit genx. | 巩贵哭。 |
Gos bad ninx， | 拉水牛， |
Bad ninx tiangk. | 水牛踩。 |
Gos Wuk Fangk， | 喊方婆， |
Wuk Fangk naf heib dinl. | 方婆编晒席。 |
Daib nenl yex fangb lol， | 舅去游方来， |
Bal diel bal maix fangb， | 他方很混乱， |
Ax bal sos bix fangb. | 咱方静悄悄。 |
Vangl Kad ghab diux hnaib， | 扬卡大门对太阳， |
Liangl Ghel vut jox fangb. | 良高是个好地方。 |
Bed hlieb bed nangl sat， | 哥大哥成家， |
Ad hlieb ad mongl khat. | 妹大妹出嫁。 |
Dail dal ib mail vangt， | 剩下群娃崽， |
Dangl maix hlieb mongl ghot. | 等到成婚嫁。 |
Nail bangl jit dail det， | 鲫鱼爬树上， |
Bangl dail det ghul liut. | 靠在树根下。 |
Heix heix hab hab， | 嘻嘻哈哈， |
Diongx diongx dieb dieb. | 滴滴答答。 |
Mais vongx dluf gob lob， | 龙娘心慌， |
Dluf gol lob diub eb. | 现身水上。 |
Laib hlat fangx diab ab， | 月儿亮堂堂， |
Ghab hxent wangx zab hmub. | 篱笆晒衣裳。 |
Wil nail heik gangb kongb， | 去捉鱼捞虾， |
Dot lol ib dib hlieb. | 得来一箩筐。 |
Dad lol hot eb zas， | 拿来煮酸汤， |
Jul bad jul daib tiongb. | 全家吃得香。 |
Dal ib dail ghab daib， | 还剩个娃娃， |
Bit diot mais ghab diub. | 娘背睡得香。 |
Teb nax bet tod tod， | 谷桶咚咚响， |
Jib daib xuk qangd diud. | 小孩跟着忙。 |
Dax vangs nax bad lod， | 来拾断谷穗， |
Dot lol ib qangd baid. | 拾来一箩筐。 |
Dad lol ghab jel dod， | 拿到碓中舂， |
Hot lol bib xangd baid. | 煮来大家尝。 |
Naix lul ib xangd kad， | 大人一碗光， |
Nongx jul nangs jef dad. | 吃完寿命长。 |
Jib daib ob xangd kad， | 小孩两碗光， |
Nongx jangx hvib gud yud. | 吃完快快长。 |
Laib hlat ghab waix niel， | 月儿挂天上， |
Dlub zait laib nix liangl. | 白得像银两。 |
Ghab guf hlat linx ghongl， | 月末似镰刀， |
Ngas bit ax ngas fal. | 贪睡不起床。 |
Yaf hmangt wix laib mangl， | 初八歪着脸， |
Juf zab jangx laib niel. | 十五像锣样。 |
Diangd dongd ghail diangd dongd， | 开春春天回， |
Diangd dail ot diangd dongd. | 春风呼呼吹。 |
Gangb yel yangt diud yud， | 蜻蜓遍地飞， |
Dol lul mongl heb liod. | 老人喂牛忙。 |
Dol yil mongl hvob bod， | 青年寻宝藏， |
Dal ob dail daib ad. | 剩两个姑娘。 |
Xit xangs mongl vangs hfed， | 相邀买丝线， |
Dlit hmub lol paib ud. | 挑花绣朵忙。 |
Liangb yenb gend， | 掐烟叶， |
Vangs jab dod. | 寻火草。 |
Dib vib tiad， | 敲火石， |
Eb ib pid. | 烟缭绕。 |
Daib mongs hsaid， | 美味出， |
Daib mongs jul laib zaid. | 满屋飘。 |
Niangb dab seix xangd ghongd， | 闲着闷得慌， |
Paib hmub seix ed hfed. | 绣花需线长。 |
Hek yenb seix ed bend， | 抽烟要钱粮， |
Dax bib dongf ghed sed. | 咱把故事讲。 |
Dongf gux baib bul hnangd， | 让大家分享， |
Dol lul diek hod hod. | 老人很赞赏。 |
Dol yil dot ghaid ghad， | 小孩得节肠， |
Dol yil gik wend wend. | 个个吃得香。 |
Ghangx pab haib ghangx mil， | 扁担扁又扁， |
Linx ghob heib linx diel. | 镰刀弯又弯。 |
Zox dib ghangt ob dangl， | 腰箩两头甩， |
Dax bib dib nax mongl. | 打谷忙得欢。 |
Jib daib qeb nax ghol， | 小孩拾断穗， |
Qeb baid dib zox jul. | 腰箩个个满。 |
Zab diot ghab daix nongl， | 晒在谷仓旁， |
Dod diot ghab bax jel. | 碓杵来舂散。 |
Ced cat penb yux dongl， | 簸去糠秕子， |
Ghab hsaid dlub nix liangl. | 白米银光闪。 |
Gangb diob ghangt niel dex， | 螃蟹背铜锣， |
Hangb gongl gid wangx dangx. | 行路走横向。 |
Dail xid hnab deix nenx， | 谁要踩它伤， |
Gheik mongl ghab dongx ngix. | 夹紧不肯放。 |
Dol lul zuk ax yangx， | 大人跑不脱， |
Dol yil diek hax hax. | 小孩笑得慌。 |
Jud gib ninx， | 牛角酒， |
Zaid Hmub maix. | 苗家有。 |
Nail eb lix， | 田中鱼， |
Hot hxub dlox. | 酸汤做。 |
Khat dax wix， | 客来到， |
Xongt nenx vux. | 待亲友。 |
Dail diel hfab pot ded， | 汉人搓炮仗， |
Bib bad mail lol zaid. | 咱爸买回家。 |
Jib daib dad lol bangd， | 娃娃拿来放， |
Bet pix tib pal tiad. | 噼里啪啦响。 |
Bet niongx laib vangl hfaid， | 全寨人高兴， |
Vut ghak jus dol nongd. | 好玩只这样。 |
Det bangx dlenx， | 桃花树， |
Det bangx wab. | 樱桃树。 |
Det deix deix， | 树干直， |
Vut jox wangb. | 好看多。 |
Fat waix xux， | 冬天过， |
Jent dax cob. | 春风呼。 |
Pud bangx dlenx， | 桃花开， |
Pud bangx wab. | 樱花开。 |
Xok dix lix， | 红彤彤， |
Vut jox wangb. | 逗人爱。 |
Fat bangx pud， | 花开过， |
Zent jangx zend. | 结硕果。 |
Jib daib ed， | 娃娃摘， |
Las ghab ghongd. | 口中放。 |
Ghangb wab hvid， | 甜蜜蜜， |
Mais hvib said. | 心舒畅。 |
Ghab gib wangx， | 菜园角， |
Jenl det nangs. | 栽李树。 |
Bib laib niangx， | 三春过， |
Lol dot ves. | 成大树。 |
Pud bangx nix， | 开银花， |
Zent zend bas. | 结硕果。 |
Hxangd dax niox， | 果成熟， |
Xit lek das. | 相争夺。 |
Jil dot lox， | 哥得筐， |
Nil dot lus. | 妹得箩。 |
Zend vob ghob， | 西红柿， |
Xok gib lib. | 红似火。 |
Dliangd gob lob， | 咕噜滚， |
Baid laib dib. | 满腰箩。 |
Dad tiob vob， | 拿煮汤， |
Hxub geb lieb. | 味道合。 |
Eb lix yis nail git， | 稻田养鲤鱼， |
Hxab ghenx eb lol tangt. | 水车送水急。 |
Nail was lies zeil zeit， | 鱼儿游得欢， |
Nail dlub diub hvul hvut. | 个个白背脊。 |
Wil taid dad lol hot， | 捉它来煮吃， |
Jib daib diek hol hot. | 娃娃真欢喜。 |
Diangb linx laib hlat ghongl， | 弯月的镰刀， |
Lax nangx ghab but gongl. | 路边来割草。 |
Jas dail nes jit lil， | 遇个季力鸟， |
Genx jangx hveb at yol. | 叫声如知了。 |
Kub nenx ghongb xangt mongl， | 可怜把它放， |
Yangt hliak ghab waix niel. | 它飞比天高。 |
Det mangx longl ghab qangb， | 枫枝吐嫩叶， |
Sait dax niul bongb yongb. | 风吹绿茵茵。 |
Ngit mangx dol ghab daib， | 看这新一代， |
Zait vongx fal diub eb. | 如龙深潭行。 |
Bes nenx lol bib kub， | 抱来我们诓， |
Diek niongx vangl dinb linb. | 全寨笑盈盈。 |
Niangb bil jef niangb nangx， | 有坡才长草， |
Niangb diongl jef niangb lix. | 有冲方修田。 |
Niangb vangl jef niangb naix， | 有寨自有人， |
Dial taid dail daib wangx. | 哥像皇太子。 |
Nil taid dail daib vongx， | 妹如龙姑娘， |
Taid fal Eb Hniangb dax. | 出自清水江。 |
Wil lol baib laib nangx， | 我来起个名， |
Fangb vangl hnaib hnaib xangx. | 地方人赞扬。 |
Dail xid yangl mangb dax？ | 谁带你俩来？ |
Diangb hsod yangl gongb lix， | 锄头修田沟， |
Bib bed yangl bib dax. | 哥哥带咱来。 |
Yangl mongl leit Wangx Zangx， | 带到那网掌， |
Wangx nangl tiangt diux gheix. | 国王把门开。 |
Jas dail det bangx dlenx， | 遇颗桃子树， |
Hxangd lol xit seix nongx， | 熟了大家吃， |
Ed jul hniut ghax niox. | 欢喜过一年。 |
Mongx zuk ait xid dlik？ | 蝌蚪为啥逃？ |
Eb niel wil jef zuk. | 水浑我才逃。 |
Mongx niel ait xid eb？ | 水你为何浑？ |
Vib dliangd wil jef niel. | 石落击我浑。 |
Mongx dliangd ait xid vib？ | 石你为何落？ |
Niongx qab wil jef dliangd. | 锦鸡刨我落。 |
Mongx qab laib xid niongx？ | 你刨啥锦鸡？ |
Wil qab zend ghod nongx. | 我刨板栗吃。 |
Mongx vis ait xid zend？ | 板栗为啥掉？ |
Jent dax wil jef vis. | 风吹我才掉。 |
Mongx dax ait xid jent？ | 风你为啥吹？ |
Ax dax ax jul hniut. | 我为季节吹。 |
Ax jul ghab dongd ot， | 不吹季不换， |
Xux seil niangb khangd ghot. | 人间受严寒。 |
寨下。