目录
阿保和阿娜
Ab Bod Sul Ab Nax
Dliel gid denx id，maix gangx mais bad，dail bad bit Ab Bod，dail mais gol Ab Nax. Nenx ob laix ghuk jangx ib zaid naix lol，xit hlib xit vut，dot dail gangb gux seix nongt xit dus nongx. | 很久以前，有一对夫妻，男的叫阿保，女的叫阿娜。他俩从结婚以来，相亲相爱，得一只蚂蚱也分来吃。 |
Maix ib hnaib，nenx ob laix dax mongl ait gheb wil gos dail ghangd dab lol，hot hvid ngas yangx gid nongx，ghax dub diot ghab vangx sot gid waix，dail xid bub gos dail baif niangs nongx mongl yangx. Ob mais bad ghax ib laix hsent vud dios ib laix nongx nend. Ab Nax hsent vud ax hmat dax fat mongl ghax niox，ax bub Ab Bod nongf not hvib wat. Hnaib dangl ghangb，Ab Bod fal lol ghax dax mongl ghab vud hleik ghaib，nenx hleik dax mongl jas dail mif lul niongx xit dot bes git，ghax yel ib linx dax mongl deix dail mif lul niongx das yangx，nenx ghax dad vik diot ghangt ghaib gid niangs ghangt lol zaid lol. Lol sos zaid，nenx ib hveb ax xangs dail jib mais sul dol jib daib. Hxib hmangt nongx gad hmangt jangx，Ab Bod ghax zenx vox maix mais daib mongl bit dlaib. Ab Nax jox hvib nos：Ab Bod congf lol ax hmat ib hveb hseid，hnaib nongd nenx ait xid zenx vox bib mongl bit dlaib nend？Mais bib mongl bit yangx，hxid nenx ait laib gheix xid！Ait nend，ghax ynagl dol jib daib xit seix mongl bit dlaib mongl yangx. Ab bod ghed nenx dol bit dangx yangx，ghax mongl nens ghaib qeb dail mif lul niongx lol hot，hxangd yangx ghax nongf jus laix nongx. Ab Nax niangb ghab jenk hvuk hmangk said mongx gangl ghab ghongs zaid dax，nenx hsent vud Ab Bod seix dail dliat ghab bab suk nenk daib ngix diot maix mais daib nongx haib. Nenx ngit ghab ghaid hmangt，bongf Ab Bod jus laix sail nongx dail niongx jul dieb，ghax nins bub diub diot jox hvib. | 有一天，他俩去做活路捉得一只石蚌来，说是拿晒干后再吃，就放在灶上晒，谁知被一只馋嘴猫给吃去了。夫妻俩一个怀疑是一个吃。阿娜想，不说出来，过去就算了，哪知阿保多心。第二天，阿保起来就上山去割草，割草时遇到一只正在抱蛋的野鸡，他就用镰刀朝野鸡砍去，正好把它砍死，他就拿那野鸡藏在草里面带回家来。到家后，他也不告诉老婆和孩子。那天晚饭后，阿保就劝他们母子去睡觉。阿娜心想：阿保往天不讲一句话，今天为啥老劝我们娘崽睡觉呢？等我们去睡了，看他搞啥子名堂来！于是，就引着孩子一起去睡觉去了。阿保估计她们睡着后，就到那草堆里把那只野鸡提回来，煮好后，就独自吃起来。阿娜在房间悄悄从壁缝里往外看，她想可能他会留只腿和些肉给她们母子的。可她看了半天，什么都吃光了，就一直记在心里。 |
Maix ib hnaib，Ab Bod sul Ab Nax xit seix mongl yis las ghol. Ab Nax ghax dlut ghol gox，dliat wux lial lial. Ab Bod nais hot：“Mongx ait xid dlut ghol gox，dliat wux lial lial nend？” Ab Nax ib laib hseid seix ax hmat，nangl nangl dlut ghol gox，dliat wux lial lial. Ab Bod dad vud nenx ib lind，nenx ghax dub juk taid，mid eb mais vol vol gol hxak hot： | 一天，阿保和阿娜去薅小米苗。阿娜把小米苗拔掉，专留狗尾草。阿保问：“你怎会拔小米苗，专留狗尾草呢？”阿娜不吭一声，也照样拔掉小米苗，全留狗尾草。阿保又再次讲她，她就放下薅刀，含着眼泪唱道： |
Hol hol id ol， | 嗬嗬咿哦， |
Hol hol id ol！ | 嗬嗬咿哦！ |
Gangb gux lax jil gheit， | 蚱蜢一人一只腿， |
Hniangb nax laix dangl pat， | 一穗稻子分着嗑， |
Vob nongx ax dal xongt， | 阿妹从不吃留哥， |
Khab nongx sax dal mait. | 阿哥从不吃留妹。 |
Mongx nongx ib jil nongt dliat， | 以为你吃鸡腿留一只， |
Nongx ob jil nongt dliat. | 吃了两只留一对。 |
Mongx dad nongx ib jil dliat mait， | 你却瞒妹吃鸡腿， |
Nongx ob jil dliat mait. | 吃了两只丢下妹。 |
Niox hvib dail xid wat？ | 你为的是啥原因？ |
Niox hvib dail ghangd jent. | 为只石蚌来怪妹。 |
Nongf dios dail baif hvongt， | 你家猫咪太馋嘴， |
Qeb ghangd mongl hvent cat. | 偷吃石蚌冤枉妹。 |
Jef maib gad ghol dlut， | 我才拔掉小米苗， |
Jef maib wux lol dliat. | 全留莠草做一堆。 |
Mongx niangb yad dail hvit， | 昔日情人你留步， |
Mongx daib mongx mongl ngit. | 你的子女你去陪。 |
Nenx bil yil gol hxak，bil yil hangb dax mongl ghab bangs vud mongl. Hxot id，Ab Bod diangd hvib yangx，ghax dias dax mongl hot：“Ax vud wil seix hsad yangx，mongx diangd lol gal lial，mongl zaid wil dib dail mif lul gheib diot mongx jus laix nongx ghax niox.” Zaid Ab Bod ait deis gol hul，Ab Nax seix ax diangd lol yel. | 她一边唱，一边往山上走去。这时阿保后悔了，就追过去说：“不讲我也是错了，你快回来，到家后杀只母鸡给你个人吃算了。”尽管阿保怎么喊，阿娜再也不回来了。 |
凯里市舟溪镇吴茂英说唱
