目录
包粑理辞
Lil Taib Jed
Waix saib dlangd def gas， | 天上怨那叼鸭鹰， |
Dab saib wid luf yus. | 人间恨那抢夫女。 |
Saib dail hseib diongb hnaib， | 白日怨强盗， |
Saib dail niangs diongb mongl. | 黑夜恨窃贼。 |
Diongb hnaib naf gheb lix， | 白天忙农活， |
Diongb mongl naf gheb zaid. | 晚上忙家务。 |
Dongd naf naf gheb vud， | 农忙忙耕种， |
Dongb khongt naf ait zangt. | 农闲忙营销。 |
Nongx zab dit dliat det dit， | 吃了五碗留半碗， |
Kheib dlad ghuk gad， | 勒起裤带节粮食， |
Kheib jil ghuk hmub. | 束身御寒节布匹。 |
Ghuk gad yis nal， | 积粮养父母， |
Ghuk nix dlangd daib. | 攒银扮儿女。 |
Niangb lul jef jangx zaid， | 家有老人方叫家， |
Dlangd daib jef dos bul. | 装扮儿女才合群。 |
Ghuk jangx juf niangx， | 积攒成十年， |
Dangt hsed jef liangl. | 制十两项链。 |
Saib mongl saib lol， | 怨去怨来， |
Qit mongl qit dax. | 恨来恨去。 |
Saib dail ngas nongx ngil ait， | 怨那好吃懒做， |
Niangs wil hsed jef liangl. | 偷我十两项链。 |
Ghongs wil deib hmub bat bet， | 盗我百尺裙布， |
Jus ves vangs xangs jongl ghok. | 无法才找理老。 |
Ait ninx des wil dad hfud， | 做牛跟我开路， |
Ait mal des wil ak hut. | 为马给我驮货。 |
Dlad gik gux ax gik ghaib， | 狗咬外人不咬主， |
Naix fangf dol ax fangf vit. | 防人防远不防近。 |
Bongf dol ax bongf vit， | 见远不见近， |
Bongf naix ax bongf hvib. | 见人不见心。 |
Laib lot nes jub， | 人面鸟嘴， |
Jox hvib dlad vud. | 野狗心肠。 |
Dad nenx ait dail vut， | 拿他当好人， |
Nenx dad wil ait niat. | 他认为我傻。 |
Hniab hnaib mongx wil diux， | 天天探我门， |
Hmangt hmangt mongt wil zaid. | 夜夜窥我家。 |
Hfaid wil laib longl， | 翻我箱子， |
Buk wil laib git. | 开我柜子。 |
Niangs wil gheb juf liangl， | 偷我十两项链， |
Niangs wil deib hmub juf bet. | 盗我十尺裙布。 |
Nenx hmid niangb gangb， | 他牙虫蛀， |
Nenx bil wat ghad. | 他手脏屎。 |
Naf hvib vangs nenx， | 担心找他， |
Dad hut was zuk. | 提赃逃跑。 |
Zuk jangx xongs hnaib， | 逃了七天， |
Xongs hmangt jef lol. | 七夜才回。 |
Dlak dol vangl lul， | 请来寨老， |
Gol dol bed ut. | 邀来兄弟。 |
Bus diux vangs hsed， | 进门寻项链， |
Bus vangl vangs hmub. | 入寨找裙布。 |
Laix laix niangb zaid， | 人人都在家， |
Qab nenx ib yus. | 就差他一个。 |
Ax dios nenx qeb， | 不是他偷， |
Dios dail xid niangs？ | 又是谁盗？ |
Fangb vangl dax dongx， | 地方人来到， |
Vangl lul dax jis. | 寨老们来齐。 |
Xangs des lil hmat， | 理师随理讲， |
Lul dad naix zongb. | 老人用耳听。 |
Dail deix dail wix， | 谁曲谁直， |
Nongf maix lil xenb. | 自有理断。 |
Saib dail dliangb guf zangx， | 怨那山坳鬼， |
Qit dail faf ghab diongl. | 恨那山冲怪。 |
Saib nenx hvib ax lal， | 怨它心眼坏， |
Qit nenx hnid nenk ghenk. | 恨它意扭曲。 |
Wil hsud diux niangb， | 我关门在家， |
Nenx buk diux vangs. | 它开门挑衅。 |
Vib hab lad mangl， | 石灰膏抹脸， |
Hniangt wil lad mais. | 锅烟灰涂面。 |
Bit wangx xad dot， | 官名难得， |
Bit niangs xad ak. | 贼名难背。 |
Nangb gik niangb jab diot， | 蛇咬有药医， |
Naix gik niangb lil dliuk. | 人咬有理治。 |
Mongx vud wil niangs nix， | 你说我偷银， |
Mongx nas wil sad jus. | 要跟我洗清。 |
Maf wil det gos dab， | 砍我树倒地， |
Mongx nas wil xongt fal. | 要跟我立起。 |
Ax baib mongx vud fangx ghongb fangx， | 不让你说黄就是黄， |
Vud dlaib ghongb dlaib. | 说黑就是黑。 |
Waix niangb dliangb deix， | 天上有直鬼， |
Dab niangb xangs xil. | 人间有理师。 |
Nenx deix taid jox nox， | 它直像墨线， |
Nenx dins taid laib bil. | 他稳如大山。 |
Mongx tut hxangd diot wil mangl， | 你血口喷人， |
Zend naf lad wil mais. | 辣椒抹我面。 |
Ed wil jid diot dab， | 要我身倒地， |
Ed wil nangs diot waix. | 要我命归天。 |
Wil bil ax hsenk ghad， | 我手不摸屎， |
Dins taid Bol Bil Jel. | 稳如香炉山。 |
Wil lob ax vongs mux， | 我脚不踩粪， |
Dins dos Bob Bil Ongd [1] . | 稳如必瓮坡。 |
Mongx bongf wil niangs hsed， | 见我偷项链， |
Ait xid ax gangf bil？ | 为啥不抓我？ |
Mongx vud wil niangs deib， | 你说我盗裙， |
Ait xid ax gol vangl？ | 为何不喊寨？ |
Dios dail xid xangs mongx， | 是谁告诉你， |
Gol nenx lol deit lot. | 叫你来对证。 |
Jox fangb bat not zaid， | 地方百多户， |
Laib vangl hsangb not naix. | 寨子千多人。 |
Bongf wil niat vut qib， | 见我傻好欺， |
Hxid wil mais vut nongx. | 看我软好侮。 |
Dliangb niangb waix bongf， | 鬼有天看见， |
Zangs niangb dab bub. | 怪有地知晓。 |
Jax des wil ait ghaib， | 贾给我做主， |
Lil des wil ait xek. | 理为我做桩。 |
Ghab bib jef dax， | 喊我们才来， |
Gol bib jef sos. | 叫我们才到。 |
Ax bongf eb sangx longd， | 不见水想游， |
Ax bongf dul sangx dat. | 不见火想烤。 |
Ax dios dax hangb hxub， | 不是来走亲， |
Ax dios lol hek jud. | 不是来喝酒。 |
Lob denf dangx taib， | 脚踏油锅场， |
Mais ngit wil hvib. | 眼看油锅高。 |
Dad naix zongb hveb， | 拿耳听话， |
Dad lot hmat lil. | 用嘴说理。 |
Dios jenb dios dex， | 是金是银， |
Niangb wil diongb hvib. | 在我心中。 |
Mangb ob dail ghaib， | 你两个主， |
Nongf hsent nongf hvib， | 各自思量， |
Nongf hlat nongf hnid. | 各自思考。 |
Dios deix dios wix， | 是曲是直， |
Dios vut dios yangf. | 是好是坏。 |
Mangx niangb khangd fangx， | 你们在明处， |
Bib niangb khangd zek. | 我们在暗处。 |
Dad ninx dod hfud， | 拿牛相碰， |
Seix niangb dail zuk. | 必有一输。 |
Saib eb das eb， | 怨水水淹， |
Qit dul das dul. | 恨火火焚。 |
Ax gid hliod ib sangs， | 不要聪明一世， |
Jef lol niat ib hxib. | 糊涂一时。 |
Hangb gongl ngit hfud， | 走路看前方， |
Jas zat tok ghangb. | 临崖绕道行。 |
Niangb hsad vud hsad， | 有错认错， |
Xit xangs xit rangt， | 互敬互让， |
Xit ghuk niangb fangb. | 和睦相处。 |
Tiet liod sos sangx dliangb， | 拉牛到鬼场， |
Diangd ax sos jangs. | 回不到牛厩。 |
Khod jit dangx taib， | 案进油锅场， |
Dul seix diangs hfuk das. | 仍可把火灭。 |
Niangb bend jef niangb linf， | 有本方赢利， |
Maix lil jef ait khod. | 有理才争执。 |
Niangb yenf niangb gos， | 争执有输赢， |
Mongl dot lol dot， | 要去得来得， |
Ax gid ait jus niox. | 切莫做绝了。 |
Liod hxib dongd seil， | 瘦牛怕冬天， |
Naix hxib mongb hvib， | 人最怕伤心， |
Det hxib hluk liut. | 树最怕剥皮。 |
Niangb dab ax hxed， | 坐立不安， |
Diangd bit ax dlaib. | 夜不能寐。 |
Bad quk jangx bek， | 父辈打死结， |
Daib hlangb xad tad. | 子孙难解开。 |
Ninx diut wil vil lob， | 牛斗我拉脚， |
Ait khod wil khaib diangs. | 纠纷我调解。 |
Liub wil ed hot gad， | 铸锅来煮饭， |
Ax hot jed ded diangs. | 不煮粑断案。 |
Bub qend bub hsat， | 知兴知结， |
Nongf hsad nongf gaix. | 自错自改。 |
Hnangd lul hveb hseid， | 听老人言， |
Hangb gongl dos vut. | 出入平安。 |
Hsad vud ax hangd， | 如是不依， |
Gongl mangb nongf hangb. | 自行其是。 |
Jib daib ait longs， | 小孩做玩， |
Bad lul ait deix. | 大人当真。 |
Eb dod liol was， | 水冲轮转， |
Dod hsaid jef xangb. | 方好碾米。 |
Dul nongt diod hlieb， | 火要烧大， |
Hsongd dlongb jef mais. | 骨炖才 |
Wil xongt jangx wil， | 我立成锅， |
Dul ngas ib bob. | 干柴一堆。 |
Ob dangl khaid jed， | 二主包粑， |
Ib laib dlob jangb. | 四斤一个。 |
Ghuk ait ib wil， | 同一锅煮， |
Ngit dail xid hxangd， | 看谁的熟， |
Hxid dail xid niul. | 看谁的生。 |
Laib hxangd hsent yenf， | 熟的算赢， |
Laib niul hsent gos. | 生的算输。 |
Jib daib ait longs， | 小孩做玩， |
Naix lul ait deix. | 大人当真。 |
Ib dangl dliok nix ob juf liangl， | 各人出银二十两， |
Lix hsaid dlob jangb. | 量米四斤。 |
Dad baib vangl lul， | 送给寨老， |
Baib maix gangf jongt， | 握在手上， |
Hot jed lol ded. | 煮粑来断。 |
Ghed dongx ghongb pid， | 议好就烧锅， |
Kheib jongt ghongb hot. | 捆紧就拿煮。 |
Ax hnangd naix khaib， | 不听人劝， |
Jef hot jed ded. | 才煮粑断。 |
Jed hot ghangb wil， | 粑煮锅底， |
Sail ves longl dul. | 大火来烧。 |
Dul nongf bub dlongs， | 火自知情， |
Ax pid dail deix. | 不烧直人。 |
Eb nongf bub hfangb， | 水自懂理， |
Ax xab dail wix. | 不护坏人。 |
Hot jed jus wil， | 粑煮一锅， |
Nongf hfaid nongf bangf. | 各翻各的。 |
Dliangb waix dliangb dab， | 天地诸神， |
Lol des mangb ded. | 为你俩判。 |
Jed laib hxangd laib niul， | 粑有熟有生， |
Laib hxangd ghongb yenf， | 熟的就算赢， |
Laib niul ghongb gos. | 生的就算输。 |
Ob laib sail hxangd， | 两个都熟， |
Ob laib sail niul. | 两个都生。 |
Ax maix yenf gos， | 不分输赢， |
Ob dangl dliat diangs. | 两头撤诉。 |
Lil hvib bit hangd deis， | 新理在何方， |
Lil ghot niangb hangd nend. | 古理在这里。 |
。黄平县重安镇杨耇里传唱
[1] Bob Bil Ongd：必瓮坡，山名，在黄平县境内。
