今天接萨进寨
(一)
Danl xup Dux Nangc saoh yanc sox, | 当初都囊造屋宇, |
saoh ngox eenl yanc xengc donh jeml. | 造五间屋盛金银。 |
Saoh ngox eenl yanc xingc ags nyaoh, | 造五间屋自己坐, |
lis kuedk wangc liigx lis webt wangc. | 得“王利铁” [1] 有好运。 |
(二)
Lis kuedp wangc liigx | 得“王利铁” |
dunv wenp xangv mius unv, | 先把剪刀打, |
dunv wenp xangv mius eis ams deic. | 打成剪刀不敢晃。 |
Dunv wanp xangv mius deic bail jemv, | 打成剪刀拿去藏, |
liabs baov aenv manx labs lieds neip. | 用来剪肉闪闪亮。 |
(三)
Dunv wenp xangv dol bail daengl sat, | 打把大刀去打仗, |
nyimp maoh singk liix daoc lonh nyal. | 和他李姓争河山。 |
Daol lis xangv dol banx buh qeek, | 咱有大刀别人怕, |
xonv map weex xih toik yav map. | 转来造事退田塘。 |
(四)
Kuaot laox pienk dol jaol biedc bagl, | 老酒喷刀藤系鞘, |
nyimp maoh singk liix daoc lonh senl. | 和他李姓争山村。 |
Nyimp maoh singk liix daoc lonh xih, | 和他李姓来争斗, |
lonh xih jus nyinc lenc buh wenp. | 争斗九年事才成。 |
Lonh xih jus nyinc wenp xih lieeux, | 争斗九年事成了, |
toik daeml toik yav taik biingc yenc. | 退塘退田得太平。 |
(五)
Danl xup Sax Bias | 当初婆雷 |
Nyimp Sax lonh xih unv, | 先和萨争斗, |
yuh lis Jangl Liangc Jangl Muih | 又有姜良姜妹 |
nyimp maoh lonh xih lenc. | 后找她麻烦。 |
Nyimp maoh lonh xih jus nyinc jus, | 和她争斗九年九, |
jus nyinc jus ngax taik biings yenc. | 九年九后无忧愁。 |
(六)
Xigx Daoh xangk maix | 石道想妻 |
weex nyil bienl beis gaiv, | 做那雨还仇, |
xangk neix kabp bux daengl beis singc. | 想父想母要赔情。 |
Nyenc xih singk liix nyenc singk wuc, | 有人姓李人姓吴, |
dogc xangk Xenp Nyux weex nyenc singc. | 只想杏妮做情人。 |
Nyenc xih singk huc nyenc singk zuh, | 有人姓胡人姓朱, |
dogc yaot eis xux weex eis yingc. | 只怕不赢难太平。 |
(七)
Douv singc eis lis | 丢情不得 |
jiul hah weex nyil maix saip maoh, | 咱才给他来做妻, |
eis jangs Xigx Daoh jih edl langc. | 并非石道第一郎。 |
Douv singc eis lis | 丢情不得 |
jiul hah weex tip huh, | 咱才做夫妻, |
Qamt kuenp dongc luh buh eis aenl. | 走路同行也不迟。 |
(八)
Yaoc baov Xigx Daoh saox Sas Siis, | 我说萨的丈夫是石道, |
Jal Juiv Jal Muih eis baov guanl. | 佳巨佳美未报名。 |
Sax daol bail saox bens ags eev, | 萨嫁丈夫自己定, |
yenv yuih Wangc Sut eis dongc xangc. | 因为王述不同床。 |
(九)
Wangc Sut saoh jiv sat Xigx Daoh, | 王述施计杀石道, |
gaos jenc liaoh jinl leil luih nyal. | 坡头掀岩滚下河。 |
Gaos jenc liaoh jinl leil luih jemh, | 坡头掀岩滚下冲, |
Wangc Sut saoh jiv jinl rabl nac. | 王述施计石道亡。 |
(十)
Sat deil Xigx Daoh saox Sax Siis, | 萨夫石道被杀死, |
lenc lis Jus Kup dangh xup xenp. | 后有九库帮收尸。 |
Maoh nyimp Wangc Sut weex siip huh, | 后与王述做夫妻, |
Qamt kuenl dongc luh eis dongc semp. | 走路同行心不合。 |
(十一)
Sax Siis saoh jiv sat Wangc Sut, | 萨岁施计杀王述, |
baems meix songc begs soh liaiv baengl. | 去砍松树把命丧。 |
Baems meix songc begs soh liaiv duv, | 去砍松树把命断, |
sat deil Wangc Sut Sax wuip yangp. | 杀死王述萨游乡。 |
(十二)
Daih edl Sax Siis samp sums nyaoh, | 萨岁先住三耸岩, |
daih nyih Sax Siis dogl luih xul. | 后来萨岁落下洲。 |
Dees xih meec maengl wul meec ganv, | 上是悬崖下是潭, |
Deenh Langc wanh waic | 德郎换扇 |
Sax daol leix luih xul. | 萨岁滚下崖。 |
(十三)
Danl xup Dux Nangc dingh louc siit, | 当初都囊跳楼死, |
douv maoh Jal Juiv Jal Muih | 佳巨佳美 |
luih jaenl maengl. | 走村乡。 |
Samp eep heengp daengl touk nanh xuit, | 三个走到瀑布顶, |
Xeenp Nyux baov maoh | 杏妮说她 |
xingv xih lagx Dux Nangc. | 父亲是都囊。 |
Jeml jingl nyagc dangc saip Sax nyaoh, | 金木插堂给萨住, |
maenl naih sibs Sax laos xaih | 今天接萨进寨 |
songk maoh Sax suiv jaengl. | 让她坐久长。 |
(十四)
Danl xup Dux Nangc dingh louc siit, | 当初都囊跳楼死, |
Wangc Sut saoh jiv dingh louc deil. | 王述施计断了命。 |
Yenv yuih Sax Siis heengp ags mangv, | 萨岁与父不同路, |
padt bux Sax Siis liemc aox yanp. | 萨岁父血淋菜园。 |
Ongl mal ngaemc yak badt bux maoh, | 红叶苋菜父血染, |
douv ongl mal jav maoh eis janl. | 就那兜菜她不吃。 |
(十五)
Sax Siis xih deil | 萨岁身死 |
deic bail dangc neit sangv, | 拿去萍塘葬, |
lenc lis Jus Kup | 后有九库 |
liigx maoh weex Sax Biingl. | 立她做女神。 |
Lis nyinc xebc siik Sax guans xaih, | 年登十四萨管寨, |
aol Sax guans xaih weenh xonh yingc. | 有萨管寨万般兴。 |
(十六)
Lis nyinc xebc siik Sax guanl xaih, | 年登十四萨管寨, |
xaih naih liims liims sank Sax jal. | 村宽寨大萨遮阴。 |
Duc xeengp bedl aiv saip Sax guans, | 养牲鸡鸭有萨管, |
hedp songk gueec senc nyaemv ags map. | 早放牲畜晚会归。 |
[1] 王利铁:民间传说一种无比坚硬、有魔力的铁。