男：

Ishaec soongl rauz ndaix soongl rauz，
如果　两　咱　得　两　咱

如果咱俩能相守，

Rauz xih dungxdoih bail luangs lac aul fenz，
咱　就　一路　去　寨子　下　要　柴

咱一起到寨下要柴，

Dungxdoih bail luangs genz aul ramx.
一路　去　寨　上　要　水

一起去寨上挑水。

Goy xih ramx bas mbos，
哥　就　水　边　井

哥在井边打水，

Nuangx riuc ros qyus heenz.
妹　拿　瓢　在　旁

妹在旁边拿瓢。

Mizhaec jiej xizlaanl cifkuiy，
不给　姐　娃娃　吃亏

不让情妹吃亏，

Mizhaec leglunz feax cifkuiy.
不给　幺姑娘　别人　吃亏

不给幺姑娘吃亏。

Nuangx a，
妹啊

妹啊，

Xinl raaix miz xinl raaix？
是　真　不　是　真

是真还是假？

Xinl xih mal rauz deemcfiz gvas jaangl mbaanx，
是　就　来　咱　点火把　过　中　寨

真就点火过寨中，

Daqdanj xuex dungxaul.
大胆　谈　结婚

互相诉衷情。

Feax nauz menl myiec nyah，
别人　说　妹　别　生气

别人说妹别生气，

Gvas longh miz haec songl.
过　段　不　给　后悔

过了别后悔。

Mal rauz haux dungxlianf gueh manh，
来　咱　米　相连　做　稳

我俩像糯米耙相连，

Deengl dungxdamc gueh manh.
钉　相对　做　稳

像钉钉一样稳。

Deengl dings deengl banz naix，
钉　钉　钉　成　锈

钉子钉钉会生锈，

Faix dings faix banz mood，
树　钉　树　成　蛀虫

木钉钉木生蛀虫，

Hoodt disrux laaul lumz.
编　纽扣　怕　忘

编纽扣怕忘。

Mal rauz dadt ribdinl ribfengz dez dingh，
来　咱　剪　脚指甲　手指甲　带　定

咱来剪指甲定终生，

Byaail nyianghwix dez dingh.
尖　食指　带　定

勾食指尖定终生。

kejxif selmingh deg feax joonc，
可惜　八字 ^[1] 　是　别人　合并

可惜八字他人合，

Sel foonx deg feax gaml.
书　黑　是　别人　拿

八字书在别人手。

Goy dangz langl dogt loodt，
哥　到　后　落　晚

哥到时已晚，

Baaisbux binl xiangz rood.
就像　爬　墙　滑脱

就像爬墙爬不稳。

Baaisbux goodt xiangz daic，
就像　抱　墙　哭

只好抱着墙脚哭，

Daail lix mizliangh ndaix dungxaul.
死　生　不会　得　结婚

生死不得相厮守。

Jaul ye baz bux roh，
生　也　妻子个外

生是别人妻，

Jaul ye maix bux roh.
生　也　妻子　不　外

生是别人媳。

Ngoonz mengz ndoil lo faix，
看　你　空　喽　树

看着你落空啊树，

Ngoonz mengz daic lo naamh.
看　你　哭　喽　土

看着你哭啊土。

Faix feax xuangs gueh daab，
树　别人　留　做　木方

别人留树做木方，

Naamh feax xuangs xag waail.
土　别人　留　堵　水坝

别人留土堵水坝。

Ngoonz gec jiej wenzlaail bail roh，
看　那　姐　大家　去　外

眼睁睁看着你走，

Ngoonz basgvaail feax bail roh.
看　聪明　别人　去　外

眼睁睁看着你去。

女：

Nuangx daz ndiabt dangz bix，
妹　一　想　到　哥

妹一想到哥，

Nuangx daz ndiabt dangz menl.
妹　一　想　到　你

妹一想到你。

Nagt xos maux soongl soc，
思念　放　山峰　两　所

想放两座山，

Nagt xos maux saaml soc.
思念　放　山峰　三　所

想放三座山。

Nagt xos maux soongl leel，
思念　放　山峰　两　地界

想放两方土，

Nagt xos maux saaml leel.
思念　放　山峰　三　地界

想放三方土。

Buxlaez xeel xih jih？
谁人　丢　就　忌讳

忌讳谁人丢？

Buxlaez wis xih longl？
谁人　悔　就　错

谁人悔就错？

Deems ronl daez aul mingh，
埋伏　路　守　要　命

拦路要他命，

Daez ronl doonc aul mingh.
守　路　阻拦　要　命

守路要他命。

Baais bux dings gongyyof，
请　人　订　公约

请人订公约，

Gul haz doz aul mengz xamhxeeuh，
我　将　缠　要　你　终生

我要跟你一辈子，

Gul haz doz aul bix xamhxeeuh.
我　将　等　要　哥　终生

我要跟哥一辈子。

男：

Nuangx a，
妹啊

妹啊，

Xinl raaix miz xinl raaix？
是　真的　不　是　真的

是真还是假？

Xinl xih gac gaisfoonx gueh ngaaiz，
真　就　杀　黑鸡　做　早饭

真心就杀黑鸡做饭，

Gac gaisraaiz xuangsses.
杀　花鸡　提亲

杀花鸡提亲。

Xuangxses dangz raanz nuangx，
提亲　到　家　妹

提亲到妹家，

Xuangxses dangz raanz mengz.
提亲　到　家　你

提亲到你家。

Boh mengz doc haz haec，
父　你　都　要　给

你爹都想给，

Meeh mengz doc haz haanl.
母亲　你　都　要　答应

你妈都要应。

Mengz xih qyus basxaanz guehnyah，
你　呢　在　晒台　生气

你却在晒台上生气，

Ndunl dullaaux guehnyah.
站　门口　生气

在门口生气。

女：

Bix a，
哥啊

哥啊，

Doc mengz gac gaisfoonx gueh nyaaiz，
只要　你　杀　黑鸡　做　早饭

只要你杀黑鸡做早饭，

Doc mengz gac gaisraaiz xuangsses.
只要　你　杀　花鸡　提亲

只要你杀花鸡来提亲。

Xuangsses dangz raanz nuangx，
提亲　到　家　妹

提亲到妹家，

Xuangsses dangz raanz menl.
提亲　到　家　我

提亲到我家。

Boh miz xux wois xux，
父　不　接　我　接

爹不接我接，

May miz haanl wois haanl.
妈　不　答应　我　答应

妈不答应我答应。

Mizhaec xuz xizlaanl nacnyangs，
不给　叔　娃娃　丢脸

不给情哥哥丢脸，

Mizhaec goysaaml feax nacnyangs.
不给　三哥　别人　丢脸

不让情哥哥丢脸。

男：

Nuangx a，
妹啊

妹啊，

Goy ye beah bigt xac mengz xaaiz，
哥　也　衣　蓝　等　你　裁

哥的蓝衣等你裁，

Haaiz diec dinl xac mengz xiangs.
鞋　底　脚　等　你　打扮

鞋子等你做。

Xac mengz xiangs dois dinc，
等　你　打扮　对　短

等你帮哥做短衣，

Xac mengz xiangs dois raiz.
等　你　打扮　对　长

等你帮哥裁长袍。

Xac mengz xiangs dohxaiz haec goy，
等　你　打扮　全部　给　哥

一身等你来打扮，

Xac mengz xaaiz guehleeux haec goy.
等　你　裁　全部　给　哥

一身等妹来打扮。

女：

Bix a，
哥啊

哥啊，

Maad mengz lix bux xaaiz，
袜　你　有　人　裁

你袜子有人裁，

Haaiz diec dinl lix bux xiangs.
鞋　底　脚　有　人　打扮

鞋子有人做。

Lix bux xiangs dois dinc，
有　人　打扮　对　短

有人做短衣，

Lix bux xiangs dois raiz.
有　人　打扮　对　长

有人做长袍。

Lix bux xiangs guehxaiz goons ruangh，
有　人　打扮　全部　先　妹

有人先为你打扮，

Lix bux xaaiz guehleeux goons ruangh.
有　人　裁　全部　先　妹

有人先为你裁衣。

Nuangx ye ngoonz mengz ndoil lumc faix，
妹　也　看　你　空　像　树

妹看你像看树无情，

Ngoonz mengz daic lumc naamh.
看　你　哭　像　土

看你哭像土无意。

Is banz faix aul gueh daab，
若　成　树　要　做　方条

若成树拿做方条，

Is banz naamh aul xag waail.
若　成　土　要　堵　水坝

若成土拿堵水坝。

Ngoonz gec xuz wenz laail banz guh，
看　那　叔　人　多　成　双

眼看你成双，

Ngoonz gec goysaaml feax banz guh.
看　那　三哥　别人　成　双

眼看哥成对。

男：

Nuangx ye laaisnauz ndiabt dangz bix，
妹　也　以为　想　到　哥

妹说想到哥，

Laaisnauz ndiabt dangz rauz.
认为　想　到　咱

妹说想到咱。

Laaul xih rauz bux ndoil miz ruangh，
怕　是　咱　个　空　不　思念

怕是不想哥，

Goy bux ndax miz ruangh.
哥　个　闲　不　思念

怕是不想我。

Nuangx doc ruangh byagt lix bux daux，
妹　都　忧虑　菜　有　人　支持

妹愁菜有人送，

Ruangh haux lix bux baangl.
忧虑　饭　有　人　帮助

愁饭有人给。

Ngonzlaez eeml lac raanz os oix？
哪天　小芭茅下　家　出　蔗

哪天芭茅会生苔？

Ngonzlaez joic lac raanz os waais？
哪天　芭蕉下　家　出　棉

哪天芭蕉会生棉？

Eeml lac raanz os oix doc ngaaih，
小芭茅下　家　出　蔗　都　容易

茅草生苔都容易，

Joic lac raanz os waais xih naanz.
芭蕉下　家　出　棉　就　困难

芭蕉生棉就很难。

Xac gec menl xamhraanz ye gaanh，
等　那　你　成家　也　难

等你成家也难，

Xac gec menl xamheeux ye gaanh.
等　那　你　成家　也　难

等你成家也难。

Goh xih loodt baiz saz lac qyuangx，
哥　就　迟　次　竹筏　下　巨岩

阿哥错过岩下的竹筏，

Loodt baiz meangx lac rinl，
迟　次　网　下　石

错过往石下撒网，

Xeenz miz nagt byal bis，
网坠　不　重　鱼　跑

网不重鱼跑，

Idt ngih ndaix dungxranl，
一　二　得　相见

一二月才得相见，

Bux rox saml bux leeux.
人　知道　心　人　完

你我俩相知。

Baais gec dugt lianz xeeux bol byal.
像　那　篾条　和　藤索　山　岩石

像岩山上的篾条和藤索。

Binsdonl baz bux roh，
直到　妻子　个　外

直到成为别人妻，

Binsdonl maix bux roh.
直到　妻子　个　外

直到成为别人妻。

女：

Bix a，
哥啊

哥啊，

Dogtbas siams dogtbas，
干脆　就　干脆

干脆就干脆，

Mal rauz jees rinlhaaul gueh xib，
来　咱　数　白石　做　十

咱一五一十数石头，

Mal rauz rib waaissanx gueh heenl.
来　咱　捡　碎棉　做　隔

咱捡碎棉来做线。

Daadt laez laaux nyah beenz，
悬崖　哪　大　别　爬

哪个悬崖大别爬，

Reenz laez laaux nyah dais.
坎　哪　大　别　走

哪个坎高就别走。

Geaznyungh dais ronl gaus ronl ndux deel laail，
不要　走　路　旧　路　过去　那　多

不要走老路多，

Mal rauz degtbaaiz haail dungxxoh，
来　咱　打牌　开　相对

咱们摊牌说亮话，

Haail baaiz faix dungxxoh.
开　牌　木　相对

摊木牌来相对。

Nuangx nauz soh haec bix，
妹　说　直　给　哥

实话给哥说，

Nuangx nauz soh haec mengz.
妹　说　直　给　你

实话给哥讲。

Xibsis gul banz eeux，
十四　我　成　家

十四我成家，

Xibhac nuangx banz genl.
十五　妹　成　吃

十五妹成家。

Menl haz xeel deel byah，
我　要　丢　他　离

我要离他去，

Byah jaauc nuangx bail heenz.
离　丈夫　妹　去　旁边

撇夫去一旁。

Gamljeenl mengz mal waanh，
牵手　你　来　换

牵哥手来换，

Nuangx waanh goy haz xux miz xux，
妹　换　哥　要　依　不　依

哥要依不依，

Nuangx waanh bix haz yanq miz yanq.
妹　换　哥　要　愿意　不　愿意

哥要愿不愿。

Doc mengz dez xonz meanl nauz soh，
只要　你　带　句　老实　说　直

只要你说实话，

Ziqyuanq byaaic baz ndux nauz soh？
自愿　走　妻子　前　说　直

是否愿意娶已婚之女？

Mal rauz dogtbas siams dogtbas，
来　咱　干脆　就　干脆

咱们干脆就干脆，

Dogtbas nagt mengz siams nagt mengz.
干脆　想　你　就　想　你

干脆想你就想你。

Haec deel banz menz ndeeul langc duanh，
给　它　成　股　一　才　停

我们合成一股才行，

Menz ndeeul nuangx langc duanh.
股　一　妹　才　停

成一股才行。

男：

Nuangx a，
妹啊

妹啊，

Xinl raaix miz ximl raaix？
是　真的　不　是　真的

是真的还是假的？

Xinl xih xians dinl daaus bail eeux，
真　就　转　脚　回　去　家

真就转回家，

Xians jeeuc daaus bail raanz.
转　脚后跟　回　去　家

转身就回家。

Gul xih gvas bail raanz hams may，
我　就　过　去　家　问　妈妈

我就回家问妈妈，

Gvas bail eeux hams may.
过　去　家　问　妈妈

回家问妈妈。

Dungxdoih dangz byaail baanz，
一起　到　顶　斜坡

一起走到斜坡顶，

Goy xih haaus yiangh neex，
哥　就　话　样　这

哥就这样说，

Nuangx bail goons riuc baanz，
妹　去　先　拿　盘

妹走前端盘，

Bix qyus langl riuc qyiams.
哥　在　后　拿　针线框

哥在后拿框。

Riuc gec yiangh mailsil，
拿　那　样　丝线

拿着那丝线，

Haec feax nauz bausyah gaangc hofyiq dungxdoih，
给　别人　说　夫妻　说　合意　同路

让别人说夫妻相爱同路走，

Gvaanlbaz nyil hoftuanf dungxdoih.
夫妻　意　合团　同路

夫妻同心一路行。

Dungxdoih bail xaaux eeux，
同路　去　造　仓

一起去建家，

Dungxdoih bail xaaux raanz.
同路　去　造　家

一起去立业。

Gul xih haaus yiangh neex，
我　就　说　样　这

我就这样说，

May a may，
妈妈　呀　妈妈

妈妈呀妈妈，

Baizneex haux diec guih rox haail，
现在　米　底　柜　会　开

现在柜底的米会开，

Haux ndael gaail rox geadt.
米　底　量米筒　会　揭开

量米筒的米会揭开。

Byagt lix qyus ndael sianl，
菜　还　在　里　园

菜正在园里，

Daausneex ndaix gec bazroonghndianl saec may，
这次　得　那　妻子月亮　伺候　妈妈

如今得好妻子伺候妈，

Yeqfliangq laif saec may.
月亮　来　伺候　妈妈

好心的媳妇伺候妈。

Is goy ndaix duez nuangx gueh baz，
若哥　得　那　妹　做　妻子

如能娶妹做妻子，

Bail rih bix dez gvaz，
去　地　哥　带　锄头

种地哥扛锄，

Bail naz goy dez raaus.
去　田　哥　带　耙

种田哥扛耙。

Bail daaus gah dez xail，
去　来　自己　带　犁

来去我带犁，

Mizhaec nuangxdalmbail banz naanh，
不给　情妹妹　成　辛苦

不让情妹吃苦，

Mizhaez leglunz feax banz naanh.
不给　幺姑娘别人　成　辛苦

不让幺妹吃苦。

Is goy ndaix duez nuangx gueh baz，
若　哥　得　那　妹　做　妻子

若我能娶妹为妻，

Mal miz haec gueh rih，
来　不　给　种　地

不让你种地，

Haec nuangx qyus basguih guehxaaiz.
给　妹　在　柜边　裁缝

让你在柜边做裁缝。

Ngaaiz banz genl goy yeeuh，
早饭　成　吃　哥　喊

早饭熟了哥喊，

Yeeuh soongl bas jings saaml bas mizhaanl.
喊　两　声　或　三　声　不答应

两声三声喊不应。

Gul xih baanl xos baanz bail yianh，
哥　就　分　放　盘　去　递

我就分放盘里送，

Baanl xos doix bail yianh，
分　放　碗　去　递

分放碗里送，

Bix bail yianh dangz fengz.
哥　去　递　到　手

我去递到手。

Ndunl gogtriez guehsimh，
站　耳边　说悄悄话

在耳边说悄悄话，

Qyus heenz nuangx guehsimh.
在　旁边　妹　说悄悄话

在妹旁边说悄悄话。

女：

Laaulnauz naz daail ndos xac mengz waaix，
除非　田　死　贫瘠　等　你　救

怕是瘦田等你耕，

Naz daail ndaaix xac mengz daanl.
田　死　麻　等　你　收

瘪谷等你收。

Xac gec xuz xizlaanl mal ruh，
等　那　叔　娃娃　来　赎

等着情哥哥来赎，

Xac gec gohsaaml feax mal ruh.
等　那　三哥　别人　来　赎

等着情哥哥来要。

Gah nuangx mizaul jiclaail，
礼金　妹　不要　几多

妹的礼金不要多，

Mbael faixfaaiz gueh gah，
叶　楠竹　做　礼金

竹叶做礼金，

Byaail faixngox gueh gah.
梢　芦苇　做　礼金

芦苇当礼金。

Joil mas gueh hauxxiz，
篮　果子　做　糍粑

果子当糍粑，

Aul masliz gueh mbaais.
要　梨子　做　礼

拿梨子当礼。

Noonlnaais gueh duezmul，
毛毛虫　做　猪儿

毛毛虫当猪儿，

Xuz miz xaz xih ruh，
你　不　嫌　就　赎

你不嫌就赎，

Goy miz xianz xih ruh.
哥　不　嫌　就　赎

哥不嫌就娶。

男：

Goy ye jaiz mengz nuangx，
哥　也　想　你　妹

哥也很想妹，

Bix ye jaiz mengz menl.
哥　也　想　你　妹

哥也很想你。

Damxxih laix raanz goy laix nis，
但是　礼　家　哥　礼　小

但是哥家礼节小，

Laauxgvas lix sagt duezmul nis bail baaiz.
最多　有　头　猪　小　去　供

最多有头小猪供。

Langc ndaix ngaaiz rongzlail raanz ruangh，
才　得　早饭　下楼　家　妹

当作妹出嫁前的餐，

Langc ndaix guaq hongf xij raanz ruangh.
才　得　挂　红　喜　家　妹

方可在阿妹家挂红绸。

Mal rauz gaadt xah ndaaix，
来　咱　断　绳　麻

我们编麻绳，

Mal rauz laaix xah nyuz，
来　咱　拉　绳　稻草

我们搓稻绳，

Bux ruz bux gvas xeeuh.
个　扶　个　过　生

相扶过一生。