目录
承诺歌
男： | |
Goy xih ndianl os mos roongh mos， | 月亮出来亮又亮， |
Ndianl os mos roongh lac lauz. | 月亮出来照楼下。 |
Ngauz bail xeeus gol gaaml unxdah， | 照着对岸的黄果树， |
Xeeus gol maslizsaanl. | 照河对岸的石榴树。 |
Goy xih nagt mbael reeux nagt jis， | 哥想枝也想叶， |
Nagt jis reeux nagt mbael. | 想叶又想枝。 |
Buxlaez goy miz xux， | 别人哥不理， |
Buxlaez bix miz yuanq. | 别人哥不愿。 |
Jaiz aul nuangx samlmeanl saec may， | 只想娶妹去伺候妈， |
Jaiz aul leglunz feax saec may. | 娶幺姑娘去伺候妈。 |
Damxxih may mengz gah genl diangz feax gvas， | 但是你妈吃过别家糖， |
Gah genl mas jings genl manc feax xaiz. | 吃过别家果。 |
Baizneex mengz xih dangclaez xidt deel bail？ | 现在你怎么甩得了他？ |
Dangclaez xel mal jaiz rauz ngaaih？ | 怎么容易丢他来想我？ |
Xelhoz maaic rauz ngaaih？ | 怎么轻易来想我？ |
女： | |
Isnauz soonglrauz ndaix soonglrauz， | 如果我们能相守， |
Banz duezbaul miz qyians， | 成螃蟹不怨， |
Banz dueznyanh miz songl. | 变蝘虫不悔。 |
Xongl woic hoz miz neh， | 口袋挂脖子不悔， |
Bail xaaml haux miz neh. | 去讨饭不悔。 |
男： | |
Nuangx a， | 妹啊， |
Xinl raaix miz xinl raaix？ | 是真还是假？ |
Xinl xih mal rauz gueh rih nis dungxjoonc. | 真心咱就一起种地。 |
Gueh rih roomc dungxxamh， | 一起种蓝靛， |
Gaul gval rox daz daangh. | 瓜秧会牵藤。 |
Daangh baaih bix banz ndanl， | 当哥种的瓜结果， |
Mal rauz banl bux lies， | 一人吃一瓣， |
Banl bux lies dianglraaiz. | 一人分一瓣。 |
Baaisbux genl hauxngaaiz ndael rih， | 就像地里吃早饭， |
Baaisbux baaiz xiangllaaux ndael rih. | 就像地里过大年。 |
Goy ye jaiz gueh rih gogtndoongl， | 哥想种地在林下， |
Neh nauz haec rograul rongz mal suaais. | 想让班鸠下来刨。 |
Goy ye nehjaiz yeeuh boh nuangx gueh dal jiamc waais， | 哥想让你爹做收棉的岳父， |
Nehjaiz yeeuh meeh nuangx gueh daais jiamc bangz. | 想让你妈做收布的岳母。 |
Haaiz liamz mangl ndaix rieh， | 鞋一旧得换， |
Ganl liamz ndaangx ndaix rieh. | 帕一脏得换。 |
女： | |
Bix a， | 哥啊， |
Dal mbaanx nuangx hoc waais， | 我们寨子的岳父缺棉， |
Daais mbaanx nuangx hoc bangz. | 我们寨子的岳母缺布。 |
Dangz xih mbail roonglxieh， | 来到就披野芭蕉叶， |
Dogtnail soonx roonglxieh. | 下雪就穿野芭蕉叶。 |
男： | |
Nuangx a， | 妹啊， |
Dal mbaanx nuangx lix waais， | 妹寨子的外公有棉， |
Daais mbaanx nuangx lix bangz. | 妹寨子的外婆有布。 |
Dangz xih mbail daqyiy， | 到了披大衣， |
Dogtnail soonx daqyiy. | 下雪穿大衣。 |
Goy doc nehjaiz yeeuh duez nuangx gueh baz， | 哥想喊妹做妻子， |
Laaul mengz xaz deeuslinh， | 怕你嫌哥哥， |
Laaul mengz xianf deeuslinh. | 怕妹嫌哥哥。 |
Icnauz yeeuh duez bix gueh gvaanl， | 如果喊哥做丈夫， |
Nacndaix seenc raanz bail daez meeuh， | 不如搬家去守菩萨， |
Ndaangl bail deeus raanz suc raanz sais gueh faangz. | 去地主家当鬼。 |
Daail leeux bians banz raangz bail dauc dieh mos， | 死后变竹笋长新林， |
Bians banz faix bail dauc dieh jail. | 变成树长在林子里。 |
Mengz mizbail gueh bac gueh leeuz raanz goy， | 你不会当哥家妯娌， |
Mengz mizbail gueh maix raanz goy. | 你不会当哥的妻。 |
Goy ye ngoonz mengz ndoil， | 哥也白看你， |
Ngoonz mengz qyal， | 空看你， |
Ngoonz duezbyal ndael mbos. | 就像看井里的鱼儿。 |
Xoongzros miz liangh damc banz bangz， | 织布机不会织出布， |
Mengz ye miz liangh bians banz baz raanz goy， | 你也不会变成哥的妻， |
Miz liangh bians banz maix raanz goy. | 不会变成哥的妻。 |
Laaul mengz xianf daaml xaz， | 怕你嫌又嫌， |
Laaul mengz xaz raanz goy genl hauxdais soongl feangx， | 怕你嫌哥家吃包谷饭， |
Genl hauxweangc sis meeuz. | 四季吃小米。 |
Xaz gec wail raanz yeeuz genl qyas， | 嫌哥家吃不好， |
Xaz gec wail raanz bix genl qyas. | 嫌我家吃得差。 |
女： | |
Isnauz soongl rauz ndaix soongl rauz， | 如果我俩能相守， |
Haux mizlix hams gaail， | 无米就问量米筒， |
Ngaaiz mizlix hams xangh. | 无饭就去向称要。 |
Nangh jauc jeex dungxaanl， | 坐在街头商量， |
Jaaucyah lanq miz neh， | 不愁衣破烂， |
Gvaanlbaz hoc miz neh. | 不愁家屋穷。 |
