猜忌歌
男: | |
Nuangx a, | 妹啊, |
Isnauz nuangx genl byal, | 如果妹吃鱼, |
Bail Nazbal
[1]
xex meangx, | 去纳坝买网, |
到坝档纳绒去买网。 | |
Doc mengz meangx bail mbeel sos dah, | 只要你把网铺河里, |
Meangx bail ruah diec hongz. | 网去撒河底。 |
Byal benc songz dinl reel haec ruangh, | 鱼就跑到你网里, |
Byal benc gaz dinl meangx haec ruangh. | 鱼就钻到你网中。 |
女: | |
Nuangx ye kojxif daaml kojxif, | 可惜又可惜, |
Kojxif gol mas dauc sianl mas, | 可惜果树长在果园里, |
Gol daauz dauc sianl daauz. | 桃树长在桃园中。 |
Haaul sez nad masjis, | 树上结的寄生果, |
Nuangx miz rox laaisnauz nguih daauz waanl. | 妹不知以为是甜桃。 |
Leglaaiz jaangl daauz weadt, | 其实是苦桃, |
Duadt nguih leeux laez hamz. | 脱了仁就苦。 |
Rox raaix nuangx miz ndaml mengz mas, | 早知妹就不种果, |
Is nuangx byah mengz xaux raaix ndil. | 早知离开你就好。 |
Baizneex il mengz doz xih ruangh, | 现在被你骗伤心, |
Joz mengz baaic xih nuangh. | 被你骗伤心。 |
男: | |
Goy ye kojxif daaml kojxif, | 可惜又可惜, |
Kojxif gol mas dauc sianl mas, | 可惜果树长在果园里, |
Gol daauz dauc sianl daauz. | 桃树长在桃园中。 |
Banz ndanl haaul ndanl noonh, | 桃子有红又有白, |
Ndanl haaul feax leeh goons, | 白的先被别人选, |
Ndanl noonh joz feax singl. | 红的先被别人抢。 |
Goy ye qyus heenz ximl feax leeh, | 哥在旁边看别人选, |
Ndunl heenz liec feax leeh. | 站在旁边看别人选。 |
Goy ye gvas jaangl jeeh lac gogt, | 哥哥走过果树脚, |
Xaaml ndanl dogt ye nuangx miz yianh. | 要个落地果妹不给。 |
Yianh xih yianh ndanl noonl, | 给就给个生虫的, |
Ndanlndeeul xoonl dal haangc raaizrieh. | 给就给个斑斑点点的。 |
Ndanl genl ies langc dangz goy ndaix, | 别人吃过哥才得, |
Ndanl banz raic langc dangz goy ximz. | 有脂的才到哥尝。 |
Masdaauz ndingl miz neh, | 红桃子不想, |
Masdaauz haux miz neh. | 好桃子不想。 |
女: | |
Goy nauz gol mas dauc sianl mas, | 哥说果树长在果园里, |
Gol daauz dauc sianl daauz, | 桃树长在桃园中, |
Banz ndanl haaul ndanl noonh. | 有红又有白。 |
Ndanl haaul feax leeh goons, | 白的先被别人挑, |
Ndanl noonh joz feax singl. | 红的先被别人抢。 |
Mengz nauz qyus heenz ximl feax leeh, | 你说在旁看别人挑, |
Ndunl heenz liec feax leeh. | 站在旁边看别人选。 |
Mengz nauz gvas jaangh jeeh lac gogt, | 你说走过果树脚, |
Xaaml ndanl dogt ye nuangx miz yianh. | 要个落地果妹不给。 |
Yianh xih yianh ndanl noonl, | 给就给个生虫的, |
Ndanlndeeul xoonl dal haangc raaizrieh. | 给就给个斑斑点点的。 |
Ndanl genl ies langc dangz goy ndaix, | 别人吃过哥才得, |
Laaisnauz ndanl banz raic langc dangz goy genl. | 以为有脂的才给哥吃。 |
Bix a, | 哥啊, |
Nagt rauz siams nagt rauz, | 想我就想我, |
Geaznyungh mbaul lumc waais, | 不要轻如棉, |
Geaznyungh aais lumc rumz. | 不要淡如风。 |
Nagt gul sez ramxmbos, | 想我如井水, |
Ramxmbos saamlbil reengx rox hes. | 井水三年旱会干。 |
Nagt gul sez ramx dah, | 想我如河水, |
Ramx dah saamlbil reengx rox roz. | 河水三年旱会涸。 |
Nac mengz nagt xos xel xos hoz dangz xeeuh, | 不如你放心里一辈子, |
Nac mengz dez xos dungx dangz xeeuh. | 不如你记心里一辈子。 |
[1] 纳坝,地名,在册亨县境内。
[2] 坝档,地名,在册亨县境内。
[3] 纳绒,地名,在册亨县境内。