目录
开堂歌
Xeeuhgoons fih xaaux rumz， | 古时未造风， |
Rumz fih doongc byaail gaab. | 无风吹屋檐。 |
Xeeuhgoons fih xaaux ndaadt， | 古时未造太阳， |
Ndaadt fih doongc byaailbol. | 无光照大地。 |
Xeeuhgoons fih xaaux lauc lianz noh， | 古时未造酒和肉， |
Lauc fih qyol xos dangs， | 酒未端上来， |
Lauc fih nangh genz xoongz. | 酒未摆桌上。 |
Goy ranl nuangx fih hoongz， | 哥见妹不唱， |
Jius ranl ndoongl fih gaangc. | 亲家见面不讲话。 |
Maixmbegt gvas ronl jail fih gvaangx， | 女人不绕远路走， |
Buxsaail xuaangz nazreengx fih nieh. | 男人耙田也不碎。 |
Xeeuhneex langc xaaux rumz， | 后来才造风， |
Rumz langc doongc byaail gaab. | 风才吹屋檐。 |
Xeeuhneex langc xaaux ndaadt， | 后来造太阳， |
Ndaadt langc doongc byaailbol. | 才有阳光照山顶。 |
Xeeuhneex langc xaaux lauc lianz noh， | 后来才造酒和肉， |
Lauc langc qyol xos dangs， | 酒才端上桌， |
Lauc langc nangh genz xoongz. | 酒才摆上桌。 |
Goy ranl nuangx langc hoongz， | 哥见妹才唱， |
Jius ranl ndoongl langc gaangc. | 亲家见面话家常。 |
Maixmbegt gvas ronl jail langc gvaangx， | 女人才绕远路走， |
Buxsaail xuaangz nazreengx langc nieh. | 男人耙田才会碎。 |
Xeeuhgoons fih xaaux weadt baangx byal ndaml ndaaix， | 古时岩边不种麻， |
Fih xaaux weadt baangxhaaic ndaml raz. | 不在海边种芝麻。 |
Ramx fih mal xos rih， | 水没来地沟， |
Ramx fih bis soongl suangl， | 水不分两支， |
Ramx fih bis saaml suangl. | 水不分三股。 |
Luangz fih mal xaaux mos， | 龙未造新物， |
Luangz fih mal doc jaangs. | 龙未造陀螺。 |
Fih xaaux baangh wail wenz， | 人不分姓氏， |
Gaabtboh fih xunzbeangz ral baex. | 父不到处寻儿媳。 |
Xeeuhneex langc xaaux weadt baangx byal ndaml ndaaix， | 现在岩边才种麻， |
Langc xaaux weadt baangxhaaic ndaml raz. | 才在海边种芝麻。 |
Ramx langc mal xos rih. | 水才来地沟。 |
Ramx langc bis soongl suangl， | 水才分两支， |
Ramx langc bis saaml suangl. | 水才分三股。 |
Luangz langc mal xaaux mos， | 龙才造新物， |
Luangz langc mal doc jaangs. | 龙才玩陀螺。 |
Langc xaaux baangh wail wenz， | 人才分姓氏， |
Gaabtboh langc xunzbeangz ral baex. | 父才到处寻儿媳。 |
