目录
十九、婚姻 爱情
Saaml bil gueh jis， | 三年当女友， |
Sis bil gueh baex. | 四年成妻室。 |
Ximl goiz ximl rais naz， | 选婿看犁田， |
Ximl baz ximl daz waais. | 择妻看纺棉。 |
Ximl yah ximl nyas daanl， | 选媳妇看秋收勤劳手巧， |
Ximl gvaanl ximl nyas rais. | 挑丈夫看春耕吃苦耐劳。 |
Gaail leg hams xib bux， | 嫁女问十人， |
Aul baex hams guc wenz. | 娶媳访九家。 |
Jauc miz dais xih nyal， | 头发不理就蓬乱， |
Baz mix ral xih feangx. | 对象不找属别人。 |
Byal miz heenc soongl raais， | 鱼儿不上二溪， |
Daais miz qyams soongl goiz. | 好女不招二媳。 |
Ndiangssas aul ranl haux， | 春碓要见米， |
Has mbegt aul ranl goiz. | 嫁女要见婿。 |
Gueh rih miz xaz laus， | 种地不怕土多， |
Aul baus miz xaz hoc. | 娶妻莫嫌妻贫。 |
Myaec aul naz reedt dah， | 莫种河边的田， |
Myaec aul yah daanh genl. | 莫娶贪吃的妻。 |
Hugt miz liel baz， | 妇笨莫嫌， |
Qyasfaz miz liel yah. | 妻丑莫丢。 |
Buxhoc miz lielbaz， | 穷人不丢弃妻子， |
Qyasfaz miz lielyah. | 丑汉不休弃老婆。 |
Byagtliel myaec daauc， | 残羹剩饭不乱倒， |
Yah laaux myaec xeel. | 糟糠之妻莫丢弃。 |
Gais genl haux basxaanz， | 晒台上的谷子鸡常啄， |
Laanl genl haux raanz daais. | 外婆家的饭儿孙尝。 |
Byagt somc miz daauc， | 菜酸不乱倒， |
Yah laaux miz xeel. | 原配莫嫌弃。 |
Meehlangl boh dungx langl， | 父亲娶后母变后父， |
Labt dal xangz leg gaus. | 有时亦嫌弃自家郞。 |
Legmbegt bix legsaail， | 女大男， |
Xiezwaaiz riml ndael gongh. | 牛满圈。 |
Jisndil ganx gueh naz， | 夫妻恩爱粮满仓， |
Bazndilganx runs roomh. | 家庭和睦万事兴。 |
Haux miz waanl，byagt sonh； | 饭不好吃用菜下， |
Wenz miz gvaail，bixnuangx xiangs. | 人不灵光兄弟帮。 |
Leg miz daic，meeh miz rox. | 儿不哭泣母不知。 |
Ndaml mas jaiz genl ndanl， | 栽果树是想吃果子， |
Xux baex jaiz genl reengz. | 娶媳妇是为享福。 |
Bixlaaux daangs boh， | 长兄为父， |
Bixbaex xunc meeh. | 长嫂为母。 |
Soongl gais xamh xaaus waanl， | 两只鸡煮一锅好吃， |
Soongl yah xamh raanz nyaaux. | 两房妻共一屋难处。 |
Naz aul ramx gueh gah， | 田靠水作价， |
Yah aul jaauc gueh beengz. | 妻靠夫为荣。 |
Genl noh nas genl laauz， | 吃肉不如吃油， |
Xunz saaulnasaul yah. | 玩表不如结婚。 |
Xex noh nac xex laauz， | 卖肉不如买油， |
Xunz saaulnac aul yah. | 玩表不如结婚。 |
Ndaml mas xac genl ndanl， | 想吃果子去栽树， |
Xux baex xac umx laanl. | 想抱儿孙娶媳妇。 |
