目录
五、外貌 神态
Wenz nacngamh saml goux， | 额头突的人心较毒， |
Ramx uns ramz fuzfaab. | 平缓的河水也会起浪。 |
Mal unsmal hab ngamx. | 温驯的狗儿也会咬人， |
Ramz unsramx genl wenz. | 平缓的河水也会淹死人。 |
Lix genl gugt， | 有吃时狼吞虎咽， |
Bius rub mumh. | 拮据时抓耳挠腮。 |
Bas genl haux， | 嘴吃饭， |
Dal gauc ngoomh. | 眼盯钵（吃碗里，看锅里）。 |
Genl haux ndaix jic baadt， | 吃饭眨眼几大钵， |
Genl ies byaaic dazraad. | 干活拖腿又拉脚。 |
Genl haux genl dangz baadt， | 吃饭用大钵， |
Dezraabt dez baiz ganl. | 干活摸脑壳。 |
Baizndux xex miz ndaix hazdaail， | 开始买不到快气死， |
Baizlangl gaail miz gaadt haz daic. | 后来卖不出快哭死。 |
Lix noh xaz benl laail， | 有肉嫌毛多， |
Lix lauc xaz aail hans. | 有酒嫌糟恶。 |
Bail dangz raanz feax banz dobt banz duadt， | 出门当客待， |
Hees dangz raanz guehyobt guehyadt. | 客来就耍赖。 |
Buxgvaail saml goux， | 狡猾者虚伪， |
Buxqvax saml soh. | 老实人直爽。 |
Buxlaaux xeel miz gaangc xih hamz， | 大人不言必有事， |
Buznis xeel miz xamz xih naais. | 小孩不言必有病。 |
Bail nyal gueh naceengx， | 干活怕苦又怕累， |
Dangz raanz ringc haz weas. | 回家翻箱又倒柜。 |
Lauc nois xih genl hanl， | 酒少抢着喝， |
Mog xeenz ninz goons feax. | 铺窄抢先睡。 |
Xoonghbas gaangc waanl， | 嘴巴讲得甜， |
Ndaelsaml haulux. | 内心藏腐烂。 |
Bas xih gaangc lumc yuz， | 口蜜腹剑， |
Dungx banz guz onl raais. | 笑里藏刀。 |
Soh miz gvas bux dagtlauc， | 耿直不过斟酒人， |
Dungxqyas miz gvas bux gauc ramxnaz. | 心狠不过守田水的人。 |
Fih genl haux liec ndanl joongs， | 饭前盯饭盒， |
Genl haux leeux liec ndanl ndoongs. | 吃后盼日落。 |
Rox genl miz rox suans， | 会吃不会算， |
Gaauh raml laaux jaishaans. | 纯粹是傻蛋。 |
