恋爱（1） [1]
Shwd Ngaox Zaik（1）
Lad ngaox ib lwb vaix khab niob ngax？ | 男：小妹呀你可在家？ |
Ngaox zhad niob ngaox at shangb gos ndraos baob， | 妹若在家作声让哥知， |
Ngaox yas lad ngaox ab sieb khab dit ndraos？ | 妹是否还在恋着哥哥啊？ |
Ab sieb dies dab dies dit ndraos sib， | 妹心若还挨着哥， |
Dif lit yul dax dis nid. | 请过这边来相会。 |
Zad ndraos yas zad ndraos gud dax lal gud zhul， | 女：小哥呀，妹过来妹愿意呀， |
Chat yus khod dlix khod hangd dob， | 只因沟壑深又深， |
Lad ngaox ib lwb dax shit daot. | 小妹无双过不来。 |
Lab ngaox yas lad ngaox gis hik lot lit vaix， | 男：小妹呀，要是真的过不来， |
Dax ab lwb hik zyul draot bid ndrangb dab yangd gid. | 你我约会在途中。 |
Zad ndraos yas zad ndraos ngaox dax lak ngaox zhul， | 女：小哥呵，妹过来妹愿意呀， |
Nchait zad ndraos tyuk lad rangx dib ndux tieb lad ngaox. | 只怕小哥反脸不认妹。 |
Lad ngaox yas lad ngaox zad ndraos as max rangx lit vaix. | 男：小妹呵，哥不会是那样的人。 |
Zad ndraos yas zad ndraos zhad hik lot lit vaix， | 女：小哥呀，如果真的是这样， |
Dax ab lwb shit dus shwd， | 那我俩试着来盘歌， |
Ab lwb naf ghad dyul lab sub lit qit. | 看看谁先发脾气。 |
Ngaox sub qit at ndraos niangb， | 妹先发怒做哥妻， |
Ndraos sub qit at ngaox vaod. | 哥先生气当妹郎。 |
Lad ngaox yas lad ngaox ndraos ndros shwd lat ndraos zhul， | 男：小妹呀，哥愿和你来对歌， |
Ndraos nchait lad ngaox chyud ndraos at fwt dab. | 只怕小妹把哥骗。 |
Zad ndraos yas zab ndraos ngaox mas max rangx nrus lit vaix. | 女：小哥呀，小妹不是那样人。 |
Lad ngaox yas lad ngaox zhad hit max rangx nrus lit vaix， | 男：小妹呀，既然这样， |
Ndraos dax ab lwb shit dus shwd， | 我俩就来把歌对， |
Lad ngaox ndyuf ad naf ghad dyuk lab sub lit qit， | 看看谁先发脾气。 |
Ndraos sub qit ndraos baox jax bwk zhiex ndraox lad ngaox. | 哥若先发脾气，愿赔九条牲口来给妹， |
Ngaox sub qit ngaox baox jax zat zaot ndraox zad ndraos. | 妹若先生气，要赔九套衣服来送哥。 |
Zad ndraos yas zad ndraos， | 女：小哥呀小哥， |
Ngaox ib lwb zud hik dus dies dus dies kied. | 小妹说的是真心话。 |
Lad ngaox yas lad ngaox， | 男：小妹呀小妹， |
Gis zhad hik dus dies dus dies kied， | 你若说的是真话， |
Dax ab lwb zhul ib yif niob. | 让我俩来成家。 |
Zad ndraos yas zad ndraos， | 女：小哥呀小哥， |
Zhul yif lit niob lak ngaox zhul， | 成家小妹也愿意， |
Ngaox nchait zad ndraos ib lwb， | 只怕哥你呀， |
Chyud lad ngaox ib lwb baob ghab zhangb. | 哄妹去落坎子。 |
Lad ngaox yas lad ngaox， | 男：小妹呀小妹， |
Ndraos chyud ngaox baob ghab zhangb sos ndraos bies， | 哥若哄妹落坎子全部责任哥来担， |
Chyud ngaox lwb baob ghab zhangb sos ndraos jangb， | 妹掉坎子哥来扶。 |
Ad sieb zhad sik gud jik dax ab lwb shil buk bwd， | 若是我俩意合就逃婚去， |
Buk bwd dlat Zab Zhyud Langs Daix nis ndlws dib， | 逃往郎岱好地方， |
Maol gos Zab Zhyud ntried dib qeut ab niob xit， | 去找那沃地肥土种啊， |
Ab lwb maol jaof dab nies bud geuk at niux jox， | 我俩去捉大蛤蟆当牛犁， |
Maol jaof dab nies bud jat at nwl zhaid， | 去抓那大青蛙当马驮， |
Maol jaof dab nies zit gaox at yangx laod， | 去捕那蚱蜢当毛羊剪， |
Maol dut lad ndlaox nzheul daob at chot hlud， | 去摘那箍噜叶做花衣裳， |
Maol dut hmangb zid ndlaox mas at sod seul. | 去扯那泡儿藤当线缝衣。 |
Lab lub gib nbad lax nggak taob， | 我们种的瓜儿大如桶， |
Lad lub zid ghwb lax tyuk lyul， | 包谷大如捶草棒， |
Ab lub yyud yyuf lax nggak kheuk， | 洋芋大如小土罐， |
Lad hnangb lit daos lax gub chik， | 豆荚长似山羊角， |
Lad hnangb lit caod lax nggak kwt. | 小米吊儿如山鼠。 |
Langs Daix dib raot dies yas， | 郎岱是个好地方， |
Dib diex dib fangd dib at liex， | 地平坦坦好造田， |
Dib diex dib ghwl deuf raot ndlix， | 气候温和产好粮， |
Vas ndlix vas ndlaof naox bib zhaos， | 白米糯饭吃不完， |
Gub niex gub hleuk shwb hit zhaos， | 金银钱财任咱花， |
Baos gub laos nwl draot gil hit dangl， | 金银首饰任咱戴， |
Lad mas dax ab lwb bwd dies yab. | 你若情真咱俩就快走。 |
[1] 演唱歌师：朱敏森；采录者：朱文德；翻译者：王正义。
