鄢乌鄢陂- 贵州数字出版云村寨平台

jouf nriangb deil ib juf jef niangb deil ib juf	有那十二群，
jouf nriangb deil ob dol jef niangb deil ob dol	有那十二伙，
ghob Nrix deib ghob Nil^[1] ghob Ninx deib ghob Nil	阿尼和阿你，
diux taid bus Veex Ghongb^[2] diex taid bus Vangx Ghongb	走进也弓岭，
dieik diangf bus Bil Longl^[3] dik diangf bus Bil Longl	行入排隆坡，
ab nriangb diot Veex Ghongb ax niangb diot Vangx Ghongb	不居也弓岭，
ab vuf diot Bil Longl ax vuf diot Bil Longl	不栖排隆坡，
diux taid bus Lieix Veex^[4] diex taid bus Lix Vangx	走进里也岭，
dieik diangf bus Ongd Dlongs^[5] dik diangf bus Ongd Dlongs	行入瓮送坳，
ab nriangb diot Lieix Veex ax niangb diot Lix Vangx	不住里也岭，
ab vuf diot Ongd Dlongs ax vuf diot Ongd Dlongs	不栖瓮送坳，
diux taid diot Aob Vongx diex taid diot Eb Vongx	走过乌勇河，
dieik diangf diot Aob Foul dik diangf diot Eb Fel	行经乌浮江，
lol weix xil Yeeb Aob^[6] lol wix xil Yangb Eb	来到了鄢乌，
lol dlouf xil Yeeb Bil^[7] lol dluf xil Yangb Bil	来到了鄢陂。
Yeeb Aob yeeb zenl zenl Yangb Eb yangb zenl zenl	鄢乌水漫漫，
Yeeb Bil yeeb zeil zeif Yangb Bil yangb zeil zeif	鄢陂水涟涟，
ab benb gongl dous mil ax bub gongl deis mongl	不知何路往，
ab benb gid dous sos ax bub gid deis sos	不晓何处行。
xid xees mil tieid nriangx xit xangs mongl tid niangx	商量去制舟，
xid xees mil seet yis xit xangs mongl hsait yis	商议去造船，
tieid nriangx vut bees mil Zeex Deex^[8] tid niangx vut bangs mongl Zangx Deex	制舟好渡去者德，
seet yis vut bees mil Feeb Xib^[9] hsait yis vut bangs mongl Fangb Hxib	造船好划去方西。
bib daib Mub soux hveib bib daib Hmub sux hvib	咱蒙人聪明，
bib Ghab Naos vas xangs bib Ghab Nes vas xangs	咱嘎闹技高，
mil tieid dail nriangx jeib mongl tid dail niangx jib	去制杉树船，
mil seet dail nriangx yud mongl hsait dail niangx yud	去造构树舟。
daib Gud^[10] ab soux hveib daib Gud ax sux hvib	固人不聪明，
daib Gud ab benb xangs daib Gud ax bub xangs	固人不懂技，
mil tieid dail nriangx khab mongl tid dail niangx khab	去制青船，
mil seet dail nriangx wus mongl hsait dail niangx wus	去造榉树舟。
dieed nriangx mil yangs xil dad niangx mongl yangs xil	拿船试划桨，
dieed mol mil yangs zeex dad mal mongl yangs zangx	拿马试跑坪，
nriangx jeib nriangx yud fub niangx jib niangx yud fub	杉树船构树舟浮，
nriangx khab nriangx wus dangx niangx khab niangx wus dangx	青船榉树舟沉。
daib Gud daib nriul hveib daib Gud daib niul hvib	固人心性诡，
daot ak daot nriul diongb det ak det niul diongb	马桑树心阴，
lol dlab bib daib Mub lol dlab bib daib Hmub	来哄咱蒙人，
lol dlab bib Ghab Naos lol dlab bib Ghab Nes	来骗咱嘎闹：
wil mil gheeb veel vud wil mongl ghangb veel vud	“我去一坡上，
wil mil gheeb veel zaok wil mongl ghangb veel zek	我去一深箐，
jas dail bad nios xib^[11] jas dail bad nios xib	遇只雄狶兽，
liub dat bad langl dab^[12] hlieb dangf bad langl dab	大如野公猪，
liub dat meif langl dlieik hlieb dangf mif langl dlik	大如老母熊，
xoud ghad dat ghad liod xud ghad dangf ghad liod	屙屎大如牛屎，
laib khangd liub niul doud^[13] laib khangd hlieb niel dud	抠洞大如皮鼓，
dax bib mil ghongs yad dax bib mongl ghongs yad	来咱去挖呀，
aod nib lol nenx ngeix ed nenx lol nongx ngix	要它来吃肉，
aod nib lol xuk songd ed nenx lol xek hsongd	要它来嚼骨。”
daib Mub jouf vongb mil daib Hmub jef vongb mongl	蒙人就跟去，
Ghab Naos jouf vongb mil Ghab Nes jef vongb mongl	嘎闹就随往。
mil ghongs khangb bongb diongb mongl ghongs khangb bongb diongb	挖洞到半中，
daib Gud jouf lol jus daib Gud jef lol jus	固人就说道：
vas ad ghongs ad Nrix vas ad ghongs ad Ninx	“加油挖呀尼，
vas ad ghongs ad Nil vas ad ghongs ad Nil	加油掘呀你，
wil diangd mil Yeeb Aob wil diangd mongl Yangb Eb	我转去鄢乌，
wil tok mil Yeeb Bil wil tak mongl Yangb Bil	我回去鄢陂，
aod geef ob jis xeed ed gangf ob jis hxangd	要盆来咱盛血，
aod lox ob jis ghad ed lox ob jis ghad	要箩来咱装肠。”
diangd lol nriees nriangx jeib diangd lol niangs niangx jib	却转来偷舟，
tok lol nriees nriangx yud tak lol niangs niangx yud	却回来盗船，
bees mil neel Zeex Deex bangs mongl nangl Zangx Deex	划去了者德，
bees mil jus Feeb Xib bangs mongl jes Fangb Hxib	渡去了方西。
ghob Nrix deib ghob Nil ghob Ninx deib ghob Nil	阿尼和阿你，
ghongs weix naib ab bil ghongs wix hnaib ab bil	挖到日落山，
ghongs dlouf sod mangt gos ghongs dluf sod hmangt gos	掘到夜幕临，
gos jous dail xab zol gos jus dail hxab zol	仅获只旱獭，
gos jous dail jouk dlangf gos jus dail jek dlangf	仅获只竹鼠，
liub zait jil bongb bil hlieb zait jil bongb bil	大如节手腕，
dlab nal jul dlieel seeb dlab nal jul dliangl hsab	受骗白费劲，
dlab nal jul vus lial dlab nal jul ves lial	遭哄空费力。
dangl diangd lol weix diux dangl diangd lol wix diux	待转回到家，
dangl tok lol leit zad dangl tak lol leit zaid	待返回到屋，
Gud gheel bees nriangx jeib Gud ghail bangs niangx jib	固人早乘杉树船，
Gud gheel bees nriangx yud Gud ghail bangs niangx yud	固人早划构树舟，
mil weix neel Zeex Deex mongl wix nangl Zangx Deex	去到了者德，
mil dlouf jus Feeb Xib mongl dluf jes Fangb Hxib	去达了方西。

_{[1]
ghob Nrix（阿尼）、ghob Nil（阿你）：男子名，一说为Sangx（赏）、Ngangl（昂）。}_{[2]
Veex Ghongb（也弓）：地名，意为连绵不断的山岭。}_{[3]
Bil Longl（排隆）：地名，意为连绵不断的山坡。}_{[4]
Lieix Veex（里也）：地名，意为山岭上的田。一说为Lieix Vongx（里勇）。}_{[5]
Ongb Dlongs（瓮送）：地名，意为山坳中的塘。一说为Ongd Dlongb（瓮松）。}_{[6]
Yeeb Aob（鄢乌）、Yeeb Bil（鄢陂）：地名，意为水乡泽国。}_{[7]
Yeeb Aob（鄢乌）、Yeeb Bil（鄢陂）：地名，意为水乡泽国。}_{[8]
Zeex Deex（者德）：地名，指今贵州省榕江县境车江大坝一带。者德亦说为Zeex Daix（者歹）或Saix Daix（闪歹）。}_{[9]
Feeb Xib（方西）：地名，指今贵州省榕江县城及附近一带。}_{[10]
Gud（固人）：此处至本篇末，叙述Gud（固人）与Ghab Naos（嘎闹）争踞方西。由于本篇搜集地——丹寨县的苗族对水族、侗族以及苗族的一个支系均称呼为Gud，而下文又述到Gud后来也迁出方西，故此处当是指水族或苗族的Gud支系，而非侗族。}_{[11]
bab nios xib：音为“狶”的一种雄性野兽，汉译名待考。}_{[12]
bad langl dab：bad langl 是对水牯牛的别称，此处是形容“dab”兽之大。dab当指beet dab（野猪）。}_{[13]
niul doud（皮鼓）：即木鼓。一说是大如dif（水桶）。}

苗族贾理（第二版）（上）

目录

创世篇 [收起]

洪水篇（上） [收起]

洪水篇（下） [收起]

迁徙篇（上） [收起]

迁徙篇（下） [收起]