宝瑙妈妈- 贵州数字出版云村寨平台

nriangb dail bak ghaot Wongl^[1] niangb dail bad ghet Wongl	有个翁爸爸，
aod dail mens Boux Naox^[2] ed dail mais Bex Nex	娶个宝瑙妈妈，
aod dail mens Boux Weel^[3] ed dail mais Bex Wangl	又叫宝月妈妈，
nriangb diot gheeb Veex Qid niangb diot ghangb Vangx Qend	住在也启岭下，
xud diot gheeb Bil Dangt hxet diot ghangb Bil Dangt	居在排党坡脚。
nib dios naix soux ab naix naob nenx dios naix sux ax naix neb	他人聪明非傻瓜，
yous ngas ab yous ngil yus ngas ax yus ngil	他人勤快非懒汉。
naib naib mil khab lieix hnaib hnaib mongl khab lix	天天去开田，
mangt mangt mil daod ongd hmangt hmangt mongl ded ongd	日日去造塘。
khab jeex ghab seeb qid khab jangx ghab hsangb qid	开田成千坵，
daod jeex ghab beet dleif ded jangx ghab bat dleif	造田成百块。
ghab seeb qid diot neel ghab hsangb qid diot nangl	千坵在下方，
ghab beet dleif diot jus ghab bat dleif diot jes	百块在上游。
nib qid jeex geed naof nenx qend jangx gad nef	他育成糯谷，
nib qid jeex geed xit nenx qend jangx gad xit	他育成粘稻，
dieed mil jil lieix niul^[4] dad mongl jenl lix niel	拿去栽大田，
dieed mil jangs qid laib dad mongl jangs qid laib	拿去插小坵，
geed ghoud lol bid zad gad ghed lol baid zaid	家中堆满粮，
nax ghoud lol bid nrongl nax ghed lol baid nongl	仓中存满谷。
Aob Nriub qid jeex langb Eb Hniub qend jangx hlangb	纽河议成榔，
aob zaok xongt jeex gil eb zek xongt jangx genl	黑水立成场，
qid jeex laib gil Nriongb qend jangx laib genl Niongb	建了个侬场，
xongt jas laib gil Kongb xongt jas laib genl Kongb	立了个孔市。
nriangb dail bak ghaot Wongl niangb dail bad ghet Wongl	这个翁爸爸，
hveib dios xangx hvib dios xangx	热心赶场，
nrid dios gil hnid dios genl	迷恋逛集，
jouf mil fid gil Nriongb jef mongl hfaid genl Niongb	赶过侬场，
jouf mil bus gil Kongb jef mongl bus genl Kongb	又逛孔集。
mil xil naox meex longl mongl xil nex mangx longl	离家枫叶绽，
dlouf xil naox meex zeel dluf xil nex mangx zangl	归来枫叶枯，
mil jeex gheeb dak gheeb mongl jangx ghangb dak ghangb	去成一周年，
mil jas nriut dak nriut mongl jas hniut dak hniut	去有一足岁，
ghoud diangd ab weix diux ghed diangd ax wix diux	身未钻过家，
ghoud tok ab dlouf zad ghed tak ax dluf zaid	足未踏过屋。
jouf feek Boux Naox niox jef fangk Bex Nex niox	丢下那宝瑙，
jouf feek Boux Weel niox jef fangk Bex Wangl niox	丢下那宝月，
feek nib jous laix nriangb fangk nenx jus laix niangb	丢她单人住，
feek nib jous dail liees fangk nenx jus dail las	丢她独个居，
feek nib aob lieix kheeb fangk nenx eb lix kab	丢她田水干，
feek nib aob ongd lot fangk nenx eb ongd lot	丢她池水涸，
feek aob gheeb weil bent fangk eb ghangb wil but	似留锅中水自沸，
feek doul gheeb jib fuk fangk dul ghangb jib hfek	如让灶中火自熄。
jouf nriangb mens Boux Naox jef niangb mais Bex Nex	那宝瑙妈妈，
jouf nriangb mens Boux Weel jef niangb mais Bex Wangl	那宝月妈妈，
jous hveib diot pab bil jus hvib diot pab bil	拍手无法子，
jous nrid diot pab lob jus hnid diot pab lob	顿脚无计策，
mil xib hvongb lol diod mongl hxib hvongb lol diod	无柴自去砍，
mil gheet doul lol cob mongl ghangt dul lol cob	无薪自去挑。
daod doul veex vib xud ded dul vangx vib xud	砍柴大石岭，
seik zot bil vib seet seik zot bil vib hsat	要柴碎石坡。
soux daod ab soux ghouk sux ded ax sux ghuk	会砍不会拢，
soux kheib ab soux gheet sux kheib ax sux ghangt	会捆不会挑，
daod doul jux dlieex dad ded dul jex dliangx dad	砍柴九庹长，
kheib doul xongs bus liub kheib dul xongs bes hlieb	捆柴七抱粗，
kheib zal liub zal yut kheib zal hlieb zal yut	捆头大头小，
gheet dangl bub dangl xongt ghangt dangl bub dangl xongt	挑头高头低。
lol weix dlieel vib lieeb lol wix dlangl vib liob	来到光石坪，
lieeb lob diot vib lieeb liob lob diot vib liob	滑脚在石坪；
lol weix dlieel vib laof lol wix dlangl vib lef	来到滑石坂，
ghob dliangd diot vib laof ghongb dliangd diot vib lef	滑倒在石坂。
naix lind mil gheeb vib naix lind mongl ghangb vib	人滚到岩脚，
doul liangs mil gheeb bil dul liangs mongl ghangb bil	柴滚到坡脚，
jux max ngeix dax diuk gid bil jex max ngax dax diek gid bil	九群兽在山中笑，
jux max nral dax diuk gid aob jex max nail dax diek gid eb	九群鱼在河中笑，
jux max naos dax diuk gid vud jex max nes dax diek gid vud	九群鸟在林中笑，
diuk wad xid xib hvongb diek wid hxid hxib hvongb	笑寡妇砍柴，
diuk wouk nras gheet doul diek wuk nas ghangt dul	笑孤妻挑薪。
not laix not benb niox nongf laix nongf bub niox	各笑各知止，
dliad diuk ab benb niox dliad diek ax bub niox	霞鸟笑不止，
naos dliad ghob feex fend nes dliad ghongb fangx hfud	笑黄了头发；
xenf diuk ab benb niox xenf diek ax bub niox	小米雀笑不止，
naos xenf ghob xeet khob nes xenf ghongb hxangt khob	笑红了头顶；
yongx diuk ab benb niox yongx diek ax bub niox	羊也笑不止，
dail yongx ghob nrax gib dail yongx ghongb naix gib	笑弯了双角；
beet diuk ab benb niox bat diek ax bub niox	猪也笑不止，
dail beet ghob dlis meid dail bat ghongb dlis hmid	笑歪了牙齿。
nrix diuk ab benb niox ninx diek ax bub niox	水牛笑不止，
liod diuk ab benb niox liod diek ax bub niox	黄牛笑不止，
ghob lod meid peit wix ghongb lod hmid pit waix	笑落上牙齿。
nriangb dail mens Boux Naox niangb dail mais Bex Nex	那宝瑙妈妈，
nriangb dail mens Boux Weel niangb dail mais Bex Wangl	那宝月妈妈，
gid hvongb lol weix diux gid hvongb lol wix diux	挑柴回到家，
gheet doul lol weix zad ghangt dul lol wix zaid	抬薪回到屋，
jouf jas bak ghaot Wongl jef jas bad ghet Wongl	遇见翁爸爸，
fid gil lol weix hfaid genl lol wix	赶场刚回，
zouk zangt lol dlouf zuk zangt lol dluf	逛集刚到。
dot lol jux voux gheib dot lol jex vux gheib	得来九笼鸡，
dot lol jux vongl gas dot lol jex vongl gas	得来九笼鸭，
dot nrieix lol dongb fib dot nix lol dongb hfib	得银发了财，
dot liangl lol nok dlas dot liangl lol nok dlas	得钱发了富。
mens Boux Naox sob hveib mais Bex Nex hsob hvib	宝瑙妈妈心气极，
mens Bouk Weel dad meid^[5] mais Bek Wangl dad hmid	宝月妈妈嘴伶俐，
nib lieeb ab leis hvub nenx hlab ax leis hveb	她骂不择语，
nib tat ab leis seid nenx tat ax leis hseid	她责不择词：
mob mil nrieex dak nrieex mongx mongl niangx dak niangx	“你去年打年，
mob mil nriut dak nriut mongx mongl hniut dak hniut	你去岁到岁，
mob dios mil fal lial mongx dios mongl bal lial	你是去寻花，
mob dios mil dot nait mongx dios mongl dot nait	你是去问柳，
jouf feek aob lieix kheeb jef fangk eb lix kab	才丢田水干，
jouf feek aob ongd lot jef fangk eb ongd lot	才丢池水涸，
jouf feek zad dax jeib jef fangk zaid dax jib	才丢房长菌，
jouf feek xit dous nok jef fangk xit dus nok	才丢甑生霉，
feek wad jeex wad xid fangk wid jangx wid hxid	丢妻子成寡妇，
feek wouk jeex wouk nras fangk wuk jangx wuk nas	丢老婆成孤婆！”
nib dib ab leis lioul nenx dib ax leis liul	她打不择拳，
nib tat ab leis laib nenx tat ax leis laib	她骂不择话。
dail bak ghaot Wongl dail bad ghet Wongl	那翁爸爸，
jouf nrieed ab dix jef niangd ax dix	就哭不止，
jouf mangs ab ngangs jef mangs ax ngangs	就受不了，
nriangb jouf ab jeex niangb jef ax jangx	居家不成，
xud jouf ab jongt hxet jef ax jongt	住屋不得。
naib naib mil khab lieix hnaib hnaib mongl khab lix	天天去开田，
mangt mangt mil daod ongd hmangt hmangt mongl ded ongd	夜夜去造塘。
khak lieix jas dongs nrieix khak lix jas dongs nix	开田遇撑天银柱，
daod ongd jas dongs jenb ded ongd jas dongs jenb	造塘见擎宇金柱。
mib daot nias nrieix nil mib det nias nix nil	用银杖支着，
ghab it Veex Daob Nil^[6] ghab ait Vangx Deb Nil	称也刀尼岭；
mib daot nias jenb bangs mib det nias jenb bangs	用金杖撑着，
ghab it Bil Daob Bangs^[7] ghab ait Bil Deb Bangs	称排刀磅山。
nib nrangx dongs nrieix mil nenx nangx dongs nix mongl	他攀银柱上，
nib jit dongs jenb mil nenx jit dongs jenb mongl	他沿金柱上，
weix xil feeb wix nrox wix xil fangb waix nox	上到了青天，
leit xil khongd daot aot leit xil khongd dent ent	上到了九霄。
xid feeb wix xil feed hxid fangb waix xil fangd	瞧天上无垠，
nrieet feeb dab xil ngeif ngit fangb dab xil ngif	看地下狭窄，
mil nenx lieix^[8] meif naib mongl nongx lix mif hnaib	去耕太阳田，
mil haok ongd^[9] meif lat mongl hek ongd mif hlat	去耘水亮塘。
mil ghot mens Boux Nrieix^[10] mongl ghot mais Bex Nix	去娶宝尼妈妈，
ghob feek mens Boux Naox ghongb fangk mais Bex Nex	就丢宝瑙妈妈，
mil ghot mens Boux Liangl^[11] mongl ghot mais Bex Liangl	去娶宝良妈妈，
ghob feek mens Boux Weel ghongb fangk mais Bex Wangl	就丢宝月妈妈。
mil jeex ghab nrieex ngal mongl jangx ghab niangx ngal	去成了一年，
mil jas ghab nriut jit mongl jas ghab hniut jit	去有了一岁，
dot Ghab Lieex daib Dlas Qib^[12] dot Ghab Liangx daib Dlas Qib	生了天儿夏期，
dot Ghab Deit vangt Dlas Louf^[13] dot Ghab Deit vangt Dlas Luf	生了天子夏路。
nib vib jouf mil jil nenx vib jef mongl jenl	他去立下石，
nib daot jouf mil lof nenx det jef mongl lof	他去种下树，
nib vongx mil vud jid nenx vongx mongl ved jid	像龙卧深潭，
nib xud mil vud veex nenx xed mongl ved vangx	像虎踞大山，
mil jeex fib bongl yongl mongl jangx hfib bongl yongl	去渐渐发财，
mil jas dlas bol yox mongl jas dlas bol yox	去渐渐发富。
nib khad mens Boux Naox nenx khad mais Bex Nex	他抛下宝瑙，
nib deif mens Boux Weel nenx deif mais Bex Wangl	他弃下宝月，
Boux Naox jeex wad xid Bex Nex jangx wid hxid	宝瑙成寡妇，
Boux Weel jeex wouk nras Bex Wangl jangx wuk nas	宝月成孤妻。
nraf hveib jouf weix jid naf hvib jef wix jid	越想越痛心，
seil hveib jouf weix dis seil hvib jef wix dis	越思越凄戚，
jouf khad aob nriux bix jef khad eb niux baix	涕唾嗒嗒落，
jouf khad aob mis vis jef khad eb mais vis	泪水哗哗流。
nib naib naib mil qab nenx hnaib hnaib mongl qab	她日日去找，
nib mangt mangt mil vangs nenx hmangt hmangt mongl vangs	她夜夜去觅，
mil qab ghoud ab deid mongl qab ghed ax deid	找不见身影，
mil vangs ghoud ab jas mongl vangs ghed ax jas	觅不到踪迹。
qab weix xil zeex aob qab wix xil zangx eb	找来到河边，
vangs dlouf xil deil seet vangs dluf xil deil hsat	寻来到滩涂，
mil jas daib geeb bax^[14] mongl jas daib gangb bax	去遇着蝴蝶，
mil jas jid geeb liuf^[15] mongl jas jid gangb lief	去碰到彩蛾，
geeb bax nriangb bub ghad xab gangb bax niangb bub ghad hxab	蝴蝶在围水獭屎，
geeb liuf nriangb bub ghad dliangk^[16] gangb lief niangb bub ghad dliangk	彩蛾在围野猫粪。
Boux Naox jouf mil xid Bex Nex jef mongl hxid	宝瑙就去看，
Boux Weel jouf mil nrieet Bex Wangl jef mongl ngit	宝月就去瞧：
mob dieed bub wil ghaot songd nriul^[17] mongx dad bub wil ghet hsongd niul	“怎么围我公^[18]之尸，
mob dieed bub wil ghaot songd ngees^[19] mongx dad bub wil ghet hsongd ngas	怎么刨我公之骨？”
dieed daot nias nrieix dib dad det nias nix dib	挥起银拐杖，
dieed daot nias jenb dat dad det nias jenb dat	舞起金拐杖，
jouf dib daib geeb bax jef dib daib gangb bax	挥来打蝴蝶，
jouf dat jid geeb liuf jef dat jid gangb lief	舞来挞彩蛾。
dib bab lax mil neel dib bib lax mongl nangl	三杖朝下打，
dat bab lax mil jus dat bib lax mongl jus	三杖朝上挞，
geeb bax ghob lod lob gangb bax ghongb lod lob	打蝴蝶断脚，
geeb liuf ghob dlit doud^[20] gangb lief ghongb dlit dud	挞彩蛾裂翅。
geeb bax jouf lol ghoud gangb bax jef lol ghed	蝴蝶才叫唤，
geeb liuf jouf lol jus gangb lief jef lol jus	彩蛾才说道：
bib not bub ghad xab bib nongf bub ghad hxab	“咱各围獭屎，
bib not bub ghad dliangk bib nongf bub ghad dliangk	咱各刨猫粪，
xil ab dios mob ghaot songd nriul xil ax dios mongx ghet hsongd niul	又不是你公之尸，
xil ab dios mob ghaot songd ngees xil ax dios mongx ghet hsongd ngas	又不是你公之骨。
mob dieed dib bib seeb mongx dad dib bib hsab	你打我们冤，
mob dieed dat bib lial mongx dad dat bib lial	你挞我们错，
dieed dib bib lod lob dad dib bib lod lob	打我们断脚，
dieed dat bib dlit doud dad dat bib dlit dud	挞我们裂翅。
dlak mob hveib laid ghad dlak mongx hvib laid ghad	为你气太短，
dlak mob nrid laid jous dlak mongx hnid laid jus	为你性太急，
mob lieeb ab leis laib mongx hlab ax leis laib	你骂不择话，
mob tat ab leis seid mongx tat ax leis hseid	你责不择语，
mob ghaot jouf jit mil wix nrox mongx ghet jef jit mongl waix nox	你公才爬上青天，
mil ghot mens Boux Nrieix mongl ghot mais Bex Nix	去娶宝尼妈妈，
diot feek mob jeex niox diot fangk mongx jangx niox	才丢你成孤妻，
mob ghaot jouf jit mil wix niul mongx ghet jef jit mongl waix niel	你公才爬去九霄，
mil ghot mens Boux Liangl mongl ghot mais Bex Liangl	去娶宝良妈妈，
diot feek mob jeex bol diot fangk mongx jangx bal	才弃你成寡妇。
mob hveib not ab lieel mongx hvib nongf ax lal	你心不慈善，
mob nrid not ab vut mongx hnid nongf ax vut	你性太恶辣，
mob naib jouf jeex wad xid mongx hnaib jef jangx wid hxid	你才白天做寡妇，
mob mangt jouf jeex wouk nras mongx hmangt jef jangx wuk nas	夜晚做孤妻。
mib jub it nras gos maix jub ait nas gos	别人是孀妇，
mob not it nras vus mongx nongf ait nas ves	你是守活寡！”
geeb bax jouf xangx bil^[21] gangb bax jef xangx bil	蝴蝶才嘲讽，
geeb liuf jouf leid gent^[22] gangb lief jef hleid gent	彩蛾才耻笑。
jouf nriangb mens Boux Naox jef niangb mais Bex Nex	那宝瑙妈妈，
jous hveib diot pab bil jus hvib diot pab bil	拍手无法子，
jous nrid diot pab lob jus hnid diot pab lob	顿脚无计策，
nib mil bus gil Nriongb nenx mongl bus genl Niongb	她去赶侬场，
nib mil fid gil kongb nenx mongl hfaid genl kongb	她去逛孔集，
mil aod fud nrab lol mongl ed hfed nab lol	买来蓝丝线，
mil aod fud xeet lol mongl ed hfed hxangt lol	买来红丝线，
dieed saik geeb bax lob diongx dad hsenk gangb bax lob diongx	接蝴蝶腿脚，
dieed qut geeb liuf dak doud dad qet gangb lief dak dud	包彩蛾翅膀。
diees nongd qut vut meeb vangx xangb dias nongd qet vut mangb vangx hxangb	“现在你们容颜已治好，
qut lieel meeb jol yif qet lal mangb jol yif	你们相貌更漂亮。
meeb yeet mil wix nrox mangb yangt mongl waix nox	请飞去九霄，
meeb yeet mil daot aot mangb yangt mongl dent ent	烦飞去云外，
dlaox wil ghangd lol dab dlex wil ghangd lol dab	帮我叫他下凡，
dlaox wil daos lol dos dlex wil des lol dos	代我接他下界，
lol dieed nib ghab nrongl lol dad nenx ghaib nongl	来继他家业，
lol ghongb nib ghab zad lol ghongb nenx ghaib zaid	来续他香火，
ab feek dat jeex bol ax fangk dat jangx bal	别丢家庭破，
ab feek dat jas neis ax fangk dat jas neis	别弃妻子孤。”
daib geeb bax jouf jus daib gangb bax jef jus	那蝴蝶才讲，
jid geeb liuf jouf jus jid gangb lief jef jus	那彩蛾才说：
wil nongd daib nrieel dlieel wil nongd daib niangl dliangl	“我是力小崽，
wil nongd jid nrieel vus wil nongd jid niangl ves	我是力弱孩，
wil liub dail Wangx Ceib^[23] wil hlieb dail Wangx Ceib	往吹来吹我，
wil not dail Dlas Nraif ^[24] wil nongf dail Dlas Nenf	夏乃来刮我，
wil mil ghoud ab weix wil mongl ghed ax wix	去不到天上，
wil yeet ghoud ab dlouf wil yangt ghed ax dluf	飞不到九霄，
mob not qab dail seeb mongx nongf qab dail hsaib	你另找别人，
mob not vangs dail but mongx nongf vangs dail but	你自请他人。”
nriangb dail mens Boux Naox niangb dail mais Bex Nex	那宝瑙妈妈，
qab vangb vangb mil neel qab vangb vangb mongl nangl	悠悠向南寻，
vangs voul vout mil jus vangs vel vet mongl jus	茫茫朝北找，
jas dail daib yul mod^[25] jas dail daib yel mod	遇只幼蜻蜓，
jas dail jid yul diangl jas dail jid yel diangl	见只嫩丁蚝，
sob daib yul mod mil sob daib yel mod mongl	叫幼蜻蜓去，
xees jid yul diangl mil xangs jid yel diangl mongl	托嫩丁蚝去：
mob mil feeb wix nrox mongx mongl fangb waix nox	“你去那青天，
mob mil khongd daot aot mongx mongl khongd dent ent	你去那云霄，
xees bak ghaot Wongl lol xangs bad ghet Wongl lol	叫翁爸爸回，
lol dieed nib ghab nrongl lol dad nenx ghaib nongl	来继他家业，
lol ghongb nib ghab zad lol ghongb nenx ghaib zaid	来续他香火，
ab feek dat jeex bol ax fangk dat jangx bal	别丢家庭破，
ab feek dat jas neis ax fangk dat jas neis	别弃妻子孤，
dat ab nriangb gheib dieed vil dat ax niangb gheib dad vil	以免无鸡续笼，
ab nriangb beet dieed ngux ax niangb bat dad ngex	以免无猪续圈。”^[26]
daib yul mod jouf jus daib yel mod jef jus	幼蜻蜓才说，
jid yul diangl jouf jus jid yel diangl jef jus	嫩丁蚝才说：
wil nongd daib nrieel dlieel wil nongd daib niangl dliangl	“我是力小崽，
wil nongd jid yut vus wil nongd jid yut ves	我是力弱孩，
wil mil ghoud ab weix wil mongl ghed ax wix	我也去不到，
wil yeet ghoud ab dlouf wil yangt ghed ax dluf	我也飞不至。”
sob daib yul daox^[27] mil sob daib yel dex mongl	叫皇蜻蜓去，
xees jid yul laot^[28] mil xangs jid yel hlet mongl	托大丁蚝去，
daib yul daox jouf jus daib yel dex jef jus	皇蜻蜓就讲，
jid yul laot jouf jus jid yel hlet jef jus	大丁蚝就说：
wil ab dlaox mob mil seeb wil ax dlex mongx mongl hsab	“我不白为你去，
ab dlaox mob mil lial ax dlex mongx mongl lial	不空为你行，
nriangb aod nrix ghaob dlieel niangb ed ninx gheb dliangl	要点牛工价，
nriangb aod mol ghaob vus niangb ed mal gheb ves	要点马工钱。”
mens Boux Naox jouf jus mais Bex Nex jef jus	宝瑙妈妈说：
daod dangx^[29] bil diot mob ded dangx bil diot mongx	“分山塘给你，
daod ongd dlongs diot mob ded ongd dlongs diot mongx	分坳塘给你，
bib lieix niul diot mob baib lix niel diot mongx	送踩鼓田给你，
bib weel but^[30] diot mob baib wangl but diot mongx	送祭祖塘给你，
naib gheeb mob jeex naix hnaib ghangb mongx jangx naix	今后你成家，
naib gheeb mob jas bul hnaib ghangb mongx jas bul	将来你立业，
diod aob mob liax gix diod eb mongx liax gix	水面你跳芦笙舞，
diod kheeb mob zouk niul diod kab mongx zuk niel	干处你跳铜鼓舞，
mob ghob xob daix gix mongx ghongb xob daix gix	你就有了芦笙场，
mob ghob dot dais niul mongx ghongb dot dais niel	你就得了踩鼓堂，
it mob nrix ghaob dlieel ait mongx ninx gheb dliangl	作你牛工价，
it mob mol ghaob vus ait mongx mal gheb ves	作你马工钱。”
daib yul daox jouf mil daib yel dex jef mongl	皇蜻蜓才去，
jid yul laot jouf mil jid yel hlet jef mongl	大丁蚝才去，
yeet mil feeb wix nrox yangt mongl fangb waix nox	飞去九重霄，
yeet mil khongd daot aot yangt mongl khongd dent ent	飞去云天外，
mil jas bak ghaot Wongl mongl jas bad ghet Wongl	遇见翁爸爸，
jouf dieed hvub mil tad jef dad hveb mongl tad	拿话去解释，
jouf dieed seid mil nongf jef dad hseid mongl nongf	拿语去劝说：
daos mob mil feeb dab “ des mongx mongl fangb dab	“……迎你回人间，
daos mob mil feeb dos des mongx mongl fangb dos	接你还世上，
diangd mil dieed mob zad diangd mongl dad mongx zaid	去继你家业，
diangd mil ghongb mob nrongl diangd mongl ghongb mongx nongl	去续你香火。
hveib menb jib hveib hak hvib mongb jib hvib henk	气生气有消，
aob yeeb jib aob lot eb yangb jib eb lot	水涨水有落。
hveib naix bab mangt hak hvib naix bib hmangt henk	人气三天消，
aob yeeb bab mangt lot eb yangb bib hmangt lot	水涨三日落。
hab lab beeb dieib lieib hab laib bab dib lib	气话别计较，
hab laib beeb dial liad hab laib bab dial liad	气语别铭心。
ab deif dat jeex bol ax deif dat jangx bal	别丢家庭破，
ab feek dat jas neis ax fangk dat jas neis	别弃妻子孤。
mob deif ghob jeex xid^[31] mongx deif ghongb jangx xid	丢就成寡妇，
mob feek ghob jas nras^[32] mongx fangk ghongb jas nas	弃就成孤妻。
ghob jeex mongb ghol jil ghongb jangx hmongb ghol jil	就成藤断蔓，
ghob jeex daot ghol guf ghongb jangx det ghol guf	就成树断梢，
mob diux ghob jul niub mongx diux ghongb jul hniub	你家就绝种，
mob zad ghob jul xongd mongx zaid ghongb jul xongd	你户就绝嗣，
ab nriangb daib dieed mob ghab nrongl ax niangb daib dad mongx ghaib nongl	无子继门庭，
ab nriangb vangt dieed mob ghab zad ax niangb vangt dad mongx ghaib zaid	无孙续香火。
mob diangd mil dab dieed neel yad mongx diangd mongl dab dad nangl yad	你回世间当家吧，
mob tok mil dos gangs^[33] jus yad mongx tak mongl dos gangs jus yad	你返下界掌门吧。”
bak ghaot Wongl jouf jus bad ghet Wongl jef jus	翁爸爸才说：
Boux Naox not sangb hveib Bex Nex nongf sangb hvib	“宝瑙各心毒，
Boux Weel not dad meid Bex Wangl nongf dad hmid	宝月各牙利，
lieeb wil ab leis laib hlab wil ax leis laib	骂我不择语，
tat wil ab leis seid tat wil ax leis hseid	责我不择话，
lieeb dail hvub^[34] xad nangd hlab dail hveb xad hnangd	骂得太难听，
tat dail seid^[35] xad ment tat dail hseid xad hmut	说得太难闻。
jib wil not mil lieel jib wil nongf mongl lal	我去做正事，
dieed sob wil mil bol dad sob wil mongl bal	却说做坏事；
wil not mil bus gil wil nongf mongl bus genl	我本去赶场，
dieed jus mil fal lial dad jus mongl bal lial	却说去拈花；
wil not mil zouk zangt wil nongf mongl zuk zangt	本去做生意，
dieed jus mil dot nait dad jus mongl dot nait	却说去惹草。
wil nrieed ab dix jouf dax wil niangd ax dix jef dax	我哭不出才来，
mangs ab ngangs jouf lol mangs ax ngangs jef lol	受不住才来。
aob ngal aob ab jit eb ngal eb ax jit	水泻不回流，
wil lol wil ab diangd wil lol wil ax diangd	我来不回头。
lol dot mens Boux Nrieix lol dot mais Bex Nix	来娶了宝尼，
ghob deif mens Boux Naox ghongb deif mais Bex Nex	就丢下宝瑙；
lol dot mens Boux Liangl lol dot mais Bex Liangl	来娶了宝良，
ghob deif mens Boux Weel ghongb deif mais Bex Wangl	就丢下宝月。”
nriangb dail bak ghaot Wongl niangb dail bad ghet Wongl	有那翁爸爸，
dent mil gheel dent lol dent mongl ghail dent lol	思忖复思量：
ghob deif ghob jeex bol ghongb deif ghongb jangx bal	“丢她必成寡，
ghob feek ghob jas neis ghongb fangk ghongb jas neis	弃她必成孤。
ghob jeex mongb ghol jil ghongb jangx hmongb ghol jil	必成藤断蔓，
ghob jeex daot lod guf ghongb jangx det lod guf	必成树断梢。”
jouf jub daib yul daox jef job daib yel dex	才教那蜻蜓，
jouf xees jid yul laot jef xangs jid yel hlet	才嘱那丁蚝：
wil nriangb nenx lieix meif naib wil niangb nongx lix mif hnaib	“我在耕太阳田，
nriangb haok ongd meif lat niangb hek ongd mif hlat	在耘月亮塘，
nriangb dieed daib Dlas Qib niangb dad daib Dlas Qib	在抚儿夏期，
nriangb dieed vangt Dlas Louf niangb dad vangt Dlas Luf	在育子夏路，
diangd ab weix diux henk diangd ax wix diux henk	回不了家啦，
tok ab dlouf zad henk tak ax dluf zaid henk	返不到屋啦。
mob gid dieed hvub mil taod mongx gid dad hveb mongl ted	请你传我话，
gid dieed seid mil xees gid dad hseid mongl xangs	请你捎我语：
wil ghab jid ab lol wil ghab jid ax lol	我身虽不回，
dat wil meib ghoud lol dat wil hmib ghed lol	我气却可归；
wil ghab dis ab lol wil ghab dis ax lol	我形虽不返，
dat wil mongs ghoud lol dat wil mongs ghed lol	我意却可回。
mob jub mens Boux Naox mongx job mais Bex Nex	请你教宝瑙，
mob xees mens Boux Weel mongx xangs mais Bex Wangl	请你嘱宝月，
mil xid aob nrieex diangd mongl hxid eb niangx diangd	看到河漾春，
mil nrieet aob nriut jit mongl ngit eb hniut jit	见到新水流，
mil xid dongd dous beex mongl hxid dongd dus bangx	看到花蕾开，
mil nrieet lat zait zaid mongl ngit hlat zait zend	见到果蕾结，
jib wil nrieeb hob lol jib wil niangb hob lol	我就伴雾来，
jib wil nrieeb jit lol jib wil niangb jent lol	我就随风到。
xees nib dax nriux bil xangs nenx dax niux bil	嘱她来山口，
jub nib mil lot dlongs job nenx mongl lot dlongs	教她到山坳。
hangd jit ceib ngal neel. hangd jent ceib ngal nangl.	若风朝南吹，
nib dib gangb jit jus nenx dib gangb jent jes	就敞怀向北；
hangd jit ceib jit jus hangd jent ceib jent jes	若风向北吹，
nib dib gangb ngal neel nenx dib gangb ngal nangl	就敞怀朝南，
nib ghob xob wil meib nenx ghongb xob wil hmib	就得我精气，
nib ghob dot wil mongs nenx ghongb dot wil mongs	就得我元神，
nib qenb ghob boux wongl nenx qub ghongb bongx wongl	她肚子就大，
nib jid ghob liongx hongl nenx jid ghongb liongx hongl	她腰身就粗。”
nriangb dail daib yul daox niangb dail daib yel dex	有那皇蜻蜓，
nriangb dail jid yul laot niangb dail jid yel hlet	有那大丁蚝，
ghob xob nib beef hvub ghongb xob nenx bangf hveb	得了他话语，
ghob dot nib beef seid ghongb dot nenx bangf hseid	受了他嘱托，
ghob beeb dat beeb bod ghongb bab dangf bab bod	记牢如身上瘤，
ghob mangs dat mangs bul ghongb mangs dangf mangs bel	记牢似肉中刺，
xib lix ghoud ab dal hxib lix ghed ax dal	跌倒也不丢，
xent nriens ghoud ab nongb xent nins ghed ax hniongb	趔趄也不忘。
jouf diangd lol weix dab jef diangd lol wix dab	返回到世上，
jouf ngal lol sos dos jef ngal lol sos dos	归来到世间，
jouf dieed hvub lol taod jef dad hveb lol ted	拿话来复述，
jouf dieed seid lol nongf jef dad hseid lol nongf	拿语来摆谈，
lol jub mens Boux Naox lol job mais Bex Nex	教导宝瑙妈妈，
lol xees mens Boux Weel lol xangs mais Bex Wangl	指点宝月妈妈。
nib jouf khad hveib liangl nenx jef khad hvib liangl	她就落了心，
nib jouf khad nrid dieef nenx jef khad hnid dangf	她就定了意。
dieed weix dongd nrieex ob dad wix dongd niangx ob	到了二月间，
dieed dlouf dongd lat bab dad dluf dongd hlat bib	到了三月间，
nib benf laib beex dous nenx bongf laib bangx dus	她见花儿开，
nib xid laib zaid zait nenx hxid laib zend zait	她见果儿结，
jouf mil nriangb nriux bil jef mongl niangb niux bil	就去到山口，
jouf mil nriangb lot dlongs jef mongl niangb lot dlongs	就去到山坳，
mil dib gangb jul jit mongl dib gangb jel jent	去敞胸迎风，
mil pat dis jul hob mongl pat dis jel hob	去敞怀迎雾。
nib qenb ghob boux wongl nenx qub ghongb bongx wongl	她肚子果大，
nib jid ghob liongx hongl nenx jid ghongb liongx hongl	她腰身果粗，
neel deib ab bees dis nangl deib ax bangs dis	裙围不住体，
neel oud ab bees guf nangl ud ax bangs guf	衣遮不住身。
jouf weix naib khangd nriul jef wix hnaib khangd niel	到了出生日，
jouf leit mangt khangd nas jef leit hmangt khangd nas	临了坐月时，
gheib qab vil nas git gheib qab vil nas git	鸡寻巢下蛋，
beet qab longd nriul daib bat qab longd niel daib	猪寻草生仔。
mil nais dail Boux Gheib^[36] mongl nais dail Bex Gheib	去问那宝该：
mob nriul diot nangx dous mongx niel diot nangx deis	“你生在何处？
wil ghoud lol nriul daib wil ghed lol niel daib	我也来生崽，
wil ghoud lol nas vangt wil ghed lol nas vangt	我也来产儿，
git vongx diot mob vud git vongx diot mongx ved	生下龙蛋^[37]请你抱，
git eek diot mob bus git eek diot mongx bes	产下蛟卵^[38]请你孵。”
Boux Gheib jouf lol xees Bex Gheib jef lol xangs	宝该就说道：
wil nriul diot gib diux^[39] wil niel diot gib diux	“我生在门角，
wil nas diot boux zad wil nas diot bex zaid	我产在地下。
wil nongd gheib laid dad wil nongd gheib laid dad	我是短尾鸡，
wil nongd lius^[40] xous dak wil nongd lius xus dak	我是弱翅禽，
vud ab jeex git vongx ved ax jangx git vongx	抱不了龙蛋，
bus ab jeex git eek bes ax jangx git eek	孵不了蛟卵。”
mil nais dail gib diux mongl nais dail gib diux	去问门背角，
mil nais dail bux zad mongl nais dail bex zaid	去问屋地下：
wil dieed daib lol nriul wil dad daib lol niel	“我来此生崽，
wil dieed vangt lol nas wil dad vangt lol nas	我来此产儿，
git vongx diot mob vud git vongx diot mongx ved	生下龙蛋请你抱，
git eek diot mob bus git eek diot mongx bes	产下蛟卵请你孵。”
wil xab dangx git gheib wil xab dangx git gheib	“我能遮鸡蛋，
wil diul ngangs git lius wil dil ngangs git lius	我能罩鸡卵，
xab ab dangx git vongx xab ax dangx git vongx	遮不了龙蛋，
diul ab ngangs git eek dil ax ngangs git eek	罩不了蛟卵。”
mil nais dail Boux Gas^[41] mongl nais dail Bex Gas	去问那宝戛，
Boux Gas jouf lol xees Bex Gas jef lol xangs	宝戛就说道：
wil nriul diot gib lieix^[42] wil niel diot gib lix	“我生在田角，
wil nas diot nail ongd^[43] wil nas diot nail ongd	我产在塘埂。”
mil nais dail gib lieix mongl nais dail gib lix	去问那田角，
mil nais dal nail ongd mongl nais dal nail ongd	去问那塘埂：
wil dieed daib lol nriul wil dad daib lol niel	“我来此生崽，
wil dieed vangt lol nas wil dad vangt lol nas	我来此产儿，
git vongx diot mob vud git vongx diot mongx ved	生下龙蛋请你抱，
git eek diot mob bus git eek diot mongx bes	产下蛟卵请你孵。”
gib lieix jouf lol xees gib lix jef lol xangs	田角就告诉，
nail ongd jouf lol jus nail ongd jef lol jus	塘埂就回答：
wil xab dangx git gas wil xab dangx git gas	“我能遮鸡蛋，
wil diul ngangs git ok^[44] wil dil ngangs git ok	我能罩鸭卵，
xab ab dangx git vongx xab ax dangx git vongx	遮不了龙蛋，
diul ab ngangs git eek dil ax ngangs git eek	罩不了蛟卵。”
mil nais dail vib lieeb mongl nais dail vib liob	去问光石坂，
mil nais dail vib laof mongl nais dail vib lef	去问滑石坂，
vib lieeb jouf lol xees vib liob jef lol xangs	光石就告诉，
vib laof jouf lol jus vib lef jef lol jus	滑石就回答：
diongb naib jib wil xud diub hnaib jib wil hxed	“白天我身暖，
diongb mul jib wil gad diub mongl jib wil gad	黑夜我身凉；
lat xongs jib wil xud hlat xongs jib wil hxed	夏天我身暖，
wix xux jib wil gad waix xux jib wil gad	冬天我身凉。
xud xib dat doul peib hxed xib dangf dul pib	暖可如火烤，
gad xib dat bit meek gad xib dangf bait mak	凉可似冰镇。
xab ab dangx git vongx xab ax dangx git vongx	护不了龙蛋，
bus ab ngangs git eek bes ax ngangs git eek	孵不了蛟卵。”
mil nais xenb nrinx bil mongl nais xenb ninx bil	去问山中狮子草，
mil nais xeet lieef dlongs mongl nais hxangt lif dlongs	去问岭坳四棱藤，^[45]
xenb nrinx bil ghoud xees xenb ninx bil ghed xangs	狮子草也讲，
xeet lieef dlongs ghoud jus hxangt lif dlongs ghed jus	四棱藤也答：
aob lieif ghab nail lieix eb lif ghab nail lix	“田中漾波日，
doul lieif fend dangl las dul lif hfud dangl las	地头烧荒时，^[46]
nriangb kib wil jid dail niangb kib wil jid dail	火会烧我身，
nriangb niouk wil lieix dis niangb niuk wil lix dis	焰会灭我形。
wil xab ab dangx git vongx wil xab ax dangx git vongx	我也护不了龙蛋，
bus ab ngangs git eek bes ax ngangs git eek	孵不了蛟卵。”
mil nais dail veex hvib mongl nais dail vangx hvib	她去问高山，
mil nais dail bil vas mongl nais dail bil vas	她去问峻岭，
veex hvib ghoud lol xees vangx hvib ghed lol xangs	高山也说道，
bil vas ghoud lol jus bil vas ghed lol jus	峻岭也回答：
nrieex ib jib pad bil niangx ib jib pid bil	“正月火烧山，
nrieex ob dax jouk las niangx ob dax juk las	二月把地挖；
ab niox nrieex bab mil ax niox niangx bib mongl	万一三月后，
Wangx Aob^[47] dieed lal deil Wangx Eb dad lal deil	往乌冲泥石，
Dlas Doul^[48] dieed kib feeb Dlas Dul dad kib fangb	夏逗把山烧，
lal mil seeb zad wad lal mongl hsangb zaid wid	冲走千家妇，
kib mil beet zad daib kib mongl bat zaid daib	烧掉百家孩，
wil heid ab fab wil heid ax fab	我抵不住，
wil zouk ab dol wil zuk ax dol	我跑不了，
bus ab qid git vongx bes ax qid git vongx	护不起龙蛋，
bus ab qid git eek bes ax qid git eek	孵不起蛟卵。”
nriangb dail mens Boux Naox niangb dail mais Bex Nex	这宝瑙妈妈，
nriangb dail mens Boux Weel niangb dail mais Bex Wangl	这宝月妈妈，
mil jas dlieed veex vongl mongl jas dlangd vangx vongl	去遇见岩鹰，
mil jas yof zeet sab mongl jas yof zat hsab	去遇见山鹞，
mob yeet bees jox feeb mongx yangt bangs jox fangb	“你飞遍大地，
mob nriul git ghab dous mongx niel git ghab deis	生蛋在何方？”
dlieed veex vongl jouf xees dlangd vangx vongl jef xangs	岩鹰就告诉，
yof zeet sab jouf jus yof zat hsab jef jus	山鹞就道来：
nas diot jeib jux jil nas diot jib jex jil	“生在高入九霄的杉顶，
dlos diot gheid xongs dongt dlos diot gheid xongs dongt	产在耸入云天的松梢。
aob tiub jouf ab weix eb tiub jef ax wix	那里洪水冲不到，
doul pad jouf ab dlouf dul pid jef ax dluf	那儿烈焰燎不着。”
mil nais jeib jux jil mongl nais jib jex jil	去问九霄杉，
mil nais gheid xongs dongt mongl nais gheid xongs dongt	去问入云松：
wil dieed daib lol nriul wil dad daib lol niel	“我拿崽来生，
wil dieed vangt lol nas wil dad vangt lol nas	我拿孩来产，
git vongx diot mob vud git vongx diot mongx ved	生下龙蛋请你护，
git eek diot mob bus git eek diot mongx bes	产下蛟卵请你孵。”
jeib jux jil jouf jus jib jex jil jef jus	九霄杉就讲，
gheid xongs dongt jouf xees gheid xongs dongt jef xangs	入云松就说：
gid wix liub wad dlieed gid waix hlieb wid dlangd	“树冠顶部有鹰巢，
gid dab liub meif mongl^[49] gid dab hlieb mif mongl	底部有蜂窝，
yangf yeed ghab diongb diangf yangf yid ghab diongb diangf	只剩下中层。
wil eek nriangs dlieed songd wil ak niangs dlangd hsongd	再说我能背鹰蛋，
wil eek nriangs yof git wil ak niangs yof git	我能负鹞卵，
eek ab nriangs git vongx ak ax niangs git vongx	背不动龙蛋，
eek ab nriangs git eek ak ax niangs git eek	负不起蛟卵，
dat lod wil jil jeib dat lod wil jil jib	恐压折我桠，
dat lod wil jil gheid dat lod wil jil gheid	怕压断我枝。”
jouf nriangb dail Boux Naox jef niangb dail Bex Nex	且说那宝瑙，
jouf nriangb dail Boux Weel jef niangb dail Bex Wangl	且说那宝月，
nib liub xangs fud bil nenx hlieb xangs hfed bil	她的办法多，
dieed sab dieed lol beeb dad hsab dad lol bangb	拿钢来钉紧，
dieed laot dieed lol xeit dad hlet dad lol xent	拿铁来楔牢，
beeb diot ghab jil jeib bangb diot ghab jil jib	钉在杉丫上，
xeit diot ghab jil gheid xent diot ghab jil gheid	楔入松枝中。
jouf jeex peit dloub peit xeet jef jangx pit dlub pit hxangt	枝丫才半边红半边白，
jouf jeex peit sab peit laot jef jangx pit hsab pit hlet	才半边像钢半边像铁，
ghob dix dat sab ghongb dix dangf hsab	才坚如钢，
ghob xuk dat laot ghongb hxek dangf hlet	才硬似铁。^[50]
dail mens Boux Naox dail mais Bex Nex	那宝瑙妈妈，
dail mens Boux Weel dail mais Bex Wangl	那宝月妈妈，
mil aod juf ob niub ghab naox nrangx mongl ed juf ob hniub ghab nex nangx	她去要十二种草叶，
mil dod juf ob niub ghab jil daot mongl dod juf ob hniub ghab jil det	她去要十二种树枝，
it vil ghab jil jeib ait vil ghab jil jib	筑巢杉丫上，
bouf zad ghab jil gheid buf zaid ghab jil gheid	修房松枝间，
jouf dieed daib lol nriul jef dad daib lol niel	才拿孩来生，
jouf dieed git lol dlos jef dad git lol dlos	才拿蛋来产。
dlos jeex juf ob naib dlos jangx juf ob hnaib	生了十二天，
dlos dot juf ob laib dlos dot juf ob laib	生蛋十二个；
nas jeex juf ob mangt nas jangx juf ob hmangt	产了十二夜，
nas dot juf ob git nas dot juf ob git	产卵十二颗。
sob dlieed veex vongl bus sob dlangd vangx vongl bes	请岩鹰来抱，
sob yof zeet sab bus sob yof zat hsab bes	托山鹞来孵，
dlieed veex vongl jouf jus dlangd vangx vongl jef jus	岩鹰就开口，
yof zeet sab jouf jus yof zat hsab jef jus	山鹞就出言：
wil ab bus mob seeb wil ax bes mongx hsab	“不白帮你抱，
wil ab bus mob lial wil ax bes mongx lial	不空为你孵。
nriangb aod nrix ghaob dlieel niangb ed ninx gheb dliangl	要点牛工价，
nriangb aod mol ghaob vus niangb ed mal gheb ves	要点马工钱。”
mens Boux Naox jouf jus mais Bex Nex jef jus	宝瑙妈妈说：
wil daod jux voux gheib wil ded jex vux gheib	“我许九笼鸡，
wil bib xongs gous gas wil baib xongs gus gas	我送七笼鸭，
it mob nrix ghaob dlieel ait mongx ninx gheb dliangl	作你牛工价，
it mob mol ghaob vus ait mongx mal gheb ves	做你马工钱。”
dlieed veex vongl jouf jus dlangd vangx vongl jef jus	岩鹰就说道，
yot zeet sab jouf jus yot zat hsab jef jus	山鹞就说道：
wil ab nriangb diux qib wil ax niangb diux qib	“我没有房关，
wil ab nriangb gous jis wil ax niangb gus jis	我没有笼装。
mob dieed qib diot zad mongx dad qib diot zaid	你拿养在家，
mob dieed yis diot vangl mongx dad yis diot vangl	你拿喂于寨，
naib gheeb wil fud neel hnaib ghangb wil hfed nangl	今后我走南，
diees seeb wil fat jus dias hsaib wil fat jus	以后我飞北，
fud neel aod ib dail hfed nangl ed ib dail	走南任捉一只行了，
fat jus aod ib dail fat jus ed ib dail	飞北任抓一只可矣。”
mens Boux Naox jouf jus mais Bex Nex jef jus	宝瑙妈妈讲，
mens Boux Weel jouf jus mais Bex Wangl jef jus	宝月妈妈说：
nrieex jux bib bid xub niangx jex bib bid hxub	“九月咱款亲，
lat juf bib sos kheet hlat juf bib sos khat	十月咱待客，
dongd seil niox bib aod dongd seil niox bib ed	冷季^[51]留咱用，
dongd xud mob gid aod dongd hxed mongx gid ed	暖季^[52]你再要。”
Wangx Gheib^[53] nangd jouf jus Wangx Gheib hnangd jef jus	往该听就讲，
Dlas Gas^[54] nangd jouf jus Dlas Gas hnangd jef jus	夏戛闻就说：
sax liouf diangl jeex mangl seix liuf diangl jangx mangl	“刚同成生灵，
sax liouf diangl dat mis seix liuf diangl dat mais	刚同成生命，
dieed mil it mob vob ghad dlad dad mongl ait mongx vob ghad dlad	却拿做你锅中菜，
dieed mil it mob doul ghab ceib dad mongl ait mongx dul ghab ceib	却用做你灶中柴，
dieed nenx tak geed fol dad nongx tak gad dat	拿吃作早饭，
dieed haok tak geed mangt dad hek tak gad hmangt	拿喝作晚餐，
dieed it mob nrix ghaob dlieel dad ait mongx ninx gheb dliangl	拿作你牛工价，
dieed it mob mol ghaob vus dad ait mongx mal gheb ves	拿作你马工钱！”
Wangx Gheib ghoud ab hangd Wangx Gheib ghed ax hangd	往该也不愿，
Dlas Gas ghoud ab hangd Dlas Gas ghed ax hangd	夏戛也不肯。
mens Boux Naox jouf jus mais Bex Nex jef jus	宝瑙妈妈讲，
mens Boux Weel jouf jus mais Bex Wangl jef jus	宝月妈妈说：
aob niul not pangd niul eb niel nongf pangd niel	“水虽这样浑，
seid nongf not pangd nongf hseid nongf nongf pangd nongf	话虽这样说，
nib ab nriangb voux qib nenx ax niangb vux qib	它没有笼囚，
nib ab nriangb qut jis nenx ax niangb qut jis	它没有屋关，
not laix not dieed ghab xeed yend not laix nongf dad ghab hxangd yend	各位可以设法躲，
not laix not dieed ghab nrees zouk not laix nongf dad ghab nangs zuk	各位可以拼命逃，
not mil yend gheeb nrongl nongf mongl yend ghangb nongl	各去躲仓脚，
not mil yend gheeb langs nongf mongl yend ghangb langs	各去藏屋下。
hab laib mil gheeb veel^[55] hab laib mongl ghangb veel	别去那寨边，
hab laib mil gheeb xees^[56] hab laib mongl ghangb xees	别去那僻处，
dlieed benf dieet dlieed liud dlangd bongf dat dlangd lied	以免鹰见鹰抓走，
yof jas dieet yof gheet yof jas dat yof ghangt	以免鹞遇鹞叼去。”
jax jeex nrix ghaob dlieel jax jangx ninx gheb dliangl	讲好牛工价，
jus jeex mol ghaob vus jus jangx mal gheb ves	谈好马工钱，
dlieed veex vongl jouf bus dlangd vangx vongl jef bes	岩鹰才抱蛋，
yof zeet sab jouf bus yof zat hsab jef bes	山鹞才孵卵。
bus jeex gheeb dak gheeb bes jangx ghangb dak ghangb	抱了一整年，
bus jeex juf ob lat bes jangx juf ob hlat	孵成十二月，
bus not xix ghab dak bes nof xix ghab dak	孵久羽毛秃，
sot dis jeex geeb yul sot dis jangx gangb yel	身瘦似蜻蜓，
gheel bus sos zax dad ghail bes sos zax dad	抱到尾羽无，
gheel bus sos dliangt dak ghail bes sos dliangt dak	孵到翅毛光，
ib laix ab zeex mangl ib laix ax zangx mangl	一个未出壳，
ib dail ab jis mis ib dail ax jis mais	一个未露脸。
laib nongd git ghox lial laib nongd git ghox lial	“这是寡蛋吧？
laib nongd git langf lial laib nongd git langf lial	这是坏卵吧？”
mil nais dail Wangx Gheib mongl nais dail Wangx Gheib	去问那往该，
mil nais dail Dlas Gas mongl nais dail Dlas Gas	去问那夏戛：
mob daib not xous naib mongx daib not xus hnaib	“你抱多少天，
mob jid not xous mangt mongx jid not xus hmangt	你孵多少夜，
mob daib jouf zeex mangl mongx daib jef zangx mangl	你崽才出壳，
mob jid jouf jis mis mongx jid jef jis mais	你孩才露脸？”
dail Wangx Gheib jouf jus dail Wangx Gheib jef jus	往该就说道：
wil daib ob juf naib wil daib ob juf hnaib	“我崽二十天，
wil jid ob juf mangt wil jid ob juf hmangt	我孩二十夜，
wil daib ghob zeex mangl wil daib ghongb zangx mangl	我崽就出壳，
wil jid ghob jis mis wil jid ghongb jis mais	我孩就露脸。”
dail Dlas Gas jouf jus dail Dlas Gas jef jus	夏戛就说道：
wil daib bab juf naib wil daib bib juf hnaib	“我崽三十天，
wil jid bab juf mangt wil jid bib juf hmangt	我孩三十夜，
wil daib ghob zeex mangl wil daib ghongb zangx mangl	我崽就出壳，
wil jid ghob jis mis wil jid ghongb jis mais	我孩就露脸。”
mens Boux Naox jouf jus mais Bex Nex jef jusv	宝瑙妈妈道，
mens Boux Weel jouf jus mais Bex Wangl jef jus	宝月妈妈道：
laib nongd beed git ghox laib nongd bangd git ghox	“这个恐是寡蛋了，
songl nongd beed git langf songl nongd bangd git langf	这些恐是坏卵啦。
qud nib mil gheeb veel qud nenx mongl ghangb veel	泼它去树脚，
nraif nib mil gheeb xees nenf nenx mongl ghangb xees	甩它去巢下，
gheib jas niox gheib jouk gheib jas niox gheib juk	鸡见留鸡啄，
beet jas niox beet vongs bat jas niox bat vongs	猪见让猪踏！”
gheib nios xil ghab qenb gheib nios xil ghab qub	鸡花自胎内，
Veeb soux xil ghab git Vangb sux xil ghab git	央聪自蛋中，
nriangb xil ghab qenb jax niangb xil ghab qub jax	在胎中说话，
nriangb xil ghab git jus niangb xil ghab git jus	在蛋内发声：
bib dios daib git vongx bib dios daib git vongx	“咱是龙蛋崽，
bib dios jid git eek bib dios jid git eek	咱是蛟卵孩，
bib daib lol it naix bib daib lol ait naix	咱是来做人之崽，
bib jid lol it bul bib jid lol ait bul	咱是来创世之孩，
beed bus ghab nrieex ngal bangd bes ghab niangx ngal	需抱有一年，
beed bus ghab nriut jit bangd bes ghab hniut jit	需孵达一岁。
bus ib douf naib deib nab bes ib duf hnaib deib naib	再抱一斗^[57]日吧妈妈，
bus juf ob mangt deib mens bes juf ob hmangt deib mais	再孵十二天吧妈妈，
ab deif dat bib menb ax deif dat bib mongb	别丢下以免咱病，
ab feek dat bib gos ax fangk dat bib gos	别放弃以免咱亡。”
dieed bus juf ob naib dad bes juf ob hnaib	又抱十二天，
dieed bus juf ob mangt dad bes juf ob hmangt	又孵十二夜。
jouf weix naib khangd nriul jef wix hnaib khangd niel	到了出生日，
jouf leit mangt khangd nas jef leit hmangt khangd nas	到了诞生时，
bid naib nib ghob lol baid hnaib nenx ghongb lol	果然就孵出，
leit mangt nib ghob dlif leit hmangt nenx ghongb dlif	果然就诞生。
ghob Veeb lol fend nriut ghob Vangb lol hfud hniut	央本最先生，
xid ab benf daib not hxid ax bongf daib not	见别个未出，
diangd gheeb mil dliongk git diangd ghangb mongl dliongk git	转回钻蛋内，
dieed ghab dlouk guk diot dad ghab hluk guk diot	用蛋膜盖着。
ghob dlos dail ghob fub ghongb dlos dail ghob hfob	先是孵出雷，
ghob dlos dail ghob vongx ghongb dlos dail ghob vongx	接着孵出龙，^[58]
ghob dlos dail ghob xud ghongb dlos dail ghob xed	接着孵出虎，
ghob dlos dail ghob lad ghongb dlos dail ghob lad	孵出穿山甲，
ghob dlos dail ghob neeb ghongb dlos dail ghob nangb	又孵出老蛇，
ghob dlos dax zab laix ghongb dlos dax zab laix	孵出了五个，
ghob dlos lol zab dail ghongb dlos lol zab dail	生出了五只。
nriangb dal dail ghob Veeb niangb dal dail ghob Vangb	还剩个阿央，
nriangb dlouk git dib hvub niangb hluk git dib hveb	蛋膜里发声：
wil dios daib ghad vil wil dios daib ghad vil	“我是小满崽，
wil dios jid douk jous wil dios jid duk jus	我是老幺孩，
naib ab wil jouf lol hnaib ab wil jef lol	日暮我才生，
mangt gos wil jouf lol hmangt gos wil jef lol	黄昏我才出。”
jouf bus fud ob xib jef bes hfed ob hxib	又孵了二时，
jouf lol dail ghob Veeb jef lol dail ghob Vangb	才诞生阿央。
ghob diangl lol diut laix ghongb diangl lol diut laix	共出生六位，^[59]
ghob dlos lol diut dail ghongb dlos lol diut dail	共出世六雄。
yangf diut laib git ghox yangf diut laib git ghox	剩六个寡蛋，
yangf diut laib git langf yangf diut laib git langf	余六只坏卵，
wad dlieed lol caod mil wid dlangd lol ced mongl	鹰妈妈打扫，
wouk naos lol mouf mil wuk nes lol muf mongl	鸟婆婆清除。
caod mil bus jox aob ced mongl bus jox eb	扫它去河里，
mouf mil bus deil seet muf mongl bus deil hsat	摔它去滩涂，
mil zaok jul jox aob mongl zek jul jox eb	染黑了长河，
mil niul jul jox jid mongl niel jul jox jid	污浊了深潭。
Dins Lax jouf lol ghoud Dins Lax jef lol ghed	定拉才来封，
Dins Send jouf lol meef Dins Send jef lol hmat	定圣才来谕，
lol ghoud daib git ghox lol ghed daib git ghox	来封寡蛋崽，
lol meef jid git langf lol hmat jid git langf	来谕坏卵孩，
jeex juf ob xib^[60] liub jangx juf ob hxib hlieb	做十二种大邪，
jas juf ob xib yut jas juf ob hxib yut	当十二种小煞：
bix ghab it Boux Bix baix ghab ait Bex Baix	落下的名宝比，
nraif ghab it Boux Nraif nenf ghab ait Bex Nenf	摔下的名宝奈，
daob ghab it Boux Daob deb ghab ait Bex Deb	泡住的名宝叼，
daol ghab it Boux Daol del ghab ait Bex Del	浸住的名宝蹈，
ghox ghab it Lol Ghox ghox ghab ait Lol Ghox	败坏的名洛果，
langf ghab it Lol Langf langf ghab ait Lol Langf	沉陷的名洛狼。
Boux Bix bus sangx diongb qongd fangf Bex Baix bus sangx diongb qongd fangf	宝比落在房中寝处，
bus songx khab qut xut bus songx khab qut xet	落在木床竹床，
jeex nrinx aob xeib wad aob xeed jangx ninx eb hxib wid eb hxangd	成为清水女血水妇；^[61]
Boux Nraif bus vongl dloub vongl nios Bex Nenf bus vongl dlub vongl nios	宝奈落在白崖花崖，
jeex nrinx dliangd vongl wad dliangd zeet jangx ninx dliangd vongl wid dliangd zat	成为滚崖女坠崖妇；^[62]
Boux Daob bus aob liub aob yeed Bex Deb bus eb hlieb eb yangd	宝叼落在大江大河，
dieed dieik gib wix gib khongd dad dik gib waix gib khongd	又腾入天宇苍穹，
jeex nrinx nenx nrongl wad haok zad jangx ninx nongx nongl wid hek zaid	成为呑房女食屋妇；^[63]
Boux Daol bus gheeb jox gheeb niul Bex Del bus ghangb jux ghangb niel	宝蹈落在桥脚鼓下，
dieed dieik veex hob bil dad dad dik vangx hob bil dad	又跳入高山长岭，
jeex nrinx nenx hob wad haok dat jangx ninx nongx hob wid hek dat	成为呑雾女食露妇；^[64]
Lol Ghox bus ghab ghox ghab daot Lol Ghox bus ghab ghox ghaib det	洛果落在树脚，
jeex yous dliangd jil yous dliangd daot jangx yus dliangd jil yus dliangd det	成为跌树男落树汉；^[65]
Lol Langf bus lieix dob ongd langf Lol Langf bus lix dob ongd langf	洛狼落在深田滥塘，
jeex yous lieix dob yous ongd langf jangx yus lix dob yus ongd langf	成为深田男滥塘汉。^[66]
ghab dail lint git dlouk git ghab dail liut git hluk git	那些蛋壳蛋膜残片，
ghab dail jenb git lat git ghab dail jenb git hlat git	那些蛋黄蛋白残渣，
ghab dail aob git xeeb git ghab dail eb git hxangb git	那些污液秽丝残汁，
jeex nrinx gos bas wad gos joud jangx ninx gos bais wid gos jud	成为醉醪女醉酒妇、^[67]
nrinx yeed aob wad yeed put ninx yangd eb wid yangd put	投水女落水妇、^[68]
nrinx jox nrab wad dail xeet ninx jox nab wid dail hxangt	绿线女红丝妇、^[69]
nrinx xid feid wad xent nrins ninx xit feid wid xent nins	踢脚女碰脚妇、^[70]
nrinx veex jib wad but doul ninx vangx jib wid but dul	灶边女火塘妇……^[71]

_{[1]
bak ghaot Wongl（翁爸爸）：一说是嘎对神的别称。}_{[2]
Boux Naox（宝瑙）、Boux Weel（宝月）：系一人二名。也有的口传版本称为Boux Wongl（宝月）、Boux Yud（宝育）。}_{[3]
Boux Naox（宝瑙）、Boux Weel（宝月）：系一人二名。也有的口传版本称为Boux Wongl（宝月）、Boux Yud（宝育）。}_{[4]
lieix niul：直译“鼓藏田”，指举行吃鼓藏活动时用来架放木鼓、斗牛、杀牛、跳铜鼓舞等的一块田。黔东南苗族村寨大多建在山坡上，寨中少有宽阔的公共活动坪子，故大型活动多选择在寨边大田举行。}_{[5]
dad meid：直译“长长的牙齿”，但这里是作为俗语来用，意为伶牙俐齿且言词尖刻。}_{[6]
Veex Daob Nil（也刀尼）、Bil Daob Bangs（排刀磅）：山坡名。Daob即daot（树；木棍）的变调读音，此处是daot nias 省称，指银拐杖、金拐杖。}_{[7]
Veex Daob Nil（也刀尼）、Bil Daob Bangs（排刀磅）：山坡名。Daob即daot（树；木棍）的变调读音，此处是daot nias 省称，指银拐杖、金拐杖。}_{[8]
nenx lieix（直译“吃田”）、haok ongd（直译“喝塘”）：nenx lieix haok ongd是个成语，意为“耕耘”，此处是为对仗的需要而分拆在上下两句来说。}_{[9]
nenx lieix（直译“吃田”）、haok ongd（直译“喝塘”）：nenx lieix haok ongd是个成语，意为“耕耘”，此处是为对仗的需要而分拆在上下两句来说。}_{[10]
Boux Nrieix（宝尼）、Boux Liangl（宝良）：实际是同一个人的两个名字。}_{[11]
Boux Nrieix（宝尼）、Boux Liangl（宝良）：实际是同一个人的两个名字。}_{[12]
Ghab Lieex daib Dlas Qib、Ghab Deit vangt Dlas Louf：此二句并不是“嘎里儿子夏期、嘎对儿子夏路”之意，而是指出生在天神嘎里、嘎对村寨里的翁爸爸的孩子。}_{[13]
Ghab Lieex daib Dlas Qib、Ghab Deit vangt Dlas Louf：此二句并不是“嘎里儿子夏期、嘎对儿子夏路”之意，而是指出生在天神嘎里、嘎对村寨里的翁爸爸的孩子。}_{[14]
geeb bax、geeb liuf：即geeb bax liuf（蝴蝶），口语中不能分拆。}_{[15]
geeb bax、geeb liuf：即geeb bax liuf（蝴蝶），口语中不能分拆。}_{[16]
ghad dliangk（野猫粪）：也有的口传版本为ghad ghongs（穿山甲粪）或ghad nral（鱼屎）。}_{[17]
songd nriul：直译“生骨”，指新去世者的尸身。}_{[18]
公（ghaot）：指宝瑙的丈夫。苗俗：有了子女的中年夫妇，对他人说到自己的配偶时常称之为“公”、“奶”，不称为“丈夫”、“妻子”。}_{[19]
songd ngees：直译为“干骨”，指逝去多年的尸骨。}_{[20]
doud（皮）：下文dak doud 的省称，指蝴蝶翅膀、翅膜。}_{[21]
xangx bil：两只手掌一拍擦而过的动作，表示得意洋洋拍手称快的行为。}_{[22]
leid gent：见本篇《祭公祀奶》注3、4。此处指拍手称快或羞死他人。}_{[23]
Wangx Ceib（往吹）：风的拟人名。}_{[24]
Dlas Nraif（夏乃）：扇子的拟人名。}_{[25]
daib yul mod：对幼蜻蜓的拟人化称呼。yul 指geeb yul（蜻蜓），mod 指geeb mod（蜻蜓的幼虫）。}_{[26]
无鸡续笼、无猪续圈：比喻无子女，绝嗣。}_{[27]
yul daox、yul laot：geeb yul daox（直译“铜蜻蜓”）、geeb yul laot（直译“铁蜻蜓”）的省称，口语中多只称geeb yul daox，这是一种身上有黄黑相间“斑马纹”的体形巨大的皇蜻蜓。}_{[28]
yul daox、yul laot：geeb yul daox（直译“铜蜻蜓”）、geeb yul laot（直译“铁蜻蜓”）的省称，口语中多只称geeb yul daox，这是一种身上有黄黑相间“斑马纹”的体形巨大的皇蜻蜓。}_{[29]
dangx：ghab dangx（水塘）的省称。口语中不能省称。}_{[30]
weel but（祭祖塘）：实亦指上句的lieix niul（鼓藏田）。}_{[31]
xid、nras：wad xid（寡妇）、wouk nras（寡妇）的省称。口语中不能省称。}_{[32]
xid、nras：wad xid（寡妇）、wouk nras（寡妇）的省称。口语中不能省称。}_{[33]
gangs：gangf（把握、掌握）的变调读音。}_{[34]
dail hvub、dail seid：ghab dail hvub seid（那些话语）的省称。口语中不能省称。}_{[35]
dail hvub、dail seid：ghab dail hvub seid（那些话语）的省称。口语中不能省称。}_{[36]
Boux Gheib（宝该）：母鸡的拟人名。}_{[37]
龙蛋、蛟卵：形容宝瑙妈妈生下的是很宝贵的蛋。}_{[38]
龙蛋、蛟卵：形容宝瑙妈妈生下的是很宝贵的蛋。}_{[39]
gib diux：ghab gib diux（门背角）的省称。}_{[40]
lius：鸡（gheib）的古称或别称。只出现于古歌或《贾》中，口语中已消失。}_{[41]
Boux Gas（宝戛）：母鸭的拟人名。}_{[42]
gib lieix、nail ongd：ghab gib lieix（田角落）、ghab nail ongd（水塘泄水口）的省称。}_{[43]
gib lieix、nail ongd：ghab gib lieix（田角落）、ghab nail ongd（水塘泄水口）的省称。}_{[44]
ok：鸭（gas）的古称或别称，只出现于古歌或《贾》中，口语中已消失。}_{[45]
四棱藤（nais xeet lieef）：一种藤本植物，枝干四棱形，有节，根可入药，常见于山野路旁。}_{[46]
苗族生产习俗：过去农历二三月间，苗家喜成片砍伐一些山坡上的杂树、荆棘藤草，烧之以便撒播小米。犁田挖地时，也要把田边地角旁的灌木丛及杂草等烧掉，以减少鼠雀病虫危害庄稼。}_{[47]
Wangx Aob（往乌）：洪水的拟人名。}_{[48]
Dlas Doul（夏逗）：大火（山火）的拟人名。}_{[49]
mongl：geeb mongl（蜜蜂）的省称。口语中不能省称。}_{[50]
有些红杉的枝丫，木质是半红半白状或多红少白状，这种木材比白杉坚硬且更富韧性（故此处说“坚如钢，硬如铁”），常被苗家砍来制造尖担（一种两头尖锐，用于挑柴草的扁担）、刀把等。}_{[51]
冷季、暖季：远古苗历把一年分为冷暖两季，每季各6个月。老鹰多在温暖的季节飞临村寨边叼鸡鸭。}_{[52]
冷季、暖季：远古苗历把一年分为冷暖两季，每季各6个月。老鹰多在温暖的季节飞临村寨边叼鸡鸭。}_{[53]
Wangx Gheib（往该）：公鸡的拟人名。}_{[54]
Dlas Gas（夏戛）：公鸭的拟人名。}_{[55]
gheeb veel、gheeb xees：口语中只称gheeb veel xees，指苗寨边上的空僻杂草乱生之处。此处为对仗而把合成词分拆为二。}_{[56]
gheeb veel、gheeb xees：口语中只称gheeb veel xees，指苗寨边上的空僻杂草乱生之处。此处为对仗而把合成词分拆为二。}_{[57]
斗（douf）：苗历单位，一“斗”为十二数。参见本篇《制订历法》章。}_{[58]
也有的口传版本说先孵出龙，后孵出雷。本整理稿依多数贾师之说。}_{[59]
也有的口传版本述，孵出的不仅有雷、龙、虎、穿山甲、蛇和人祖央六位，还有黄鼠狼、蛙、蚊、蜂等。}_{[60]
xib（希）：苗族原始宗教观念里十多类鬼神中的一类。这是一类凶恶的邪煞，人受其害非死即伤。在下文列举的十余种邪煞中，除了火灾鬼需以黄牛祈禳，烧伤鬼、踢脚鬼以公鸡祈禳外，其余的要用公狗祈禳。}_{[61]
清水女血水妇：指致妇女难产甚至死亡的“月子鬼”。此句及后文中的“女、妇”均系直译，表示该鬼是女性，这应是苗族对其母系氏族社会时代的原始宗教记忆的反映。}_{[62]
滚崖女坠崖妇：指致人坠崖滚坡伤亡的“坠崖鬼”。}_{[63]
呑房女食屋妇：指引发火灾烧毁村寨房屋的“火灾鬼”，它被认为是六个“坏蛋”中生成的危害最大的邪煞。}_{[64]
呑雾女食露妇：指致人最后浮肿死亡的“浮肿鬼”，苗语俗称mous vongx（音“牟痈”），传说伴随雨雾出现的虹是其现形，因此苗民过去见彩虹出现均避之不及。}_{[65]
跌树男落树汉：指致人跌下树而死伤的“跌树鬼”。}_{[66]
深田男滥塘汉：指可致冤家仇人伤病亡的“冤家鬼”。在“希”类鬼中，只有此鬼是由人（巫师）指使而被动去作祟于仇人，其他的都是主动去作祟人。}_{[67]
醉醪女醉酒妇：指致人发生癫痫之类疾病的鬼。}_{[68]
投水女落水妇：指致人投水自杀或落水溺水的“落水鬼”。}_{[69]
绿线女红丝妇：指致人得病枯瘦而亡的“干痨鬼”，苗语俗称之为mous vongx ngees（音“牟痈额”）。}_{[70]
踢脚女碰脚妇：指致人行走时踢脚而受伤出血的“踢脚鬼”。}_{[71]
灶边女火塘妇：指致人被火烫伤的“烧伤鬼”。}

苗族贾理（第二版）（上）

目录

创世篇 [收起]

洪水篇（上） [收起]

洪水篇（下） [收起]

迁徙篇（上） [收起]

迁徙篇（下） [收起]