铜锣声声献给萨
(一)
Danl xup Nyangh Wangh sangx Sax Siis, | 当初仰汪生萨岁, |
danl xup Sax Siis baengh Sax Bias. | 当初萨岁雷婆帮。 |
Lis nyinc xebc siik Sax guans xaih, | 一十四岁萨管村, |
xaih naih liemc liemc saip Sax xal. | 村宽寨大萨遮挡。 |
Duc xeengp bedl aiv saip Sax guans, | 家禽家畜萨帮看, |
hadp songk gueec senc nyaemv ags map. | 早上放牛晚归圈。 |
(二)
Danl xup Nyangh Wangh xiv al Sax, | 当初仰汪赞颂萨, |
Sax Bias wul menl dongc xaok xenp. | 天上雷婆同打扮。 |
Siik Sax wap liemc nyenc sagc xih, | 四个姊妹镇贼人, |
yidx Sax laos dih taik biingc yenc. | 牵萨进坛寨太平。 |
(三)
Xenp siis xenc nyinc daengv dens dih, | 申子辰年创立地, |
siix youx xut nyinc daengv dens menl.. | 巳酉丑年创立天。 |
Yenc ngoc xedp nyinc daengv dens juis, | 寅午戌年创立鬼, |
kgeix meeux mih nyinc out jingl danc. | 亥卯未年野兽啼。 |
(四)
Danl xup Mut Lanc sangx Sax Siis, | 当初木兰养萨岁, |
danl xup Mut Lanc yidx Sax map. | 当初木兰牵萨来。 |
Sax lis xebc siik Sax guans xaih, | 一十四岁萨管村, |
xaih naih liemc liemc saip Sax xal. | 村宽寨大请萨盖。 |
(五)
Daeml neit meix mags dangc jeenh Sax, | 萍塘大树萨殿堂, |
siik wangp bav nyax dos mieec wangc. | 四角纱车绕纱王。 |
Dongc lac noih noih dos nyac Sax, | 铜锣声声献给萨, |
aol sax laos dih xaih donc yangp. | 请萨进坪寨团圆。 |
(六)
Daih edl ongs nyuc saip Sax sangx, | 一请萨岁管牛公, |
daih nyih ongs nguk saip Sax naengc. | 二请萨岁看猪公, |
Daih samp ongs yangc saip Sax nuv, | 三请萨岁守羊公, |
aol Sax laos dih sagc yah baengl. | 要萨坐殿镇贼人。 |
(七)
Samp mingh xeengp douc suit liix Sax, | 要寻三牲来祭萨, |
siik bedl siik aiv suit liix daengc. | 四鸡四鸭供萨坛。 |
Meix xigt taemt langh xal donc xaih, | 魔尺保护遮村寨, |
aol Sax laos dih sagc yah beangl. | 要萨进坪贼胆寒。 |
(八)
Danl xup Sax Uns suiv jeenh dees, | 当初萨温坐下殿, |
danl xup Sax Mags suiv jeenh pangp. | 当初萨玛坐上殿。 |
Naih daol saoh jingh jeml denl | 如今我们备办金凳 |
aol Sax suiv, | 请萨坐, |
Sax laos jemc naih taik biingc yangc. | 萨坐殿堂太平年。 |
(九)
Jiuc senl Damc Yangc dangc jeenh Sax, | 萨的殿堂在丹阳, |
naih daol yidx Sax daengl touk | 如今请萨来到 |
donc senl yangp. | 护山乡。 |
Daih namc siut nyux saip Sax guans, | 大男小女萨帮管, |
liogc qogp wac daoh monx jenc | 六畜兴旺 |
oux monx sangp. | 谷满仓。 |
(十)
Semh lis maenl lail anl dangc naih, | 寻好吉日安萨坛, |
daol anl dangc naih dah senl yangp. | 咱村萨坛盖四方。 |
Sax Siis touk map senl daol nyaoh, | 萨岁来到咱寨住, |
Sax Siis daol nyaoh weenh nyinc jaengl. | 萨岁坐殿万年强。 |
(十一)
Nyenc daol weex sangh | 坛师立坛 |
xebt xih ank dens biingv, | 都要寻根本, |
semh lis maenl lail | 择好吉日 |
daengh xaop anl dih douc. | 把那坛来安。 |
Yidx Sax laos xul duc laos dih, | 引萨进州畜进地, |
Wangc Xeeuc liigx siih xiv menc louc. | 王朝历书定门楼。 |
Nyenc menc liogc qogp saip Sax guans, | 六畜人丁请萨管, |
duc xeengp bedl aiv saip Sax jul. | 家禽养牲请萨看。 |
Naih daol anl xih douh dens | 今咱安好神坛 |
nyenc menc xangh, | 人丁兴, |
yangh yangh xebt lail gail dah wul. | 样样发达盖四方。 |
Wedt nyenc bieel bieel | 人丁兴旺 |
qak daengl eel gaos weenh, | 发家创大业, |
wedt wangc Wuc Mieenh jeenx jangl yuc. | 吴勉大王护村乡。 |
Duc nyenc weex sangh baengh biingl xus, | 坛匠设坛靠坛主, |
mus xaop gaos daens jenx xul | 日后你们头戴珠冠 |
nyaoh naenl senl dih douc. | 都因萨坛护。 |
Sax Siis weex dens | 萨岁坐镇 |
daol ags nyenc menc xangh, | 人丁旺, |
yangh yangh xebt lis | 吃穿不愁 |
weenp daol ags louh muc. | 样样强。 |
Daeml yav digs jenc nyaenc digs sangp, | 田地满山银满柜, |
naih daol yanc yanc donc xingv | 家家兴旺 |
jingv bail weenh nyinc sup. | 定会万年长。 |
(十二)
Wenp sagx lieeux, | 砌成坪, |
laox sangh daengl sonk songk dih lac. | 请来坛匠定坛心。 |
Naengc dih nup lail saip Sax suiv, | 选好地方给萨住, |
aol Sax suiv dih weenh nyinc nal. | 有萨坐殿万年兴。 |
(十三)
Danl xup nyac Sax nyaoh gaos ganv, | 当初萨岁住高崖, |
naih yaoc xeip ongl daengl touk | 今我坛匠来到 |
aol nyac Sax luih daengl. | 请你萨下来。 |
Xeenp Nyux wul menl beenh denl suiv, | 天上仙女备板凳, |
naih yaoc songk soh dongc lac | 今我鸣锣开道 |
aol nyac Sax xonv yangp. | 牵你萨回乡。 |
(十四)
Maenl naih maenl lail Sax xonv dih, | 今天吉利萨回殿, |
Sax daol xonv dih juis xonv yangp. | 萨岁回殿鬼回门。 |
juis xih xonv yangp baos namc nyux, | 鬼回阴间护男女, |
Sax daol xonv dih taik biingc yangc. | 萨岁回殿寨太平。 |
(十五)
Meix xigt taemt langh dos dav dih, | 魔尺保护置大坪, |
biingv sanv wangc jiv dav dih yangl. | 皇帝赐伞竖中央。 |
Biingv sanv wangc jiv xal xenp Sax, | 皇帝赐伞萨遮阴, |
hadp xih baos bail nyaemv baos daengl. | 早出晚归萨护场。 |
(十六)
Danl xup Sax Siis | 当初萨岁 |
nyaoh oc dinl nanh louv, | 住在螺瀑下, |
Wangc Xeeuc deic douh sunx maoh map. | 王朝拿准送她来。 |
Sunx maoh touk map Biial Samp Sums, | 先是来到笔架山, |
Guanl Ongl ums maoh nonx samp jac. | 贯贡鸣锣拥她来。 |
Xebc nyih saems waic saip Sax Siis, | 十二骨扇送萨岁, |
nuv xaop eip lis meix naih | 若是你们答得对 |
sonk xaop laox sangh al. | 算是你们好歌才。 |