目录
牵萨进堂
（一）
Yidx Sax quk， | 牵萨走， |
yidx Sax heengp luh quk yangc yangc. | 牵萨行走路漫漫。 |
Maenl naih maenl lail yidx Sax quk， | 今天吉利牵萨走， |
xah laot langc jeml diux dah | 只有郎君聪明 |
yidx maoh Sax laos dangc. | 牵她萨进堂。 |
（二）
Yidx Sax quk， | 牵萨走， |
yidx Sax heengp luh quk jaenl nyal. | 牵萨行走河坎上。 |
Duds taop lienc miax dongc lac qit， | 手持草标鸣铜锣， |
dongc lac ebc dih xal siik wangp. | 铜锣扑地罩四方。 |
Maenl naih maenl lail yidx Sax quk， | 今日吉利牵萨走， |
xah laot langc jeml diux dah | 只有郎君聪明 |
yidx maoh Sax laos dangc. | 牵她萨进堂。 |
（三）
Laos dangc qop， | 进歌堂， |
edl xih qop xees nyih qop wap. | 一跳左来二跳右。 |
Nyih xih qop wap | 二跳右来 |
aol nyac Sax dos unv， | 要你萨领先， |
aol Sax dos unv lail cangp al. | 要萨领先放歌喉。 |
（四）
Danl xup Dux Nangc bux Sax Siis， | 萨岁父亲是都囊， |
bux maoh Dux Nangc yuv baov guanl. | 都囊是她父亲名。 |
Dux Nangc sangx maoh | 都囊生她 |
weex nyil bux saip maoh， | 本是她父亲， |
eis yongh eip guanl liigx siih | 不需翻书查找 |
jav daol meec dens danc. | 咱自有根去寻。 |
（五）
Danl xup Nyangx Xangh neix Sax Siis， | 萨岁母亲是仰香， |
neix maoh Nyangx Xangh yuv baov guanl. | 仰香是她母亲名。 |
Nyangx Xangh sangx maoh | 仰香生她 |
weex nyil neix saip maoh， | 本是她母亲， |
naih daol piip guanl liigx siih | 今天树名立字 |
jav ags meec dens danc. | 自有根底寻。 |
（六）
Danl xup Dux Nangc saoh yanc sox， | 当初都囊造房屋， |
saoh ngox eenl yanc xengc donh jeml. | 造五间屋装金谷。 |
Saoh ngox eenl yanc liingc ags nyaoh， | 造五间屋自己住， |
lis kuedp wangc liigx lis webt wangc. | 遇王利铁法力足。 |
（七）
Lis kuedp wangc liigx | 得了王利铁 |
dunv wenp xangv miuc unv， | 打成把剪刀， |
dunv wenp xangv miuc eis ams deic. | 打成剪刀不敢拿。 |
Dunv wenp xangv miuc deic bail jemv， | 打成剪刀拿去试， |
liabs baov aenv nanx labs yabs neip. | 拿去剪肉闪光华。 |
（八）
Lis kuedp wangc liigx | 得了王利铁 |
dunv wenp xangv dol unv， | 打成把大刀， |
dunv wenp xangv dol eis ams yangc. | 打成大刀不敢扬。 |
Dunv wenp xangv dol menl weenp wak， | 打成大刀世道变， |
dunv wenp xangv miax labs yabs guangl. | 打成大刀闪闪亮。 |
（九）
Dunv wenp xangv dol bail daengl sat， | 打成大刀去打仗， |
nyimp maoh singk liix daoc lonh sungp. | 与他李家争高强。 |
Daol lis xangv dol banx buh qeek， | 咱有大刀别人怕， |
xonv map weex xih toik yav daol. | 转来夺回咱田塘。 |
（十）
Kuaot laox pienk dol jaol biedc bagl， | 老酒喷刀藤缠鞘， |
nyimp maoh singk liix daoc lonh sungp. | 先与李家来辩论。 |
Nyimp maoh singk liix daoc lonh xeih， | 与他李家论是非， |
lonh xeih jus nyinc lenc buh wenp. | 争斗九年事才平。 |
Lonh xeih jus nyinc wenp xeih lieeux， | 争斗九年事平息， |
toik daeml toik yav geev biingc yenc. | 退塘退田分均匀。 |
（十一）
Danl xup Sax Bias | 当初雷婆 |
nyimp Sax linl xeih unv， | 先与萨生事， |
yuh lis Xangl Liangc Xangl Muih | 又有章良章美 |
nyimp maoh lonh xeih lenc. | 与她争输赢。 |
Maoh xih lonh xeih jus nyinc jus， | 案子拖了九年九， |
jus nyinc jus ngax taik biingc yenc. | 九年九代得太平。 |
（十二）
Xigx Daoh xangk maix | 石道思妻 |
weex nyil bienl beis gaiv， | 一心想报仇， |
xangk siip kabp huh daengl beis singc. | 思妻想夫来赔情。 |
Nyenc xih singk liix nyenc singk wuc， | 有人姓李人姓吴， |
dogc xangk Xenp Nuc weex nyenc singc. | 只想杏妞做情人。 |
Nyenc xih singk huc nyenc singk gul， | 有人姓胡人姓顾， |
dogc yaot eis xux weex eis yingc. | 只怕不赢难太平。 |
（十三）
Douv singc eis lis | 丢不下情 |
jiul hah weex nyil maix saip maoh， | 我才做他妻， |
gueec baov Xigx Daoh daih edl langc. | 并非石道第一郎。 |
Maoh fanc cuc lis | 他能还仇 |
jiul hah weex siip huh， | 咱才结夫妻， |
qamt kuenp dongc luh | 走路同行 |
buh ags douh sais nyangc. | 真合姣心肠。 |
（十四）
Yaoc baov Xigx Daoh saox Sax Siis， | 石道本是萨丈夫， |
Jal Juiv Jal Muih yuv baov guanl. | 佳巨佳美要报名。 |
Sax daol bail saox bens xenp eev， | 咱萨自主结婚姻， |
yenv yuih Wangc Sut eis dongc xangc. | 因为王述不同床。 |
（十五）
Wangc Sut saoh jiv sat Xigx Daoh， | 王述施计杀石道， |
gaos jemh liaop jinl leix luih nyal. | 山顶掀岩滚下河。 |
Gaos jemh liaop jinl leix luih jemh， | 山顶掀岩滚下冲， |
Wangc Sut saoh jiv jinl rabl nac. | 王述施计石道亡。 |
（十六）
Sat deil Xigx Daoh saox Sax Siis， | 萨岁丈夫石道死， |
lenc lis Wangc Sut map daengh saengv. | 后有王述来帮葬。 |
Maoh nyimp Wangc Sut weex siip huh， | 她跟王述假结婚， |
qamt kuenp dongc luh buh qingk saengl. | 走路同行心各样。 |
（十七）
Sax Siip saoh jiv sat Wangc Sut， | 萨岁施计杀王述， |
baems meix songh miingc soh liaiv sangc. | 伐倒松树把命丧。 |
Baems meix songh miingc soh liaiv duv， | 伐倒松树把命断， |
sat deil Wangc Sut Sax wuip yangp. | 杀死王述萨游乡。 |
（十八）
Daih edl Sax Siis Samp Sums nyaoh， | 萨岁先住笔架山， |
daih nyih Sax daol dogl Gax Xul. | 后来才是到卡州。 |
dees xih meec maengl wul meec ganv， | 下有深潭上是崖， |
Deenh Langc wanh waic | 德郎换扇 |
Sax hah leil luih xul. | 萨才跌入洲。 |
（十九）
Danl xup Dux Nangc dingh louc siit， | 当初都囊摔楼死， |
douv maoh Jal Juiv Jal Muih | 丢下佳巨佳美 |
luih jaenl maengl. | 走潭岸。 |
Samp eep heengp daengl touk nanh xuit， | 三人来到瀑布下， |
Xenp Nyux baov maoh | 杏妮她说 |
xingv jangs lagx dux nangc. | 生父是都囊。 |
Jeml guil nyagc dangc saip Sax nyaoh， | 金桂插堂给萨往， |
aol Sax liigx jongl suiv jeenh | 要萨坐殿 |
songk maoh Sax suiv jaengl. | 住久长。 |
（二十）
Danl xup Dux Nangc dingh louc siit， | 当初都囊摔楼死， |
Xenp Nyux douv jiv dingh louc deil. | 杏妮失计父才亡。 |
Yenv yuih Sax Siis heengp ags mangv， | 萨岁各自走一方， |
padt bux Sax Siis lienc aox yanp. | 父亲热血洒菜园。 |
Ongl mal ngaemc yak padt bux maoh， | 红叶苋菜血染红， |
douv ongl mal jav maoh eis janl. | 这种苋菜她不尝。 |
（二十一）
Sax Siis xih deil | 萨岁身死 |
deic bail dangc neit saengv， | 拿去萍塘葬， |
lenc lis Jus Kup | 后有九库 |
liigx maoh weex Sax Biingl. | 立她为萨神。 |
Lis nyinc xebc siik Sax guans xaih， | 一十四岁萨管寨， |
aol Sax guans xaih weenh nyinc yingc. | 要萨管寨万年盈。 |
（二十二）
Mix xiv menc louc | 未置门楼 |
xeenh xiv dih douc unv， | 先把萨坛置， |
anl xiv dih douc dos dav senl. | 安置萨坛村中心。 |
dadl baenl sanp sons mux daengl douh， | 砍竹编“转” [1] 节对节， |
sank sup sank yak biedc dih menl. | 绿伞红伞罩坛顶。 |
Hedp samp naenl jeens songk dees dih， | 晨敬三杯放地上， |
ads xis dinl yeep beec dah lenc. | 剪成纸网再卜卦。 |
Meix xigt taemt langh saip nyac Sax， | 魔尺保护赠给萨， |
aol Sax suiv jeenh weenh nyinc xenp. | 要萨坐殿万年长。 |
（二十三）
Semh nyedc samp anl map jibx sagx， | 三安吉日来垒坪， |
semh nyedc samp wagx jibx sagx biingl. | 三众吉日来垒坛。 |
jibx xih sagx biingl saip Sax nyaoh， | 垒起坪坛给萨住， |
aol Sax liigx jongl suiv jeenh | 要萨立中坐殿 |
weenh xonh yingc. | 千般旺。 |
（二十四）
Suit xenp qeex qeex liix Sax Siis， | 盛装打扮萨年轻， |
Sax Siis suit xenp ags yangh nyenc. | 萨岁打扮真迷人。 |
Yidx juis laos dangc yuv biingv sank， | 牵萨进堂要把伞， |
lagl guil mix lanh sank xal menl. | 桂桩立地伞遮阴。 |
（二十五）
Naenl wap Sax Siis | 萨岁之花 |
yil yangh xis dugs tonk， | 好比蒜皮白， |
Sax Siis xonc xuh yuh xebc wenp. | 萨岁完美好十分。 |
Ngox Sax daenl mal aol labc deih， | 五萨摘菜装进袋， |
naengl meec juis xangp xaox guix | 还有大鬼小鬼 |
xut oc bags ngac menc. | 把口守衙门。 |
（二十六）
Xiv xebc nyih dih saip Sax Siis， | 指十二地给萨岁， |
xebc nyih dih yeml xebc dih yangc. | 十二地阴十地阳。 |
Xebc nyih dih pangp xebc dih taemk， | 十二地高十地矮， |
Sax Siis daengl naemv ags douh dangc. | 萨岁来坐真合堂。 |
（二十七）
dagc yangc wumx nyumx saip nyac Sax， | 公羊绒绒赠给萨， |
siik wangp bav nyax dos mieec daengc. | 四叶纱车缠绕坛。 |
baol laox samp miedl jedl samp jongv， | 三旋老角三弯腿， |
sat liees dogl dih sagc yah baengl. | 杀羊落地贼自溃。 |
（二十八）
Damc Yangc hak aiv dangc jeenh Sax， | 下界丹阳是萨殿， |
siik wangp bav nyax dos mieec xuc. | 四方纱车紧紧缠。 |
Sax Uns Qinp Bah suiv jeenh dees， | 萨温天巴坐下殿， |
Sax Mags Qinp Siis suiv jeenh wul. | 萨玛天岁坐上殿。 |
Sax Buic Sax Bagx suiv jeenh dav， | 萨培萨把坐中殿， |
ouc xongl wuic wah wox wuih xul. | 口出话语护地方。 |
Guanv Ongl diux dah liigc dih tup， | 贯贡聪明观地理， |
Wangc Sut diux dah | 王述阴险 |
saengv laos dav nyanl sup. | 葬进月中央。 |
（二十九）
Nyinc naih samp anl lail jidx sagx， | 今年吉利好砌坪， |
nyinc naih samp wagx lail jidx biingl. | 今年吉日好垒坛。 |
Mogc Wangc laos jeeuh yidx Sax | 木王进轿牵萨 |
Sax hah nyaoh， | 萨才住， |
yidx Sax laos dih juis laos biingl. | 牵萨进坪鬼进坛。 |
（三十）
Yaoc baov xenp toik eis jibx sagx， | 春天已过莫砌坪， |
qinp baengl dih baih eis jibx biingl. | 天昏地暗莫垒坛。 |
qinp yingl yidx Sax Sax eis nyaoh， | 阴天牵萨萨不住， |
yidx Sax laos dih juis eis yingc. | 牵萨进坪鬼哀哭。 |
（三十一）
Siik wangp biingc xingv sagx biingc xingv， | 四方平正坪平正， |
siik wangp biingc xingv sagx biingc biingc. | 四方平正坪平平。 |
Siik wangp biingc xingv sagx biingc xingv， | 四方平正坪平正， |
aol Sax liigc jongl suiv jeenh | 要萨坐殿 |
baos fuk xaih naih weenh sinp nyinc. | 护佑村寨千万年。 |
（三十二）
Xigx Fuk dogl senl buh eis daih， | 许富落寨无家财， |
bail touk maenl mags maoh agc wox sonk | 长大成人会做会算 |
xonv map gonx touk ngox sinp jenl. | 自会管那五千军。 |
Ongs bux xangk mags sags jinc dih， | 祖宗想发勤耕种， |
sinc daih jingl mih daih edl nyenc. | 丁未钱大第一人。 |
Dal nuv xic jav nyemc ngoc | 眼见壬午 |
maoh buh weex eis lis， | 未成大气候， |
maoh yidx Sax Siis dih wedt lenc. | 牵萨进寨后来成。 |
（三十三）
Dah mangv dongl wangp sibs Sax naih， | 从那东方迎萨进， |
dah mangv siip wangp sibs Sax daengc. | 从那西方接萨来。 |
Jeml guil nyagc dangc saip Sax suiv， | 金桂立堂供萨住， |
aol Sax liigc jongl suiv jeenh | 要萨立中坐殿 |
weenh nyinc jaengl. | 保万代。 |
（三十四）
Sax hoil Sax， | 萨啊萨， |
sank sup sank yak biedc samp luc. | 红伞绿伞绕三周。 |
Biedc xih samp luc xonc xuh lieeux， | 绕上三周齐全了， |
aol Sax suiv dih juis xonv xul. | 请萨坐殿鬼回洲。 |
（三十五）
Lis nyinc xebc siik Sax guans xaih， | 一十四岁萨管村， |
xaih naih liemc liemc saip Sax xal. | 村宽寨大供萨住。 |
Duc xeengp bedl aiv saip Sax guans， | 鸡鸭牛羊萨看管， |
hadp songk gueec senc nyaemv ags map. | 早上放牛晚归圈。 |
（三十六）
Jiuc kuenp liemc liemc saip Sax quk， | 大路平平供萨走， |
jiuc luh liemc liemc saip Sax map. | 大路平平供萨行。 |
Sax map touk sagx wagx xangh bus， | 迎萨到坪众人赞， |
aol Sax liigc oc dih douc biingc tup | 立萨坐殿 |
xup daengl weenh saemh nal. | 人发地富喜盈盈。 |
（三十七）
Maenl edl dos aiv lis aiv xees， | 头天卜鸡寻得左， |
maenl nyih dos aiv lis aiv wap. | 今天卜鸡寻得右。 |
Lis aiv duc mangc lail yangh naih， | 哪样鸡崽这样好， |
jeml nyaenc yonc baox songk digs juil. | 金银元宝滚进屋。 |
（三十八）
Langc toik buh， | 郎退堂， |
langc jeml toik buh Sax xonv biingl. | 金郎退堂萨回坛。 |
Sax xih xonv biingl baos namc nyux， | 萨岁回坛护男女， |
langc jeml toik buh weenh xonh yingc. | 金郎退堂千般强。 |
[1] 转：方言词，一种类似笱（gǒu）的竹编捕鱼工具，外口大，里口小，鱼进去后出不来。
