当初萨岁
(一)
Danl xup Sax Siis | 当初萨岁 |
nyaoh oc jiuc senl Louh, | 在那娄村住, |
bens senl bux maoh | 她的老家 |
dah kgoc Muc Xul daengl. | 本是在梧州。 |
maoh nyaoh Muc Xul eis qingk haot, | 因在梧州难安身, |
yaoc angs guanl maoh | 她的父名 |
xingv guanl Muc Dux Nangc. | 叫作木都囊。 |
Yuih eis lis janl eis jidx duih, | 因为贫穷在人下, |
naemx dal ledp luih liuih xaengp xaengp. | 两只眼睛泪常淌。 |
Qak aox nyal Yongc ongp jemc gueenv, | 上了融河无亲友, |
maenl samp denv weenh ongp nyenc naengc. | 每天三顿也难寻。 |
Map touk Samp Baos weex jemc nyaoh, | 来到三宝把身安, |
Bux Nyais yagc maoh Wangc Sut saengl. | 甫耶可怜王述恨。 |
Bux Nyais sais lail saip eel jiv, | 甫耶好心送田产, |
saip lis il pieenp jenc jih | 送一片山 |
maoh hah nyaoh lis jaengl. | 他才住久长。 |
(二)
Bux maoh Sax Siis lis janl | 萨岁父亲富足 |
nyaengc buh anl eis xuh, | 有人不服气, |
Wangc Sut dul bienl luih bianv map. | 王述调兵下坝来。 |
Begs mungx daih xangv weenh mungx yongx, | 百个大将万个兵, |
xah laot Wangc Sut deic jeenv | 王述拿箭 |
yuv map xeengl donh wac. | 要来抢田塘。 |
Gax lieenl laos senl | 兵马进寨 |
ongp lis mungx nup nuv, | 没有人看见, |
xah laot Gonh Yenh lis nuv | 只有观音发现 |
maoh hah daengh yagc sac. | 她才暗帮忙。 |
(三)
Danl xup Sax Siis soh gaos ganv, | 当初萨岁住高崖, |
Yangc Wac suit hank daih gangl nyangl. | 阳娃打扮不一般。 |
samp xenp samp hak daengl xut nyaemv, | 三春三夏来坐夜, |
jaenx geel Sax Siis wanh waic wangc. | 萨岁身边把扇换。 |
Jaenx geel Sax Siis wanh waic wap, | 萨岁身边换扇走, |
yaoc baov Sax dogl luih angl | 我猜萨岁落潭 |
Sax liaiv sangc. | 把命丧。 |